ඉර පැනීමෙන් ලැබිය හැකි දේ ගැන වැටහීමක් තවම නැති සසික තම අඩ හැරය ඔස්සේ අඩන්නට පටන්ගෙන ඇත. ඔහුගේ අවබෝධය සඳහා මෙය ලියන්නට සිතිණි.
පොලිස් හා ඉඩම් බලතල පමණක් නොව වෙනම රාජ්‍යයක් ද ඉල්ලා සිටියාවූද ඒ සඳහා යුද වැද සිටි පාර්ශවයේ නැගෙනහිර ප‍්‍රාදේශීය නායකයාවූ ද දළදා මාලිගාවට පහර දීම ඇතුළු තව බොහෝ දකුණේ ප‍්‍රහාරයන් පෞද්ගලිකව මෙහෙයවූ ද කරුණා, ඉර පැන්නාට පසු, ආණ්ඩුපක්ෂයේ පත් කළ මන්ත‍්‍රීවරයෙක් වී ඉන්පසු ඇමති කෙනෙක් වී ඉන්පසු ශ‍්‍රීලනිපයේ උප සභාපති වූයේ ය. ඉර පැනීමෙන් ලද හැකි දේ එබඳු ය.
මහින්ද රාජපක්ෂ බලයට පත් කිරීම උදෙසා ශ‍්‍රීලනිපය තුළ වඩාත් දරදිය ඇඳි පුද්ගලයෙක්වූ ශ‍්‍රීපති සූරියආරච්චි මහතා, ඉර වැරදි පැත්තට පැණීමෙන් පසු, ආණ්ඩුවේ නිල වාහන අනිසි ලෙස භාවිතා කළ ප‍්‍රථම හිටපු ඇමතිවරයා ලෙස රක්ෂිත බන්ධනාගාර ගත වූයේ ය. ඉර වැරදි පැත්තට පැනීමෙන් ලද හැකි අවාසි එබඳු ය.
හරියට ඉර පැනීමෙන් දේශද්‍රෝහියෙකුට දේශපේ‍්‍රමියෙකු වීමටත් අතීතය සොදා පවිත‍්‍රකර ගැනීමටත් ලැබෙන අතර වැරදියට ඉර පැනීමෙන් නැති අතීතයකට පවා උරුම කිරීමටත් ඉඩ ලැබෙන්නේ ය.
රාජිත සේනාරත්න, රෝහිත බෝගොල්ලාගම, මහින්ද යාපා අබේවර්ධන, කෙහෙලිය රඹුක්වැල්ල, තිලංග සුමතිපාල, ආර් දුමින්ද සිල්වා ඉර පැන එසේ සෝදා පවිත‍්‍රවූ අයයි.
ඉතින් මේ ඉර පැන Beyondframeට මේ සෝදා ගැනීම කරන්නට බැරි යයි සසික හිතන්නේ ඇයි? අපට ඇති පැනය එයයි.
එසේ වූ දාට සසිකට ද අපට යටත් වන්නට සිදු නොවී තිබේවී ද?
කෙතරම් දේශපේ‍්‍රමින්, දැන් කරුණා පවනට බඳුවේගයෙන් යන විට තම යාන වාහන නවතා ගෙන ඒ පෝලිමට ඉඩ දී පැත්තකට වෙනවා ද? ඒ ගොඬේ සසික හිට ගෙනවත් ඉඳ නැත් ද?
හෙට අනිද්දා ඉර පැන Beyondframe ඇමතිවරයෙක් වුනහම සසිකට කාණුවට බැස යනකම් ඉන්න වෙන්නේ නැත් ද?
එතකොට සසික වැටෙන්නේ මොන කොලයට ද?
Beyond Frame 
නිදහස් අදහස්
May 7, 2009
well said
-බිன்ku-
May 7, 2009
බුවාලත්තයේ ඔක්කොම එකයි. මොන පාටත් භඹර චකුය වගේ මාරැ වෙනවා නෙව.
-බිன்ku-
May 7, 2009
*බඹර චක්‍රය
අමිල
May 7, 2009
කතාව ඇත්ත.
මේ යන විදියට පොට්ටු අම්මාන් උනත් වේලසනම පැන ගත්තනම් මේ වෙනකොට පක්ෂයේ උප සභාපති වෙන්න ගියා.
beyondframe
May 8, 2009
සති අන්තයේ රාවය වාර්ථා කරන්නේ දයා මාස්ටර් ජාතික ලයිස්තුවෙන් පාර්ලිමේන්තුවට ගෙන ඒමේ සූදානමක් පවතින බව ය. පොට්ටු අම්මාන් පරක්කු වූ බව එයින් ද පෙනී යන්නේ ය.
beyondframe
May 8, 2009
@ අඩහැරය
දේශපේ‍්‍රමී වීමත් ආණ්ඩුවේ රෙදි හේදීමත් දෙකක් යයි අඩහැරයෙන් නැවතත් අඩමින් සසික නානායක්කාර කියා තිබිණි. ඔහුට වැරදී ඇත්තේ මෙතැන ය.
පළමුව අප උත්තර දිය යුතු ප‍්‍රශ්නය වන්නේ ආණ්ඩුව දේශපේ‍්‍රමී ද යන්නය. එය එසේ නම් ආණ්ඩුවේ රෙදි හේදීම දේශපේ‍්‍රමී ය. දේශපේ‍්‍රමී ආණ්ඩුවක් කුණුවූ දුගඳ හමන රෙදි පිළියෙන් සැරසී සිටීමෙන් වාසි සැලසෙන්නේ දේශද්‍රෝහීන්ට බැවිනි.
ආණ්ඩුව නිරුවතින් සිටින කල වුවද පැළඳ සිටින්නේ සීතාම්බර පට යයි දේශපේ‍්‍රමීන් කියන්නේ ඒ නිසා ය.
ඇත්තටම අප කියනා සසිකට තේරුම් ගැනීමට අමාරු ඉර නිර්මාණය වන්නේ මෙතැනනි.
එජාපය දේශද්‍රෝහී වන්නේ ද ලසන්ත මරණයට පත්වන්නේ ද සිරසට පහර ලැබෙන්නේ ද මේ ඉරේ වැරදි පැත්තේ සිටීමේ හේතුවෙනි.
සසික නානායක්කාරට දේශපේ‍්‍රමී ආණ්ඩුවත් සමග එකට සිට ගතහැක්කේ නහය වහගෙන දෙඇස් වසා ගෙන ලජ්ජාවෙන් බිමට හරවා ගත් දෙනෙතින් යුතුවය. නැතහොත් එය ඇඳන් ඉන්නා රෙදි සේදීමට හෝ එය පැළඳ ඇත්තේ කුණු රෙදි නොවේ යයිද එසෙත් නැත්නම් එය ඉන්නේ නිර්වස්ත‍්‍රයෙන් නොවේ යයිද කියා පෑමෙනි.
ඔබ ඔය කියන අව්යාජ ගැමියාද ආණ්ඩුව සම්බන්ධයෙන් හැසිරෙන්නේ ඒ බව ඔලූවේ තියාගෙන ය.
රෙදි ඇපිල්ලීම නැවැත්වූ දාට කුණු වල ගඳින් එයින් දනවන අපුලෙන් ඒ සියල්ලන් කලන්ත වීමට නියමිත ය.
අපේ බ්ලොග් අඩවියට වැඩිපුර පහර එල්ල වන්නේ මේ කුණු, කුණු යයි අප කියා සිටීම හේතුවෙනි. ඒත් අප දන්නා පරිදි සසික ද ඇතුළු සමහර දේශපේ‍්‍රමීන් ඊට කැමති ය. ඔවුන්ට කුණු හේදීමට අවස්ථාව ලැබෙන්නේ කුණු ඇඳුමේ තිබේ යයි පෙන්නුම් කළ විට බැවිනි.
සසිකට අවසාන වශයෙන් කිව යුත්තේ අප (Beyondframe) දේශපේ‍්‍රමීන් නොවන්නේ අප දේශද්‍රෝහීන් නිසා නොව රේඛාවෙන් වැරදි පැත්තේ සිටීම නිසා ය. අප ජාතියට කොතෙක් හිතවත් වුවත් එය ගොඩගැනීම සඳහා කොතෙක් වෙහෙසක් ගත්තත් අපට දේශපේ‍්‍රමීන් වීමට බැරි අප ඉරෙන් එහා පැත්තේ ඉන්න නිසා ය. ආණ්ඩුවේ රෙදි කිළිටි යයි කියන නිසා ය. රෙද්ද අස්සෙන් හෙලූව පේනවා යයි කියන නිසා ය.
Lalinda (London)
May 8, 2009
Very Good Comment !!and Good Blog Letter !!
Free Thinker
May 10, 2009
ඔය අව්යාජ ගැමියා කියන එකා ඉන්නේ මොන ලෝකෙකද. එහෙම ගැමියෙක් ලංකාවෙන් නම් හොයාගන්න බැරි වේවි. අත්දැකීමෙන් කියන්නේ.
යවෙස් ලූ මිනිසා
May 8, 2009
//පළමුව අප උත්තර දිය යුතු ප‍්‍රශ්නය වන්නේ ආණ්ඩුව දේශපේ‍්‍රමී ද යන්නය
අපේත් පුරස්නය ඕකමය. BeyondFrame තමා කියාගන්නා පරිදි ඉරෙන් එහා පැත්තේ සිටියත් දේශප්‍රේමී යයි කියන කතාව ගැන සැක සාංකා මතුවේ. මොකද ආණ්ඩුව මොන වැඩේ කලත් මොහුට ඒක අපුල නිසාය.
ඊළගට BF කියන පරිදි ඉරක් ති‍යනවාද යන පුරස්නයත් මතුවේ. BF කොටුවී සිටින රාමුවේ තඑම ඉන් පැහැදිලිය. මේ ඉඒ දෙපැත්ත සොයනු විනා ඉරෙන් ඈත විසදුම් ඔහුට පෙනෙන්නේ නැත.
අසුචි වලක සිටියෙක් වරක් අනෙකෙකුගේ ගුද වාතය ගද යයි කියමින් නහය හකුලා ගත්තේ ලු. BeyondFrame වැනි කුප්‍රකට ආණ්ඩු විරෝධි රාමුවෙන් එහාට යාමට නොහැකි වූ අය අනුන්ගේ කුණු රෙදි පිළි ගැන කතා කිරීම අර නහය හකුලුවා ගැනීමට නොදෙවෙනි විහිළුවකි.
beyondframe
May 8, 2009
Beyondframe අපුල යයි කිවු ආණ්ඩුවේ හොඳ වැඩක් පෙන්නනවා ද? එවිට මේ සටහන කියවන අයට ඔබ කියන කතාව වඩාත් හොඳින් තේරුම් ගත හැකි වනු ඇත.
යවෙස් ලූ මිනිසා
May 8, 2009
වැඩි දෙයක් අවශ්‍ය නැත. UNP හා චන්ද්‍රිකාගේ ආණ්ඩු වලට වසර 35 තිස්සේ පාරවල් වලට දැමිය නොහැකි වූ කොන්ක්රීට් දැමීම පෙන්වා දිය හැක. නොරොච්චෝලේ විදුලි බලාගාරය තවත් උදාහරණයකි.
නමුත් ඔබ වැනි කුලී ලියන්නකුට මේවා පෙන්වා දීමෙන් වැඩක් නොවේ. මන්ද ඔබ කොන්ත්‍රාත්තුව ඉවර වෙන තුරුම මෙලෙස ලියන හෙයිනි.
Free Thinker
May 10, 2009
අනේ අපේ පාරටත් කොන්ක්රීට් දැම්මා මෙ ආන්ඩුවෙන්. ඒත් මාස දෙකක් යන්න කලින් බාල කොන්ක්රීට් වල හිල් වෙලා මඩ වලවල්. ගමේ කට්ටිය එකතු වෙලා ආපහු වලවල් වැහුවා.
beyondframe
May 9, 2009
යවෙස් ලු මිනිසා
කොහෙද යන්නෙ ඇහුවම කවුදෝ කිව්වලු මල්ලෙ පොල් කියල. අප ඇසුවේ අප අපුලයයි කිවු ආණ්ඩුව කළ හොඳ වැඩ එකක් පෙන්නන්න කියා ය.
උත්තරය පාරට කොන්ක්රීට් දැමීම හා පාලම් සැදීම ය.
අහෝ ඛේදයකි! අප මිත‍්‍රයාගේ තර්කයේ දිග පළල!
ඒවා අපට අපුලයයි කියා අප කිවූ එක් තැනක් මේ බ්ලොග් අඩවියේ ඕනෑම තැනකින් පෙන්වන මෙන් අපි මේ මිත‍්‍රයාගෙන් ඉල්ලා සිටිමු.
පාරක් පාලමක් නොහැදු ආණ්ඩු ලංකාවේ තිබුනේ නැත. නොරෙච්චොලේ නොහැදුවා නම් අපට හෙට අනිද්දා ඉන්නට තිබුනේ අඳුරේ ය. අපෙන් දිගට හරහට හැම ඇටයකින්ම බදු ගන්නා ආණ්ඩුවක් මේවාවත් නොකළේ නම් එයට පවතින්නට බැරි ය. ඇත්තටම කියනවා නම් මේවා නොකර තමන්ගේ සාක්කුවට කීයක්වත් දමා ගන්නට පවා දේශපාලනඥයින්ට බැරි ය.
මේ විකාර නැතිව අප අපුලයයි කී ආණ්ඩුවේ හොඳ වැඩක් පෙන්වීමට ඔබට තවම අවස්ථාව තිබේ.
wahupatta
May 9, 2009
umboooo