Beyondframe බ්ලොග් අඩවියට අදට මාස 6 කි. ඒ වකවානුව තුළ බ්ලොග් සටහන් දෙසිය දහහතරක් අප විසින් ලියා තිබේ.
අප බැහැ දැකීමට පැමිණි අමුත්තන් ගණන තිස්දහස ඉක්මවයි. ප්රතිචාර දැක්වූ වාරගණන එක්දහස් හාරසියයකි. සමහරු අප සමග රැඳුනු අතර බොහෝ දෙනෙක් අප අතැර ගියෝය. එය අපි අපේක්ෂා කළෙමු.
දැන් මේ අඩවියට තාවකාලික විරාමයක් දෙන්නට වෙලාවයි.
ඔබ බැහැ දැකීමට එන්නට නියමිත යයි අප කියූ අමුත්තා ඔබේ ගේ දොරකඩට ම පැමිණ ඇත. ඒ සමාජ දේශපාලනික හා ආර්ථික අර්බුදයයි.
අප දිගින් දිගට ඒ ආගමනය ගැන සැළකර සිටියේ ඔබ යමක් කරනු ඇතැයි විශ්වාසයෙන් නොවෙතත් කරන්නට අපට යමක් ඉතිරිව තිබුයේ යයි විශ්වාසයෙන් නෙවෙතත් අපට පෙනෙන දේ කීම යුතුකමක් යයි සැළකූ නිසා ය.
එය පිළිගත්තේ ටික දෙනෙකි. දැන් ඉතිරි අයට ද එහි වරුණ බලා ගත හැකි ය. එදාවේල ටුවර්ස් ආණ්ඩුව දැන් අසරණ ව සිටී. එහෙත් හොස්ස බිම ඇනෙන තුරු එ බව පිළිගන්නේ නම් නැත. බොහෝ බැංකු කළමනාකරුවන්හට තම ගනුදෙනු කරුවන්ට දෙන්නට සල්ලි නොමැතිවීම හේතුවෙන් එහේ මෙහේ දුවනු අප ඊයේ පෙරේදා දැක්කෙමු.
කස කාරයාගේ සද්දෙන් පෙරහැර එන බව අඳුනා ගැනීමට බැරි වූ අයට එය දැන් සියැසින් දැක බලා ගත හැකි ය.
අලූතෙන් සටහන් නොදැම්මත් පරණ සටහන් නැවත නැවතත් බැලීමට ටික දෙනෙක් හෝ පැමිණෙනු ඇතැයි විශ්වාස ය, අප ලියූ දෑ වඩාත් තීව්රව දැනෙනු ඇත්තේ අදටද වඩා අනාගතයේ දී ය.
මේ බ්ලොග් අඩවියට අවසන් තිත නොවේ.
වෙනදා මෙන් නිති පතා නොපැමිණෙන බව දැනුම් දුන්නා පමණකි.
අලූතෙන් යමක් කියන්නට තිබුනොත් නැවත කට අරින්නට අප පැකිළෙන්නේ නැති බව සහෘදයින්ට කියා සිටීමට ද කැමැත්තෙමු.
අවුල් කර ගත් නූල් බෝලය ලිහාගන්නේ කෙසේදැයි අපි දැනට බලා සිටිමු. මෙතෙක් නූල් බෝලය අවුලූ කරන්නට උඩ ගෙඩි දුන් අය කෙසේ ප්රතික්රියා දක්වනු ඇත්දැයි දැක බලා ගැනීමට අපි වඩාත් කැමැත්තෙන් සිටිමු.
ecH
April 10, 2009
හ්ම්… කුකුල් කරමලයක් නොවී ටික දවසක් නොපෙනී ඉන්න එකත් හොඳයි තමයි. අර එන එක්කෙනා එන්නෙ අවුරුදු කුමාරය වගේ ලස්සනට ඇඳගෙන හින්ද එයා ඇවිත් ටික වෙලාවක් යනකල් ආවෙ කවුද කියල දැණෙන එකක් නෑ.
ramachandra
April 10, 2009
ඔබේ අදහස් සමග විවිධ ගැටලු පැවතියත් ඔබේ අඩවිය අප නිරන්තරයෙන් ඇසුරු කලා.ඒ බොහෝ දෙනා කතා කිරීමට මැලිවන දේවල් කතා කෙරුනු නිසා.ඒක මේ වගෙයි.විද්යාවට අවශ්ය නිර්භය උපන්යාස බව පොපර් පවසා තිබුනා.ඒ කියන්නේ ඕනම පරික්ෂනයකට මුහුන දෙන්න සූදානම් වර්ගයේ උපන්යාස.අප විශ්වාස කරන සමහර දේ පිලිබද නැවත සමාලෝචනයකට හා ස්වයං ව්වේචනාත්මක හැරී බැලීමකට ඔබේඅඩවිය හේතු වුනා.
නවතිනවා නම් ඒක ඇත්තටම අඩුවක් වනු ඇති බව අවංකව කිව යුතුයි.
-බිன்ku-
April 10, 2009
ඔබේ මතයන් විස්වාසයන් මගේ මතයන් හා විස්වාසයන් සමඟ වෙනස් වුවත් අනෙක් බිලොග් වලටත් වගේම මම මෙයටත් ආවේමි. මට පෙර කලින් පිළිතුරු දෙන්නාට එකඟ වෙමින් සුභ පතමි. ඇත්ත ඇත්ත මිසක් වහ ගන්න බොරු ගොඩාක් කියන්න ඕනේ බොරුවක් නෙමේ. ඇත්තට පැත්තක් නැහැ, ඒක කොටියට වගේම මහින්දටත් රනිල්ටත් විමලාටත් චම්පිකටත් උඹටත් මටත් පොදුයි. එදාට අපිට කියන්න දේවල් එවි.
අපේ රට ගැන ආඩම්බර වෙයන්, ලොකේම පිල් බෙදන්න තරම් අපේ රට සමත්ද මන්දා!
කොහොම වුණත් නැවතිමේ තිතක් නැතිව කොමාවක් දාපන්.
poojitha
April 10, 2009
Why? did some one threatened you to stop this blog??? Seems like it ..?
මකබාස්
April 10, 2009
ඈ බං? අහවල් සන්තෑසියක් වුන හින්දද උඹ මෙහෙම පස්ස ගහන්නෙ? ජාතක-චින්-තන කට්ටියවත් උඹට සත්තමක් දැම්මද ? උඹ කියන හැම එකක් එක්කම එකඟ නොවුනත් අපි අනිවාර්යෙන් ආපු බ්ලොග් එකක් නෙ මේක.
තාරක ද සිල්වා
April 10, 2009
අපේ තාත්තා නං කිව්වේ මේ බ්ලොග් එක ලියන එකා අහුවුනොත් උගෙ කැවුත්ත කනවයි කියල තමා.. දැං හුගක් කල් ඇමෙරිකාවෙ හින්ද මට සිංහල බේ.. කැවුත්ත කියන්නෙ කුනුහරුපයක් නේද?
බබී ආච්චි..
April 10, 2009
ඈ බං මචං පුතේ… අවුරැද්දට සුදු ලේලිගේ ගමේ මහගෙදරට ගියාට කමක් නෑ.බින්න බහින්න නැතුව පුළුපුළුවන් ඩිංගිත්ත වෙලාවකට හරි ඇවිත් මේකේ මොනවා හරි කොටාල පලයන්.නැත්නම් උඹව දකින්න නැතුව මට සාංකාවට එවි.උඹටයි මිනිපිරීටයි හිච්චි කෙල්ලටයි සුභ අළුත් අවුරැද්දක්..!
ඒරොප්පේ සිට බබි ආච්චි…
සාගර
April 10, 2009
මීට කුමක් ලියන්නදැයි සිතාගත නොහැක. මා ඔබ සමඟ හැමවිටම එකඟ නොවූ බව ඇත්ත. එහෙත් අඩු තරමින් ඔබ නිසා මට දිනපතා සිංහල බ්ලොගවකාශයෙහි කියවන්නට දෙයක් ලැබිණි. මේ නිසා ඔබේ නිහඬ වීම (තාවකාලිකය සිතුනද) මට සංවේගය දනවයි. කෙසේ වෙතත් මගේ ආත්මාර්ථකාමී සිතිවිළි වලින් මිදුනු කළ නිහඬ වීම ඔබට යහපතකි. ඕනෑම බ්ලොග් එකක් ජනප්රියව පවතින්නේ ටික කාලයකි. ඒ කාලය තුළ නිහඬ වීම, ඊට පසු නිහඬවීමට වඩා හොඳය.
උන්මන්තක
April 10, 2009
—– මේ මගේ මතයයි.—–
BF මහතාගේ සියලුම ලිපි කියවීමට නොහැකි වූවද අතරින් පතර හෝ කියැවීමි. ඔබගේ මතවාද සියල්ලක්ම සමඟ එකඟ නොවෙමි. ඔබම කියන ආකාරයට ඔබ රඟපෑවේ කසකාරයාගේ චරිතයයි.
දැන් නැට්ටුවාගේ වාරයයයි. නැට්ටුවා නටන හැටි කලින්ම BF කීවේය. දැන් එය හරිද වැරදිද යන්න සියැසින්ම බලාගැනීමේ වාරය ළඟාවී ඇත.
BF තාවකාලිකව සමුගන්නේ තවදුරටත් කස පිපිරවීමෙන් ඵලක් නැති නිසා විය යුතුය. දැන් සියැසින්ම බලාගත හැකිය. ආණ්ඩුව යුද්ධය දිනනු ඇත. එහෙත් ප්රශ්නය එතැනමය. තවත් ප්රභාකරන්ලා සිය දහසක් බිහි වුවහොත් පුදුම විය යුතුද නැත.
—– මේ මගේ මතයයි.—–
Sam
April 10, 2009
//අප ලියූ දෑ වඩාත් තීව්රව දැනෙනු ඇත්තේ අදටද වඩා අනාගතයේ දී ය.//
Do you honestly believe so? i think history replete itself over and over again without learning anything form the past. if you read old news papers in SL, you will find more or less the same arguments we have today. Female dress code, one very good example.
සිංහල ජාතිවාදියා
April 10, 2009
අනේ අම්මප තමුන්නාන්සේ අර ඒ කාලේ හදන්ඩ යෝජනාකොරපු රතිඤ්ඤා පැට්ටේරියටම මට ගිණිතයන්ඩ හිතයි. සංතෝසෙට. කොහෙටද වීසා හදාගත්තෙ. තමුසත් අනුන්ට කිය කිය වැල යන පැත්තට මැස්ස ගහනව නේද? හොර ගෙඩිය. ප්රභා අයියවත් අරං යන්ඩ තැතනුවෙ නැතැයි. මොකකද දැං හොයාගත්තු බඩ රස්සාව. මෙහේ මළකුණු ඉවර වෙනකොට වහන්ඩ තැනක් හොයාගන්ඩ නැතැයි. මට එන චිතප්රීතිය නං අම්මප…..
පිටස්තරයා
April 10, 2009
බ්ලොග් ලිස්ට් වල නැති වුනාට
කමෙන්ට් නොදමා ගියාට
බැන බැන ගියාට
ඉඳලා හිටලා වලට පැනලා මඩ නෑවට
BF උඹ ගියාට පස්සේ පාළු හිතෙයි.
සීසෝ එකේ පැත්තක් දැන් යට යනවා.
කුඩු ලාල්
April 10, 2009
සෑර්, මට නම් ඉඳලා වැඩක් නෑ ඉතින්. පැනඩෝල් පෙති ගිලලා මැරෙන්ඩ ඉතෙනවා බොස්. ඉහි ඉහි ඉහි.
Henry
April 10, 2009
අනේ ලොකු උදව්වක්
Billy Boy Junior
April 11, 2009
Beyond Frame අයියේ,
මේක හරියට උඹේ ආදාහනෝත්සවය වගේනෙ බං. හැම එකාම ශෝක ප්රකාශ නිකුත් කරන්න පටන් අරගෙන තියෙන්නේ. ඕං ඉතින් මටත් ඇඬෙනවා. අනේ දෙයියනේ කවුද ඉතින් මාව senior වෙන දවස අහන්න ඉන්නේ? අපිව දාල යන්න එපෝ!
Sunimal (Nepal)
April 11, 2009
Oh Why Why Why ????? I was found your blog in end of February.I read every day in evening.It was a very good Help to me make me my frustration mind to better after reading a Sri Lankan News. Most of the Letter i enjoyed very well. Es Example i like remember this Letter now “Boruwate neda sitinan Aharavima”. I love this Letter. If you living in Sri Lanka. I have a full Respect for You. The manner you thinking and writing the Letters are very Progressive. I hope ,that i meat you somewhere in Future in my life. Thanks for Everything. Have a nice Weekend!!
malee
April 11, 2009
ඔහ්.. කමෙන්ට් නොදැම්මට සමහර දේවල් වලට එකග වෙන්න අමාරු අවස්ථා ආවට බ්ලොග් එක නවතින එක නම් කණගාටුවක්.. ඒත් ඉතිං එකම දේ ලියන එකෙනුත් පලක් නැහැ නේ..
අරවින්ද
April 11, 2009
දවසක් මේ බ්ලොග් එකට කළ සම්මාදම කෙතෙක්ද යත් මගේ අතේ මැණික් කටුවේ සිද්ධාලේප ගාන්නටත්, දින දෙකක් වැඩිපුර ටයිප් නොකර සිටීමටත් සිදුවුනා. එත් දුකක් නෑ. මේ තරම් ක්රියාකාරී බ්ලොගයන් හමුවන්නේ කලාතුරකින්. ඔබ තීරණය නැවත් සලකා බලන්නේ නම් යහපති.
– අරවින්ද
Siriyalatha (Kahatagasdigiliya)
April 12, 2009
I love You !!! East or West Your are the Best !! Please write again!
බඩා
April 12, 2009
කොටියට කඩෙ ගිය උබ කොටියා පරදින කොට ගමරට පෙරලන් දුවන්න හදනවා. දැං කාට බ්ලොග් ලියන්න ද? නෝවේ කාරයත් අහක බලා ගත්තා.
BF ගේ යටි හිත
April 13, 2009
කොටියා වෙනුවෙන් මිනිස්සු හඩ නගන්නේ නැති කොට මම කුමක් කරම්ද ?
කොටියා වෙනුවෙන් හඩ නගපු තිස්ස අත්තනායක හමුදාවට ගුණ කියද්දි මම මොනව කියන්නද?
දත් දොස්තර ජයවර්ධන උන්නැහැත් කට පියන් ඉංදැද්දි මම මොනව කියන්නද?
සෝල්හයිම් කොටියට කතා කරල මිනිස්සු නිදහස් කරන්න කියද්දි මම මොනව කියන්නද ?
රට පුරා ජාතික කොඩි ලෙල දෙද්දී, පාරක් ගානෙ රණ විරුවන් දිරිමත් කරල බැනර් එල්ලද්දි ඒ ඔක්කොම පිස්සො කියල කියන්නද ?
ප්රභාකරන් මලොත් මට යන කල දසාව මොකක්ද ?
මුන්ට කොච්චර කිව්වත් 2/3 කින් වගේ වයඹත් රාජපස්ස ආණ්ඩුවම දිනද්දි තව දුරටත් මේ රටේ විජාතික මතයට ඉඩක් නැති වග මම තේරුම් ගත්ත.
දැන් එක්කෝ රාජපස්ස ආණ්ඩුවට ගුණ කියන්නට ඕනෑය. එතකොට මගේ අඩවියට යන එන පිරිස අඩුවේ. කමෙන්ට් අඩුවේ. ඊට හේතුව මට ලැබුණු කමෙන්ට් වලින් 75%කට වඩා මට බැනපු කමෙන්ට්ය. එවැනි දියාරු බ්ලොග් එකක් පවත්වා ගැනීමෙන් මට කිසිදු ආතල් එකක් නැත. එනිසා මම එම මාවතේ නොයමි.
මට ඉතිරිව ඇති අනෙක් මාවත නම් නිහඩව සිටීමය. එතකොට අඩුම තරමේ මගේ නහයේ දැවිල්ලවත් අඩුවේ යැයි මම හිතමි.
එකම කතාවක්,අවසානය දෙකක්
April 13, 2009
එකම කතාවක් …….. අවසානය 2 ක් …….
NEWS 1st – Developing Story –
මාස 6ක් තිස්සේ නිදහස් මාධ්ය වේදියෙකු ලෙස කටයුතු කළ බියොන්ඩ් ේරේම් නම් මාධ්ය වේදියා වෙත නාදුනන පිරිසක් විසින් සිය වෙබ් අඩවිය නවතාලන ලෙස තර්ජනය කොට ඇත. ඔහුගේ බ්ලොග් අඩවිය මෙම රටේ ජනතාවගේ දැනගැනීමේ අයිතිය වෙනුවෙන් සෑම විටම පෙනී සිටියයේය.එම බ්ලොග් අඩවිය මගින් පසුගිය කාලය පුරා සිදුකළ ජාතික මෙහෙවර අන්තර් ජාතික ඇගයීමටද ලක්වුණි.මේ අතර ඔහුගේ වෙබ් අඩවිය හරහා වැඩිපුරම කතාබහ වූ පුද්ගලයා වූයේ අමාත්ය ආචාර්ය මර්වින් සිල්වා මහතායි.
මේ අතර මෙම තර්ජනය හෙලා දකිමින් මාධ්ය සංවිධාන රැසක් නිවේදන නිකුත් කර ඇත. නිදහස් මාධ්ය ව්යාපාරය නිකුත් කළ නිවේදනයේ දැක්වූයේ මෙසේ ජනමාධ්ය වේදීන්ට කරනු ලබන තර්ජන නැවැත්වීමට රජය අපොහොසත් වී ඇති බවයි. මේ සම්බන්ධව වගකීම භාරගෙන ජනපතිවරයා වහාම ඉල්ලා අස්විය යුතු බවද වැඩිදුරටත් එම නිදව්දනය මගින් පුකාශ කරයි.
මේ අතර මෙම ලේඛකයාගේ කොල්ලුපිටියේ පිහිටි නිවස වටා පසුගිය දින කීපයේ සුදුපැහැති වෑන් රථයක් ගැවසී ඇත.
*********************************************
ITN ප්රවෘත්ති …….
බියොන්ඩ් ෆ්රේම් සමග තවත් 2000 ක් සන්ධානයට ….
රට ජාතිය වෙනුවෙන් ත්රස්තවාදය විනාශකරමින් ජනාධිපති තුමා සිදුකරනු ලබන කාර්යයට සිය සහයෝගය පල කරමින් එතුමාට සහය පල කරන බව මාධ්ය වේදී බියොන්ඩ් ෆ්රේම් මහතා ප්රකාශ කර සිටී. තවත් සහෝදර බ්ලොග් කියවන්නන් 2000 ක් සමග අරලිය ගහමන්දිරයේදී අතිගරු ජනාධිපති තුමා හමුවී මෙම පිරිස ඉදිරි මැතිවරණ වලදී සංධානයට සහය පල කරන බව ප්රකාශ කර සිටී.
මින් ඉදිරියට සිය බ්ලොග් අඩවිය හරහා “මහින්ද චින්තනය” ශක්තිමත් කිරීමට ක්රියා කරන බව එතුමා තවදුරටත් පැවසීය.