අපේ දේශපාලනඥයින් බොහෝම දෙනෙක් වගේම විභාග කොමසාරිසුත් ජනතාවට ආදරේ ය. ඇත්තටම ඔහු බොහෝවිට ප්‍රදර්ශනය කර ඇත්තේ නිලධාරියෙකුගේ චරිතයට වඩා දේශපාලනඥයෙකුගේ චරිතය යි. ආණ්ඩුවේ ප්‍රශ්නපත්‍ර පුද්ගලික අංශය විසින් පොත් ලෙස පල කොට මුදල් හොයන්නාවූ ද එමගින් ජනතාවගේ මුදල් ගසා ගන්නා වූද වැඩපිළිවෙලක් ගැන ඔහුගේ අවධානය යොමු වී තිබිණි.
මින් ඉදිරියට කවුරු හරි ප්‍රශ්න පත්තර එහෙම මුද්‍රණය කරල අහුවෙල තිබුනොත් උන්ට විරුද්ධව දැඩි ක්‍රියාමාර්ග ගන්නා බව එතුමා කියා සිටියේ ය.
ආණ්ඩුවෙන් ගහන ප්‍රශ්න පත්‍ර “අඩු මුදලට (?) ලබා ගත හැකිව තිබියදී” පුද්ගලික අංශයෙන් ගහන මේ ප්‍රශ්නපත්‍රම ජනතාව මිලදී ගන්නේ ඇයි?
ඊට හේතු හොය හොයා ඉන්නට වෙලාවක් විභාග කොමසාරිස්ට නැත. ඒ නිසා එතුමා ලෙහෙසිම වැඩේ කළේ ය. ඒ ප්‍රශ්නපත්‍ර ගහන්නන් අල්ලා අච්චු කිරීමට කටයුතු කරන බව කීමට ය.
පෙට්‍රල් ෂෙඩ්වල ඇර පෙට්‍රල් විකිණීම සාමාන්‍යයෙන් තහනම් ය. එහෙත් සිල්ලරට පෙට්‍රල් විකුණන කඩ තිබේ. ඒවා තරමක් ගණන් ය. ඒත් මිනිසුන් ඒවා වැඩිමිලක් ගෙවා ගන්නේ උන්ට ඔලුව අමාරුවක් ඇති නිසා නොවේ. පෙට්‍රල් ෂෙඩ් එකකට යන්නට ඊට වඩා වියදම්වන නිසා ය. පෙට්‍රල් නම් එසේ ගබඩා කර තැබීමේ අනතුරක් ඇත. ඒ නිසා ආරක්ෂාව සදහා තහනම් කිරීමේ යම් තේරුමක් ඇත. එහෙත් ප්‍රශ්න පත්‍ර!
බැංකුවලින් අඩු පොලියට මිනිසුන්ට ණය ලබා ගත හැකි ය. එහෙත් එසේ ලබාගත හැකිව තිබියදී උන් ගිණි පොලියට ණයට ගනිති. ඉතින් මෙය ද ජනතාව ගසා කෑමකි. එහෙත් ගිනි පොලීකාරයා ජනතාවගේ හිතවතෙකි. එසේ වන්නේ බැංකු ණය ගැනීමට ඉදිරිපත් කරන්නාවූ කොන්දේසි ලේසි පහසු මිනිහෙකුට මිස වෙන කෙනෙකුට සම්පූර්ණ කළ නොහැකි නිසා ය. දැන් සමහර ගම්වල ක්‍රියාත්මක වන සමූපකාර ණය ක්‍රමයන්වලින් නම් එක්තරා දුරකට ගිනි පොලීකාරයින් පසුබැස තිබේ. එහෙත් ඒ මෑතක ය. එතෙක් ගම්මුන්ට පිහිට වූයේ ගිනි පොලීකාරයා ය.
ප්‍රශ්න පත්‍ර වැඩේ ද ඊට කිට්ටුවෙන් යයි.
ප්‍රශ්න පත්‍ර අඩු මිලකට විභාග දෙපාර්තමේන්තුවෙන් ගන්නට පුලුවන් නම් පුද්ගලික ව්‍යාපාරිකයින්ට එයින් ජවාරමක් ගෙන යා නොහැකි ය. ඔවුන්ට ඒ සදහා ඉඩක් ලැබෙන්නේ විභාග දෙපාර්තමේන්තුව එසේ නොකරන නිසා ය.
ප්‍රශ්න පත්‍ර සාධාරණ මිලකට ජනතාවට සැපයිමේ නොහැකියාව විභාග කොමසාරිස් වසා ගන්නට හදන්නේ එසේ සපයන්නන් දඩු කදේ ගහලා ය.
හැම පැත්තකින්ම අසාර්ථක වෙමින් සිටින මෙවැනි නිලධාරීන් පාස් කර ඇති විභාග මොනවාදැයි සොයන්නට හිතෙන්නේ පය බරවායට පිටිකර බෙහෙත් බදිනවා වගේ මෙවැනි ගොන් කතා ද කියන විට ය.
Beyond Frame 
කදිරා
August 31, 2010
සෑර්! ඇයි සෑර් ආණ්ඩුවේ කොල පොත් වල තියෙන්නේ පුරශ්නෙ විතරයිනේ මං හදිස්සියෙවත් ඔය කොලයක් පෙරලද්දි නොදන්න පුරශ්නයක් මාට්‍ටු උනොතින්? අපි සිරිවර්ධන සෑර්ගේ හොට් ලයින් එක දාන්න කියමු! නේද සෑර්…
abeetha
August 31, 2010
http://tikakhinawenna.blogspot.com/2010/08/blog-post_30.html
හුරුල්ලා
August 31, 2010
අභීතයියේ, උඹ මොකෑ විභාග කොමසාරිස්ට කඩේ යන්නේ?
beyondframe
August 31, 2010
විභාග දෙපාර්තමේන්තුවත් එක්ක ප්‍රශ්නයක්‍ නෙවෙයි. නිලධාරීන් දේශපාලනඥයින් විදිහට හැසිරෙන්න ගියහම තියෙන අවුල ගැනයි ලිව්වෙ.
ඔබගේ සටහනෙන් විභාග දෙපාර්තමේන්තුවේ සෙසු දේ ගැන කතා කර ඇතිවා මිසක් මෙවැනි අමනෝඥ තීන්දුවක් නිසා දරුවන්ට විය හැකි කරදරය ගැන ප්‍රමාණවත් උත්තරයක් සපයා නැත.
අප කියන්නේ නිලධාරීන් ප්‍රශ්නපත්‍ර සැමට පහසුවෙන් ගත හැකි ක්‍රියාමාර්ග සළසන්නේ නම් ව්‍යාපාරිකයින් දඩු කදේ ගැසීමට අවශ්‍ය නොවන බවයි. එසේ නොකර ව්‍යාපාරිකයින්ට අච්චු කරන්නට ගියහම තැලෙන්නේ අහිංසක ළමුන් හා දෙමාපියන් බවයි.
හුරුල්ලා
August 31, 2010
විභාග කොමසාරිසුත් හරියට ටැබූ වගෙයි නේද? තමන් ඇර වෙන කවුරුත් බ්ලොග් ලියනවට ටැබූත් කැමති නැහැනෙ. එයත් ඒක ජනතා හිතෛශීත්වය කියලා හිතාගෙන ඇති.
Rasika Suriyaarachchi
August 31, 2010
I am glad to hear that there are past papers for sale.
I remember taking the train to Colombo Fort after school and walking all the way to Mallay Street to borrow past papers from the department of examination. There was a bench and a desk there from us to copy them by hand. This was in 1979 and no photo copiers were available like today. In anycase, we could not take them away.
I dont think many people did go into that much trouble. Kids today wont even think about it.
beyondframe
August 31, 2010
තව ටික කාලෙකින් ඕක නැතිවෙනව. මේ කියන විදිහට නම් වැඩ සිද්ධවෙන්නෙ. ආපහු සැරයක් විභාග දෙපාර්තමේන්තුවෙ සේවක මණ්ඩලයේ ආඩම්බර බලන්න වෙනව.
කාලයක් සමූපකාරවල උම්බලකඩ විකුණුව වගේ. ඒ කාලෙ උම්බලකඩ කෑල්ලක් ආසාවට දැක ගන්න අමාරුයි. හොද උම්බලකඩ කෑල්ලක් ගන්න පොඩි සම්බන්ධයක් හරි සම්තිං එකක් හරි තියෙන්නෙ ඕන.
සමූපකාර මැනේජර් කෙනෙක්ව බැදගන්න ඒ දවස්වල ගෑණු කැමැත්තෙන් හිටිය.
abeetha
August 31, 2010
එකෙ පළවෙනි ඡේදයෙන් මම උත්තර දීලා තියෙන්නෙ උඩ කියන ප්‍රශ්නෙට… ඒත් එහි අඩුපාඩු නොතිබෙනවා නෙවෙයි…. ඒත් ඔය දඩු කදේ ගැහිල්ලනම් වෙන දෙයක් නෙමෙයි….. එහෙම කලොත් ලංකාවෙ ඔක්කොම පොත් සාප්පු කාරයෝ දඩු කදේ ගහන්න වෙනවා…
beyondframe
August 31, 2010
එහෙම තමයි ලොක්ක කිව්වෙ. බොහොම සරලව කිව්වොත් තමන්ගේ වැඩේ හරියට කරා නම් ඉවරයි අනිත් මිනිසුන්ට ගෙම්බර් දාන්නෙ නැතිව. ලාභෙට ආණ්ඩුවේ ප්‍රශ්නපත්‍ර ලෙහෙසියෙන් ගන්න පුලුවන් නම් මිනිසුන් ලොකු ගණන් දීල මසුරු වෙළෙන්දන්ගෙන් ප්‍රශ්න පත්‍ර ගන්නෙ නැහැ. ඕක තේරුම් ගන්න ඕනැම පුංචි ළ‍මයෙකුට පුළුවන්. විභාග කොමසාරිස්ට බැරිවුනාට.