අප සාරධර්ම රකින ජාතියක් යැයි සමහරු කියති. මෙය ඇත්තක් ද? මෙය සැබැවින් විමසා බැලිය යුතු ප්රශ්නයකි.
අවංක කම අප ආඩම්බරයෙන් සදහන් කරන සාරධර්මයන්ට අයිති යැයි අපි මොහොතකට සිතමු. අප අවංක යයි කෙනෙක් කියන විට මතුවන පැනයක් ඇත. ඒ අප අවංක කාට ද යන්න ය.
අපට අපගේ ජාතියට අවංක වෙමින් මිනිස් සංහතිය ඉදිරියේ වංචනිකයින් විය හැකි ය. එවන් පිරිසකට සාරධර්ම ඇතැයි කිව හැකි ද?
චැනල් හතර රූපවාහිනියේ ප්රචාරය වුනු වීඩියෝ පටය සැබෑ එකක් ද අටවා ගත් එකක් දැයි සැබෑ ලෙස දන්නේ දෙවියන් පමණකි. ඒ නිසාම එය සත්යයැයි ගෙන ඒ ගැන ප්රශ්න කරන්නට අපි ඉදිරිපත් නොවීමු. එහෙත් සමහරු එය කොටින්ගේ නිර්මාණයක් බව දිවුරා පවසති. ඒ පිළිබදව අපක්ෂපාත විමර්ශනයක් පැවැත්වීම අප රටට එරෙහිව කරන මහා අපරාධයක් ලෙස සළකති.
අපේම අය විසින් කරන ලද පරීක්ෂණයක් ඊ යේ අපේ අයගේ පරිභෝජනය සදහා රූපවාහිනි ගණනාවක ප්රදර්ශනය විය. අපක්ෂපාත විමර්ශනයකට ඉඩ සැළසීමෙන් අපට නැතිවන්නේ කුමක් ද? එවැන්නක් අවශ්ය නැතැයි බැහැර කරන්නන් කවුද?
එසේ පවසන මිනිසුනුත් සාර ධර්ම රකිනවා ද?
අප අපේ ජාතියට අවංක වී ලෝකයට වංචනික වුනොත් ඒත් අප සාරධර්ම රකින්නේ යයි අපට කිව හැකි ද?
BF ට කුණුහරුපෙන් සංග්රහ නොකර මෙම ප්රශ්නයට උත්තරයක් දිය හැකි දේශපේ්රමියෙක් වුවමනා කර තිබේ!
He who should not be named
September 9, 2009
1. මේ වීඩියෝ පටය ජංගම දුරකථන කැමරාවකින් වීඩියෝ කළ එකක් නොවේ.
2. එහි හඬ පටය පසුව ඔබ්බවන ලද එකකි.
මේ දෙකම ඇත්තය. නමුත් ඒ නිසාම මේ රඟ දක්වන ලද ජවනිකාවක් වන්නේ නැත.
මෙවන් වීඩියෝ පට තුනක් ඇති බව මා ඇසුවේ එය Channel 4 මඟින් ප්රචාරය වන්නට අඩු තරමින් මාසයකට වත් පෙරය. එය ඇසූ අවස්ථාවේ මම එය විශ්වාස නොකළෙමි. නමුත් මම දැන් එය විශ්වාස කරමි. මන්ද මට කළ විස්තරයට මෙය සමාන නිසාය.
මේවා පටිගත කළේ කවුරුන්ද කුමක් සඳහාද යන්න දන්නා පිරිස් ඕනෑතරම් හමුදාව තුළ වෙති. මේ තොරතුරු මෙහි ලියා BF අමාරුවේ දමන්නට මට උවමනාවක් නැත.
නමුත් ඉදිරියේදී තවත් මීට සමාන වීඩියෝ දෙකක් එළි දුටුවොත් මගේ කතාව තහවුරු වනු ඇත.
මිගාර
September 10, 2009
ඒක මාර ලොජීක් එකකි. මේ කතාව හරි ඇත්තය. කුමක් නිසාද යත්,
1. හමුදා භටයන්ට සෙල් ෆෝන් වලට අමතරම කෑම් කෝඩර් වැනි දේ ද ගෙනියන්නට හමුදාව ඉඩ සලසා ඇත.
2. පුදුකුඩි ඉරිප්පු වල ගහක් ගහක් ගානේ ප්ලග් පොයින්ට් හයි කර ඇති නිසා මේවා උවමනා විටෙක චාජ් කර ගැන්මටද හැකිය.
3. යුධ බිමට ඒ කාලයේ මාර සෙලියුලර් කවරේග් එකක් දි තිබුණු නිසා සෙබළු නිඔතරම කලේ ෆෝන් එකෙන් ගෙදර උන්දෑට කතා කරමින් හිඳීමය.
kelin kathawa.
September 9, 2009
Minisun issime, athurudahan kirime, wadadeeme ha marime honda ithihasayak apa rate army ekata ha policiayata atha.1971, 1987-89 kalaye mobile phones with cameras saha digital cameras thibba nam sinhala kollan kellan 1971 -14,000, demalun 1983-3000, sinhalayin 60,000 kata sinhala jaathiwadin, army eka saha policiya karapu dewal ona tharam videos daka bala ganna thibba.
Rabbi Sherwin Wine:
September 9, 2009
There are two visions of America. One precedes our founding fathers and finds its roots in the harshness of our puritan past. It is very suspicious of freedom, uncomfortable with diversity, hostile to science, unfriendly to reason, contemptuous of personal autonomy. It sees America as a religious nation. It views patriotism as allegiance to God. It secretly adores coercion and conformity. Despite our constitution, despite the legacy of the Enlightenment, it appeals to millions of Americans and threatens our freedom.
The other vision finds its roots in the spirit of our founding revolution and in the leaders of this nation who embraced the age of reason. It loves freedom, encourages diversity, embraces science and affirms the dignity and rights of every individual. It sees America as a moral nation, neither completely religious nor completely secular. It defines patriotism as love of country and of the people who make it strong. It defends all citizens against unjust coercion and irrational conformity.
This second vision is our vision. It is the vision of a free society. We must be bold enough to proclaim it and strong enough to defend it against all its enemies.
Rabbi Sherwin Wine
kelin kathawa.
September 9, 2009
Mekath balanna.
මිගාර
September 9, 2009
ඔය වීඩියෝව මගඩියක් බව විශේෂඥයින් පවසති. චැනල් 4 වලට බොරු වීඩියෝ ප්රචාරය ගැන ඇත්තේ ද අපකීර්තිමත් ඉතිහාසයකි.
විස්තර මෙහි බලන්න
යවෙස් ලූ මිනිසා
September 19, 2009
කලිසම ගැලවුණා නේද මහත්තයෝ?
Noframe
September 20, 2009
චැනල් 4 මගඩිය හා ජඩමාධ්ය බඩපිණුම්
රජයේ හමුදාවන් විසින් කරන ලද මනුෂ්ය ඝාතන අනාවරණය කරන බවට පාරම් බාමින් සතියකට පමණ පෙර ඔවුන් වීඩියෝ දර්ශන කිහිපයක් එලි දැක්වූහ. එහි වූයේ හමුදා ඇඳුමට සමාන ඇඳුම ඇඳගත් අයෙක් සිංහලෙන් කතා කරමින් දෑස් බැඳි පුද්ගලයන් දෙදෙනෙකුට වෙඩි තබන දසුනකි. මේ වීඩියෝව නිකුත් වීමත් සමග මතවාදීමයව අසරණව වැලේ වැල් නැතිව සිටි ජඩමාධ්යකරුවන් හොරනෑ වයමින් එලියට පැමිණුනහ. වාස් ගුනවර්ධන සිද්ධිය හා අඟුලානේ සිද්ධිය අවශ්ය පරිදි අධි සාමාන්යකරණය කර තිබූ තත්වයකදි මොවුන්ට බඩ පිණුම් ගසන්නට හැකියාව ලැබී තිබිණ.
නමුත් දැන් මේ සියලු බඩ පිණුම් කරුවන්ගේ පිණුම් නැවතෙන හා ජඩමාධ්ය කරුවන්ගේ කට වැසෙන පුවත “ද එෂියන් ට්රිබියුන්” අන්තර් ජාල පුවත් පත මගින් හෙළි කර ඇත. වීඩියෝ නිෂ්පාදන පිළිබඳ හසළ අත්දැකීම් ඇති සිරි හේවා මහතා විසින් අදාල විඩීයෝ පටය පරික්ෂා කර ඇත. එහිදී හෙළි වූ කරුණු සංක්ෂිප්තව පහත පරිදි වේ.
1. සෙල් ෆෝනයකින් ලබා ගත හැකි වීඩියෝ තත්වයට වඩා මෙහී තත්වය ඉතා හොඳය. Motion blur සහ cascading effects යන පහල තතවයේ විඩියෝ වල දක්නට ලැබෙන ලක්ෂණ මෙහි නැත.
2. තව දුරටත් පරික්ෂා කර බැලීමෙදී මේ වීඩියෝ පටය Quick Time තාක්ෂණය අනුව සාදා ඇති “.avi” වර්ගයේ වීඩියෝ දසුනක් බව පෙනී ගොස් ඇත. මේ වර්ගයේ වීඩියෝ දසුන් සෙල් ෆෝන් වල භාවිතා නොවේ. ඒවා හකුළා ගබඩා කිරීමට (compress) විශාල වේලාවක් ගතවේ. සාමාන්ය පරිගණකයකට මෙය එතරම් ප්රශ්ණයක් නොවුවද RAM මතකය කුඩා සෙල් ෆෝනයකදී තත්වය මෙයට වඩා වෙනස්ය.
3. ඉහත ප්රතිඵල අනුව මෙම වීඩියෝ දසුන කිසි විටෙකදී සෙල් ෆෝනයකින් නොපැමිණි බව කිව හැකිය. මේ දසුන් වල චලන දෛශිකය (motion vector) සෙල් ෆෝනයකින් බලාපොරොත්තු විය නොහැකි තරම් උසස් මට්ටමක පවති. ටැමිල් නෙට් අඩවිය මෙම වීඩියෝව සෙල් ෆෝනයකින් පමිණි බව හැඟවීමට, සෙල් ෆෝනයන්ගේ භාවිත වන 3Gpp ක්රමයට ඔවුන්ගේ අඩවියේ ඉදිරිපත් කර ඇත.
4. වෙඩි තබා මරණයට පත් වූ මිනිසා ගේ හිස කෙලින් පැවතීම වෛද්ය විද්යාත්මකව පැහැදිලි කළ නොහැකි කරුණකි. කණුවක බැඳ තිබුණත් හිස පැත්තකට කඩා වැටිය යුතුය. මෙයද මෙම වීඩියෝ රඟ පෑමක් බව පෙන්වාදීමට සාක්ෂියකි.
පශ්චාත් යුධ කාලීනව යුද්ධයෙන් යැපුණු ආයතන වලට දැන් දැන් මුදල් හිඟ වෙමින් පවතී. එනිසා කවර හෝ මගඩියක් කර මුදල් උපයා ගැනීමට ඔවුන් පෙළඹි ඇත. එයටම උදවු කරන්නට ඇඳි වත උස්සා ගෙන හෙළුව පෙනෙන සේ උඩ පණින මාධ්ය සමාජයක්ද මෙරට ඇති බව ඔවුන් හොඳින්ම දනිති. මැද පෙරදිග සිට පැමිණෙන අපේ සොයුරු සොයුරියන් පැය ගණනක් ගුවන් තොටුපොළ පෝලිමේ ඉඳ, කිරිජ්ජ පල්ලත් අතගා ගෙන එලියට එන්නේ බාගෙට මැරිලාය. එය මොවුන්ට මෙච්චර කාලයකට විෂය වී නැත. ඒසේ වුවත් පාක්යසෝති සරවනමුත්තු මහතා විනාඩි කිහිපයක් රඳවාගෙන ප්රශ්න කිරීම ගැන නම් ඔවුන්ට ඇත්තේ පුදුම අමාරුවකි. මොවුන් සිතන්නේ පාක්යසෝති සරවනමුත්තු මහතාගේ හිස වටා රැස් වළල්ලක් ඇති නිසා ඔහුට විශේෂ සැලකීමක් කළ යුතු බවය. රට බෙදන මං සොයන පාක්යසෝති සරවනමුත්තු මහතාට එබදු සැලකිල්ලක් කළ යුතු ද යන්න වෙනම සාකච්ඡා කළ යුතු ප්රශ්ණයකි.
මෙලෙස කුමක් හෝ මගඩියකින් මුදල් සොයන මේ එන්.ජී.ඕ. වඳුරු මුළ හා උන්ට කත් අදින ජඩමාධ්ය සමූහයා ගැන ඉදිරියේදීම අප පියවරක් ගත යුතුය.
http://panhinda-samaga.blogspot.com/2009/09/4.html
http://asiantribune.com/news/2009/08/31/channel-4-tv-must-eat-its-digits-%E2%80%93-fake-execution-video-exposed
(කොළඹ, ලංකාපුවත්, සැප්තැම්බර් 08) – ශ්රි ලංකා හමුදා අපකීර්තියට ලක් කිරීම සඳහා එංගලන්තයේ චැනල් 4 රූපවාහිනී නාළිකාව විකාශනය කළ වීඩියෝ පටය අතිශයින් ම ව්යාජ ලෙස නිර්මාණය කළ එකක් බව පරිගණක තාක්ෂණය පිළිබඳ විශේෂඥ කණ්ඩායම් හතරක් නිගමනය කොට ඇත.
ඊයේ ජාතික ආරක්ෂාව පිළිබඳ මාධ්ය මධ්යස්ථානයේ පැවති මාධ්ය හමුවකට එක්වෙමින් මොරටුව විශ්ව විද්යාලයේ ජ්යෙෂ්ඨ කථිකාචාර්ය චතුර සිල්වා මහතා පැවසුවේ සංවේදීතාවය, රූපරාමුවෙන් රූපරාමුවට හැදෙන වෙනස, ජංගම දුරකථනයකින් පැහැදිලිව පැන පැන යන ස්වභාවයක් නිරික්ෂණය වුවද මෙම රූපරාමු එලෙස නොවන බවයි. මෙය ඉතා සියුම්ව ඩිජිටල් කෝඩයකින් රූප ගතකර ජංගම දුරකථනයකින් ගත් බවට පෙනෙන සේ පරිවර්තනය කොට ඇති බව ඔහු කීය.
එමෙන්ම වර්ණ සංවේදී බව හා ආලෝක සංවේදී බව ගැටලු සහගත බව පෙන්වා දුන් හෙතෙම ඝාතනයට ලක් වූවෙකුගේ සිරුරෙන් ගලා යන රතු රුධිරය වර්ණ සංවේදීතාවය තුළ ජල හා මුසු නොවී පවතින තත්ත්වය හරහා එය සකස් කරන ලද්දක් බව පැහැදිලිව පෙන්වා දුන්නේය. මීට අමතරව හඩ සම්බන්ධයෙන් ද ගැටලු පවතින බවත් අදාළ වීඩියෝ පටයේ ඇති පරිසරයට අදාළ සුළගේ හඩ සම්බන්ධයෙන් ද ගැටලු ඇති බව පැවසීය.
ශ්රී ලංකා යුද හමුදාවේ ප්රධාන සංඥා නිළධාරී බ්රිගේඩියර් ප්රසාද් සමරසිංහ මහතා සිය නිලයන් යොදා ගනිමින් සිදු කළ හඩ අධ්යනයේ ද බෙහෙවින්ම ගැටළු මතුවන බවත් මෙය හුදු ව්යාජ එකක් බවත් කීය. විශේෂයෙන් මෙහි රූපරාමු 584ක් ඇති බවත් එයින් 30ක් හිස් ඒවා බවත්, 554ක් හඩ හා රූපරාමු මුසු ඒවා බවද හෙතෙම පෙන්වා දුන්නේය.
මෙහිදී සංඥා බලකායේ නිලධාරීන් මෙම දර්ශනයට සමාන ස්ථානයකට ගොස් වෙඩි තැබීම් කර හඩ අධ්යයනයන් කොට ලබාගත් වාර්තා අනුව මෙය කිසිසේත් ජංගම දුරකථනයකින් රූප ගතකරන ලද්දක් නොවන බව කීය. වීඩියෝ දර්ශනයේ සහ එයට හඩ කවා ඇති ශබ්දය හා දර්ශන අතර වෙනස තත්පර දශම 296ක් බවත් එයින් පැහැදිලිවම මෙම වීඩියෝ දර්ශනයේ ශබ්දය ද අසත්යයක් වන බව බ්රිගේඩියර් ප්රසාද් සමරසිංහ මහතා වැඩිදුරටත් සඳහන් කළේය.
එමෙන්ම මෙම රූපරාමු රූගත කර ඇත්තේ මීටර් 102.4ක දුරක සිටවන අතර ජංගම දුරකථනයකින් කිසිසේත්ම මෙවැනි දුරක සිට මෙවැනි රූගත කිරීමක් සිදුකළ නොහැක. මෙම ක්ෂේත්රයේ විශාරදයෙකු වන සිරි හේවා විතාරණ මහතා ද සිය වාර්තාව මගින් ඍජුවම පෙන්වා දී තිබුණේ මෙය පැහැදිලිවම ජංගම දුරකථනයකින් රූ ගත කළ නොහැකි බවයි. ඔහුද ශබ්ද පටයේ වෙනස්කම් දැක තිබු අතර රූ ගත කර ඇති දර්ශනවල උක්ත කී දෝෂ දැක තිබුණි.
ඔහුද ඔප්පු කර සිටියේ මෙම වීඩියෝ දර්ශනය සංස්කරණය කර පසුව හඩ කවන ලද්දක් බවයි.
http://www.lankapuvath.lk/sinhala/index.php?option=com_content&view=article&id=3804:-4-&catid=43:2009-02-23-06-13-56&Itemid=63
කලිසම ගැලවුණා නේද මහත්තයෝ?
දර්ශනපති සුජිත් නිශාන්ත හේවගේ
February 19, 2010
චිත්ත දියුණුව හා අභියෝග ජයගැනීම
මානව චරිත ස්වභාවය, පුද්ගල රුචි අරුචිකම්, සංඥාවන්ගේ විවිධතා හා ජානමය තත්ව අනුව එක් එක් පුද්ගලයාගේ නිවැරදි මගට පිළිපන් ස්වභාවය ඇතිවීමට ගන්නා කාලයෙහි හා භාවිතා කරනු ලබන සංස්කරණ ක්රමවේදයන්හි ඇති විවිධතාවය වෙනස් බව බුදුදහම පෙන්වා දෙනු ලබයි.එක් පුද්ගලයෙකුහට සංජානන වශයෙන් ජෛව සමූහයා අතරින් තමා යනුෙවන් එක් පුද්ගලයෙකු වෙන් කර සැලකීමේ චින්තනමය අඩුපාඩුව පෙන්වා දුන් කෙණෙහිම අවබෝධය ඇතිකර ගැනීමට පිළිවන්කම ලැබෙන අතර තවත් කෙනෙකුට ඒ සදහා සමස්ත ස්කන්ධ පංචකයෙහිම අසාරතාවය දුක්ඛ ස්වභාවය පිළිකුල් වශයෙන් දීර්ඝ කාලයක් මුළුල්ලේ ආවේදන වශයෙන් සලකා බැලීම අත්යවශ්යය වේ. වෙනත් එයටත් වඩා දීර්ඝ කාලීනව ශික්ෂණය කළ යුතු වූ පුද්ගලයෙකුහට නම් මේ සියල්ලට අමතරව චර්යා ශික්ෂණ ක්රියාවළියක් ද අවැසි වේ.
කෙසේ වුවත්, බුදු සමය අප හමුවට ගෙනන විද්යානූකූල පදනම එකමය. මෙහි දී විද්යානූකූල යන ව්යවහාරය භාවිතා කරනු ලැබුවේ බටහිර විද්යා සංකල්පවලට අනුව නොව දාර්ශනික විෂයයේ පිළිගත් මූළ ධර්ම අනුව සැකසුන විධිමත් චින්තනය අරඹයාය. මානසික ආවේගයන් හටගැනීමේ ක්රමවේදය දෙස හොදින් නිරීක්ෂණය කර බැලූ කල පෙනී යන දෙයක්වනුයේ සියලු මානසික ආවේගයන් තමා යන හැගීම මුල් කර ගෙන ගොඩ නැගෙන බවයි.මෙය මිනිස් සිතේ පහළවන දැඩි ආත්මාර්ථකාමීත්වය ලෙසද විග්රහ කළ හැක.
මෙය දාර්ශනික පක්ෂයෙන් ගත්කළ සක්කාය දිට්ඨිය ලෙස හැදින්වීමට පුළුවන. තමන් යන හැගීම ගොඩනැගීමට උපස්ථම්භකවනුයේ සමස්ත ජෛවවර්ගයා අතුරින් එක් පුද්ගලයෙකු වෙන් කරගෙන ඒ පුද්ගලයා ඉන්ද්රියයන් ඇසුරින් ලබන අත්දැකීම් රස වින්දනය කරමින් එකී රස වින්දනයට දක්වන ලෝලත්වය නිසාය. මෙම රස වින්දන ලෝලත්වය තණ්හාවයි.සසර භවය හා අඛණ්ඩබවේ මානසික බැඳීමටද මෙය හේතුවේ.
එක් අතකින් රස වින්දනයට ඇති ලෝලත්වය නිසා සසර සැබෑ තත්වය මුවා කරනු ලබන අතර එය අවිද්යාව හෙවත් මෝහය නමින් හැදින්වේ. අවිද්යාව හෙවත් මෝහය නිසා සක්කාය දිට්ඨිය හටගනියි. සක්කාය දිට්ඨිය අවිද්යාවේ නැතහොත් මෝහයෙන් මුල් ස්වරූපයයි. යමෙකුගේ සිතින් සක්කාය දිට්ඨිය ඉවත්වීමේ දී අවිද්යාව හෙවත් මෝහය තව දුරටත් පැවතීමට අවකාශ මදව යෑමෙන් අනුක්රමයෙන් වියැකී යයි. සක්කාය දිට්ඨිය දුරුකලාවූ ආර්යයන්වහන්සේගේ සසර ප්රමාදය ආත්මභාවයන් (7) සතකg සීමාකොට දැක්වෙනුයේ මේ හේතුව නිසාය.මින් කියවෙනුයේ සොවාන් ආර්යයන්වහන්සේගේ සත්වන භවයකට වඩා නොඉපදෙන බවයි.
සක්කාය දිට්ඨිය දුරු වීමත් සමගම මෙතෙක් සිත තුළ පැවතෙමින් පැමිණි අධික වේගයෙන් යුතු මානසික ආවේග ක්රම ක්රමයෙන් එහි වේගය අඩු වී යෑමට පටන් ගනියි. අදාළ සංකල්පයන්හි නිරන්තර භාවිතාව හෙවත් සංජානන, ආවේදන හා චර්යා වශයෙන් වඩ වඩාත් මෙකී සංකල්ප වර්ධනය කිරීමේ දී තව තවත් මානසික ආවේග ගොඩ නැගීමට හේතු වූ අවිද්යාව හෙවත් මෝහය තවත් සිදී ගොස් දෙවන තුන්වන මාර්ගඵල වූ සකෘදාගාමී හා අනාගාමී මාර්ගඵලවලට ආර්යයන් වහන්සේ එළඹෙනු ඇත. මානසික ආවේගයන් අතරින් ප්රධනත්වය ගන්නා ද්වේශ හා රාග යන යන ආවේගයන් හෙවත් මානසික ආතතීන් සකෘදාගාමී මාර්ගඵලයෙහි දී මදක් තුනී වී හෙවත් අඩු වී ගොස් අනාගාමී මාර්ගඵලයෙහි දී සම්පූර්ණ වශයෙන් සිදී යයි. නමුත් මෙකී තත්වය යටතේ වුව ද අවිද්යාව හෙවත් මෝහයෙහි සම්පූර්ණ ඉවත්වීමක් සිදු නොවන හෙයින් ඉතා සියුම් වශයෙන් මම යන වෙන් කිරීමේ ස්වභාවය සිතෙහි පවතින බැවින් මේ තත්වය මුළු මනින්ම මානසික ආවේගවලින් නිදහස්වීමක් නොවේ. මෙකී අනාගාමී අවස්ථාවේ රළු මානසික ආවේග ජනනයෙහි ලා උපස්ථම්භක වන පස්වැදෑරුම් ඕරම්භාගීය සංයෝජන ධර්ම වියැකී යන අතර අස්මි මානය ලෙස හැදින්වෙන මනසෙහි ඇති ඉතාමත් සියුම් මම යනුවෙන් වෙන්කර සලකන ස්වභාවය තව දුරටත් රදා පවත්වනු ලබන පස්වැදෑරුම් උද්ධම්භාගීය සංයෝජන ධර්ම පමණක් ඇත.
මෙම උද්ධම්භාගීය සංයෝජන ධර්මයන්හි ඇති සුඛුම ස්වරෑපය හේතුවෙන් සමහර අනාගාමී ආර්යයන් වහන්සේලා සියළු කෙෙලසුන් දුරුකොට තමන් අර්හත් ඵලයට පත් වී යැයි සාවද්ය හැගීමක් පවා හටගැනීමට ඉඩකඩ ඇති බව සදහන් වේ. එයින් අදහස් වන්නේ එම උද්ධම්භාගීය සංයෝජන ධර්මයන්හි ඇති ඉතාමත්ම සියුම් බවයි. තමා තුළ ඇති සියුම් උද්ධම්භාගීය සංයෝජන ධර්ම අණු වශයෙන් පවතින නිසා ආර්යයන්වහන්සේලාහට ඒවා පවතින බවක් වත් ඇතැම්විටකදී නොහැඟේ.අසියලු මානසික ආවේග හටගන්වමින් සියුම් හුයක් මෙන් සත්ව චිත්ත සන්තානයෙහි මුල් බැසගෙන ඇති මෙකී මම යනුවෙන් පුද්ගලයෙක් වෙන්කොට සලකන ස්වභාවය ඉන්ද්රියානුසාරයෙන් ලබන්නා වූ විවිධ අරමුණ වින්දනයෙහිලා ලෝලත්වය ඇතිකරගැනීම හේතුවෙන් ජනනය වී ඒ ලෝලබව නිසාම පවත්වාගෙන යනු ලබන සාවද්ය හැගීමක් බව මෙයින් පැහැදිලි වේ.
මෙම හැගීම නැතිකර දැමීමට ක්රමවේදයක් ඇත. එනම් ඉතාමත්ම ක්රමානූකූල ආකාරයෙන් විපස්සනා භාවනාව සුදුසු කල්යාණ මිත්ර ගුරු ඇසුරක් මගින් වර්ධනය කරගැනීමයි. විවිධ ගුරු කුල යටතේ ඉතා ඈත අතීතයෙහි සිට ශ්රී ලංකාවේ විවිධ භාවනා ආචාර්යවරුන් යටතේ දියුණු වූ විවිධ භාවනා සම්ප්රදායයන් මහත් රාශියක් ඇත. මේ සදහාම රචනා වූ විශුද්ධි මාර්ගය වැනි පෞරාණික ග්රන්ථ ද ඇත. ථේරවාදී සම්ප්රදායට අයත් මහා විහාරීය ගුරු කුලයට අයත් නොවන අභයගිරි පාර්ශචයේ ග්රන්ථයක් බවට ඇතැම් උගතුන්ගේ අදහස වන විමුත්ති මග්ග වැනි ග්රන්ථයන් ද විශුද්ධි මාර්ගයටත් වඩා පුරාණයේ සිට භාවිත වී ඇති බවට සාධක ඇත. කෙසේ හෝ සිදු විය යුත්තේ සම්ප්රදාය රැක ගැනීමට හෝ එයට විරුද්ධව යාමට සටන් වැදීමට වඩා තමන්ගේ මානසික ආවේග වඩා හොදින් සමනය කරගන්නේ කෙසේදැයි සැලකිලිමත්වීමයි.
වර්තමාන මිනිස් සමාජය දෙස සිහි නුවණින් බැලීමේ දී පැහැදිලිවම පෙනෙන දෙයක් වනුයේ ඔවුන් එකිනෙකා ඉතාමත් අනවශ්ය ආකාරයට ජීවත්වීම සදහා නොවතින අරගලයක යෙදී ඇති ආකාරයයි. ඒ නිසාම නූතනයෙහි මිනිස් සමාජයෙහි එක් එක් පුද්ගලයෙකු අතර ඇති සාමාජික සම්බන්ධතාවයන්හි ස්වරූපය දැඩි ලෙස අක්රමවත්බවකට පෙරැලී තිබේ.
මිනිස් හදවත පැවතියයුතු සංවේදී ස්වභාය රඳා පැවැත්ම පිණිස අනිවාර්යෙන්ම තිබිය යුතු මෛත්රිය, දයාව,කරුණාව,මානුෂික බව,හෘදයාංගමබව,මෘදුබව,පරෝපකාරය,සාධාරණත්වය,සමානාත්මතාවය,අදීන බව, අපක්ෂපාතීත්වය වැනි ළතෙත් හැගීම් මිනිස් සිත් වලින් වියැකී ගොස් ඒ වෙනුවට පුදුමාකාර ස්වභාවයෙන් සියළු සිත් සතන් මනුෂ්යත්වයෙන් වියැළී බවකට පරිවර්තනයවී තිබේ.උදා වී තිබෙන මෙකී තත්වය හමුවේ මේ මිනිස් සමාජයතුළ වර්තමාන යුගයේ වෙසෙන සෑම ළතෙත් මනුෂ්යයෙකුහටම සමස්ත මනුෂ්ය ක්රියාකාරීත්වය පිළිබදවම පුදුමාකාර කළකිරීමක් හටගැනීම සාධාරණය.මනුෂ්ය ක්රියාකාරීත්වය එතරම් පරිහානියට පත්වතිබේ.
මිනිසුන් මනුෂ්ය සම්බන්ධතා පැවැත්විය යුතු වන්නේ ලාභ පාඩු යන ආර්ථික සිද්ධාන්ත වහල් කරගනිමින් නොවේ. මේ සියල්ලටම හේතුව වර්තමාන අධ්යාපන ක්රියාවළිය සකස්කොට ඇත්තේ ක්රමයෙන් ආධ්යාත්මිකව පුරන්වෙමින් භෞතික පක්ෂයෙන් පමණක් සරු මිනිසුන් නිර්මාණය වන ආකාරයට බැවිනි.
එබැවින් අප අභිමුඛයෙහි සුරංගනා ලෝකයක් මැවුනත් එහි වෙසෙන්නේ අනන්ත අප්රමාණ මානසික ආවේගයන්හි වහලුන් වන සිතින් දිලිදු මිනිසුන් බව සමාජයෙහි කටයුතු කිරීමේ දී පැහැදිලි වේ. මේ හේතුව නිසා ගතින් විශ්ව ගම්මානයට පියමං කරද්දීම සිතින් ගල් යුගය, පූර්ව පාෂාන යුගය හා දඩයම් යුගය වැනි නොදියුණු වනචාරී යුගයන් වලට වර්තමානයෙහි විශ්ව මිනිසා පැමිණෙමින් සිටිනා බවක් මේ මහා මිනිස් ප්රජාව අතරෙහි දී පවා හුදකලා වන්නෙකු හට හැගේ. තමන් සිතින් දිළින්දන්ව වෙසෙමින් භෞතික පක්ෂයෙන් පමණක් ඇති කරගන්නා දියුණුව ගැන පුරසාරම් පැවසීම බුදු සමය විසින් එක් ඇසක් ඇති පුද්ගලයාගේ දර්ශනයට උපමා කර එහි ඇති අඩුපාඩුකම් මැනවින් පෙන්වාදෙනු ලබයි.
ඉදින් මෙවැනි සමාජයක දී වුව ද අන්යයන් කෙසේ වුවත්, තමාහට තමන්ගේ චිත්තාවේග සමනය කොට කටයුතු කළ හැකි නම් එයින් සමාජය වෙනස්කළ නොහැකි වුව ද තමන් ආශ්රය කරන සුළු පිරිසට හෝ එයින් මහත් සහනයක් සැලසිය හැකි සහනශීලී පුද්ගලයෙකු එයින් ඇතිකරවා ගැනීමට හැකියාව ලැබේ. චිත්තාවේගයන්ගෙන් සහනය සැලසුනත් පූර්ව කර්ම විපාකයන් මගින් ඇතිකරන සිදුවීම් මගින් සිතට දැනෙන පීඩාව අහෝසි කළ නොහැක.
එය තව දුරටත් පීඩාවක් වන්නේ එය තමාගේ වේදනාවක් වශයෙන් මමත්වයෙන් ග්රහණය කරගෙන වින්දනය කිරීමට කැමැති වන්නේ නම් පමණකි. දැනීම් ඇත. නමුත් වින්දනයක් නොමැත. පෙනුනත් බැලීමක් නොමැත. ඒ ආකාරයෙනි. බුදුරදුන් බාහිය දාරුචීවරිය තෙරුන්ට මෙලෙස වදාළේ ද මේ ආකාරයෙන් මනස හික්මවීම පිණිසය. සියල්ල සම සිතින් හා මෙත් සිතින් විද දරා ගැනීමට පවා මේ තුළින් අවශ්ය කරන උපේක්ෂාව වර්ධනය කරනු ලබයි. පුද්ගලයෙක් මෙලොව ජීවත්ව සිටිය දී සත්යාවබෝධය කළත් නොකළත් කිසිදු වෙනසක් රහිතව අන්ය පුද්ගලයන්ට සේම ලාභ, අලාභ, කිර්ති, ප්රශංසා, යස, අයස, නින්දා, අපවාද, ඇණුම්, බැණුම්, සම්මාන සත්කාර, ගැරහුම් ආදී අටලෝ දහමටම මුහුණ පෑමට සිදු වේ.
බුද්ධ, පච්චේක බුද්ධ, මහරහත් ආදී උතුමන් වහන්සේලාහට පවා මෙකී තත්වය පොදු වූ බව දහමෙහි සදහන් වේ. වඩාත් වැදගත් වන්නේ ඒවා එන එක වැළකීම හෝ එයින් සිත දුර්මුඛ කර ගැනීම නොවේ. ඒවාට සම සිතින් උපේක්ෂාවෙන් අකම්පිතව මුහුණදීමයි. ඇතැම්වටක දී පූර්ව කර්ම විපාකය කෙසේ හෝ විපාක දී අවසන් කළ යුතුම නිසා මෙවන් තත්වයන්හට උසස් මානුෂික ගතිගුණවලින් හෙබි පුද්ගලන්හට පවා මුහුණදීමට සිදු වේ.
කිසියම් පුද්ගලයෙකු නිවැරදි මාර්ග නීති අනුගමනය කරමින් ස්වකීය රථය පැදවූ පමණින් මාර්ග නීති කඩ වැරදි කරන පුද්ගලයන් විසින් පදවනු ලබන අනෙකුත් රථ නිසා අනතුරුවලට භාජනයවීමේ ඉඩකඩ අහෝසි නොවන්නාක් මෙනි. අසත්පුරුෂයන් නිසා සමාජයට සිදුවිය හැකි මහත් හානිය හැකිතාක් අවම කර ගැනීමට සත්පුරුෂයාට ඔහුගේ ප්රතිපත්තිය නිසා ඉඩකඩ සැලසේ.
පුද්ගලයෙකුගේ පුද්ගල පෞරුෂත්වය වර්ණවත් හා වඩාත් ඔප් නැංවෙන කරුණ වනුයේ ද හැකි තාක් ගැටළු හා අභියෝගවලට අකම්පිතව මුහුණ දීමයි. යහපත් මිනිසෙකු ගොඩ නැගෙනුයේ ද සියල්ලෙන් සුරක්ෂිත කිරීමෙන් නොව වඩාත් කටුකවූ යථාර්ථයට මුහුණදීමේදී එම මිනිසා ක්රියා කරනුයේ කෙසේද යන ආකල්පය පෙරදැරිව ධනාත්මකව පුද්ගල පෞරුෂත්වය සංවර්ධනය කිරීම තුළයි. මිනිස් ඉතිහාසියෙහි ඈත යුගයන්හි දී ජීවමානව සිටි ඉතාමත්ම ශ්රෙෂ්ඨ ස්ථානයට පත් වූ මිනිසුන් එකී ශ්රේෂ්ඨත්වය කරා ඔසවනු ලැබූයේ මෙකී ක්රමවේදයමය.
දර්ශනපති
සුජිත් නිශාන්ත හේවගේ
දර්ශනපති සුජිත් නිශාන්ත හේවගේ
February 19, 2010
සිතේ ස්වරූපය හා පුද්ගල අනන්යතාව
සිත යනුවෙන් භෞතිකව හඳුනාගැනීමට සුවිශේෂිත ඉන්ද්රියක් විද්යමාන නොවෙතත් සිතේ ගති ස්වභාවයට අනුව එවැනි ඉන්ද්රියක ක්රියාකාරීත්වය අපට හොඳින් ප්රත්යක්ෂය.මිනිස් මොළය,හදවත,ස්නායු, මොළයේ රසායනික ද්රව්යය, මොළයේ විද්යුත් ක්රියාතාරීත්වය,සම හා වෙනත් සිරුරේ පරිවෘත්තීය ක්රියා වැනි දේ මඟින් සිතෙහි ගති ලක්ෂණ ප්රකට කරනු ලබන බව අපි අත්දැකීමෙන් දනිමු.සිතෙහි මූළික ලක්ෂණය දැනෙන හැඟෙන විඳින ස්වභාවයයි.සංජානන, ආවේදන හා චර්යා යන පැතිකඩ මඟින් විග්රහවනුයේද සිතෙහි මෙබඳු විවිධ ක්රියාකාරීත්ව ස්වභාවයන්ය.එම නිසා සිත යනු භෞතිකව නිශ්චිත ස්ථානයක පිහිටා ඇති දෙයක් යැයි සැලකීමට වඩා අපගේ භෞතික සිරුරේ පිහිටි අභ්යන්තර ඉන්ද්රීය ක්රියාකාරීත්වය මඟින් ජනිතවන ශක්ති මූළයක් ලෙස සැලකීම වඩාත්ම උචිතය.එහෙයින් සිත භෞතිකව සෙවීම නිෂ්ඵලවූවකි.ආහාර හේතුප්රත්ය සියළුදේ සම්පූර්ණවීමෙන්පසු එය උපස්ථම්භකොටගෙන සිත පහළවීමට උචිත පරිසරය නිර්මාණයවේ.සිත නැමැති ඒ ශක්ති ක්රියාකාරීත්වය ආරම්භවනුයේ ඒ සඳහා උචිත පරිසරයක් ලද විටකදීය.
සිත නැමැති ශක්ති මූළයේ ක්රියාකාරීත්වය ඇරඹීට උචිත පරිසරයක් සකස්වීම හා සිතේ ආරම්භය එකවිටම වාගේ සිදුවේ.ඇතැමෙකු සිතන ආකාරයට සිත වනාහී ආත්ම ස්වරූපී දෙයක් නොවේ.වෙනස්වෙමින් අඛණ්ඩව ගලායන ශක්ති ප්රවාහයකට සිත යැයි සාමාන්ය ව්යවහාරය අනුව හඳුන්වනු ලැබේ.ලෝක සම්මත ව්යවහාරය අනුව ශක්ති ප්රවාහ ලෙස හඳුන්වනු ලබන විදුලිය,ආලෝකය,තාපය වැනි දේ සමඟ සංසන්දනය කරබැලීමෙන් සිතේ ශක්ති ක්රියාකාරීත්වය පිළිබඳව වැටහීමක් ලැබිය හැක.නමුදු විදුලිය,ආලෝකය හා තාපය වැනි දේ භෞතික ශක්ති ප්රවාහවේ.සිත ආධ්යාත්මික ශක්ති ප්රවාහයකි.භෞතික ශක්ති ප්රවාහයකත් ආධ්යාත්මික ශක්ති ප්රවාහයකත් විශාල වෙනසක් ඇත.නමුදු හඳුනාගැනීම පහසුවීම සඳහා සිතේ ශක්ති ක්රියාකාරීත්වය භෞතික ශක්ති ප්රවාහ සමඟ සසඳා බැලීම ප්රයෝජනවත්ය.
භෞතික ශක්ති ප්රවාහයන්හි විද්යමාන සුවිශේෂිතාවයවනුයේ ඒ ශක්ති වෙනත් ශක්ති මූළයකට පරිවර්තනය කළ හැකිවීමයි.මේ අනුව විදුලි ශක්තිය ආලෝකය,තාපය වැනි වෙනත් ශක්ති බවටද ආලෝකය,තාපය,චාලක ශක්තිය වැනි වෙනත් ශක්ති මූළ විදුලි ශක්තිය බවට ද පරිවර්තනය කළ හැකිය. මේවායේ පරමාණු,ප්රෝටෝන,ඉලෙක්ට්රෝන වල චලිතය හා ක්රියාකාරී අණු සැකසුම බලය යොදා වෙනස්කීරීම මඟින් ශක්ති මූළය තමා අභිමතසේ වෙනස්කළ හැක. සිත ආධ්යාත්මික ශක්ති ප්රවාහයක් බැවින් භෞතික ශක්ති ප්රවාහයන්ටද වඩා සූක්ෂමතාව,ශක්තිය බලය අධිකය.චිත්ත ශක්තිය විදුලිය, ආලෝකය, තාපය, චාලක ශක්තිය වැනි වෙනත් භෞතික ශක්ති මූළයන්ට අවශ්ය විටක පරිවර්තනයකළ හැක.ඒ සඳහා නිශ්චිත ක්රමවේදයක් පවතී.ලෞකික ධ්යාන පාදක විවිධ සෘද්ධි,අභිඥා එසේ පරිවර්තිත චිත්ත ශක්තියයි.
චිතතාවේග යනුවෙන් හැඳින්වෙනුයේ වේගවත් සිතිවිලිය. අපගේ මානසික ස්වභාවය අනුව සිතිවිලිවල සාමාන්ය ක්රියාකාරීත්වයෙහි වේගය උපරිම හෝ අවම වේ. සාමාන්යයෙන් වේගයවත් සිතිවිලි සිතේ ඇතිවනුයේ අප ආවේගශීලීබවින් කුපිත වූ විටය.මීට ලෝභ,දෝස හෝ මෝහ යන මූළික අරමුණු ත්රිත්වය හේතුවේ.මේවා සෘණාත්මක මානසික ආවේග වශයෙන්ද සැලකේ.එසේ සැලකෙනුයේ මෙබඳු චිත්තාවේග නිසා මනුෂ්යත්වය පහත හෙළීමට සමත්වන සුළු චර්යා මිනිසුන් අතින් වියහැකි හෙයිනි.අනෙක් අතට වේගවත් සිතිවිලිබැවින් මෙබඳු සිතිවිලිවල හොඳ නරක යහපත අයහපත හඳුනාගැනීමට ඉඩප්රස්තාවක් නොලැබේ. මානසික ආතතිය ඇතිවීමට මෙබඳු සෘණාත්මක චිත්තාවේග බෙහෙවින් ඉවහල්වේ.මානසික පමණක් නොව ශාරීරිකව පවා රෝගීකරවීමට මෙබඳු සිතිවිලි සමත්ය.
ඇතැම් අවස්ථාවලදී ස්වභාවයෙන් සිත සංසිඳී ඇතිවිට සිතට පහළවන සිතිවිලිවල එතරම් වේගවත් බවක් දක්නට නැත.මනස සැහැල්ලුවට පත්කරවන්නේ මෙබඳු මන්දගාමී ස්වභාවයේ සිතිවිලිය.මෙබඳු සිතිවිලි කෙසේවත් චිත්තාවේග ලෙස මනසෙහි ඇතිනොවීම මනසට සුවදායී බවක් හා සැහැල්ලුවක් ගෙනදීමට සමත්වේ.සාමාන්යයෙන් කුශල පාක්ෂික සිතිවිලි ලෙස සැලකෙන සියළු චිත්ත ක්රියාකාරී තත්වයන්ම මෙම කාණ්ඩයට අයත්ය.අලෝභ,අදෝස හා අමෝහ යන මූළික අරමුණු ත්රිත්වය පදනම්කරගනිමින්ම මෙබඳු චිත්ත ස්වභාවයන් හටගනියි.
සාමාන්යයෙන් සිතිවිලි හෙවත් චිත්තාවේග යනුවෙන් අදහස් වනුයේ කිසියම් වේගයකින් ක්රියාකරන සිතම බව පැහැදිලිවේ.සිත ක්රියාකිරීමට අරමුණක් පැවතිය යුතුය.එම අරමුණ හොඳ හෝ යහපත් වන විට සිතිවිලිවල වේගය අවම මට්ටමක රඳා සිටින අතර එය සැහැල්ලු හා සුවදායී වේ.එසේම සිතට අරමුණුවන දේ නරක හෝ අයහපත් වනවිට එය අරමුණු කරගෙන බිහිවන සිතිවිලි වේගවත් වන අතර එය මානසික ආතතිය හා පීඩනය ගෙනදීමට සමත්වේ.
සිතේ ක්රියාකාරීත්වය අරමුණු අනුව වෙනස් අගයක් ගනියි.මින් පැහැදිලි වනුයේ සිතිවිලිවල ක්රියාකාරීත්වය කිසියම් චලන ගුණයකින් සමන්විත බවයි. සාමාන්ය ව්යවහාරයේහි දී ආවේගශීලී වීම ලෙස හැදින්වෙන තරමට මිනිස් ආවේගයන්හි ක්රියාකාරීත්වය ඉහළ ගිය විටක මිනිසා කුපිත වූ ස්වභාවයකට පත් වේ. එය ද්වේෂයෙන් හෝ රාගයෙන් හෝ වෙනත් මිනිස් හැගීමකින් හෝ විය හැකිය. මිනිස් සිතෙහි මානසික ආවේගයන් හටගන්නේ ඇයි? ඔබ මෙය සැලකිල්ලට ගත්තෙහි ද? මිනිස් සිත සෑම විටක දීම විවිධ අරමුණු ගනියි. එය අතරක් නොමැතිව පවතින දෙයකි.
එයට කිසියම් අරමුණක් පැමිණි කල එහි එල්බගෙන එක සමාන සිත් රැසක් පහළ කරවයි. සිත කිසියම් එක අරමුණක රැදී පවතිනවා යැයි අප පවසන්නේ ෙමබදු අවස්ථාවලදීය. සිතෙහි ගොඩ නැගෙන හා ගොඩනගා ගන්නා විවිධ මානසික අරමුණු හා ප්රක්ෂේපන මහත් රාශියකට සිත නිරන්තරයෙන් මැදිවී පවතියි. සිතේ සාමාන්ය ස්වභාවය මෙබදුය. සාමාන්යයෙන් අප කරදර හා ගැටළු විවිධ අසහනමය තත්වයන් රැසකට මැදිව ඇති බව අපට දැනෙන්නේත් හැගෙන්නේත් මේ ආකාරයට මනසට වධ වේදනා ගෙන දෙන මේ ආකාරයේ සිතෙහි පැවැත්ම විටක අපව මහත් පීඩනයකට පත් කරවන බැවිනි. සිතේ ගති ස්වභාවය මහත් වෙහෙසකට පත් කරවන හා විවිධ මානසික ආතතීන් ජනිත කරවීමට සමත්කමක් දක්වන ප්රධානතම උත්ප්රේරකයක් වන්නේ සංජානන පැතිකඩ ( Profile of Cognition ) යටතේ ඉන්ද්රියානුසාරයෙන් ගනු ලබන විවිධ අරමුණු සාවද්යව ග්රහණය කර ගැනීමයි. මෙකී සාවද්ය සංජානනය ඇතිවන්නේ සියළු ජීව සමූහයා අතරින් තමන් යැයි එක් පුද්ගලයෙකු වෙන් කරගෙන සැලකීම නිසාය.
ස+කාය යන අර්ථයෙන් ගනු ලැබූ විට කාය යනුවෙන් අදහස් කරන්නේ ස්කන්ධ පංචකය හෙවත් තමාගේ ශරීරයයි. “ ස ” යනු තමාගේ හෝ ස්වකීය යන අර්ථය දේ. එවිට ස+කාය සන්ධි වීමේ දී කියැවීමේ පහසුව සදහා කාය ශබ්දයේ මුල් කා ශබ්දයට පෙර තවත් අතිරේක “ක්” අක්ෂරයක් එක්වී ස + ක් + කාය = සක්කාය ලෙස එම වචනය සන්ධි වේ. එයින් අදහස් වන්නේ පංචස්කන්ධයේ එක් එක් ස්කන්ධ කොටසක් පාසා වෙන වෙනමත් අවසාන විග්රහයේ දී සියලු ස්කන්ධ පංචකය කෙරෙහිමත් “ස්වකීය හෙවත් තමා හෝ තමාගේ” යන හැගීම මෙයින් අදහස් වන බවයි.
“අත්ත” ලෙස දැක්වෙන්නේත් මේ අදහසමය. අත්ත යනු ස්වකීය තමා හෝ තමාගේ යන අර්ථයයි. ආත්මය යන අර්ථයෙන්ද ඇතැම් විටක දී හින්දු ආදී වෙනත් සමයවාදයන්හි මේ අත්ත ශබ්ද භාවිතා කරතත් බුදු සමය එය ව්යවහාර කොට ඇත්තේ දාර්ශනික පක්ෂයෙන් ආත්ම අර්ථයට වඩා ස්වකීය යන අර්ථය ලබාදීම පිණිසය. අත්ත ස්වභාවයෙන් ස්කන්ධ පංචකය වියුක්ත බැව් දක්වා ඇත්තේ අත්ත ශබ්දයෙහි නිශේධාර්ථය ලෙස අනත්ත ශබ්දයෙනි. න+ අත්ත = අනත්ත ලෙස මෙම නිශේධාර්ථය සැකසී ඇත.
ත්රි ලක්ෂණයෙහි එක් ලක්ෂණයක් ලෙස ද අනත්ත දක්වා ඇත. විශුද්ධි මාර්ගයෙහි අනත්ත ශබ්දය තව තවත් විස්තාරිත කොට දක්වා ඇත. එහි සංජානන පැතිකඩ යටතෙහි බුද්ධිමය දායකත්වය සැපයෙන අයුරිනුත් ආවේදන පැතිකඩ ( Profile of Affective ) යටතෙහි හැගීම් හා ආවේග සමනය වන අයුරිනුත් චර්යා පැතිකඩ යටතේ හැසිරිම් රටාව සංස්කරණයට ලක්වන අයුරිනුත් දක්වා ඇත. සාමාන්යයෙන් සීල ශික්ෂණය ලෙස හැඳිවෙනුයේද ධනාත්මක චර්යා සංස්කරණයයි.බුද්ධිමය දායකත්වය සැපයෙනුයේ මෙහි ඉහත විස්තර කළ ආකාරයට සියලු ජෛව වර්ගයා අතරින් ස්වකීය ලෙස වෙන් නොකළ හැකි බව පෙන්වීම මගිනි.
හැගීම් හා ආවේදන සමනය වනුයේ ස්කන්ධ පංචකයම පිළිකුල් වශයෙන් සැලකීම තුළිනි. ත්රි ලක්ෂණයෙහි මෙය දුක්ඛ ලක්ෂණය ලෙස දැක් වේ. චර්යාවන් සංස්කරණය වනුයේ විරති වශයෙන් දුරු කළ යුතු දෙයක් සේ දැක්වීමෙනි. ත්රි ලක්ෂණයෙහි මෙය අනිත්ය ලෙස දැක් වේ. ප්රජානන පැතිකඩ යටතෙහි අනත්ත සංඥාව වැඩීම මගින් නුවණ දියුණු වී ප්රඥා ශික්ෂාව ඇති කෙරේ. ආවේදන පැතිකඩ යටතෙහි දුක්ඛ සංඥාව වැඩීම මගින් ආවේග සමනය වී සමාධි ශික්ෂාව ඇති කෙරේ. චර්යා පැතිකඩ ( Profile of Behavior ) යටතෙහි අනිත්ය සංඥාව වැඩීම මගින් පුද්ගලයා ධනාත්මක ආකල්ප ( Positive Attitude ) වලින් යුක්ත චර්යා සංස්කරණයකට ලක්වන අයුරින් සීල ශික්ෂණය වර්ධනය කෙරේ.
අනත්ත සංඥාව වර්ධනය කිරීමෙන් ශුන්යත විමොක්ඛය මගින් සියළු ජෛව වර්ගයා සත්ව පුද්ගල වශයෙන් සාර යයි සත් යැයි ගත නොහැකි, සාපේක්ෂ වශයෙන් පමණක් ගතහැකි, හේතු ප්රත්ය සමවාය අනුවමට හටගෙන එහි ක්රියාකාරීත්වය නිසාම පවතින, නිරපේක්ෂ අගයක් රහිත සත්තාවක් පවතින බව ද, දුක්ඛ සංඥාව වර්ධනය කිරීමෙන් අපණ්හිත විමොක්ඛය මගින් සුව දුක් ආදී සියළු විදීම් අතෘප්තකර ස්වභාවයක් ගන්නා බව ද, අනිත්ය සංඥාව වර්ධනය කිරීමෙන් අනිමිත්ත විමොක්ඛය මගින් සියළු ප්රඥප්ති ධර්මයන් ස්ථිර නොවන මායාකාරී ස්වභාවයකින් යුක්ත බව ද ප්රත්යක්ෂයෙන් අවබෝධ කර ගනියි.
සත්යාවබෝධයෙහි ලා පුද්ගල ප්රජානන ශක්තිය පුථු ප්රඥා, තීක්ඛණ ප්රඥා, ගම්භිර ප්රඥා, ජවන ප්රඥා, මන්ද ප්රඥා යනාදී වශයෙන් ප්රභේදකර වේ. මෙයින් ශුන්යත විමොක්ඛය මගින් නිර්වාණාවබෝධයට සමත් වන්නේ මෙහි තීක්ඛණ, ගම්භිර යනාදී වශයෙන් දක්වා ඇති අධිකතර ප්රඥාව ඇති පුද්ගලයන් වන අතර අනිමිත්ත විමොක්ඛයෙන් නිර්වාණාවබෝධයෙහි ලා සාමාන්ය ප්රඥාවක් ඇති පුද්ගලයන් සමත්කමක් දක්වන බව ද අපණ්හිත විමොක්ඛය යටතේ නිර්වාණාවබෝධය ලබා ගන්නේ බෙහෙවින්ම මන්ද ප්රඥා සහිත පුද්ගලයන් සමත්වන බව ද ආභිධම්මික විවිරණ මගින් හෙළි වේ. මෙයින් පැහැදිලි වන්නේ සත්යාවබෝධයෙහි ලා පුද්ගල හා ප්රජානන විශේෂතා ද බලපානු ලබන බවයි.
බුදු සමයේ සංකල්ප පිළිබද මේ තරම් දිගු විස්තරයකට එළඹියේ ප්රධාන වශයෙන් සෙසු ජෛව වර්ගයා අතරින් තමා යනුවෙන් කෙනෙකු හෝ පුද්ගලයෙකු වෙන්කොට සැලකීම දුරු කිරීම සදහා බුදු සමය උපාය මාර්ගික වශයෙන් විවිධ ක්රමවේදයන් රැසක් භාවනා ක්රම ලෙස ඉදිරිපත්කොට තිබීම පැහැදිලි කිරීම පිණිසය.දුක හටගැනීමට හේතුව පෙන්වා දුන්නාක් මෙන්ම දුක් නැති කිරීමට මාර්ගය ද බුදු සමයෙහි ඉතාමත්ම ක්රමානූකූල ලෙස පෙන්වා දී තිබේ. එය අතිශයින්ම ප්රයෝගික මාර්ගයක් ලෙසය. කෙසේ හෝ එයින් කෙරෙන්නේ සංජානන, ආවේදන හෝ චර්යා වශයෙන් මිනිස් සිත ක්රමානූකූලව නිවැරදි ලෙස ආකල්ප ඇතිවෙන පරිදි හැඩගැස්වීමයි.
දර්ශනපති
සුජිත් නිශාන්ත හේවගේ