රාමචන්ද්රගේ බ්ලොග් අඩවියෙ ගිය ඉහත කතිකාවට මාත් පොඞ්ඩක් ඔලූව දාලා බැලූව. මේ කතිකාවත් අන් හැම කතිකාවක්ම වගේ හැගීම් අවුස්සන එකක් වෙලා. මට හිතුන මේකට මගේ පුංචි අදහස් කීපයකුත් එකතු කරන්න.
බොහෝ බටහිර රටවල විශ්ව විද්යාල අධ්යාපනය ලබන සිසුන් බොහෝ දෙනෙක් රැකියාවලත් යෙදෙනව. බොහෝ රටවල ආණ්ඩු විශ්ව විද්යාල අධ්යාපනය ලබන අයට ණය මුදල් පවා ලබා දෙනවා. සමහරු කාලයක් රැකියා කරල මුදල් උපයාගෙන නැවත විශ්ව විද්යාලයට යනව. (මෙහේ වගේ වයස ඊට බලපාන්නෙ නැහැ)
ඒ නිසා ඒ රටවල සල්ලි නැති නිසා විශ්ව විද්යාලයන්වලට නොයන අය අඩුයි. ඒ විශ්ව විද්යාල පද්ධතිය හදල තියෙන්නේ ඕනම කෙනෙකුට දක්ෂ නම් ඒ පද්ධතියට කිසියම් දවසක ඇතුළු වෙන්න පුලූවන් විදිහට.
එක උපාධියක් නෙවෙයි. අවශ්ය නම් උපාධි කීපයක් කරන්නටත් ඒ රටවල ඒ නිසා අවසර තියෙනව.
පුද්ගලික විශ්ව විද්යාලත් තියෙන නිසා විශ්ව විද්යාල අතර විශාල තරගයක් තියෙනව. ඒ නිසා විශ්වවිද්යාලවලින් අලූත් දේ බිහිවෙනව. අලූත් පාඨමාලා ඇති වෙනව. අලූත් දර්ශනයන් ඉදිරිපත් වෙනව.
බොහෝ විශ්ව විද්යාල දක්ෂ දුප්පත් සිසුන් තමන්ගේ විශ්ව විද්යාලවලට ඇදගන්නට ගාස්තුවලින් නිදහස් කිරීම්වලට අමතරව සමහර විට ජීවන දීමනා පවා ගෙවනව.
බොහෝ ව්යාපාරික ආයතන දුප්පත් දක්ෂ සිසුන් වෙනුවෙන් අරමුදල් සංවිධානය කර තිබෙනව. ආයතනික සමාජ මෙහෙවරක් හැටියට. ඒවා සමහර අවවරප්රසාදිත සමාජ කණ්ඩායම් ඉලක්ක කර ගෙන සංවිධානය කරල තියෙනව (කාන්තාවන්, කලූ ජාතිකයින්, අබාධිතයින් ආදී වශයෙන්)
විවිධ සමාජ ව්යාපාරවලින් අනුග්රහ දක්වන කණ්ඩායම්ද ඒ අතර වෙනව.
සමහර රටවල විශ්ව විද්යාලවල තමන්ම නීති දාගෙන ඉන්නව මුදල් අයකරන හැම සිසුන් පස් දෙනෙකුට හෝ දහ දෙනෙකුට මුදල් අයනොකරන එක ශිෂ්යයෙක් ඇතුළු කරගන්නා ආකාරය ට. ඒ විදිහට දක්ෂ අය අධ්යාපනයෙන් අයින් වීමෙන් සමාජයට වන හානිය අවම වෙලා තියෙනව.
බොහෝ විශ්ව විද්යාල තමන්ගෙ රටවල දුප්පත් සිසුන් පමණක් නෙවෙයි, වෙනත් අඩු ආදායම් ලාභී රටවල දුප්පත් සිසුන්ටද අවස්ථාවන් ලබා දීල තියෙනව.
විශ්ව විද්යාලයක නැගීම තියෙන්නේ සල්ලි තියෙන මුග්ධයින් අතලොස්සකට අධ්යාපන සහතික පිරිනැමීම ඇතුළෙ නෙමෙයි. විශ්ව විද්යාල පවත්වාගෙන යන්නට මේ තරගකාරී ලෝකයේ මුදල්වලට විතරක් බැහැ. ඒ සඳහා දක්ෂ සිසුන් අවශ්යයයි. හැබැයි මුදල් නැතිවත් බැහැ. මේ අන්ත දෙක ඉදිරිගාමී විශ්ව විද්යාල දක්ෂ විදිහට තුලනය කරනවා. නැත්නම් ඒ ගොල්ලන්ට දිගු කාලීන පැවැත්මක් නැති නිසා.
සමහර විශ්ව විද්යාලවල තෝරා ගැනීම සඳහා ප්රවේශ විභාගයන්වල ලබා ගන්නා ලකුණු යොදා ගන්නේ පෙරහනයක් ලෙස පමණකි ඉන් අදහස් කරන්නේ යම් අවම ලකුණු මට්ටමක් පමණක් ලබා ගැනීම සෑහෙන බවයි එහෙත් ඔවුන්ගේ වැඩි අවධානය යොමුවන්නේ තමන් තෝරාගන්නා විශය පථය පිළිබඳ සිසුන් ප්රදර්ශනය කර ඇති උනන්දුව ය ඒ සඳහා ඔවුන් විසින් දැනටමත් කර ඇති ක්රියාකාරකම් ය
සමාජ සාධාරණය ඉටුවන අතරේ වඩා ඉදිරිගාමී සමාජයක් හදන්නේ කොහොමද කියන කාරණයයි අප විසින් සළකා බැලිය යුතුව ඇත්තේ.
එහෙත් මේ විවාදයන් බොහෝමයක් ඒක පාක්ෂිකයි. එක්කො ඉදිරිගමන අමතක කරල සමාජ සාධාරණත්වය වෙනුවෙන් පෙනී ඉන්න අයත් එහෙම නැත්නම් සමාජ සාධාරණත්වය අමතක කරල ඉදිරිගමන වෙනුවෙන් පෙනී සිටින අයත් ඉන්නව. හැබැයි හොඳට බැලූවොත් පේනව, මේ දෙකෙන් එකක් වෙනුවෙන් පෙනී සිටිනවා යයි කියන බොහොම අය ඇත්තටම පෙනී ඉන්නෙ තමන්ගේ පෞද්ගලික වුවමනා වෙනුවෙන් විතරයි කියලා.
ඒක අපේ කරුමෙ වෙන්න ඇති, මෝඩකම නොවේ නම්!
කුඹිටික්කා
March 21, 2009
ඇත්තටම හොන්ද ලිපියක්
බින්කු
March 21, 2009
ඇත්ත තමා එකත්, බටහිට රටවල විතරක් නෙමේ. යුරෝපා වගේම ඇතැම් ආසියා රටවල මේ විදියට හෝඅ මීට සමානව ක්රියාත්මක වෙන අතරේම විදේශ රටවල ශිෂයන්ට පහසුකම් වගේම ශිෂත්ව පිලිනමනවා. ඒත් අපේ රටේ තත්වය? තිබෙන රාජ්ය විශ්ව විද්යාලත් දේශපාලකරණිය වෙලා වගේම තිබෙන තත්වයත් දැක ගන්න පුළුවන් නේද?
Billy Boy Junior
March 21, 2009
අනේ Beyond Frame අයියේ, උඹත් කල් යල් බලලා අමුඩේ තදකරගෙන පැන්නා නේද මඩ වලට? උඹටත් ඕනෑ නැති දෙයක් නෑ නේද?
ARAVINDA
March 21, 2009
සියළු දෙනා වෙතටයි,
මේ තේරුමක් නැති විවාදය වෙනුවෙන් තව බොහෝ දෙනකු වටිනා කාලය නාස්ති කරගන්නට මත්තෙන් සාරාංශ කළ පහත කරුණු කිහිපය කියනු කැමැත්තෙමි.
1. පුද්ගලික ව්යවසාය රටකට අත්යාවශ්ය දෙයකි. විශේෂයෙන් දියුණු කර්මාන්ත අංශයක් (Industrial Sector) නැති සේවා ආර්ථිකය පදනම් කොට ගත් ශ්රී ලංකාව වැනි රටකට පුද්ගලික විශ්ව විද්යාල ආරම්භයෙන් ලද හැකි ප්රයෝජන විපුලය. එහි තර්කයක් නැත.
2. බොහෝ දෙනකු විරුද්ධ වී ඇති සෙයක් පෙනුනද ඇත්තටම පුද්ගලික විශ්ව විද්යාල සඳහා විරුද්ධව අදහස් පළකොට ඇත්තේ දැනට පිං විශ්ව විද්යාල වල අධ්යාපනය ලබන තිදෙනකු පමණකි. ඉන් රාමචන්ද්ර නැමැත්තාට කොමියුනිස්ට් ඇජෙන්ඩාවක් ඇත, මේ නිසා ඔහු කොහොමටත් පුද්ගලික ව්යවසායට විරුද්ධය. චමිල ද අල්විස් නැමැත්තාටද ඊට විරුද්ධ වීමට පුද්ගලික උවමනාවක් ඇත. දැනට බ්ලොගවකාශයේ හෙළි වී ඇති කරුණු අනුව මේ පුද්ගලයා UCSC වෙතින් තමා ලබන උපාධි සහතිකය ගැන හීන මානයකින් පෙළෙන්නේ එය SLIIT සහතිකයට බාල බව දන්නා නිසාය. මෙය රැකියා වෙළඳපළේදී ඔහුට විශාල ගැටළුවක් වෙයි. මේ නිසා තව පුද්ගලික විශ්ව විද්යාල ආරම්භය යනු ඔහුගේ පෑරෙන තුවාල වලට හයිඩ්රජන් ෆෙරොක්සයිඩ් දැමීමකි.
3. මේ පුද්ගලයන් හා කළ විවාද වලදී ඔවුන්ගෙන් මා ඇසූ සරල ප්රශ්න වලට වත් උත්තර දී ගන්නට ඔවුන්ට නොහැකි විය. පුද්ගලික විශ්ව විද්යාල ඇති කිරීමෙන් ඇඹිලිපිටියට අළුතින් වන අසාධාරණය ඇසූ විට රාමචන්ද්ර වල්පල් කියා මඟහරියි. ඔහුට ඊට උත්තර නැත. සාම්ප්රදායික අධ්යාපනය සේම හෝ අද ඊටත් වඩා වැදගත් ඉන්ටර්නෙට් පිවිසුම පුද්ගලික අංශය මඟින් පලනය වනු ඔහු ඉවසන්නේ මන්දැයි ඇසූ විටද ඔහුට උත්තර නැත. ගිරවකු මෙන් මාක්ස්වාදය දොඩවනවා හැරෙන්නට මේ පුද්ගලයා කිසිම වැදගත් තර්කයක් ගෙනෙන්නේ නැත. (මින් අදහස් කරන්නේ චමිල ද අල්විස් හා කසුන් නැමැත්තන් වැදගත් තර්ක ගෙනෙන බව නොවේ.)
4. රාමචන්ද්ර නැමැත්තා තමන්ට උත්තර නැති වූ විට ලිංගික අපහාස කිරීමට පෙළඹේ. මේ වටිනා සිරිත ඔහු උගත්තේ මාක්ස්ගෙන්ද, ලෙනින්ගෙන්දැයි අපි නොදනිමු. චමිල ද අල්විස් නැමැත්තා ලිංගික අපහාස නොකළත් සත්තු වත්තේ ඉන්නා හැම සතාගේම නම්, තවත් නම් රාශියක් සමඟ තමන් හා මතවාදීව විරුද්ධ වන්නන් කෙරෙහි භාවිතා කරයි. මෙයම ඔවුන්ගේ අදහස් අතින් බංකොළොත් බවට උදාහරණය.
5. මේ අය පුන පුනා ගෙනෙන එකම තර්කය පුද්ගලික විශ්ව විද්යාල වල දුප්පතුන්ට ඉගෙන ගන්නට බැරි බවය. මෙය මහා සොයා ගැනීමක් නොවේ. අතේ සල්ලි නැත්නම් පුද්ගලික විශ්ව විද්යාලයකින් ඉගෙනීම තියා ආපන ශාලාවකින් බත් එකක් වත් දෙන්නේ නැත. පුද්ගලික විශ්ව විද්යාල පටන් ගන්නේ ඒ සඳහා ගෙවන්නට මුදල් ඇති අයටය. ඊට වත්කම් නැතියවුන්ට පිං විශ්ව විද්යාල තිබේ. ඒවා වහන්නටය කියා කවුරුත් කියන්නේ නැත.
6. පුද්ගලික විශ්ව විද්යාල ආරම්භ කරන්නේ දුප්පතුන් සඳහා නොවෙතත් ඒවායේ අධ්යාපනය දුප්පතුන්ට නොලැබී යතැයි බිය ඇති කරගත යුතු නොවේ. කොළඹ නීති විද්යාලය හැමදාම ඉගැන්නුවේ මුදලටය; UCSC මෙන් පිනට නොවේ. එහත් අද නීතිඥයන් වී ඉන්න හැම කෙනෙක්ම පොහොසත් පවුල් වලින් ආ ඇත්තෝ නොවෙති. මෙසේ වන්නේ පුද්ගලික විශ්ව විද්යාල වලද ශිෂ්යත්ව, රැකියා කරන ගමන් ඉගෙනගැනීම, ඉගෙන පසු ගෙවීම වැනි ක්රම මඟින් ආර්ථිකව සවිමත් නැත්තන්ට ඕනෑ තරම් අවස්ථා සපයන නිසාය. මේවා පුද්ගලික විශ්ව විද්යාල විනාශ කිරීම තම එකම අභිප්රාය කරගත් පෙර කී තිදෙනාගේ විෂය පථයට හසු නොවේ.
මේ නිසා ඉරිසියාව හා වෛරය පදනම් කරගෙන වාදයට එළඹ ඇති මේ තිදෙනා සමඟ වාදයට යාම අර්ථ විරහිතය. මේ ප්රතිගාමීන් අමතක කර අපි අපේ ඉදිරිගමන යමු.
beyondframe
March 21, 2009
@ Aravinda
රාජ්ය විශ්ව විද්යාල පිං විශ්ව විද්යාල ලෙස හඳුන්වාදීම සම්බන්ධයෙන් ඔබ හා එකග නොවෙමි. ලංකාවේ විශ්ව විද්යාල ඒවා රජයට අයත්ව තිබියදීද ලෝකයේ පිළිගත් විශ්ව විද්යාල අතරට එක් වූ කාලයක් තිබිණි.
පුද්ගලික විශ්ව විද්යාල තිබෙන්නේ යමක් කමක් තියෙන අයට යාමට යයි ඔබ කියන කතාවට ද මම එකග නොවෙමි. ලොව බොහෝ රටවල පුද්ගලික විශ්ව විද්යාල තමන්ගේ අභිවෘද්ධිය සඳහාම දුප්පත් එහෙත් දක්ෂ දරුවන්ට දොර විවෘත කර දෙති.
සියලූ පුද්ගලික විශ්ව විද්යාල රත්තරන් ඒවා නොවේ. පිත්තල ඒවා ද කප්පරක් ඒ අතර වෙයි.
පුද්ගලික විශ්ව විද්යාල ඇති කිරීමෙන් රාජ්ය විශ්වවිද්යාලවලට කෙළ වී යනු ඇතැයි කියන තර්කය බොළඳ එකකි. පුද්ගලික ආයතන විසින් බිහිකරන තරගය නිසා රජයේ ආයතන පවා සිය කාර්යක්ෂමතාවය ඉහළ දමා ගනු අප දැක ඇති දෙයයි.
මගේ අත්දැකීම නම් ආයතනයක සාර්ථකත්වය තීරණය කරණුයේ එහි කළමනාකාරිත්වය විසින් මිසක එහි අයිතියේ ස්වභාවය විසින් නොවේ. එහෙත් පෞද්ගලික අයිතිය ඇති පසුබිමක දක්ෂ කළමනාකාරිත්වයකට මතුවීමට ඇති ඉඩකඩ දේශපාලන පක්ෂපාතිත්වය හා ඥාති සංග්රහය කරපින්නා ගත් රජයක් යටතේ සිදුවිය හැකි ඉඩකඩට වඩා විශාල ය.
ප්රතිවාදී තර්කයන් ඉදිරිපත් කරන අයගේ වත ගොත සොයා ඔවුන්ට පහර ගැසීමේ කටයුත්ත ද පිං විශ්වවිද්යාලයන් ලෙස හංවඩු ගසා රාජ්ය විශ්ව විද්යාල පොදුවේ අපහාසයට පත් කිරීම ද අනුමත කළ නොහැකි ය.
ඒ නිසා මේ සංවාදය මීට වඩා ඉහළ මට්ටමකින් මේ අඩවිය තුළ සිදුවෙනු ඇතැයි අපි උදක්ම අපේක්ෂා කරමු.
beyondframe
March 21, 2009
@ Billy Boy Junior
මඩ වලක ජීවත් වෙනකොට මඩ නාගන්න වෙනව ලංකාව කියන්නෙ එකම මඩ වලක්
අමුඩෙට විතරක් අපහාස කරන්න එපා එච්චරයි කියන්නේ තේරුණා ද අපි චින්තනේ කට්ටිය
Just out of curiosity. When will you become a Senior?
ARAVINDA
March 21, 2009
‘රාජ්ය විශ්ව විද්යාල’ (state owned universities) යන යෙදුම මෙහිදී වැරදි තේරුමක් දෙයි. අපට අදාළ වන්නේ විශ්ව විද්යාලය පාලනය වන්නේ කවුරුන් අතින්ද කියන කාරණය නොව අදාළ විශ්ව විද්යාලය අධ්යාපනය සපයන්නේ මුදලටද නැතිනම් නිකංද (පිනටද) යන්නය. උදාහරණයක් හැටියට SLIIT, නීති විද්යාලය හෝ විවෘත විශ්ව විද්යාලය රාජ්ය එහෙත් මුදල් අය කර උගන්වන විශ්ව විද්යාලය. මා ‘පිං විශ්වවිද්යාල’ කියන යෙදුම භාවිතා කරන්නේ ‘මුදල් අය නොකර’ අධ්යාපනය සපයන ආයතන වෙන් කර ගැනීම සඳහාය. (හරියට පිං බෙහෙත් ශාලාව වගේ) එයින් අවමානයක් අදහස් නොකෙරෙයි. (පිං බෙහෙත් ශාලවෙන් දුන් පමණින්ම බෙහෙතක කොලිටිය අඩු විය යුතු නැත. )
‘මුදල් අය නොකර අධ්යාපනය ලබා දෙන විශ්ව විද්යාල’ යන යෙදුම දිග වැඩිය. ඔබට හැකි නම් ‘පිං විශ්ව විද්යාල’ යෙදුම සඳහා විකල්පයක් යෝජනා කරන්න.
ARAVINDA
March 21, 2009
@Beyond Frame,
සමහරවිට ප්රතිවාදී තර්ක නඟන්නන්ගේ පසුබිම වැදගත් වේ.
උදාහරණයක් හැටියට රාමචන්ද්ර ගන්න. ඔහුගේ මාක්ස්වාදී දර්ශනය පෞද්ගලික ව්යවසාය අනුමත නොකරයි. මේ නිසා ඔහු ප්රතිපත්තියක් හැටියට පුද්ගලික විශ්ව විද්යාල වලට පමණක් නොව සුරුට්ටු කඩ වලටත් විරුද්ධය. ඔබ ඔළුවෙන් හිටගෙන පුද්ගලික විශ්ව විද්යාල ඵලදායක බව කීවත් ඔහු පිළි නොගනී. (පිළිගැනීමට නම් ඔහු තම ජීවන දර්ශනය අත්හළ යුතුය.) මේ නිසා එවැන්නකු සමඟ වාද කිරීම අර්ථ විරහිතය.
sankha
March 21, 2009
ධනවාදයද සමාජවාදයද යන්න සීතල යුද්ධයටද හේතු වූ නිසා බ්ලොග් යුද්ධයට ඒක හේතුවක් වීම පුදුමයක් නොවේ. ඒත් එතරම් ලොකු තර්කයකට යාමට පෙර පසුගාමී ධනවාදී රටක් වන ශ්රී ලංකාව වැනි රටක අධ්යාපනය වැනි ක්ෂේත්රයකට පුද්ගලික ආයතන පිවිසීමේ තිබිය හැකි අවදානම් හදුනාගත යුතුය. නිදහස් තරගය එආකාරයෙන් ක්රියාත්මක නොවන ශ්රී ලංකාව වැනි රටක හොදම උදාහරනය ප්රවාහන සේවයයි. පුද්ගලික අංශය ඒමෙන් වඩා තරගකාරී ලෙස හොදම සේවයක් ලබා දේ යැයි තිබූ පූර්ව තර්කය මේ වන විට බිද වැටී ඇත. ඒ නිදහස් තරගයකට යෑමට තරම් අපගේ සමාජය මුහුකුරා නොතිබීමයි. උපාධියක් වැනි දැනට ලෝක පිළිගැනීමක් ඇති දෙයක් පුද්ගලික අංශයට යෑම තුල සිදුවිය හැකි දේ වන්නේ දැනට එයට පවතින පිළිගැනීම වත් නොලැබීමයි. එමගින් අධ්යාපනයේ ගුණාත්මක භාවයටද හානි වීමේ අවධානමක් ඇත. පුද්ගලික ව්යවසාය කෙතෙක් ගුණදායකද යන්න ඇමරිකාව මේ වන විට අත්දකිමින් සිටින දෙයක් වන අතර විශේෂයෙන් අධ්යාපනය නොමිලේ ලබා දෙන දෑ පිළිබද ඉහත සටහන් කර ඇත්තේ කරැනු නිවරැදිව නොදැනය. විශේෂයෙන් ස්කැන්ඩිනේරියානු රටවල් විසින් රාජ්ය මූලික කරගෙන අධ්යාපනය මෙන්ම සියලු කටයුතු රාජ්ය මූලිකව ලබා දෙන බව සිහිපත් කළ යුතුය. සමාජ ප්රජාතන්ත්රවාදය පිළිබදව අන්තර්ජාලය ඔස්සේ අවබෝධයක් ලබා ගන්නා ලෙස ඉල්ලා සිටිමි. විශේෂයෙන් අන්තර්ජාලයේ ප්රසිද්ධියේ වන මෙවැනි සංවාද තුලදී දැඩි විනයක් මෙන්ම කරුනු මූලික කොටගත් සංවාද වඩා යහපත් වේ. නොඑසේ නම් තමන්ගේ නොදැනුවත් කම හා විනයක් නොමැති කම මුලු රටටම පමණක් නොව ලෝකයටම ප්රදර්ශනය වේ. තොරතුරැ තාක්ෂණය ඔස්සේ දැනුම උපරිම කරගන්න මහන්සි වන්න. මාක්ස්වාදය, ප්ශ්චාත් නූතන වාදය, ලිබරල් වාදය, කොම්යුනිස්ට්වාදය ගැන තමන්ගේ හිතට එන දේවල් පවසන වාට වඩා කරුනු ඉගෙනගෙන අවබෝදයෙන් සටහන් කරන්නේ නම් වඩාත් සුදුසුය, එවිය වඩා හොද සංවාදයකට මග ඇතිවේ
ARAVINDA
March 21, 2009
@sankha,
ඔබේ තර්කය උපන් ගෙයිම ලොප් වෙයි. ශ්රීලංකාවේ නිදහස් පුද්ගලික ප්රවාහණ සේවාවක් නැත. ඇත්තේ රජය විසින් බලෙන් ගාස්තු හා කොන්දේසි පාලනය කරන ලද පාලිත ‘පුද්ගලික’ ප්රවාහන සේවයකි.
මේ නිසා ඔබට වාදයකට යන්නට අවශ්ය නම් අපි ලංකාවේ පුද්ගලික බැංකු පිහිටුවීමෙන් පොදුවේ රටේත් විශේෂයන් බැංකු ක්ෂේත්රයේත් ඇතිවූ වෙනස කතා කරමු.
ලෝකයේ හැම දියුණු රටකම පුද්ගලික විශ්ව විද්යාල ඇති අතර ඒ කිසිම රටක උපාධියේ ගුණාත්මක භාවය අඩු වී නැත. ඇත්තටම සිදුව ඇත්තේ උපාධියේ ගුණාත්මක භාවය වැඩිවීමයි.
මේ නිසා ඔබේ තර්කය පුස්සකි.
“තමන්ගේ නොදැනුවත් කම හා විනයක් නොමැති කම මුලු රටටම පමණක් නොව ලෝකයටම ප්රදර්ශනය වේ. ”
ඔබට වී ඇත්තේ ඒ ටිකය.
ARAVINDA
March 21, 2009
කියන්න මතක නැතිඋනා. දැන් විෂයයන් කිහිපයකට මිස පොදුවේ අපේ රටේ පිං විශ්ව විද්යාල වලින් දෙන සහතික වලට ලෝකයේ තියා මෙහිවත් පිළිගැනීමක් නැත. වෙන කළ හැකි රස්සා නැති නිසාම අපේ උපධිධාරීන් 40,000 කට චන්ද ගුංඩුවක් ලෙස, රුපියල් 6,000 ක හිඟන පඩියකට රජයෙන් පිං රස්සා දුන්නේ ළඟදීය. (හිඟන්නෝද මාසෙකට මීට වඩා හොයති.) එසේ නොවේ නම් ඔවුන් තාමත් ‘unemployable graduatesලා’ ය.
ඉතින් මේවායේ තත්වයේ තව මොනවා වැටෙන්නද?
muthunayake
March 21, 2009
මම රජයේ සරසවියක උපාදිය ගත් කෙනෙකු උවත් මම කැමතියි පෞද්ගලික විද්ද්යාල ඇතිවෙනවට. හැබැයි ඉතින් ඉන්දියවේ වගේ උපදි කඩ ඇතිවීම වලක්ව ගන්න ඔනි. තව නොමිලේ කිහිප දෙනෙකුට 25% ක්වත් දෙන්න ඔනි එතකොට ඔය ප්රශ්නය අඩුයි. හැබැයි අපේ රටේ සල්ලි එක තනකට ගොඩ ගැහෙන්නේ ඔය ඉන්ටකුලර් වලින් යන අයයි , බස් එකට සල්ලි නැතුව පයින් යන අයයි කන්නේ රු 60/= හාල් අරගෙන එක්කො අධි ආදායම් අයගෙන් ආදායමෙන් 40% වත් බදු ගන්න ඔනි. එකට වෙන්නේ සල්ලිකරයො බැන්කු පොලු පස්සේ බොල් නය. සාමාන්ය කෙනෙක් නම් පොඩ්ඩ බැරි වෙනකොට වෙන්දෙසියෙ. පත්තර වල දැන්වීම් කියවලා බලන්න.
Dilan
March 21, 2009
හොද ලිපියක්.
@ ARAVINDA:
නිවරදි යෙදුම විය යුත්තේ “ජාතික විශ්වවිදයාල” යන්නයි. තවත් විස්තරාත්මකව පවසන්නේ නම් “1976 අංක 16 දරන පනතින් පිහිටවු ජාතිය විශ්ව විදයාල “යන්නයි.
මුදල් අය නොකර බෙහෙත් ලබාදෙන රෝහල් වර්තමානයේ සාමානයෙන් හදුන්වන්නේ රජයේ රෝහල් හෝ ආණ්ඩුවේ ඉස්පිරිතාල ලෙසින් මිස “පිං බෙහෙත් ශාලා” ලෙසින් නම් නොවේ.
Billy Boy Junior
March 21, 2009
Beyond Frame අයියේ, බලනකොට උඹ ළිඳ කපලා දීලා අනික් එවුන් නාගන්න හැටි බලා ඉන්නවා විතරයි. කෝ උඹ නාගන්නෙ නැත්ද?
ARAVINDA
March 21, 2009
@Dilan,
‘ජාතික විශ්ව විද්යාල’ යන යෙදුම ‘මානුෂික මෙහෙයුම’, ‘ශ්රී ලංකා ප්රජාතාන්ත්රික සමජවාදී ජනරජය’, ‘අපි වෙනුවෙන් අපි’, ‘ජනතා විමුක්ති පෙරමුණ’,නිදහස් අධ්යාපනය’ බඳු අර්ථය අහිමි වූ එකකි. ඉහත සියළු පදයන්ගෙන් නිරූපනය වන්නේ එවායේ වාච්යාර්ථයට ඉඳුරා පටහැනි දේය.
මා සොයන්නේ ‘non-fee levying university’ සඳහා සරල සිංහල යෙදුමකි. උත්ප්රාසයන් නොවේ.
sankha
March 21, 2009
ඔබ ලංකාවේ බස් එකක ගමන් කර ඇත්නම් දැනට පවතින රාජ්ය බලපෑම හොදද නරකද කියන එක පැහැදිවේ. කටින් ගහ ගන්න විටි අතින් අදින්න ඒම ඔබගේ ලක්ෂනය වුවත් මා ඊට අසුවන්නේ නැත.
ධනවාදී අර්ථ ක්රමය තුලදී බැංකු ක්රමය වැදගත් සේවාවක් කිරීම අනිවාර්ය අංගයකි. ඒ මගින් එයි දියුණුව ද අනිවාර්ය වේ. බැංකු සේවය හා අධ්යාපනය යනු අංශ දෙකක් වන අතර බැංකු වෙළද උපකාරක සේවයක් වන අතර අධ්යාපනය යනු පොදු මහජන සෙවයකි. ඒ අනුව බැංකුවල සේවයන් එක්තරා පිරිසකට සීමා වන විට අධ්යාපනය සමස්ත රටටම අදාළය.
අධ්යයනික (Academic) දෑ යනු රටේ නිෂ්පාදනය සදහා පාර කියන්නා වූ දැනුම සොයා යාමකි. එසේ නොමැතිව ඔබ කියන්නා සේ නිකම්ම රැකියාවක් සොයා යෑම ම නොවේ. ව්ශේෂයෙන් මහා පරිඹානයෙන් සිදුවිය යුතු පර්යේෂන හා අත්හදාබැලීම රාජ්ය අනුග්රහයෙන් සිදුවිය යුතු වන්නේ ඒ සදහා යොදන ප්රාග්ධනය පිළිබදව වන සීමා කම් හා එකී පර්යේෂනයන් වල ප්රතිපල සදහා සමානව දායකත්වය ලබා ගැනීමට හැකියාව ලැබෙන හෙයිනි. ඒ තුල ධනවාදී අර්ථ ක්රමය සහිත රටක් වුවද රාජ්ය අනුග්රහයෙන් අධ්යාපනය තබා ගනී.
එහෙයින් කා බී නිදාගැනීමට කැමති පිරිසට වෙනමම වෘත්තීය අධ්යාපනයක් ලබා දිය යුතු අතර අධ්යනික Academic) දැනුම සොයා යෑමට යොමු කළ යුත්තේ එකී කැපකිරීම සදහා සූදානම් පිරිස පමණකි. නමුත් අවාසනාවන්ත ලෙස රටක් ලෙස අප මේ සියලු තත්ත්වයන් පටලවා ගෙන ඇති අතර දිගු දැක්මක් හා නිවරැදි අධ්යාපන පසුබිමක් රහිත වූවන් ප්රතිපත්ති සකසන නිසාවෙන් නිරන්තර අසාර්ථක බාවයකට අප රට ලක්ව ඇත.
ධනේෂ්වර ක්රමයද සමාජවාදයද යන්න ඉදිරියට කතා කරමු
beyondframe
March 21, 2009
@ Sankha
පුද්ගලික ව්යවසායකයින්ගේ තරගය මගින් ජනතාවට වාසියක් අත් කර දෙනු ඇත්තේ යම් පූර්වකොන්දේසි කීපයක් සම්පූර්ණ වුවහොත් පමණකි. ඒවා අතර ප්රජාතන්ත්රවාදයක් රට තුළ කි්රයාත්මක වීම, නිදහස් මාධ්යයක් පැවතීම, භාෂණයේ නිදහස තහවුරුව තිබීම, නීතියේ ආධිපත්ය පැවතීම, තරග විනිෂ්චය සඳහා විනිසුරුවන් සිටීම, තරගයේ කොන්දේසි වරින් වර වෙනස්වන යථාර්තයන්ට අනුව අර්ථ ගැන්වීම හා යාවත්කාලීන කිරීම යන බොහෝ දේ තිබිය යුතු ය.
ඇමරිකාවේ සිදුවූයේ වෙනස් වෙමින් පැවති තත්වයන්ට අනුව නීති යාවත් කාලීන කිරීමට බලධාරීන් සතුව තිබූ නොහැකියාවය. සිදුවූ අර්බුදයත් සමග අලුත් නීති රීති කරලියට පැමිණීමට නියමිත අතර නීති පිළිබඳ ඉදිරියේදී අවදියෙන් සිටීමට ඔවුන්ට බල කෙරෙනු ඇත.
beyondframe
March 21, 2009
@ Aravinda
ඔබේ ප්රශ්නයට උත්තරය ගාස්තු අය නොකරන විශ්ව විද්යාල යන්නය.
පිං විශ්ව විද්යාලය යන්න රජයේ විශ්ව විද්යාල එසේත් නැතිනම් ජාතික විශ්වවිද්යාල තරමටම නොමග යන එකකි. ඒ විතරක් නොවේ එය එක්තරා ආකාරයක තරහක් වෛරයක් එම ආයතනවලට ඇතුළුවන ශිෂ්යයින්ට එරෙහිව ප්රකාෂ කිරීමක් ලෙස පහසුවෙන් අර්ථ දැක්වීමකට ලක් විය හැකි එකකි.
sankha
March 21, 2009
මම පසුගාමී ධනාවාදී රටක ලෙස හැදින්වූයේ ධනවාදී යාන්ත්රනයට අව්ශ්ය මූලික පසුබිම ලංකාව තුල නොවන නිසා තමයි.
beyondframe
March 21, 2009
@ Muthunayake
පුද්ගලික තරගය පවතිද්දී කිසියම් ව්යවාසකයක් අධික ලාභයක් ලබන්නේ නම් එහි තේරුම තරගය නිදහස් නැති බවය. නිදහස් තරගයක් ඇති කිරීමේ කොන්දේසි සපුරනවා වෙනුවට බදු අය කිරීමෙන් ගෙල හිර කිරීමේ අවසාන පාඩුව ලබන්නේ පාරිභෝගිකයා ය.
ව්යාපාරිකයෙක් සමාජයට කරන මෙහෙවර පිළිබඳව අප මීට වඩා අගැයීමක් ලබා දිය යුතු බවත් ඒ අතරවාරයේ නිදහස් තරගය මගින් ව්යාපාරවලින් සැබෑ ලාභයක් පාරිභෝගිකයාට ලබා දීමට කටයුතු කළ යුතු බවත් සටහන් කිරීමට කැමැත්තෙමි.
beyondframe
March 21, 2009
@ Sankha
පසුගාමී ධනවාදී රාමුව බිඳින්නත් යම් මැදිහත් වීමක් අවශ්ය ය. එය ඉබේ බිඳෙන්නේ නැත.
සියල්ල සම්පූර්ණ වනතුරු උසස් අධ්යාපනය රජයේ කටයුත්තක් ලෙස තබා ගත යුතු ද නැතිනම් අවම කොන්දේසි යටතේ සමාජ සාධාරණත්වය මෙන්ම සමාජ ඉදිරිගමන ද සාර්ථක කර ගත හැකිවන පරිදි විවෘත කරන ලෙස ඉල්ලා අප මැදිහත් විය යුතු ද යන්න විවාද කළ යුතු කටයුත්තකි.
එහෙත් ඒ විවාදය බුද්ධිමය තලය තුළ රඳවා ගත යුතු එකක් මිස කඳවුරු බෙදී හැගීම් බරව ගහ බැණ ගත යුතු එකක් ලෙස නම් මා දකින්නේ නැත.
ramachandra
March 21, 2009
@ beyondframe
සංයමයක් සහිතව ගෞරවනීයව මේ විවාදයට ප්රවේශ වුවාට තුති.
“පුද්ගලික ව්යවසායකයින්ගේ තරගය මගින් ජනතාවට වාසියක් අත් කර දෙනු ඇත්තේ යම් පූර්වකොන්දේසි කීපයක් සම්පූර්ණ වුවහොත් පමණකි.”
ප්රශ්නය තියෙන්නෙ ලංකාවේ ඕක නැති එක.ප්රංශය වගේ දියුනු ධනවාදී (advanced capitalist)රටවල ඔය කියන තත්වය සාපේක්ෂව හෝ දකින්න පුලුව්න්.නමුත් ලංකාවේ ධනවාදය පසුගාමීයි හා ඌන සංවර්ධිතයි.ඒ නිසා විශේෂයෙන් අධ්යාපනය වගේ සමාජයේ පදනම් අවශ්යතාවක් හා පොදු සේවයක් පුද්ගලික ව්යවසායට විවෘත වෙනවිට (සංඛ ප්රවාහන ක්ෂේත්රය ආශ්රයෙන් දක්වා ඇති පරිදි)සමාජ ව්යුහයේ නොන්ඩි ගහන ස්වභාවය නිසාම විෂම ප්රතිවිපාක මතුවෙන එක වලක්වන්නට බැහැ.
ලංකාවේ පුද්ගලික වෛද්ය විද්යාලයක් ස්ථාපිත කල පලමු අවස්ථවේදීම(උතුරු කොලඹ වෛද්ය විද්යාලය)මෙය පැහැදිලි වුනා.එයට ඇතුලත්ව සිටි ශිෂ්යන්ගෙන් ඇතැමුන් උසස් පෙල සෞන්දර්ය විෂයන් හදාල-වෛද්ය උපාදියට අවශ්ය මූලික සුදුසුකම් රහිත අය බව පසුව හෙලිදරවු වුනා.මේ ලංකාවේ ප්රජාතාන්ත්රික සංස්කෘතියක් නොමැති වීමේ අනිවාර්ය ප්රතිඵල.
මේ තත්වය වෙනස් කරන්න යද්දි අපිට යන්න පුලුවන් මාවත් දෙකක් තිබෙනවා.
එක්කෝ උසස් ධනවාදී සමාජයක තත්වයට සංවර්ධනය වෙන එක.(අපි අවුරුදු 60ක් තිස්සෙ කරන්න උත්සාහ කලේ ඒක වන අතර ලෝක ධනවාදයේ වත්මන් මොහොත තුල -අපි දකින විදිහට-තුන්වන ලෝකයේ රටකට එවැනි තැනකට යාම ඉතාම දුෂ්කරයි.)
දෙවනුව ධනවාදී නොවන විකල්ප ආකෘතියකට මාරු වෙන එක.මගේ පුද්ගලික අදහස නම් ඇත්ත විසදුම තියෙන්නෙ එතැන බව.ඒ විකල්පය අරවින්ද කියනවා වගේ සුරුට්ටු කඩත් ජනසතු කරන වර්ගයේ මනස්ගාත ආකෘතියක් නෙමෙයි.
සමාජ ව්යුහයේ බරපතල වෙනසකට යන්නෙ නැතිව මේ තියෙන පසුගාමී සිස්ටම් එක ඇතුලට පුද්ගලික වි.විද්යාල වගේ දෙයක් ගෙනැවිත් බැස්සුවොත් සිදුවෙන්නෙ අවවරප්රසාදිත බහුතරය තවත් ආන්තිකකරනයට ලක්වෙන එක.
ඉදිරි ගමනද සාධාරනත්වයද කියල ඔබ ප්රශ්නය මතු කරද්දි මම ඒකට මෙහෙම සංශෝධනයක් යෝජනා කරනවා.
මේ දෙක ප්රතිපක්ෂයන් ලෙස නොසලකා සාධාරනත්වය ඉදිරි ගමනේ සංරචකයක් කර ගැනීමට උත්සාහ දරමුද?
සාධාරනත්වයෙන් තොර ඉදිරි ගමනක් ඇත්තෙන්ම “ඉදිරි ගමනක්” වෙනවාද?
ARAVINDA
March 21, 2009
@Sankha,
ඇස් වහගෙන ගොස් ඔබ විශාල වළක වැටී ඇති බව පෙනේ. මම ඔබ නිවැරදි කරමි. ඉගෙන ගන්න.
“බැංකු සේවය හා අධ්යාපනය යනු අංශ දෙකක් වන අතර බැංකු වෙළද උපකාරක සේවයක් වන අතර අධ්යාපනය යනු පොදු මහජන සෙවයකි.”
නැත. මේ ඔබේ හිතළුවක් පමණකි.
“ඒ අනුව බැංකුවල සේවයන් එක්තරා පිරිසකට සීමා වන විට අධ්යාපනය සමස්ත රටටම අදාළය.”
නැත. මේ දෙකේම සේවාවන් රටේ හැමට අදාළය.
“අධ්යයනික දෑ යනු රටේ නිෂ්පාදනය සදහා පාර කියන්නා වූ දැනුම සොයා යාමකි. එසේ නොමැතිව ඔබ කියන්නා සේ නිකම්ම රැකියාවක් සොයා යෑම ම නොවේ.”
නැත. අධ්යාපනය, විශෙෂයෙන්ම විශ්ව විද්යාල අධ්යාපනයට වෘත්තීමය වටිනාකමක් තිබිය යුතුය. නැත්නම් වන්නේ එය ලබන්නන් 40,000ක් ‘unemployable graduatesලා’ සේ රටට සමාජයට බරක් වීමය.
“ව්ශේෂයෙන් මහා පරිඹානයෙන් සිදුවිය යුතු පර්යේෂන හා අත්හදාබැලීම රාජ්ය අනුග්රහයෙන් සිදුවිය යුතු වන්නේ ඒ සදහා යොදන ප්රාග්ධනය පිළිබදව වන සීමා කම් හා එකී පර්යේෂනයන් වල ප්රතිපල සදහා සමානව දායකත්වය ලබා ගැනීමට හැකියාව ලැබෙන හෙයිනි.”
නැත. දියුණු රටවල පර්යේෂණ කටයුතු සඳහා වැඩි මුදල් ප්රමාණයක් වැය කරන්නේ පුද්ගලික අංශයයි.
“ඒ තුල ධනවාදී අර්ථ ක්රමය සහිත රටක් වුවද රාජ්ය අනුග්රහයෙන් අධ්යාපනය තබා ගනී.”
නැත. කිසිම ධනවාදී රටක් අපේ රටසේ අධ්යාපනය රාජ්ය ඒකාධිකාරයක් කර ගෙන නැත.
“මම පසුගාමී ධනාවාදී රටක ලෙස හැදින්වූයේ ධනවාදී යාන්ත්රනයට අව්ශ්ය මූලික පසුබිම ලංකාව තුල නොවන නිසා තමයි.”
මට තරමකට වත් එකඟ විය හැකි එකම වාක්යය මෙයයි. ඇත්ත. ලංකාවේ ආර්ථිකයේ තවමත් දියුණු ධනවාදී ලක්ෂණ වලට වඩා වැඩවසම් ලක්ෂණ බහුලය. ඊට විසඳුම ආර්ථික ප්රතිසංස්කරණය. පෞද්ගලික ව්යවසාය අධ්යාපනයට එක් කරන අධ්යාපන ප්රතිසංස්කරණද එහි අංගයකි.
ARAVINDA
March 21, 2009
@Beyond Frame,
politically correct යෙදුම් දෙක ‘ගාස්තු අය කරන විශ්ව විද්යාල’ හා ‘ගාස්තු අය නොකරන විශ්ව විද්යාල’ ය.
‘පිං විශ්ව විද්යාල’ යෙදුම වැරදි නම් ‘පුද්ගලික විශ්ව විද්යාල’ යන යෙදුමද වැරදිය. ‘පුද්ගලික’ යන වචනයද ඍණාත්මක බරක් එක් කළ එකකි. (loaded) එයින් ඒවායින් කෙරෙන සේවය ලඝු කොට දැක්වේ. අනෙක මෙතැන ඇත්තේ අයිතිය ගැන ප්රශ්නයක් නොවේ.
එහෙනම් අපි හැම දෙනාම නිවැරදි වෙමු. විවාදයේ එක් පාර්ශවයක් පමනක් ‘politically correct’ වන්නේ මන්ද?
kasun
March 21, 2009
@ BF
ඔබ සමඟ බොහෝ දුරට එකඟය. එහෙත් ආරම්භකිරීමට යන පු.විවි. සම්බන්ධයෙන් මගේවිරෝධය එල්ල වන්නේ පුද්ගලික විවි. බිහිවීම තුලින් ලංකාවේ සිසුන්ගේ අධයාපන අවස්ථා පිළිබඳ ගැටළුව විසඳෙන්නේ යැයිද, එමඟින් විදේශ විනිමය ඉතිරි වන්නේ යැයිද නැගෙන හිස් තර්කයන්ට එරෙහිවය.
මට අනුව වත්මන් සමාජ තත්වයන් සමඟ බිහිවන පු.විවි. මඟින් අධ්යාපන අවස්ථා පිළිබඳ ගැටළුව තව තවත් උග්රකරවනු ඇති අතර එයින් ඇතිවන සමාජ අසමානතාව තුල බිහිවන අසහනය අතිශය විනාශකාරී විභවයක් අත්පත්කර ගනු ඇත.
පවතින ක්රමය දැඩිව දූෂිත යැයි පිළිගන්නා ඔබ ඔය බිහිවන පු.විවි. ය හේතුවෙන් රා. විවි. පද්ධතිය කඩා නොවැටේ යැයි විශ්වාස කරන්නේද? එය එසේ වුවහොත් ඒ නිසා ඇතිවන සමාජ ගැටළු වලට විසඳුම කුමක්ද?
http://ramachandrageadaviya-ramachandra.blogspot.com/2009/03/blog-post_15.html
http://charithsriyan.blogspot.com/2009/03/blog-post_20.html
http://chamila-dealwis.blogspot.com/2009/03/blog-post_19.html
http://chamila-dealwis.blogspot.com/2009/03/blog-post_20.html
beyondframe
March 21, 2009
@ Ramachandra
“මේ දෙක ප්රතිපක්ෂයන් ලෙස නොසලකා සාධාරනත්වය ඉදිරි ගමනේ සංරචකයක් කර ගැනීමට උත්සාහ දරමුද?”
ඔබගේ ඉහත ප්රකාශය සමග 200% ක් එකග වෙනවා
අප ඉල්ලා සිටිය යුත්තේ පුද්ගලික විශ්වවිද්යාල ඇති කිරීම නතර කළ යුතු බව නොවෙයි. ඒ තුළ සල්ලි නැති දක්ෂ සිිසුන් ද ඇතුළු කර ගැනීමේ මාර්ග විවෘත කරන ලෙස යි. මේ සඳහා රාජ්යයට පමණක් නොව වෙනත් සමාජ ව්යාපාරයන්ටත් අනුග්රහ දැක්විය හැකි ය. විශේෂයෙන් පුද්ගලික විශ්ව විද්යාල ඇති කර යුතු යයි කියන බලවේගවලට පවා දායක විය හැකි ය.
රටේ සල්ලිවලින් ඉගෙන වෙනත් රටවලට සේවය කරන අයට මේ සඳහා විශේෂ දායකත්වයක් සැපයිය හැකි ය. සමහරු ඒ පිළිබඳව තමන්ගේ ඇති උනන්දුව පවා පළ කර තිබුනි.
beyondframe
March 21, 2009
@ Kasun
මට නම් සිතෙන්නේ ආරම්භ කරන පුද්ගලික විශ්ව විද්යාල වලින් එල්ල කරන අභියෝගය රාජ්ය විශ්වවිද්යාලවල පිරිහීමට නොව එයින් බැහැර වීමට මග පෑදිය හැකි බව ය.
ලංකා බැංකුව හා මහජන බැංකුව පුද්ගලික බැංකුවල ආගමනය නිසා වැටුනේ නැත. එහෙත් බිඳ වැටී තිබුනු ඒවායේ සේවය වඩාත් යහපත් වූවා පමණකි.
කෙසේ වුවද අවසාන විශ්ලේෂණයේදී සියල්ල තීරණය කරනු ඇත්තේ රජයේ භූමිකාව විශ්ව විද්යාල පරිපාලනයේ භුමිකාව සමාජ ව්යාපාරවල භූමිකාව මාධ්ය භූමිකාව යන විවිධ සංඝටකවල ගතිකත්වය විසින් ය.
අප ඉදිරිපත් විය යුත්තේ ඉදිරිගාමී සමාජයක් සමාජ සාධාරණත්වය ද පසක් කරලමින් නිර්මාණයේ ලා ය.
ඒ සඳහා පුද්ගලික විශ්වවිද්යාල කුමන කොටසක් රගපාන්නේ දැයි තීරණය වන්නේ ඔවුන්ගේ නිසර්ග ගුණයකට වඩා ඒ සඳහා සමාජය කුමන මැදිහත් වීමක් කරන්නේ ද යන්න මත ය.
ප්ලූටෝ
March 21, 2009
අදටත් යුනිවසිටි ඔෆ් ලන්ඩන් වල බාහිර උපාධිය රෝයල් ඉන්ස්ටිටියුට් එකේ මාකට් කරනවානේ. ඒකටත් හැමෝටම ගෙවන්න බෑ නේ. නමුත් මැදපංතියේ අය ඒක කරනව නේ? ඇයි ඒක අසාධාරණයක් නොවෙන්නත්මේක අසාදාරනයක් වෙන්නත් හේතුව. අනේ පැහැදිලි කරනවද??
ඉන්ටනැශනල් ඉස්කෝලත් අහසින් ආවේ නැහැ. අපි මහත්වරු වගේ කතා කරමු. ඒව ආවේ රජයේ ඉස්කොල වලට තියෙන නාගරික ප්රදෙශවල ඉල්ලුම පුරවන්න බැරිවෙනකොට. හැමොටටම යන්න බැරිවන කොට අලුත් විකල්පයක්, මේක ධනවාදයේ විසදුම. ඉල්ලුම හා සැපයුම. ද්විතීකද තෘතීකද නෙවේනේ? ආපු දවස් වල අපිත් බැන්න, කොලිටි එක ප්රශ්න කලා. ඒත් අද? ලයිසියම් එකට දාගන්න පුලුවන් නම් රජයේ ඉස්කොල දිහා බලන්නේනෑ වියදම දරන්න පුලුවං කෙනෙක්.
ඒ නිසා මොන්ටිසෝරි තර්ක කියල අපහාස කරන්නේ නැතුව මේව සමාජ ආර්තික ප්රවනතා ඇතුලේ විස්තර කරන්න බලමු.
sankha
March 21, 2009
අපේ රටේ තියෙන ක්රමේ ප්රශ්ණයක් තියෙනව. නැතතම් අපි මේ වගේ වාදයක පැටලෙන්නෙ නෑ. මම ඉස්සෙල්ලා මතු කරපු තර්ක කිහිපයකට උත්තර දීලා තියෙනවා. ඒත් ඒවා නිශ්චිත නෑ. කොහොම වුනත් අපිට එකක් පිළිගන්න වෙනවා. අපේ රටේ ලොකු අවුලක් තියෙන වග. ඒක නිසාම අපිට ඒක ලිහාගන්න ඕන නිසා ඇත්තටම මොකද්ද ප්රශ්නෙ කියන එක තේරුම් ගන්න එක වැදගත්. අපි හැමෝම පිළිගන්නවා අපි පසුගාමී ධනේෂ්වර රටක්ය කියන එක. එතනදි මම පහත තියෙන කරුනු විශේෂයෙන් දකිනවා.
1.විදේශ ආක්රමනිකයන් විසින් පිහිටුවන ලද උත්තරාරෝපිත සංස්කෘතිය
2. 1977 හදුන්වාදුන් අපිරිමිත විවෘත ආර්ථිකය
3. ආර්ථිකය ප්රතිසංස්කරණය කරන ලෙස පැමිණි නොගැලපෙන ආර්ථිකමට ගැලපුම්
මේ කරුනු නිසා ක්රමිකව ධනවාදී ක්රමයට අවතීර්ණ වීමට තිබූ අවස්ථාව අපට මග හැරී ගියා. දරා ගත නොහැකි ව ලෝක ආර්ථික වර්ධනයට අපි විවෘත වුවත් අපිට එය දරා ගත නොහැකි වුනා. මේ හේතුව නිසා අපි නිශ්පානයෙන් ඈත් වී පරිභෝජනය කරන්නන් පිරිසක් බවට පත්වුනා. මේ නිසා තමයි උපදින්න ඉන්න කෙනෙක් පවා පිට රටට ණය වෙලා ඉන්නේ. මේ සමස්තය ගැන දන්නෙ නැතුව අපිට අධ්යාපනය විතරක් ගෙන කතා කරන්න බෑ. කිසිම ප්රතිපත්තියක් , නීතියක් , සංස්කෘතියක් තවම අපේ රටේ ගොඩනැගිලා නැහැ විශ්ව විද්යාල අධ්යාපනය වගේ වැදගත් අංශයක් පුදගලික අංශයට පවරන්න.
ලයිසියම් එක ගැන කියලා තිබුනා. ඊට අමතරව තව කොච්චර ප්රමිතියෙන් තොර ජාත්යන්තර පාසැල් කියන පාසැල් කඩ තියෙනවද, ඒවා ගැන පසුවිපරමක් කරන්න රජයෙන් කිසිම යන්ත්රණයක් තියෙනවද ? අපි දන්නවද ඒ ළමයි මොනා ඉගෙන ගන්නවද කියලා, උගන්නවන පුද්ගලික අංශයට වැදගත් ලාභය විතරයි. මේක ධනවාදය හා සමාජවාදය අතර ප්රශ්ණයක් නෙවෙයි. ධනවාදය ඇතුලේ ප්රශ්නයක්.
අධ්යාපනයට ප්රවේශය හැමෝටම දෙන්න ඕන කියන එක හැමෝම පිළිගන්න කාරණයක් ඒත් ඒක පරිහෝජනයට නිදහස දුන්නා වගේ විකාරයක් වෙන බව සැකයක් නැහැ.
බබානිස් ගුරා
March 21, 2009
“පුද්ගලික අංශයට වැදගත් ලාබය විතරයි”
අනේ කසුන් නොදන්න කෙහෙල්මල් ගැන කතා නොකර හිටපන්.
දැන් ඒ කියන්නේ ක්රමය වෙනස් කරනකන් තව පරම්පරා 3ක් වත් මේ වි.විද්යාල ටිකෙන් කර ගන්න වෙනව. ක්රමය වෙනස් නුනොත් සොරි තමයි !!! , වෙනස් වෙනකන් ඉන්න වෙනව, නැත්තං අසාදාරනයක්. මරේ මරු තර්ක නේද මේව?
බබානිස් ගුරා
March 21, 2009
දැං ස්ලිට් එකයි, රෝයල් ඉන්ස්ටිටුට් එකේ ලංඩන් උපාදියයි …ඒවා පුද්ගලික එව්ව නෙවිද???
ARAVINDA
March 21, 2009
රාමචන්ද්ර නැමැත්තා මා මතු කරන ප්රශ්නවලට පිළිතුරු නොදී බ්ලොග් එකෙන් බ්ලොග් එකට පැන පැන යයි.
ඔහු පිළිතුරු නොදී පැණ ගිය ප්රශ්න දෙකක් මුලින්ම ඇත.
ඉන් පසුව වසර විස්සක් තිස්සේ උසස් පෙළ සමතුන් සියල්ලට හෝ අඩු තරමින් පිරිසකට වැඩි අවස්ථා ලැබෙන සේ පිං විශ්ව විද්යාල අවස්ථා වැඩි නොකළ රජයන් දැන් එය කරතැයි ඔහුට ඇති සහතිකය මොකක්දැයි අසූ විට ඔහුට උත්තරයක් නැත. මහින්ද චින්තනය ගැන ඔහුට විශ්වාස උනාට අපට විශ්වාසයක් නැත.
සංඛ නමැත්තා ඊටත් ජෝකරයෙකි.
“මේ හේතුව නිසා අපි නිශ්පානයෙන් ඈත් වී පරිභෝජනය කරන්නන් පිරිසක් බවට පත්වුනා. මේ නිසා තමයි උපදින්න ඉන්න කෙනෙක් පවා පිට රටට ණය වෙලා ඉන්නේ.”
අප අද ලොවට ණය වී ඉන්නේ වෙන හේතුවක් නිසා නොව අධ්යාපනය සෞඛ්යය ආදී පෞද්ගලික ව්යවසාය යටතේ දියුණු කළ හැකිව තිබුණු සේවයන් එසේ නොකොට ඉතා විශාල ලෙස ජාතික ධනය යොදවමින් සබ්සිඩයිස් කරන ලද පිං සේවාවන් පවත්වාදෙග ගිය හෙයිනි. මේව කළ යුතු ආකාරයට නොකොට පිං සේවාවන් ලෙස තව දුරටත් පවත්වාගෙන යාම තුළින් වන්නේ අප තවත් ණය වීම පමණි.
ARAVINDA
March 21, 2009
@රාමචන්ද්ර,
“නමුත් ලංකාවේ ධනවාදය පසුගාමීයි හා ඌන සංවර්ධිතයි.ඒ නිසා විශේෂයෙන් අධ්යාපනය වගේ සමාජයේ පදනම් අවශ්යතාවක් හා පොදු සේවයක් පුද්ගලික ව්යවසායට විවෘත වෙනවිට (සංඛ ප්රවාහන ක්ෂේත්රය ආශ්රයෙන් දක්වා ඇති පරිදි)සමාජ ව්යුහයේ නොන්ඩි ගහන ස්වභාවය නිසාම විෂම ප්රතිවිපාක මතුවෙන එක වලක්වන්නට බැහැ.”
දැන් ඔබ මගේ ප්රධාන ප්රශ්න තුනකට පිළිතුරු නොදී මඟ හැර ඇත. මෙය හතරවැනි උත්තර නැති ප්රශ්නය කර නොගෙන මේකට උත්තර දෙන්න.
උදාහරණ වශයෙන් දැනට මෙසේ වී ඇති රටවල් තුනක් සංඛ්යාලේඛන දත්ත ඇසුරින් පෙන්නා දෙන්න.
ARAVINDA
March 21, 2009
මෙය මාතෘකාවට අනදාළය. එහෙත් රාමචන්ද්ර වැනි කොමියුනිස්ට් කාරයින් පට්ටපල් බොරු වමාරන විට ඒවාට පිළිතුරු දිය යුතුය.
“උසස් ධනවාදී සමාජයක තත්වයට සංවර්ධනය වෙන එක.(අපි අවුරුදු 60ක් තිස්සෙ කරන්න උත්සාහ කලේ ඒක වන අතර ලෝක ධනවාදයේ වත්මන් මොහොත තුල -අපි දකින විදිහට-තුන්වන ලෝකයේ රටකට එවැනි තැනකට යාම ඉතාම දුෂ්කරයි.)”
මේ පට්ටපල් බොරුවකි.
අවුරුදු 60ක් තිස්සේ අප ධනවාදය කරා යාමේ උත්සාහයක යෙදුනේ නැත. එහෙම කළා අද අප මෙතැන ඉන්නේ නැත.
අප ධනවාදී ආර්ථිකයක් කරා යාමට යම් උත්සාහයක් දරන ලද්දේ 1948-53 දක්වා, 1978 සිට 82 පමණ වනතුරු, 1994-96 අතර හා 2002-3 අතර බඳු ඉතා කෙටි කාලයන් තුළය. මේ උත්සාහ ජනප්රිය නොවීමට අදාළ රජයන්ට තිබූ බිය මත අඩු වයසින් නතර කරන ලදී. මෙය ලෙඩාට රිදී කෑගසන විට දොස්තර සැත්කම නැති කිරීමට සමානය.
ඉතිරි සියළු කාලය තුළ අපේ රජයන් ක්රියා කළේ ධනවාදය කරා යන්නට නොව ඔය රාමචන්ද්ර දෙසන මනෝ රාජික සමාජවාදය කරා යන්නටය. දැන් අපට රටක් ලෙස කෙළ වී ඇත්තේ එනිසාය. රාමචන්ද්රලාට දැන් අවශ්යව ඇත්තේ තවත් ඒ පාරේ ගමන් කොට අප කවරදාවත් වලෙන් ගොඩ ඒම වැළැක්වීමටය.
ධනවාදය සඳහා සැබෑ ලෙස උත්සාහ දරා සාර්ථක තුන්වන ලෝකයේ රට වලට උදාහරණ අවශ්ය නම් ඕනෑතරම් සැපයිය හැක. අප නිදහස ලබන සමයේ අපට පහළින් සිටි සිංගප්පූරුව, මැලේසියාව, දකුණු කොරියාව හා මෑතදී ඉන්දියාව ඉන් කිහිපයකි. මේ සාර්ථකත්වය එය කළ හැකිද නොහැකිද යන ප්රශ්නයට පිළිතුරු සපයයි.
මේ වන විට කියුබාවෙන් හැර, ලෝකයෙන්ම ප්රතික්ෂේප වී ඇති කොමියුනිස්ට්වාදයට සුළං පිඹීමට මේ උදවිය දරණ උත්සාහය හාස්යජනකය.
beyondframe
March 21, 2009
අධ්යාපන ආයතනයක ශිෂ්යයෙක් එක් පැත්තකින් පාරිභෝගිකයෙක් වෙන අතරෙ තවත් පැත්තකින් ඒ ආයතනයේ නිෂ්පාදනයෙ අමුද්රව්යයක් වෙනව.
ඒක නිසාම ධනවත් පාරිභෝගිකයින් සමග වෙනත් ඕනැම ආයතනයකට යන්න පුලූවන් ගමනක් යන්න අධ්යාපනික ආයතනයකට බැරි වෙනව.
ඒ නිසාම දක්ෂයින් ඇද ගන්න ඔවුන් බොහෝ දේ කරනව. මට තේරුම් ගන්නට බැරි කාරණය නම් මේ විශේෂත්වය මේ සංවාදයෙ යෙදෙන කාගෙවත් අවධානයට ලක් නොවන එක.
හැබැයි මේ ලක්ෂණය නිසාම දුප්පත් වුනත් දක්ෂ ලමයෙකුට මේක ඇතුළට යන්න ඉඩක් ඇති වෙනව. ඒ ඉඩ ඇතිකරන පහසුකම් පවා ලෙහෙසියෙන් ඇති කරන්න පුලූවන් ඒවා.
උදාහරණයක් හැටියට පාන් ගන්න බැංකුවක් ණය නොදුන්නට උසස් අධ්යාපනයට ණය දෙන්න ලෑස්ති වෙනව. මොකද ඒ ආයෝජනය පසු කාලෙක නැවත ලබා ගත හැකි නිසා. ඒ නිසාත් අධ්යාපනය කියන ව්යාපාරය සෙසු ව්යාපාරවලින් වෙනස් වෙනව.
මේ නිසාම සමාජ සාධාරණත්වය කියන පරාමිතිය ඇතුළෙ සමාජයේ ඉදිරිගමන සළසන වැඩපිළිවෙළක් දැමීමේ ඉඩ පවතිනව. මේ ගැනත් අවධානය යොමු කරන්න කියල සංවාදයට සහභාගි වන අයගෙන් ඉල්ලනව.
පුද්ගලික අංශය ලාභය මත පදනම් වෙල වැඩ කරන එක කවුරුත් පිළිගන්න කාරණයක්. තරගය නිසා මේ ලාභ අංශුව අඩුකරගන්න ඔවුන්ට සිද්ධ වෙනව. ඒක නිසා අපි කළ යුත්තේ නිදහස් තරගයක් ඇති වතාවරණයක් ඇති කරන්නට බල කිරීමයි. ඒ තුළින් වඩාත්ම වාසිය පාරිභෝගිකයින්ට ලබා දිමයි. අපි දුරකථන ක්ෂේත්රයෙ අත් විඳිමින් ඉන්නේ මෙයයි.
ඒ නිසා අප බිය විය යුත්තේ පුද්ගලික අංශයට අධ්යාපනය විවෘත කිරීම ගැන නොවෙයි නිදහස් තරගයකට කොන්දේසි නිර්මාණය කර ගැනීම ගැනයි. ඒ සඳහා වැඩ කළ යුතු බවට සැකයක් නැහැ. පසුගාමී ආණ්ඩුවක් ඒවා බන්දේසියක තියල දෙන්නෙ නැහැ. හැබැයි ආණ්ඩුවකට පවා ඉක්මණින් යථාර්තය පිළිගන්න බල කෙරෙනව. ඒ ගැන විශ්වාසය තියල අපි නිදහස් තරගයකට අධ්යාපනය විවෘත කරමු. එහෙම දාක ඔය අයිල ස්කොල කඩ ටිකත් වැහිලයාවි. ගාස්තු අය නොකරන විශ්ව විද්යාල පවා මීට වඩා උනන්දුවෙන් තමන්ගෙ ශිෂ්යයින්ව බලා ගනීවි.
එයාටෙල්වලට මාරු වුනු සංගක්කාරල වගේම ඒවාට මාරුවෙන අයත් ඇතිවේවි. අනිත් අය එතකොට තවත් දේ දීලා අපිව ඒවාට නැවත මාරුකරගන්න බලාවි.
ARAVINDA
March 21, 2009
@Beyond Frame,
“අප ඉල්ලා සිටිය යුත්තේ පුද්ගලික විශ්වවිද්යාල ඇති කිරීම නතර කළ යුතු බව නොවෙයි. ඒ තුළ සල්ලි නැති දක්ෂ සිිසුන් ද ඇතුළු කර ගැනීමේ මාර්ග විවෘත කරන ලෙස යි.”
මෙය හොඳ ප්රවේශයකි. මේ නිසා සියළු දෙනා දැන්වත් තම පුද්ගලික දේශපාලන ඇජෙන්ඩා පසෙක ලා පුද්ගලික විශ්වවිද්යාල වල අවශ්යතාවය තේරුම් ගෙන ඒවා වඩා ප්රශස්ත ලෙස ආරම්භකරන්නේ, පවත්වාගෙන යන්නේ කෙසේදැයි සාකච්ඡා කිරීම පටන් ගැනීම තුළින් පමණකි අපට මේ වාදය ඉදිරියට ගෙන යා හැකි වන්නේ.
එසේ නොමැතිව අන්ධව පෞද්ගලික විශ්ව විද්යාල වලට සරම උස්සා ගැනීමෙන් කාටවත් ඵලක් වන්නේ නැත.
ARAVINDA
March 21, 2009
@Beyond Frame,
1980 ගණන් වලට පෙර සෞඛ්ය ක්ෂේත්රයේ පැවතුනු ප්රශ්නයමයි අද අධ්යාපන ක්ෂේත්රයේ තිබෙන්නේ.
එක පැත්තකින් තිබුණු පෞද්ගලික රෝහල් ගණනින් අඩු වූ අතර (ඩර්ඩන්ස්, සුලෙයිමාන්ස්, සෙන්ට්රල්) ඒවායේ අයකළ අධික ගාස්තුව සාමාන්ය කෙනෙකුට දැරිය නොහැකි විය.
අනෙක් අතින් පිං රෝහල් වලට දැවැන්ත ඉල්ලුම සපුරා ලීමට කිසිසේත් හැකියාව නොතිබුණි.
මේ ප්රශ්නය විසඳුනේ ආසිරි, නවලෝක, ඕඅසිස්, ඩෙල්මන් ආදී පෞද්ගලික රෝහල් හඳුන්වා දීමෙනි.
මේ නිසා සෞඛ්ය ක්ෂේත්රයේ ඇතිවූ විප්ලවය පුදුම සහගතය.
1. පොදුවේ සෞඛ්ය සේවාවන් ලබාගැනීම සඳහා වැය කළ යුතු මිළ පහත වැටිනි. මේ නිසා දුප්පතුන්ටත් වඩා හොඳ සෞඛ්ය සේවයක් ලබා ගැනීමට ඉඩ සැලසිණි. (අද පෞද්ගලික රෝහල් වලින් ප්රතිකාර ගන්නෝ ධනවතුන්ම නොවෙති.)
2. සෞඛ්ය සේවාවේ ගුණාත්මක භාවය ඉහළ ගියේය. තරගකාරීත්වය නිසා පිං රෝහල් වල සේවාවේ ගුණාත්මක භාවද ඉහළ ගියේය.
3. රෝගීන්ට විකල්පයක් ඇතිවිය.
4. රෝගීන්ට පිටරට නොයා මෙහිදීම ශල්යකර්ම කර ගැනීමේ අවස්ථාව ලැබුණේය. මේ නිසා පිට රටට ඇදී ගිය විශාල මුදල් සම්භාරය නතර විය.
5. අපේ රටේ වෛද්යවරුන්ට පිං රෝහල් වල පිං පඩි නොව වැදගත් පඩියක් ලබා ගැනීමට ඉඩ සැලසුනේය. තවත් විශාල පිරිසකට රැකියා ලැබිණි.
6. සෞඛ්ය සේවාවන් පවත්වාගෙන යාමට රජයට ඇති බර අඩු විය.
අද පුද්ගලික රෝහල් ගැන චෝදනා කරන්නෝ නොවෙති. සියළු දෙනාම ඊට පක්ෂය.
මේ යහපත් වෙනස අප අධ්යාපන ක්ෂෙත්රයේ ඇති නොකරන්නේ මන්ද?
මහාචාර්ය නලින් ද සිල්වා,
March 21, 2009
මේ ගැන මගේ අදහස් මෙසේය.
පෞද්ගලික විශ්ව විද්යාල ඇති කළාට කමක් නැත. (බුදුන්ගේ කාලයේද අනේපිඬු සිටාණන් වැනි මුදලාලිලා සිටියහ.) නමුත් පහත කොන්දේසි යටතේය.
1. නියම සිංහල ක්රමයට පිරිමි ළමුන් අමුඩයද ගැහැණු ළමුන් ළමා සාරියද ඇඳ ආයුතුය. (දැන් කැළණිය විශ්ව විද්යාලයේ මේ ක්රමය අත්හදා බලන්නට සැරසීමක් ඇත.)
2. ඉගැන්විය යුත්තේ සිංහලෙන් ජාතික චින්තනය හා සම්බන්ධ විෂයන් පමණකි. බටහිර විද්යාව ඉගැන්වීම තහනම්ය.
3. කාර් වැනි බටහිර විච්චූර්ණ වලින් නැතුව නියම සිංහල ක්රමයට ගොන් කරත්තයෙන් හෝ පයින් සිසුන්ද ගුරුවරුන්ද පැමිණිය යුතුය.
4. කැන්ටින් එකේ, වැරදුනා, ආපන ශාලාවෙහි අලෙවි කළ යුත්තේ සිංහල ක්රමයට සැකසූ හැලප, කැවුම්, කැඳ වැනි ආහාර ද්රව්ය පමණකි. කොකා කෝලා අලෙවිය සම්පූර්ණයෙන් තහනම්ය.
5. හැම කාල පරිච්ඡෙදයක් අවසානයේම සිසුන් ගුරුවරයාට බුලත් අතක් දී ආචාර කළ යුතුය.
6. අවසානයට නියම ජාතික චින්තනයෙන් යුතු ගුරුවරයකු පමණක් (හරියට මහාචාර්ය නලින් ද සිල්වා බඳු ) උපකුලපති කළයුතු අතර, සුද්දන්ට දෙවැනි නොවීම සඳහා හාවඩ්, ඔක්ස්ෆර්ඩ් වැනි විශ්ව විද්යාල වල උපකුලපතිවරුන්ට ගෙවන පඩියට සමාන පඩියක් ඩොලර් වලින් ගෙවිය යුතුය.
මහාචාර්ය නලින් ද සිල්වා,
නිර්මාතෘ, ජාතික චින්තනය,
කැළණිය විශ්ව විද්යාලය
ramachandra
March 21, 2009
මෙහෙමයි.මොනව වුනත් අරවින්දට පිටු පිරවීමට විශාල හැකියාවක් තියෙනවා.පුද්ගලික වි.විද්යාල ගැන ඇතිවුන විවාදයේදී එතුමා එකම ප්රශ්න 2.3ක් දිගටම අසයි.මේ ගැන මගේ බ්ලොග් එක තුල ඇතිවුන විවාදයේදී ඒ ප්රශ්නවලට ඇතිතරම් පිලිතුරුද දෙන ලදී.නමුත් නැවතත් මේ මාතෘකාව කොහේ හෝ තැනකදී දුටුවිට “රාමචන්ද්ර නැමැත්තාගෙන් මම ප්රශ්න ඇහුවා එයාට උත්තර නැහැ” කියමින් එයම නැවත නැවත වමාරයි.ඊට අමතරව කොහේවත් නැති තවත් ප්රශ්න සෙට් එකක් ඉදිරියට දායි.දැන් ඒ ප්රශ්නවලට පිලිතුරු දුන්න කියල හිතමු.ඒත් ඊලග බ්ලොග් එකේදි මේ මාතාකාව ආවොත් නැවත ඔහු පටන් ගන්නේ “මම අරයගෙන් ප්රශ්න 3ක් ඇහුවා එයාට කට උත්තර නැහැ”කියාගෙනය.
මේ බ්ලෝග් එක තුල ඔහු මතු කරන අලුත් ප්රශ්න දෙක ඇත්තටම හිස් ප්රශ්න දෙකකි.ඒත් ඉතින් මම ඒකටත් උත්තරයක් දෙන්නම්.
1.මේ ආන්ඩුව (මහින්ද චින්තනය)නිදහස් වි.විද්යාල පද්ධතිය පුලුල් කරන බවට මට ඇති සහතිකය කුමක්ද?
මේ ආන්ඩුව ඒක කොරන්නේ නැහැ කියල මම දන්නව.මේ ආන්ඩුව නෙමේ 75 ඉදල තිබුන කිසි ආන්ඩුවකට ඒ උවමනාව තිබුනෙ නැහැ.මොකද ආන්ඩුව කරන්නෙ දේශපාලන ක්රමය රකින එක.මේ දේශපාලන ක්රමය(නව ලිබරල් පසුගාමි ධනවාදය)හැදිල තියෙන්නෙ නිදහස් අධ්යාපන සේවය පුලුල් කරන ආකාරයකට නෙමෙයි.
මේ ආන්ඩුව ඒක නොකල කියල කල යුතු දේ ඒකයි කියන එක ඉන් ප්රතික්ෂේප වෙනවද?
දැන් රාජ්ය ව්යුහය වඩා ප්රජානාන්ත්රික කරන්න ව්යවස්ථාදායක සභාව පත්කරන්න ඕනෙ.මම තර්කයක් ගේනව “රාජ්ය ව්ය්රහය 17වන සංශෝධනය හරහා ප්රජාතාන්ත්රික වේ”කියල.
මේ ආන්ඩුව ඕක කරන්නෙ නැහැ.එහෙම කියල මගේ අර තර්කයේ වලංගුතාවය ප්රතික්ෂේප වෙනවද?කල “යුතු” දේ ඒක නේද?
ඒ වගේ තමයි මගේ තර්කය “අධ්යාපන ප්රශ්නය සාධාරන ලෙස විසදාගන්න නිදහස් අධ්යාපන පද්ධතිය ප්රමානාත්මකව හා ගුනාත්මකව ප්රසාරනය කල යුතු වේ,
මහින්ද ඒක නොකරන බව ඇත්ත.නමුත් එහෙම කියල මගේ ප්රස්තුතයේ වලංගුතාවය -කල යුත්තේ එයයි කියන කාරනය-ප්රතික්ෂේප වෙනවද?
2.තියෙන අබලන් ව්ය්රහය තුලට පු.වි.වි ගෙනාවිට සමාජ විෂමතා ඇතිවේ කියල කියද්දි එහෙම වුන අනිත් රටවල් “3ක්” “සංඛ්යාලේඛන සහිතව” පෙන්වන්නලු.(මේක නිකම් අරවින්ද ඉස්කෝලෙ ටීචර් මම එයාගේ ප්රශ්න පත්තරේකට උත්තර ලියන ශිෂ්යයා කියල හිතාගෙන අහනවා වගේ ප්රශ්නයක්)
මෙම ලින්ක්ස් තිහිපය අධ්යාපන පුද්ගලිකකරනනය නිසා ඇතිවෙන සමාජ අසමානතාවන්ට එරෙහිව විවිධ රටවල ශිෂ්ය හා සමාජ ව්යාපාර විසින් දියත් කරන ලද විරෝධතා හා ප්රකාශන හා සම්බන්දයි.”අධ්යාපන පුද්ගලිකකරනය නිසා පංති ස්තරායනයේ සිදු වූ පුලුල් වීම”වගේ එකක් මනින මිනුම් දන්ඩක් තාම හොයාගෙන නැහැ.නමුත් පහත සමාජ විරෝධතා නිකම්ම ආ ඒවා නෙමෙයි.පුද්ගලිකකරනය සමග ඇතිවුන/ඇතිවෙන විෂමතාවන්ට එරෙහිව විවිද සමාජ කොටස් වලින් ආ නෛසර්ගික විරෝධය පෑම්
http://www.euractiv.com/en/education/french-students-private-sector-influence-universities/article-168201-ප්රංශය
http://apf.org.za/article.php3?id_article=26-දකුනු අප්රිකාව
http://www.deccanherald.com/content/Aug202008-/district2008081985523.asp -ඉන්දියාව
මේ ග්රීසියේ නිදහස් අධ්යාපනය වෙනුවෙන් කෙරුනු පුලුල් මත දැක්වීමක්
http://www.inclusivedemocracy.org/journal/vol3/vol3_no2_Takis_education_Greece.htm
කොහොම වුනත් අපේ අදහස වුනේ ලංකාව වගේ අවවර්ධිත ධනවාදී ව්යුහයක මහජන සේවාවන් පුද්ගලිකකරනය අදාල ක්ෂේත්රයේ බිදවැටිම් හා පාලනය කල නොහැකි තත්වයන් මතුකරන බවයි.ප්රවාහනය,ගෑස් බෙදාහැරීම ඊට නිදසුන්.එම කරුන මගහරිමිනුයි අරවින්ද විදේශ නිදසුන් පිලිබද වෙනම කතන්දරයකට ගියෙ.
3.මාව ඉලක්ක කොට අරවින්ද කියන තුන්වන කාරනය ලංකාව මේ ඉරනමට වැටී ඇත්තේ ධනවාදී මාවතේ නොගොස් “සමාජවාදී”මාවතේ යාමලු.
ඔහුට අනුව ලංකාවේ ධනවාදය තිබී ඇත්තේ 1948-53 දක්වා, 1978 සිට 82 පමණ වනතුරු, 1994-96 අතර හා 2002-3 අතර බඳු ඉතා කෙටි කාලයන් තුළය.
මේ මහත්තයා පිටු පිරෙව්වාට එතුමාට තියෙන අවබෝදය තමයි ඉතින් මේ.82 ඉදල 93 දක්වා තිබුන JR හා ප්රේමදාසගේ පාලනයත් එහෙනම් මෙයාට “සමාජවාදී” පාලනයක්!
මෙහෙම බැලුවම ජෝන් කොතලාවල,චන්ද්රිකා.ඩඩිලි මේ හැමෝම ගෙනිහින් තියෙන්නෙ “සමාජවාදී”පාලනයන්!
මේව දැකල හිනාවෙනව ඇරෙන්න කරන්න දෙයක් නැහැ.ඔබ “සමාජවාදය”කියල හිතාගෙන ඉන්නෙ මොකක්ද කියල අපිට කියල දෙනවද?
48 සිට 75 දක්වා ලංකාවේ තිබුන ක්රමය රාජ්ය ධනවාදය නොහොත් සුබසාදනවාදී ධනවාදය.
ඊට පස්සෙ මේ වෙනකන් තියෙන්නෙ නව ලිබරල් ධනවාදය.සමාජවාදය කියන්නෙ රාජ්ය බලයේ පංති ස්වරූපය එක්ක බැදුන කාරනයක්.මෙතෙක් කල් ලංකාවේ හිටිය හැම නායකයෙක්ම ධනපති නායකයෙක්(මහින්ද,සිරිමා ඇතුලුව)මිස සමාජවාදි පාලකයන් නෙමෙයි.ඒ හින්ද නොදන්න සමාජවාදයක් ගැන කතා නොකර දන්න දෙයක් කතා කරමු.
@ BF-සටහන දිග වුනාට කනගාටුයි.අරවින්ද මගේ නම අල්ලාගෙන නටන නාඩගම නිසා මෙවැනි පිලිතුරක් දීම හැර මට විකල්පයක් නැහැ.
@කියවන සෙසු අයට-දැන් මේක පලවුනාම පස්සෙ අරවින්ද තව comments 10 විතර එක දිගට දානු ඇත.ඔහු බොහෝවිට එය පටන් ගනු ඇත්තේ “රාමචන්ද්ර නැමැති කොමියුනිස්ට්කාරයාගෙන් මම ප්රශ්න 5ක් ඇහුවා.මිනිහට කට උත්තර නැහැ”කියාගෙනය.
ramachandra
March 21, 2009
මෙහෙමයි.අරවින්දට පිටු පිරවීමට විශාල හැකියාවක් තියෙනවා.පුද්ගලික වි.විද්යාල ගැන ඇතිවුන විවාදයේදී එතුමා එකම ප්රශ්න 2.3ක් දිගටම අසයි.මේ ගැන මගේ බ්ලොග් එක තුල ඇතිවුන විවාදයේදී ඒ ප්රශ්නවලට ඇතිතරම් පිලිතුරුද දෙන ලදී.නමුත් නැවතත් මේ මාතෘකාව කොහේ හෝ තැනකදී දුටුවිට “රාමචන්ද්ර නැමැත්තාගෙන් මම ප්රශ්න ඇහුවා එයාට උත්තර නැහැ” කියමින් එයම නැවත නැවත වමාරයි.ඊට අමතරව කොහේවත් නැති තවත් ප්රශ්න සෙට් එකක් ඉදිරියට දායි.දැන් ඒ ප්රශ්නවලට පිලිතුරු දුන්න කියල හිතමු.ඒත් ඊලග බ්ලොග් එකේදි මේ මාතාකාව ආවොත් නැවත ඔහු පටන් ගන්නේ “මම අරයගෙන් ප්රශ්න 3ක් ඇහුවා එයාට කට උත්තර නැහැ”කියාගෙනය.
මේ බ්ලෝග් එක තුල ඔහු මතු කරන අලුත් ප්රශ්න දෙක ඇත්තටම හිස් ප්රශ්න දෙකකි.ඒත් ඉතින් මම ඒකටත් උත්තරයක් දෙන්නම්.
1.මේ ආන්ඩුව (මහින්ද චින්තනය)නිදහස් වි.විද්යාල පද්ධතිය පුලුල් කරන බවට මට ඇති සහතිකය කුමක්ද?
මේ ආන්ඩුව ඒක කොරන්නේ නැහැ කියල මම දන්නව.මේ ආන්ඩුව නෙමේ 75 ඉදල තිබුන කිසි ආන්ඩුවකට ඒ උවමනාව තිබුනෙ නැහැ.මොකද ආන්ඩුව කරන්නෙ දේශපාලන ක්රමය රකින එක.මේ දේශපාලන ක්රමය(නව ලිබරල් පසුගාමි ධනවාදය)හැදිල තියෙන්නෙ නිදහස් අධ්යාපන සේවය පුලුල් කරන ආකාරයකට නෙමෙයි.
මේ ආන්ඩුව ඒක නොකල කියල කල යුතු දේ ඒකයි කියන එක ඉන් ප්රතික්ෂේප වෙනවද?
දැන් රාජ්ය ව්යුහය වඩා ප්රජානාන්ත්රික කරන්න ව්යවස්ථාදායක සභාව පත්කරන්න ඕනෙ.මම තර්කයක් ගේනව “රාජ්ය ව්ය්රහය 17වන සංශෝධනය හරහා ප්රජාතාන්ත්රික වේ”කියල.
මේ ආන්ඩුව ඕක කරන්නෙ නැහැ.එහෙම කියල මගේ අර තර්කයේ වලංගුතාවය ප්රතික්ෂේප වෙනවද?කල “යුතු” දේ ඒක නේද?
ඒ වගේ තමයි මගේ තර්කය “අධ්යාපන ප්රශ්නය සාධාරන ලෙස විසදාගන්න නිදහස් අධ්යාපන පද්ධතිය ප්රමානාත්මකව හා ගුනාත්මකව ප්රසාරනය කල යුතු වේ,
මහින්ද ඒක නොකරන බව ඇත්ත.නමුත් එහෙම කියල මගේ ප්රස්තුතයේ වලංගුතාවය -කල යුත්තේ එයයි කියන කාරනය-ප්රතික්ෂේප වෙනවද?
Vasana Pathirana
March 21, 2009
@ ramachandra
අපේ රටේ ඉපදෙන්න ඉන්න ලමයෙක් පවා ලෝකෙට නය කාරයෙක් වීමේ පවට මුල් වුනේ මුල් කාලීන සමාජවාදී විප්ලව කන්ඩායම් මගින් ජාතික ධනය විනාශ කිරීමයි.
විදේශ විනිමය ඉපැයීමට නම් විවෘත ආර්ථිකයක් තිබිය යුතුමයි. ඒත් ඒ සඳහා අවශ්ය යටිතල පහසුකම් මුල් කාලයේ අපේ රටේ තිබුනේ නැහැ. තිබුන යටිතල පහසුකම් පවා විනාශකාරීන්ට ගොදුරු වුනා. ඒකයි අපේ රට පරිභෝජන ආර්ථිකයකට හුරු වුනේ. තවද යුද්ධය සහ ආර්ථික අස්ථාවරත්වය නිසා ව්යාපාර හා අපනයන දියුනු වීම වැලකුනා. අපේ රටේ අපනයන කරුවන්ට ඇති රාජ්ය අනුග්රහය සීමිතයි.
ramachandra
March 21, 2009
2.තියෙන අබලන් ව්ය්රහය තුලට පු.වි.වි ගෙනාවිට සමාජ විෂමතා ඇතිවේ කියල කියද්දි එහෙම වුන අනිත් රටවල් “3ක්” “සංඛ්යාලේඛන සහිතව” පෙන්වන්නලු.(මේක නිකම් අරවින්ද ඉස්කෝලෙ ටීචර් මම එයාගේ ප්රශ්න පත්තරේකට උත්තර ලියන ශිෂ්යයා කියල හිතාගෙන අහනවා වගේ ප්රශ්නයක්)
මෙම ලින්ක්ස් තිහිපය අධ්යාපන පුද්ගලිකකරනනය නිසා ඇතිවෙන සමාජ අසමානතාවන්ට එරෙහිව විවිධ රටවල ශිෂ්ය හා සමාජ ව්යාපාර විසින් දියත් කරන ලද විරෝධතා හා ප්රකාශන හා සම්බන්දයි.”අධ්යාපන පුද්ගලිකකරනය නිසා පංති ස්තරායනයේ සිදු වූ පුලුල් වීම”වගේ එකක් මනින මිනුම් දන්ඩක් තාම හොයාගෙන නැහැ.නමුත් පහත සමාජ විරෝධතා නිකම්ම ආ ඒවා නෙමෙයි.පුද්ගලිකකරනය සමග ඇතිවුන/ඇතිවෙන විෂමතාවන්ට එරෙහිව විවිද සමාජ කොටස් වලින් ආ නෛසර්ගික විරෝධය පෑම්
http:/www.euractiv.com/en/education/french-students-private-sector-influence-universities/article-168201-ප්රංශය
http:/apf.org.za/article.php3?id_article=26-දකුනු අප්රිකාව
http:/www.deccanherald.com/content/Aug202008-/district2008081985523.asp -ඉන්දියාව
මේ ග්රීසියේ නිදහස් අධ්යාපනය වෙනුවෙන් කෙරුනු පුලුල් මත දැක්වීමක්
http:/www.inclusivedemocracy.org/journal/vol3/vol3_no2_Takis_education_Greece.htm
කොහොම වුනත් අපේ අදහස වුනේ ලංකාව වගේ අවවර්ධිත ධනවාදී ව්යුහයක මහජන සේවාවන් පුද්ගලිකකරනය අදාල ක්ෂේත්රයේ බිදවැටිම් හා පාලනය කල නොහැකි තත්වයන් මතුකරන බවයි.ප්රවාහනය,ගෑස් බෙදාහැරීම ඊට නිදසුන්.එම කරුන මගහරිමිනුයි අරවින්ද විදේශ නිදසුන් පිලිබද වෙනම කතන්දරයකට ගියෙ.
ramachandra
March 21, 2009
සමාවෙන්න.මම අධ්යාපන පුද්ගලිකකරනයට අදාල විරෝධතාවයන් පිලිබද ලින්ක්ස් කිහිපයක් ඉහත comment එක තුල සදහන් කලත් එම ලින්ක්ස් සහිතව අදාල කමෙන්ට් එක පලවෙන්නේ නැහැ.(යම් තාක්ෂනික ගැටලුවක් නිසා විය යුතුයි)
කොහොම වුනත් anti privatisation protests-education යනුවෙන් search කල විට එවැනි විරෝදතා ගනනක් පිලිබද ඕනෑ තරම් කරුනු සොයාගත හැක.
මා සදහන් කල ලින්ක්ස් ප්රංශය.ග්රීසිය.දකුනු අප්රිකාව හා ඉන්දියාව කියන රටවල්වල මහජන විරෝධතා කිහිපයක් ගැන පුවත් අන්තර්ගතකොටගෙන තිබුනා.
http://www.euractiv.com
http://www.deccanherald.com
http://www.inclusivedemocracy.org කියන වෙබ් අඩවි වලින් මේ ගැන තොරතුරු ලබාගත හැකියි
සිදු වූ අපහසුතාවයට කනගාටුව
Siriyalatha (Kahatagasdigiliya)
March 21, 2009
Very Interesting.Every one gave a good civilized Comments. I am enjoying it. Keep doing!! Thanks BF.
චමිල
March 21, 2009
@beyondframe
ඔබ සඳහන් කරන අධ්යාපනික වියදම් දරා ගැනීමට නොහැකි සිසුන් ශිෂ්යත්ව හෝ එවැනි ක්රම මගින් පු.වි.වි. වලට ඇතුළත් කර ගැනීම සිත් ඇද ගන්නා ලක්ෂණයකි. එය බොහෝ රටවල දැනටම සිදුවන බව ද සත්යයකි. පු.වි.වි. වලින් බලාපොරොත්තු විය හැකි එකම හොඳ පැතිකඩ එය පමණි. දැනට කරුණු කාරණා වෙමින් පවතින ආකාරයට මාළඹේ පු. වෛද්ය වි. ආරම්භ වීමට යන හෙයින් ඔබ පවසන කාරණාව ඉෂ්ඨ වේ යැයි බලාපොරොත්තු දල්වා සිටිමි. එහෙත් ඒ සඳහා පු.වි.වි කිහිපයක්ද තරඟයට අවතීර්ණ විය යුතු බැවින් ඉහත සිදුවීම සිදුවන රටවලට අසමාන ආර්ථික, දේශපාලන හා සමාජයීය ලක්ෂණ ඇති ශ්රී ලංකාවේ මෙය සිදු නොවූ වොත් ආපසු හැරීමක්ද නැත.
නමුත් පු.වි.වි මගින් ඇති කරන ලද තරඟය මගින් රජයේ වි.වි. වල ගුණාත්මක භාවය වැඩි වේ යැයි කරන උපකල්පනය පිළිගත නොහැක. බැංතු පිළිබඳව එය සත්ය වන නමුදු අනෙකුත් උදාහරණ කිහිපයකදී එය අසත්ය වී යයි. බැංකු ක්ෂේත්රයෙදී එය අසත්ය වීම ගැන රාමචන්ද්ර විසින් පැහැදිළි කර ඇත. රජයද අනෙකුත් වි.වි. සම්බන්ධ ආයතනද පරිපූර්ණ ලක්ෂණ වලින් සමන්විත වනතෙක් තරගයක් මගින් රා.වි.වි. ගුණාත්මක බවින් ඉහල යයි කියා සිතිය නොහැක. එලෙස බැලුවොත් පු.වි.වි. පිළිබඳ ධනාත්මක ඇසකින් බැලීමට ඇති එකම හේතුවද ප්රායෝගික නොවන්නේය.
ARAVINDA
March 21, 2009
රාමචන්ද්ර නැමැති කොමියුනිස්ට් වාදියා මෙතෙක් ඔහු උත්තර ලබා නොදුන් ප්රශ්න හතරින් එකකට උත්තර ලබාදෙමින් ‘රජය විසින් පිං අධ්යාපනය විස්තාරණය කිරීමේ විසඳුම’ නැමැති ඔහුගේ මනෝ රාජික විකල්පය ප්රායෝගිකව සිදුනොවන්නක් බව පිළිගනී. එනිසා නොකෙරෙන දේවල් ගැන කතා කර ඵළක් නැත. ඒ වාදය රාමචන්ද්රට කට උත්තර නැතිවීමෙන් අවසන්ය.
මගේ අනෙක් ප්රශ්න වලට තාම පිළිතුරු නැත. පුද්ගලික විශ්ව විද්යාල ඇති කිරීමෙන් මහ විනාසයක් වන බව කීවත් එසේ වූ රටවල් තුනක් (වැඩිය නොව ) පෙන්වීමට ඔහු අසමත්ය.
කළින් කී කිසිවකට මේ පුද්ගලයාට පිළිතුරු නැති විට කමෙන්ට්ස් තව දහයක් දාන්නේ මොකටද?
මා කලින් කී පරිදි මේ වාදය සිදු විය යුත්තේ නිදහස් නිදහස් මතධාරීන් අතරය. කොමියුනිස්ට් මතවාදීන් ප්රත්පත්තියක් හැටියට පුද්ගලික විශ්ව විද්යාල වලට විරුද්ධය. ඉතින් වෙන කිසිම විකල්පයක් නැති විටෙක පවා ඔවුන් ඊට අකැමැතිය.
ARAVINDA
March 21, 2009
සියල්ලන්ටම,
දැන් රජය පිං විශ්ව විද්යාල විස්තාරනය නොකරන බව රාමචන්ද්ර පවා පිළිගෙන ඇති නිසා ඒ ගැන අමතක කර පුද්ගලික විශ්ව විද්යාල පිහිටුවීම වඩා සමාජ ඵලදායක අන්දමින් කරන්නේ කෙසේද යන්න ගැන කතා කරමු.
ARAVINDA
March 21, 2009
රාමචන්ද්ර,
මා අහන්නේ ‘මහජන විරෝධතා’ ගැන නොවේ. ඔය කියන ‘මහජන විරෝධතා’ ප්රශ්නයක් ඇතත් නැතත් හැම රටකම සිදුවේ. මේවා පසුපස ඉන්නේ ඔබ වැනි නිහිලිස්තික කොමියුනිස්ට් කාරයින්මය. ඒ නිසා ඒවා හොරාගේ අම්මගෙන් පේන ඇසීමක් බඳුය. උදාහරණයක් හැටියට ලංකාවේ පිං විශ්ව විද්යාල වල හැමදාම අරක නෑ මේක නෑ කියා ස්ට්රයික්ය. මේ නිසා ඔබ කියන හැටියට ලංකාවේ පිං විශ්ව විද්යාලද වසා දැමිය යුතුය.
මගෙ ප්රශ්නය තේරුම් ගෙන උත්තර දෙන්න. බැරිනම් බෑ කියන්න.
beyondframe
March 21, 2009
පුද්ගලික විශ්ව විද්යාල අප අපේක්ෂා කරන මාවතේ යයි ද යන්න තීරණය කරන්නේ තනිකරම ඔවුන් විසින් ම නොවේ. ඔවුන් කි්රයාකාරීවන සමාජ සන්දර්භය ද මත ය.
සක්රීය සංවේදි සමාජයක් සෑදීමේ වගකීම පුරවැසියන් හැටියට අපට ඇත. අත්තනෝමතික ආණ්ඩුවක බරපැන උසුලාගෙන අපට සිටින්නට සිදුව ඇත්තේ ද අපේ නිෂ්ක්රීය තාවය නිසා ය.
මේ බ්ලොග් අඩවිය පටන් ගත්තේම හණ මිටි අදහස් වලට ප්රජාතන්ත්රවාදයට එරෙහිව කරන බලහත්කාරකම්වලට ද විරුද්ධ වන්නට ය.
අප වටා ඇති ප්රශ්න බොහෝමයකට පිළිතුරු ඇත්තේ පාලකයින් ලග නොවේ ඔබත් මාත් අතර ය. අප සංවේදී සමාජයක් හදන්නට උත්සුක වන්නේ නම් ද අප නිවැරදි වටිනාකම් වෙනුවෙන් පෙනී සිටින්නට සූදානම් වන්නේ නම් ද අපට යම් බලපෑමක් කිරීමට හැකි ය. අප සංවේදී නම් පුද්ගලික විශ්වවිද්යාලවල ආගමනයෙන් අපට අයහපතක් වන එකක් නැත.
චමිල
March 21, 2009
එසේනම් අවසානයේ සංවේදීත්වය පිළිබඳ ගැටළුවක් වුනත් එයද තවත් ගැටළුවකි. අප සමාජයක් වශයෙන් අසංවේදීය. එය ඔබත් මාත් පිළිගනියි. එම නිසා අප දැන් පාලකයින්ගේ (ඔවුන්ට ඇත්තේ හණමිටි අදහස් නොව බඩ පුරවාගැනීමේ අදහස් ය) අනුකම්පාව තුල සිටී. පිළිතුරු මෙවැනි සංවාදයක් තුලින් විසඳා ගත හැකි නමුත් පිළිතුරු ක්රියාත්මක කිරීමේ බලයක් අප අතර ඇත් ද? පාලකයින් කියන ඔනෑම දෙයක් ඇසීමට සූදානම් ජනතාවක් අතර, මඩ, ගල් බොරළු අහුරු, පිස්තෝල අතරින් ඇදෙන මෙම සංවාද තුලින් බලාපොරොත්තු විය හැකි දෙයක් තිබේද?
කෙසේ නමුත් එවැනි ප්රතිපලයක් තිබුනත් කරුණු කාරණා පැහැදිලිව තිබියදී තේරුම් ගත නොහැකිව හෝ අවශ්ය නැතිව වාද කරන්නන් සමඟ මොන සංවාදද? අරවින්ද නැමැත්තා අපේ හඬ නිහඬ කිරීම සම්බන්ධයෙන් දුම්මලේ අතට අරන් ක්රියා තරයි. ඔහු නැවත නැවත එකම දේ පැවසීමෙන් කමෙන්ට් ගණන වැඩි කර ඔබගේ ප්රසිද්දියට දායක වේ. ලේබල් ගැසීමේ දක්ෂතාවයද මැනවින් ප්රසිද්ධ කරමින් මගේ හීනමානයක් ගැන කතා කර ඇත. දැන් මෙයටද තවත් උඩ පනිනු ඇත.
මගේ අවසන් ප්රශ්නයට පිළිතුරක් ඉදිරිපත් වී නැත. එම නිසා එය නැවත ඉදිරිපත් කරමි.
“නමුත් පු.වි.වි මගින් ඇති කරන ලද තරඟය මගින් රජයේ වි.වි. වල ගුණාත්මක භාවය වැඩි වේ යැයි කරන උපකල්පනය පිළිගත නොහැක. බැංතු පිළිබඳව එය සත්ය වන නමුදු අනෙකුත් උදාහරණ කිහිපයකදී එය අසත්ය වී යයි. බැංකු ක්ෂේත්රයෙදී එය අසත්ය වීම ගැන රාමචන්ද්ර විසින් පැහැදිළි කර ඇත. රජයද අනෙකුත් වි.වි. සම්බන්ධ ආයතනද පරිපූර්ණ ලක්ෂණ වලින් සමන්විත වනතෙක් තරගයක් මගින් රා.වි.වි. ගුණාත්මක බවින් ඉහල යයි කියා සිතිය නොහැක. එලෙස බැලුවොත් පු.වි.වි. පිළිබඳ ධනාත්මක ඇසකින් බැලීමට ඇති එකම හේතුවද ප්රායෝගික නොවන්නේය”
හැංගිමුත්තං
March 21, 2009
@ චමිල උගුඩුවා
අනේ ගොබ්බ උගුඩුවෝ පු. වි. වි වලින් බලාපොරොත්තු වෙන්නේ මොකක් හරි බොරුවක් කරලා සල්ලි හම්බ කොරන්න. විසේසයෙන්ම ඔය ලාබෙට තියෙන පේමන්ට් උපාදි කඩ නම් බොරුවම තමා කරන්නේ. උදාහරන කිව්වොත් මේක කියවන පුයර බබාලා ගොඩක් හොටු පෙරාගෙන අඬයි. මර්වින් සිල්වාට උපාදි දුන්නේ කව්ද කියලාත් රටම දන්නවා. මාලඹේ පැත්තේ නම් දැනටම තියෙනවා උදාහරන. දැන් ර.වි. වි. වලින් පිටවෙන එවුන් ගොඩක් අයට රස්සා නැත්තේ ඒ පාඨමාලා රැකියා ඉලක්කකල පාඨමාලා නොවීම නිසා. රජයට මහලොකු වියදමක් යන්නේ නෑ පාඨමාලා අන්තර්ගත වෙනස් කරන්න ඒත් එහෙම කලොත් රටකොරවන ගොබ්බයින්ගේ ලමයින්ට/ ධනපති පන්තියේ ගොබ්බ මොළ වලට යන්න රස්සා නැතිවෙනවා. රැකියා ඉලක්ක පාඨමාලාත් නැතිවා නෙවෙයි ඒවාත් ඉතිං අතලොස්සක් තමා.
සමහරු ර.වි.වි. ගිහින් ජනතා මුදල් නිකරුනේ නාස්ති කරනවා. මරා ගන්නවා. නිකම් බොරුවට කැම්පස් වහගන්නවා. උන්ට නම් ජොබ් නොලැබෙන එකම හොදයි.
beyondframe
March 21, 2009
@චමිල
බැංකු ක්ෂේත්රයේ වැඩ කළ තරගය අධ්යාපන ක්ෂේත්රයේ වැඩ නොකරාවි යයි ඔබ කියයි. එහෙත් ඊට හේතු ඉදිරිපත් නොකරයි. එසේ තිබියදී මා එයට උත්තර දෙන්නේ කෙසේ ද?
එපමණක් නොවේ තරගය අධ්යාපනයේ වෙන ක්ෂෙත්රයකට වඩා අදාළ වන්නේ ඇයි දැයි ද මම කීවෙමි. ශිෂ්යයා පාරිභෝගිකයෙකු වනවාට අමතරව විශ්ව විද්යාල නිශ්පාදන කි්රයාවලියේ අමුද්රව්යයක් වන බව ද කියමින්. එය පවා ඔබගේ සැළකිල්ලට හසු නොවේ.
ඒ කාරණා දෙක සම්බන්ධයෙන් ඔබේ අදහස් දැන ගත හැකි නම් ඔබට ප්රතිචාරයක් දැක්විය හැකි ය.
Chanux
March 21, 2009
ලංකාවෙ තියන වශ්ව විද්යාලයක් ලෝක මට්ටමේ ශ්රේණිගත කිරීමකට එක් වෙලා තියනවද කියල දැනගන්න කැමතියි.
චමිල
March 21, 2009
@BF
ඉහත ලින්ක් එක බලන්න. එහි ඇති කරුණු හා මම එකඟ වෙමි.
ඔබ සඳහන් කල පරිදි ආණ්ඩුවෙන් නිදහස් තරඟයකට අවශ්ය කරුණු කාරණා ලබා දේවි යැයි විශ්වසයෙන් යුතුව තරඟයට අවතීර්ණ විය යුතුය. එහෙත් උසස් අධ්යාපනය යනු එවැනි ඔට්ටුවක් ඇල්ලිය යුතු ක්ෂේත්රයක්ද? තරඟය අධ්යාපන ක්ෂේත්රයට අදාල වන අයුරු මම තේරුම් ගෙන ඇත. සඳහන් කල පරිදි මම ඒ පිළිබඳව බලාපොරොත්තුවෙන් සිටිමි. එහෙත් මම අසන්නේ නිදහස් තරඟයකට අවශ්ය පසුබිම් නොමැතිව ඒවා ලැබේ යැයි සිතා ගෙන අවතීර්ණ වීම ප්රායොගික ද යන්නයි.
ARAVINDA
March 21, 2009
@Beyond Frame,
තමන්ට විකල්ප ප්රායෝගික විසඳුම් නැති බව පුද්ගලික විශ්ව විද්යාල වලට මුලින් විරුද්ධ වූවන් ද වක්රව පිළිගෙන ඇති නිසා තව දුරටත් මා මෙහි රැඳී සිටීමෙන් ඵලක් නැත. පුද්ගලික විශ්ව විද්යාල අවශ්ය බවත් ඒවාට ඉඩ දිය යුතු බවත් මවිසින් ඔප්පු කර ඇත.
එබැවින් මම මේ වාදයෙන් සමු ගනිමි. පෞද්ගලික විශ්ව විද්යාල සමාජයට වඩා ප්රශස්ත මෙහෙවරක් කරන ලෙස යොදා ගැනීම ගැන අපි පසුව කතා කරමු.
සුබ රැයක් වේවා!
beyondframe
March 21, 2009
@ චමිල
ප්රජාතන්ත්රවාදයකට අවශ්ය ඉඩ ආණ්ඩුවෙන් සපයන්නේ නැත ආණ්ඩුවෙන් ඉල්ලා අප සටන් වැදිය යුතු ය මේ බ්ලොග් අඩවිය විසින් ද මේ රටේ බොහෝ ප්රජාතන්ත්රවාදීන් විසින් ද ඒ සටන අවුලූවා ඇත
ආණ්ඩුවේ අත්තනෝමතිත්වයට ඉඩ දී අපට අකුළා ගත හැකි ද
ආණ්ඩුව සියල්ල සම්පුර්ණ කර දුන් පසු අපි භාෂණය පටන් ගන්නෙමුයි අපට කිව හැකි ද
නැත අපිට නොදෙන ඒ ඉඩ අපි බලහාත්කාරයෙන් ගන්නෙමු
My Photo -බිன்ku-
March 21, 2009
මේ ගැන කොච්චර කතා කලත් තමුන්ගේ මතයන් හා පෞද්ගලික පසූබිම් උඩ කතා කිරිම මිසක් වෙනකක් දකින්නට නැහැ, එදා පෞද්ගලික විශ්ව විද්යාල විවෘත කිරිමට විරුද්ධව අපේ රටේ තිබු රාජ්ය විශ්ව විද්යාලයත් වසා කැරැලි ගහපු දේශපාල පක්ෂත් වෙනත් පක්ෂත් විශ්ව විද්යාල තුල ක්රියාත්මක වෙද්දි තැබැරුමක දොරක් මෙන් ඇරෙන වැසෙන තත්වය ගැන මේ අය නිහඬ මන්ද?
He who must not be named
March 22, 2009
මේක අතුරු කතාවක්. නමුත් UCSC එකත් පුද්ගලික විශ්වවිද්යාලත් ගැන කෙරෙන කතාවකට අදාළයි. දැනට සටහන් වී ඇති සමහර වැරදි මත නිවැරදි කිරීම සඳහායි මේ ලියන්නේ.
කලින් ICT එක නමින් හඳුන්වපු UCSC එක පටන් ගත්තේ තමන් ලංකාවේ පරිගණක විද්යාවේ පියා කියා හිතාගෙන හිටපු වී. කේ. සමරනායක (VKS) කියන මහාචාර්යවරයා. කොළඹ විශ්ව විද්යාලයේ කොටසක් විදියට මේක පටන් ගත්තේ ජපන් ආධාර යටතේ. ඒ ආධාර ගන්න VKS ලොකු මෙහෙවරක් කළ බව සැක නෑ. නමුත් මීයක් කඩන්නේ අත ලෙවකන්නද කියලා කියනවා වගේ ඔහු ඒ තුළින් තමන්ටත් යම් යම් වරප්රසාද ලබා ගත්තා. එකක් තමා විශ්රාම යනතුරු එහි අධ්යක්ෂ පදවිය තමාවෙත තබා ගැනීමේ වරප්රසාදය. මේක කළේ වක්රව. කොළඹ විශ්ව විද්යාලයේ අනෙක් පදවි දෙන්නේ චක්රාකාරව (rotational basis) නිසා පොඩ්ඩක් ඒ වගේ කියා පේන්න ඔහු තමන්ගේ අතිජාත මිත්රයා මහාචාර්ය ඈපාසිංහට වසරකට හෝ දෙකකට ඒක ලබා දුන්න. නමුත් යාළුවා කියලා බැලුවේ නෑ ඒ කාලෙන් පස්සේ වහාම ආපහු ගත්ත. රුවන් වීරසිංහට ඒ පදවිය ලැබුනේ VKS මැරෙන්න ඔන්න මෙන්න තියලා විශ්රාම ගිය නිසා.
ඒ වගේම ඔහු කොළඹ විශ්ව විද්යාලයේ අනෙක් මහාචාර්යවරු ලබන පඩිය වගේ කිහිප ගුණයක පඩියක් මෙයින් ගත්තා. UCSC එක සරසවි සිසුන්ට අධ්යාපනය දීමට අමතරව බිස්නස් අතේ වැඩත් කළ නිසා (අදත් කරනවා) එයින් ලද ලාභය බෙදා ගන්න profit sharing plan එකක් හැදුවා. මෙයින් ඔවුන් කළ හැම ව්යාපෘතියකින්ම VKSට කොටසක් ගියා ඔහු සම්බන්ධ වුනත් නොවුනත්.
මේ නිසා UCSC එක රජයේ විශ්ව විද්යාලයක් හැටියට හඳුන්වන්න අමරුයි. ඒකත් පොඩි ප්රයිවෙට් ශොප් එකක්, රාජ්ය විශ්ව විද්යාලය ඇතුළේ. එතනත් හිටියෙත් ඉන්නෙත් මුදලාලිලා තමයි.
දැන් රසම කතාවට එමුකෝ.
පසුව SLIIT කියා නම් කරන ලද තොරතුරු තාක්ෂණයට වෙනම විශ්ව විද්යාලයක් හදන්න මුදල් වෙන් වූ අවස්ථාවේ පටන් VKS ඒක ගන්න නොදාපු වෑයමක් නෑ. නමුත් ලැබුනේ නෑ. ඒක ගියේ ඇමතිවරයාගේ බෑනා (son-in-law) වෙච්චි ලලිත් ගමගේට. මාමාත් බෑනට සල්ලි නොදී වෙන අහක යන මිනිහෙකුට දෙන්නේ නෑහැනේ. ඉතින් VKS මේක ගැන වෛර බඳගත්තා කියමුකෝ.
ඉතාම නින්දාසහගත වැඩේ තමා ඔහු SLIIT එක විවේචනය කරන්න යොදාගත්තේ මේ ‘නිදහස් අධ්යාපන’ මන්තරය. මොකද කොටසකට හරි UCSC එකේ අධ්යාපනය දුන්නේ නොමිළේ. ඉතින් ඔහු තමන්ට සමාජයේ ලැබී තුබුණු සිවිල් බලයත් උපයෝගීකරගෙන SLIIT ඉතාම නරක විදියට හෙළා දුටුවා. ඒකෙ පාඨමාලා වලට මුදල් අය කරනවාය කියා දිගින් දිගටම විවේචනය කළා, සමච්චලයට ලක් කළා. මට මතකයි ඔහු වරෙක තමන්ට පරිගණක සංගමයේ වාර්ෂික සැසිවාරයේ keynote address එක කරන්න තමන්ට ලැබුණු අවස්ථාව SLIIT එකට මඩ ගහන්න යොදා ගත්තා, SLIIT එකේ කිසිවකුට ඒක ප්රශ්න කරන්න අවස්ථාව නැති බව හොඳිම දැන දැන. මේ ගලා ගෙන ආවේ තමන්ට එක නොකරන්න ලැබීමෙන් ඇතිවූ වෛරය හා ඉරිසියාව. නමුත් ඒකෙ නිරුවත වැහුවේ ‘නිදහස් අධ්යාපනය’ කියන සළුවෙන්.
UCSC එකේ අද ඉන්න ගෝල පිරිසත් තමන්ගේ පුරෝගාමියා අනුගමනය කිරීම ලොකු පුදුමයක් ලෙස මා දකින්නේ නෑ. කවුද හරියටම කිවා වගේ SLIIT එක ඔවුන්ට රැකියා වෙළඳ පළේ ලොකු තරගයක් දෙනවා. SLIIT එකෙන් දෙන අධ්යාපනයේ ප්රමිතියට රාජ්ය විශ්ව විද්යාලවලට කිට්ටු කරන්න ටිකක් අමාරුයි.
ඒත් මේ පුද්ගලික තරහ මරහා පිරිමහා ගන්න ජාතික ප්රශ්න පටලවා ගත යුතුයි මා හිතන්නේ නෑ. අපට UCSC එකත් ඕනෑ, SLIIT එකත් ඕනෑ. ඔය දෙකෙන් එකක් වත් වැහෙනවාට අප කැමැති නෑ. ඒ නිසා අපි විවෘතව හිතමු. නිදහස් අධ්යාපනය රැක ගන්නය කියලා SLIIT එක වැසිය යුතුය කියන සටන් පාඨයට වැඩිය හොඳ සටන් පාඨ අපට නැත්ද?
චමිල
March 22, 2009
Aravinda
විකල්ප ප්රායෝගික විසඳුම මම කිහිපයක් ලබා දී ඇත. ඒවා පිළිගැනීමට හෝ ඒ පිළිබඳ කටක් හෝ ඇරීම ප්රතික්ෂේප කර ඇත්තේ ඔබ තුළ ස්වාභාවයෙන්ම ඇති යම් ගතිගුණයක් නිසා බව දැන් පැහැදිලිය. එනම් රා.වි.වි. තුළින් දුප්පතුන් හා එකට ඉගෙනගෙන උන් හා එකම මට්ටමේ උපාධියක් ලබා ගැනීමයි. ඔබට අවශ්ය වී ඇත්තේ උසස් යැයි සැළකිය හැකි එහෙත් දුප්පතුන්ට ලබා ගත නොහැකි උපාධියකි. කිහිපවාරයක් ඔබව ඇමතීම සඳහා යොදාගෙන ඇති “අධිමානය” නැමැති පදය යොදා ගැනීමට සිදුවෙන්නේ දැනුයි.
රටක උසස් අධ්යාපනය ලබා දී නායකත්වය සඳහා යැවිය යුත්තේ තම බුද්ධිය ඔප්පු තර පෙන්වූවන් මිස කොපමණ සල්ලි ඇතත් තරඟකාරී විභාගයක් හෝ පාස් කිරීමට බැරි අය නොවේ. මන්දබුද්ධිකයින් සල්ලි තුබූ පළියටම උපාධියක් ඇගේ ගසා ඉහළට යැවූ විපාක ලංකාව නොයෙකුත් විඳ ඇත. දේශපාලන බලය තහවුරු කරගැනීම සඳහා කරනමේ අන්තනෝමතික ක්රියාවෙන් සිදුවන්නේ ද සමාජය නැවතත් නැගීසිටීමකට තල්ලු කිරීමකි. ඉන්පසුව ඇතිවන මර්ධනය හා භීෂණය අපේ සමාජය තවත් අගාධයකට ඇද දමනු නියතය. පන්න පන්නා දුප්පතුන්ට පහර දිය හැකි නමුත් දිවීමට තවත් තැනක් නැතිව කොටු වූ විට ඔවුන් ආපසු හැරෙන බව පැහැදිලිය. ඉතිහාසය මෙම කරුණ ඔප්පු කර පෙන්වා අවසානය. ප්රශ්නය වී ඇත්තේ ඉතිහාසය අමතක වූ ජාතියකට මෙය පැහැදිලි කර දීමයි.
වැදගත් : ඔබගෙන් නැවත බහුවරණ ප්රශ්න පත්රයක් බලාපොරොත්තු නොවෙමි.
sankha
March 22, 2009
විවිධාකාරයේ නව සොයා ගැනීම්, තොරතුරු මේ සංවාදය පුරාවටම දැක්කා. විශේ ෂයෙන් හංදියයේ කඩයක වාදයක්ද, නාන තොටුපලක කරන කතාවක් ද බුදධිමත් සංවාදයක් ද කියන තත්ත්ව වලින් කැමති එකක් බවට මේක පරිවර්තනය කරගන්න සහභාගි වන්නන්ට පුළුවන්. එතනදි විශේ ෂයෙන් කරුනු දෙකක් දක්වන්න කැමතියි.
1 ලංකාවේ ධනය පිරිහුනේ සමංජවාදී කැරළි නිසා කියලා කෙනෙක් හොයාගෙන තිබුනා. මේ වගේකතා නොදැනුවත් කමටයි, හැහීම් වලින්කියන කතා. ලංකාව විනාශ කරලා තියෙන හේතු ව අපි වෙනමම කතා කරමු.
2 මහාචාර්ය සමරනායක ගැන ලොකු කතාවක් කියලා තිබුණා. ඇත්තටම ඒවා හරිද වැරදිද කියලා අපි දන් නෙනෑ. ඒත් මිය ගිය කෙ නෙක් සහ ලංකාවට යමක් කරපු කෙ නෙක් නිසා යමක් ලියද්දි විනයක් තිබුනොත් හොදයි.(මම ඔහුගේ ගෝලයෙක් නොවේ)
අවසාන වශයෙන් අදහස් දැක්වීමෙදී වඩාත් දේශපාලනික වන් නේ නම් මෙම කතා වඩාත් අර්ථාන්විත වෙයි. ඒ සදහා තමන් එකග වුනත් නැතත් ලෝක ප්රසිද්ධ මතවාදයන් අධ්යනය කිරීමෙන් තමන්ගේ අදහස් පොෂණය කරගත හැක. ඒ තුල හුදු ආත්මාර්ථය ඉක්මවා ගිය පිරිසක් මෙන්ම දැනුමෙන් පිරි සමාජයක් ද බිහිකර ගත හැක.
Vasana Pathirana
March 22, 2009
යමෙක් ඇත්ත වශයෙන්ම බුද්ධිමත් නම් ඔහු හෝ ඇය දුප්පත් වන්නේ කෙසේද? රටක ආර්ථික තත්වයට සාපේක්ශව යමෙක් දුප්පත් නම් එයින් අදහස් වන්නේ එම පුද්ගලයා දුර්වලයෙක් බවය. එනම් දුර්වල ජාන වලින් පැවතෙන්නෙක් බවය.
වඩා බලවත් ජාන වලින් පැවතෙන්නන්ට ශක්ය තාවය සහ බුද්ධිය ඇති නිසා ඔවුන් සමාජයේ ඉදිරියට ඒම සහ ධනය ඉපැයීම ස්වාභාවිකයි. කොමියුනිස්ට් ක්රමයකදී මෙවන් බලවත් ජාන ඇත්තන්ට වන්නේ මහත් අසාධාරනයක්!
කර්මය නම් සංකල්පය බොහෝ ආගම් වල පිලි ගැනෙන්නක්. ඒ අනුව යමෙක් ධනවත් වන්නේ හෝ දුප්පත් වන්නේ පෙර කල කර්මයට අනුවය. මේ අනුවද ධනවතාට ප්රතිලාභ ලැබීම යුක්ති සහගතයි.
දැන්, ප්රාථමික පාසැලකට ලමුන් ඇතුලත් කර ගැනීමේදී පවා දෙමාපියන් ගේ බුද්ධිය ද පරීක්ෂා කරන්නේ බුද්ධිය උදෙසා ජාන වලින් ලැබෙන පිටුවහල සැලකීමට ගෙනයි.
මේ අනුව බැලූ විට ධනවත් බවත් යුක්ති සහගත සුදුසුකමක් ලෙස මා හේතු සහිතව ප්රකාශ කරනවා..!
Vasana Pathirana
March 22, 2009
ඔය රාජ්ය විශ්ව විද්යාල කියන ප්රසිද්ධ ඒවා දෙකක තොරතුරු තාක්ශන උපාධිය කරන කිහිප දෙනෙක් ම මං ලඟට (ගෙදරට) ටුයිශන් එනවා, සල්ලි දීලා හිර වුනු තැන්, අපැහැදිලි තැන් අසා දැන ගන්න සහ ව්යාපෘති පැවරුම් කරගන්න උදවු ගන්න (සල්ලි දීලා) මම SLIIT B.Sc. in IT Undergraduate!
මේකෙන් පැහැදිලි වෙනවා කාගේ උපාධියද වඩා ගුණාත්මක කියලා.
මේ අය හැම තිස්සෙම බලන්නේ “ජොබ් එකක් හොයාගන්න”. තනිවම මහන්සි වී “ගානක් හොයා ගන්න ශක්යතාවයක් නැහැ”! අපි තමයි ඉතින් ව්යාපාර ඇති කරන්න ඕනේ. ඒකට ඉතින් අපිත් තාක්ශනය ඉගෙන ගන්න ඕනිනේ! නැතිනම් කොහොමද අපේ පුංචි රට දියුනු කරන්නේ!
sankha
March 22, 2009
Vasana Pathirana – ඔබ විසින් පවසා ඇති දේ හිට්ලර් ද පවසා ඇත. නමුත් ජාන සම්බන්ද ඔබේ මතයට කුමන විද්යාත්මක සාධක පදනම් කරගෙන ඇත්දැයි හැකිනම් දක්වන්න.
කො හොම වුනත් මට ඔබෙන් ඉල්ලීමට ඇත්තේ පුළුවන් නම් මිනිස්සුන්ට, සත්තුන්ට , ලෝකයට ආදරය කරන්න. අපි දුවන රේස් එකේ දුවන්න බැරි දුර්වල මිනිස්සු, ආබාධින මිනිස්සු , වෙනස් මිනිස්සු ඕන තරම් මේලෝ කෙ ඉන්නවා. ඔවුන් විනාශ කරලා අපි ඉස්සරහට යනවට වඩා ඔවුන් වත් රැගෙන ජීවත් වෙන්න උත්සාහ කරන්න. ඔබ කියන ආගම් වල කියන් නෙත් ඕවම නේද කියලා හොයලා බලන්න. ඔබට ආගමෙන් නොකියන බැලූ බැල්මට නොපෙනෙන අයුක්ති ආසාධාරණකම් ඕන තරම් මේලෝකේ තියෙනවා. ඒවා දැනගන්නනම් ඔබට ඔය රාමුවෙන් ඉවතට විත් අධ්යනයක් කරන්න වෙයි.
Vasana Pathirana
March 22, 2009
“Death to the Weakling Wealth to the Strong”
Book of Satan 1:1 Satanic Bible…
That is the law of nature!
Wiz Kun
March 22, 2009
Vasana!
Stop Being a Smart Ass!
චමිල
March 22, 2009
@He Who Must Not Be Named රසවත් කතාවක් වන එහි කිසිවක් ඔප්පු කර ඇති සාධක නොවේ. ඔබ VKSට විරුද්ධව ප්රකාශ කරන ඕනෑම දෙයක් තවත් කෙනෙකුට වෙනත් විදියකට පැවසීමට හැක. ඔබ සමාජයේ ජීවත් වන මට්ටම අනුව, සිදුවූ සිදුවීම් ඔබ අර්ථකථනය කල ආකාරයයි ඒ.
කෙසේ නමුත් රා. හා පෞ. වි.වි. අතර ඇති මෙම සංවාදය SLIIT ආයතනය හා UCSC අතර පටු වාදයකට ගෙන ඒමට දරා ඇති උත්සහය නිරර්ථකය. මේ සංවාදය (මෙතන වැදගත් විදියට ඇති නොවුනත්) අදාළ වන්නේ UCSC හා SLIIT ආයතන වලට පමණක් නොවේ. කෙටියෙන් කිව්වොත් Subject මාරු කිරීමේ බොළඳ තර්කයක් මිස වෙනත් අවස්ථාවට අදාළ කිසිම වටිනාකමක් මෙහි නොමැත.
තවද UCSC ගෝල පිරිස VKS ගේ අදහස් අනුගමනය කිරීමක් ගැන ඔබ කතා කරයි. එසේනම් අද ජ’පුර සිසුවන් අනුගමනය කරන්නේ සෝරත හිමියන්ගේ අදහස් ද? මෙය එක්තරා ආකාරයකට නොදැනුවත්කම හා පටු දැක්ම පෙරටුකර ගත් ප්රකාශයකි. ඔබට අනුව හිට්ලර් හා ඔහුගේ නාසි හමුදාවේ සියල්ලම යුදෙව්වන් මරා ඇත්තේ වෛරයෙනි.
තවද UCSC ගෝල පිරිස ලෙස ඔබ හැදින්වුවත් එයට අදාල වන්නේ මා පමණකි. මමද මෙය UCSC සිසුවන්ගේ සමස්ත අදහස බව පවසා නැත. මෙය සමස්ත අදහස ද නොවේ. ඒ අනුව මගේ පෞද්ගලික පසුබිම ඇඳාගනිමින් ගනු ලැබූ උත්සහය ද පැහැදිලිය. ලේබලයකින් එහා දකින්න තරම් දුරදෘෂ්ඨිකත්වයක් ඔබට නැති බව එයින් ප්රත්යක්ෂ වේ.
SLIIT හා UCSC උපාධි අතර ඇති තරඟය පිළිබඳ මම සඳහන් කිරීමට නොයමි. ඒ එම ප්රකාශය හුදෙක් මා ඒ අතට ඈඳා ගැනීමට ගත් නිරර්ථක උත්සහයක් නිසයි. එම තත්වය පිළිබඳ දන්නෝ දනිති.
ජෝකරයකු වීමේ අතිමහත් දක්ෂතාවය පෙන්නුම් කරමින් SLIIT එක වැසීම ගැන සටන් පාඨයක් ඔබ පෙන්වා දී ඇත. මම දන්නා තරමින් මෙම සංවාදයේදී එවැනි දෙයක් මතුව නොමැත. මෙම මඩ ගොඩේ තවත් කමෙන්ට් දැමීම සිදුවීම ගැන කණගාටු වෙමි.
Vasana Pathirana
March 22, 2009
@BeyondFrame
කරුණාකර මගේ මීට ප්රථම ප්රතිචාරය ඉවත් කරන්න…
මා ඊට පෙර පැවසූ දෙය හිට්ලර් පම නොව ප්රවීණ පරිනාම වාදියෙකු වූ Charles Darwin ගේ ඤාති සහෝදරයෙකු වූ
Sir Francis Galton විසින් Eugenics නම් විශය පථයක් ලෙස හඳුන්වා දී ඇත. මගෙන් විද්යාත්මක පදනම ගැන ප්රශ්න
කරන අය මේ ගැන (Eugenics) සොයා දැනගන්න.
sankha
March 22, 2009
වි වි ශිෂ්යයින් ලෙස සාමාන්යයන් කියන්නේ ලෝකෙට සංවේදී අනෙකාට ආදරය කරන වඩා පරාර්ථකාමී දේශපාලනික පිරිසක්. මේ නිසාම ලෝකයේබොහෝ විශ්ව විද්යාල වල වඩා ශක්තිමත් මාක්ස්වාදී ව්යාපාර දැකගන්න පුළුවන්. ඒ වගේම මෙකී ශිෂ්යයින් සමස්ත රටටම විශාල බලපෑමක් කරන ආකාරය අද වගේ ම 1960 දශකයේ ප්රංශයේ මෙන්ම 1990 දශකයේ චීනයේ සිසු උද් ඝොෂන මගින් දක්වන්න පුළුවන්. එසේ නොමැතිව තමන් ගේ ආත්මාරථ වාසියට පුහු තර්ක හො අවිද්යාත්ම ආගමික කරුණු දැක්වීමක් කරන පිරිස නො වේ. (ආගම විද්යාව ලෙස හදුනාගැනීම වත්මන් අදෙශපාලනික පිරිසගේ පොදු ලක්ෂනයකි)
අවාසනාවකට දැනට බිහිවෙමින් සිටින අධ්යනිකයින් හුදු ආත්මාරථය පමණක් සලකන , බල්ලොමරා හෝ මුදල් ඉපයීමට කැමති, තවත් කෙනෙක් ගේ දුකක් නොදැනෙන පරාරෝපණයට ලක් වූ පිරිසක් වීම අහඹුවක් නොව මේ ක්රමයේම ප්රතිඵලයකි
චමිල
March 22, 2009
වාසනා පතිරණ මෙතනට ආගමද ඈඳා ගැනීමෙන් පෙනී යන්නේ අවසානයේ ආගම්ද මෙම සංවාදයට ඇද ගැනීමට තරම් මොවුන් බලාපොරොත්තු විරහිත තත්වයකට ඇද වැටී ඇති බවයි.මිනිසුන් ආගමට හැරෙන්නේ කෙළ වුනු පසුව බව අප හැමෝම දනී.
ජාන පිළිබඳ විකාර අදහස ගැන කිව යුත්තේ එය හිට්ලර්ගේ උයන්පල්ලාගේ දෘෂ්ඨිය (gardener’s vision) අමු අමුවේ එහෙමම කොපි කිරීමක් බවයි. දුර්වල ජාන ලෙස ඔහු හඳුනාගත් යුදෙව්වන් මිනිස් උයනෙන් අතුගා දමා පිරිසිදු කිරීම යන සංකල්පය පසුව යුදෙව්වන් මිලියන 6 කගේ පමණ මරණය යුක්ති සහගත කරවීය. මෙවැනි මොළ මත රටේ ඉදිරි අනාගතය රඳවන්නට යෑම ගැන දැන්වත් තීරණයකට එළඹෙන්නට බැරිද? සමාජය ගැන අබමල් රේණුවක් වත් නොදන්නා සිහින ලෝක වල ජීවත් වන්නවුන් අධ්යාපනය අතින් ඉහළට නොයෑම පුදුමයක් නොවේ.
පෞ.වි.වි වලින් බිහි වෙතැයි කියන “උපාධිධාරීන්ගේ” ප්රීවිව් එකක් අපට මෙතෙක් කල සංවාද වලින් ලැබී ඇත. ඒ ප්රී විව් එකට අනුව පෙනෙන්නේ උගත් මිනිසුන් මිසක් උගත් හා බුද්ධිමත් දර්ශනයක් සහිත මිනිසුන් අනාගත ලංකාවේ දුලබ විය හැකි බවයි.
beyondframe
March 22, 2009
සල්ලියි බුද්ධියයි අතර ඍජු සම්බන්ධයක් නැහැ.
සල්ලි උපයන්න බුද්ධිය තිබිල මදි. බුද්ධිය තියෙන අය සල්ලි කාරයො වෙනව නම් අපේ පන්තියෙ පළමුවෙනියා දෙවැනියා වුනු අය එපැයි සල්ලි කාරයො වෙන්න. ඒක එහෙම වෙලා නැහැ. ඔයගොල්ලන්ගෙ පන්තිවල හිටපු ඒ වගේ ළමයි දැන් කොහෙද ඉන්නෙ අනිත් ළමුන්ට සාපේක්ෂව කියල මතක් කර ගන්න.
අනිත් අතට සල්ලි තියෙන හැමෝම බුද්ධිමතුත් නැහැ. හැබැයි ඒ බොහෝ දෙනෙකුට වෙන අයට නැති දක්ෂතාවයක් ඒ වගේ ම ලෝකය පිළිබඳ වෙනස් දැක්මක් තියෙනව.
අධ්යාපනය ආධාර කරන්නේ සමාජය තුළ නොවැටී ඉන්න විතරයි. නොගිලී ඉන්න විතරයි. ඒ තුළ ඉස්සරහට යන්න තව බොහෝ දේ ඕන. එයින් වඩාත් වැදගත් වෙන්නේ අවදානම් දරන්න හැකියාව. ඒ කියන්නේ අසාර්ථක වෙන්න බය නැති කම. අධ්යාපනයෙන් යම් දක්ෂතා දක්වපු අයට ඒක නැහැ. ඒ නිසයි ඔවුන් ආයතන පටන් ගන්නේ නැතිව රස්සාවල් හොයන්නෙ.
ඒ නිසා වාසනා පතිරණගෙ කතාවත් එක්ක මට නම් එකග වෙන්න බැහැ.
සල්ලි කියන්නේ සංකේතයක්. ඒක මිනිසුන්ගේ ඕනැ එපාකම් ඉෂ්ට කර ගන්න භාවිතා කරන්න පුලූවන් එකක්. ඒ වගේම ඒක මිනිසුන්ට වෙනත් වටිනාකමක් දෙනව. ඇත්තටම සල්ලි මිනිසුන්ට වැඩක් කරන්න දිරි ගන්වන සාධකයක්.
ඒ සාධකයට තියෙන ඒ වටිනාකම එහෙම තියෙන එක සමාජයේ ඉදිරිගමනට අවශ්ය යි. ඒ නිසා සල්ලි තියෙන මිනිසුන්ට ඒ සල්ලි භාවිතාකරල යම් යම් දේ කරන්න ඉඩකඩ තියෙන එක සමාජයේ ඉදිරිගමනට වැදගත්. ඒ කාරණයෙදි මම වාසනා පතිරණත් එක්ක එකග වෙනව.
හැබැයි මේ දිරිගැන්වීම ලබා ගැනීමේ හැකියාව හැම කෙනෙකුටම විවෘත වුනොත් විතරයි සමාජයක් හැල හැප්පිලිවලින් තොරව ඉස්සරහට යන්නෙ.
ඒ විතරක් නොවෙයි දක්ෂයින් සල්ලි වලින් දිරිමත් කළොත් විතරයි ඔවුන්ගේ සේවය සමාජයට ගන්න පුලූවන් වෙන්නෙ.
ඇත්ත කතාව නම් දක්ෂයින් දුප්පත්කම ඇතුළේ සැගවී සිටින්නට පුලූවන්. ඒ දක්ෂයින් මතු කරල ගන්න සමාජය අසමත් වුනොත් සමාජයට එයින් වෙන්නේ අවැඩක්. ඒකෙනුත් සමාජයේ ඉදිරිගමන අවුරනව.
අන්න ඒ නිසා මා රාමචන්ද්රත් සමගත් චමිල සමගත් සංඛ සමගත් ඔවුන්ට සමාන අදහස් දරණ බොහෝ දෙනා සමගත් ඒ කාරණයෙදි එකග වෙනව.
නැවත වතාවක් කියන්න තියෙන්නෙ සමාජ තුළ සැමට අවස්ථා සළසන අතරෙ සමාජයේ ඉදිරිගමන සාක්ෂාත් කරගන්නෙ කොහොමද කියන කාරණයයි මෙහිදී වැදගත් වෙන්නෙ. මේ දෙකින් එකක් හෝ අහිමි වුනොත් ඒ සමාජයට දෙයියන්ගෙම පිහිටයි.
කසුන්
March 22, 2009
@ BF
රාජ්ය බැංකු පද්ධතිය පුද්ගලික බැංකු හා තරඟකාරිත්වය තුල බිඳනොවැටුනු බවත්,ඒවා වඩාත් ගුණාත්මක වූ බවත් සත්යයකි. එහෙත් මුල්ය ව්යාපාරයක් හා අධ්යාපනය නැමැති ක්ශේත්ර දෙක එකිනෙකට සමාන ලෙස සිතිය හැකිද?
අධ්යාපනය යනු හුදු වෙළඳ භාන්ඩයක් ලෙස සැලකිය හැකි නොවේ. එය ඊටත් වඩා පුලුල් අර්ථයකින් සමාජය හා බැඳී පවතියි.
අධ්යාපනය හෝ කිසියම්ම දෙයක් සම්බන්ධයෙන් රාජ්ය ඒකාධිකාරයක් තබාගත යුතු බවට මම සිතන්නේ නැත. පු.විවි. බිහිවීමෙන් පවතින අධ්යාපන අර්බුධයන්ට විසඳුමක් ලැබේ නම් පු.විවි. එකක් වෙනුවට දහයක් බිහි කලද ගැටළුවක් නැත. එහෙත් සැබැව්න්ම පවතින ස්භාවය අනුව එය එසේ වේද?
රට තුල ප්රධාන වශනේ අධ්යාපනය සම්බන්ධයෙන් ඇති ගැටළු නම් අධ්යාපන අවස්ථා හා අධ්යාපන ක්රමයේ ගුණාත්මක බවයි. අනිකුත් සියලු ගැටළු ඒ පසුබිම් කොට ගෙන පවතියි.
මේ මොහොතේ පු.විවි. වල අවශ්යතාව වෙනුවෙන් නැඟෙන මූලික තර්කයක් නම්, එසේ අධයාපන අවස්ථා නොලැබෙන්නන් සඳහා ඒවා මඟින් අවස්ථාවන් සැපයෙනු ඇති බවයි. අනික, එයින් දැනට විදේශවලට ඇඳී යන අතිමහත් ධනයක් ඉතිරි කොට ගත හැකි බවයි. අවසාන වශයෙන් පු.වවි. බිහිවීමෙන් ඇතිවන තරඟකාරීත්වය තුල රා.විවි. ද ගුණාත්මක විය හැකි බවයි.
යම් තරමකට මේ සියලු තර්කයන් සැබෑය.
එහෙත්, දැනුදු, යම් තරමකට වත්කම අතින් ඉහල පාංතික පවුල්වල දරුවන්ට රා. විවි. ප්රවේශය නොලැබීම ගැටළුවක් නොවේ. ඔවුන් මෙරට සිට හෝ විදේශගතව හෝ අදාල පාඨාමලා හැදෑරීමෙන් තමන්ගේ අවශ්යතා සම්පූර්ණ කර ගනියි. එවැනි සමහරුන් රා.විවි. ප්රවේශය ලැබූවද ඒවාට නොගොස් විදේශ සරසවියකට හෝ වෙනත් පාථමාලා හදාරන බව සත්යයකි. (ඊට හේතු ලෙස අවශ්ය නම් රා.විවි. පද්ධතියේ ඇති ගුණාත්මක පිරිහීම දැක්විය හැක). එය එසේ නම් අධ්යාපන අවස්ථා පිළිබඳ ගැටළුව තදින්ම බලපාන්නේ ඔවුන්ට නොව පහල මධ්යම පාංතික හා දිළිඳු පවුල්වල දරුවන්ට බව නිවැරදිය. එහෙයින් මේ ඇතිකරන පු.විවි. මඟින් සමස්ථයට සිදුවන සෙතක් වේද? නැත ඒ වෙනුවට මෙතෙක් විදේශගතව හෝ මෙහි සිටම විදේශ සරසවි වල පාථමාලාවන් හා වෙනත් පාඨමාලා හරහා තම අධ්යාපන අවශ්යතා ඉටුකරගත් අය ලැබෙන නව අවස්ථාවක් ලෙස මිස පු.විවි. මඟින් අධ්යාපන අවස්ථා පිළිබඳ ගැටළුවට නිසි විසඳුම් ලැබෙන්නේ නැත.
(දැන් අවශ්ය නම් අරවින්දලාට මා ඉරිසියාවෙන් පෙලෙන බැවින් පු.විවි. වලට විරුද්ධ බව කිව හැක.)
ඊලඟ කරුණ නම්, විදේශයට ඇදී යන මුදල් පිළිබඳව නැගෙන තර්කයයි.
එහෙත් ඇත්ත නම් මෙසේ ‘නිකරුනේ පිටරටට ඇදී යන්නේ අධ්යාපන අවශ්යතා වෙනුවෙන් විදේශගත වීම හරහා පමණක් නොවීමයි. රටේ ආර්ථික ප්රතිපත්ති හා තවත් පුද්ගල පරිභෝජන රටා හේතුවෙන් නිකරුනේ විදේශවලට ඇදී යන සාපේක්ෂව වඩා වැඩි ධනස්කන්දය ගැන වචනයක් කතා නොකිරීමත්, ඒ වෙනුවට මෙසේ අධ්යාපනය වෙනුවෙන් මෙච්චර මුදල්ක් වැයවේ යැයි නඟන හඩ මා නම් දකින්නේ කිඹුල් කඳුලු හෙලිමක් මිස අනිකක් ලෙස නොවේ.(තවද මෙසේ අධ්යයන කටයුතු සඳහා විදේශගතවන සිසුන්ගෙන් සැලකිය යුතු ප්රමාණයක් එහිදී රැකියාවකද නියුක්ත වෙන බවය.)
දැන් අප අධ්යාපනයේ ගුණාත්මක බව ගැන සලකමු.
BF, ඔබට අනුව
[quote] .. පුද්ගලික ව්යවසායකයින්ගේ තරගය මගින් ජනතාවට වාසියක් අත් කර දෙනු ඇත්තේ යම් පූර්වකොන්දේසි කීපයක් සම්පූර්ණ වුවහොත් පමණකි. ඒවා අතර ප්රජාතන්ත්රවාදයක් රට තුළ කි්රයාත්මක වීම, නිදහස් මාධ්යයක් පැවතීම, භාෂණයේ නිදහස තහවුරුව තිබීම, නීතියේ ආධිපත්ය පැවතීම, තරග විනිෂ්චය සඳහා විනිසුරුවන් සිටීම, තරගයේ කොන්දේසි වරින් වර වෙනස්වන යථාර්තයන්ට අනුව අර්ථ ගැන්වීම හා යාවත්කාලීන කිරීම යන බොහෝ දේ තිබිය යුතු ය. [quote END]
එමෙන්ම,
[quote] .. අවසාන විශ්ලේෂණයේදී සියල්ල තීරණය කරනු ඇත්තේ රජයේ භූමිකාව විශ්ව විද්යාල පරිපාලනයේ භුමිකාව සමාජ ව්යාපාරවල භූමිකාව මාධ්ය භූමිකාව යන විවිධ සංඝටකවල ගතිකත්වය විසින් ය. [quote END]
මට අනුව ලංකාවේ සමාජ-ආර්ථික හා දේශපාලනික ස්භාවය තුල මේ කියන කොන්දේසි ඒ අයුරින් සිදු නෙවනු ඇත. අවසානයේ මේ සියල්ල වෙළඳපොල උවමනාවන් මඟින් පාලනය වීම තුල ඇතිවන තරඟකාරීත්වය තුල රා.විවි. පද්ධතිය තව දුරටත් පිරිහීමෙන් තොරවේ යැයි අපිට තිබිය හැක්කේ අවම විශ්වාසයක් පමණි. එසේ නොවී එය වඩාත් ගුණාත්මක වේ යැයි කිව හැක්කේ විධිමත් කළමණාකාරීත්වයක් තුල රා.සරසවි විධිමත් ලෙස නඩත්තු වේ යැයි යන විශ්වාසයක් තුලය. එහෙත් දැනුදු රා.විවි. සඳහා ලැබෙන රාජ්ය අනුග්රහයේ ස්භාවය අනුව එය එසේ වීමට ඇත්තේ අඩු සම්භාවිතාවකි. (අරවින්දට අනුව නම් මේ තරඟයේදී රා.විවි. අනිවාර්්ය ලෙස බිඳ වැටේ. එය ඔහුට ආශ්වාදයකි. එහෙත් අවසාන විග්රහයේදී බහුතරයකට එය අවසිදායක හා බරපතල අර්බුධයක් වන බව සත්යයකි).
මේ සියල්ලන් මැද සමාජ අසමානතාව හා අසහනය වැඩිවීම තුල ඇතිවන විනාශකාරී විභවය, සමාජයක් වශයෙන් අපට අනාගතයේදී කෙබඳු අයුරින් බලපෑ හැකිද?
කාරණා මෙසේ හෙයින් පවතින සමාජ තත්වය තුල මේ පු.විවි. ඇතිකිරීමේ උත්සහය පිළිබඳව මා දරන්නේ නිශේධනාත්මක දෙයක් ලෙසය. එහෙත් ඒ සමඟම ඔබේ පහත අදහස සමඟ පැහැදිලිවම එකඟ වෙමි.
[quote] සියල්ල සම්පූර්ණ වනතුරු උසස් අධ්යාපනය රජයේ කටයුත්තක් ලෙස තබා ගත යුතු ද නැතිනම් අවම කොන්දේසි යටතේ සමාජ සාධාරණත්වය මෙන්ම සමාජ ඉදිරිගමන ද සාර්ථක කර ගත හැකිවන පරිදි විවෘත කරන ලෙස ඉල්ලා අප මැදිහත් විය යුතු ද යන්න විවාද කළ යුතු කටයුත්තකි.
එහෙත් ඒ විවාදය බුද්ධිමය තලය තුළ රඳවා ගත යුතු එකක් මිස කඳවුරු බෙදී හැගීම් බරව ගහ බැණ ගත යුතු එකක් ලෙස නම් මා දකින්නේ නැත. [quote END]
අවසන් වශයෙන් කියන්නට ඇත්තේ, අරවින්ද මාත්, රාමචන්දු හා චමිල සම්බන්ධයෙන් නඟන අවලාද හැරෙන්නට ඔහු කිසිවිටෙක වත් ප්රස්තුතයට අදාලව පිළිතුරු දී නැති බවයි. රාමචන්දු කී ලෙසම ‘පිටු පිරවීමේ හැකියාව’ තිබූ පලියටම පුකාශ කරන අදහස නිවරැදි වෙන්නේ නැත.
[ප්රතිචාරයේ දිග වැඩිවීම ගැනැත්, එකම දේ නැවත නැවතත් පුනරුච්චාරණය කිරීමට සිදුවී නම් ඒ ගැනැත් සමාවෙන්න.]
Amila
March 22, 2009
With the present system as an example for medicine the one in Numaraeliya gets 3 c and enter uni where as one in colombo can’t enter with 1A and 2 B. (or sometimes even with 2A). How can we say only cleverest people get into the uni with present system. It’s good to be flexible with the rural students but what about the ones who narrowly miss in the districts like Colombo n Kandy.? Countries like India, Nepal, Bang have private unies.? Let’s see what happens.? I think system in India is the best. In India clever students never miss the uni. The one who has the money hast to pay. Poor students get schoorlarships. Everyone get chance to learn. In reality ones who enter private unis will not able to beat the ones who has got highest island ranks in the island n in state unit. That’s the reality.
බබානිස් ගුරා
March 22, 2009
මෙතන සමහරු මතයක් හදන්න යනව වි.වි. අද්යාපනය අනෙක් ක්ශේත්ර වලින් වෙනස් “පිදුම් ලැබිය යුතු, වන්දනා මාන කල යුතු, සුපිරිසුදු” අමුතු ක්ශේත්රයක් කියල. ඒත් මේ වෙනකොට ඇත්ත් තත්වය ලංකාවෙ දැන්ටමත් පුද්ගලික උපාදි ආයතන තියනව. අද්යාපනය වි.වි. හෝ ද්වීතියික අමුතු පූජනීය කෙහෙම්මලක් නෙවේ. ඒකත් අද ධනවාදයේ ඉල්ලුම හා සැපයුම උඩ මාකට් වෙන සාමාන්ය වෙලදපොල සේවාවක් විතරයි. අනිත් එක මේ හැකියාව උඩදාන එක. මොකක්ද හැකියාව කියන්නේ? ඒ ලෙවල් මත මිනිහෙක්ගේ මුලු ජීවිතේම තීරනය කල
හැකිද?
කොන්ක්රීට් කුලසිංහ ලංකාවේ රජ්ය වි.වි.කින් උපාදි ගත් එක්කෙනෙක්ද? ඔය මහ ලොකු හැකියාව ඔච්චර තීරණත්මක සාධකයක් නම් කොලේජ් ඩ්රොපවුට් බිල් ගේට් අන්තිම නිකමෙක් නේ??
බබානිස් ගුරා
March 22, 2009
අනිත් එක මේක් පු.වි.වි හදන්නේ සල්ලි තියෙන එවුන්ට කාලා බීල ජොලිකරන්න, ලේසියෙන් උපාදි ගන්න කියන එක්. ඔක්ස්ෆර්ඩ් හරි හාවඩ් හරි ගිහින් බලන්න අන්ඩර් ග්රරැඩුවේට්ලා මොකද කරන්නේ කියල. වැඩියෙ ඉන්නේ පුස්තකාල වලද නැත්නම් පබ් වලද?
සාගර
March 22, 2009
මේ වාදයට මැදිහත් වන්නට මම අදහස් නොකරමි. මෙතැන ඇත්තේ ගැඹුරු දේශපාලන කතිකාවක් නොව හැම දෙනාම තම තමන්ට පෙනෙන පැත්තෙන් අදහස් දැක්වීම් පමණකි. සියළුම අදහස් පටුය. අනෙකාගේ ඇසින් ප්රශ්නය දකින්නට කිසිවකු උවමනාවක් දක්වා නැත. (සමහර විට BF හැරුණු විට ) Billy Boy කීවාක් සේ මම මේ මඩ වලට නොපනිමි.
beyondframe
March 22, 2009
පුද්ගලික විශ්ව විද්යාල ලංකාවේ දැනටත් තිබේ. මුදල් ගෙවා ලබා ගත යුතු වෘත්තීය සුදුසුකම් අදටත් තිබේ.
ලංකාව තුළ නැති මේ පහසුකම් ලබා ගැනීමට ලංකාවේ ශිෂ්යයෝ ඉන්දියාව බංග්ලාදේශය හා නේපාලය යන රටවලට -ඇත්තටම කියන්නේ නම් දකුණු ආසියාවේ අධ්යාපනය අතින් අපට වඩා පසුපසින් සිටින්නේ යයි කියන රටවලට- පවා යති
වෙනත් රටවල සරසවි වලින් පිරිනැමෙන සහතික පවා අප රටේ සිට ගත හැකි බොහෝ ආයතන තිබේ
රජය පවා මුදල් ඇති අයට පමණක් යා හැකි පාඨමාලා ආරම්භ කර ඇත
ඒ නිසා අදටත් ලංකාවේ උසස් අධ්යාපනය සම්පූර්ණ වශයෙන් රජයෙන් සැපයෙන හෝ නොමිලේ සැපයෙන එකක් නොවේ
එහෙත් පුද්ගලික විශ්ව විද්යාල ඇති කිරීමට හා මුදලට අධ්යාපනය ලැබීමට විරුද්ධව විශාල ව්යාපාරයක් පවතී
අපි විශ්වවිද්යාලය පැත්තකින් තබමු අද ටියුෂන් පන්තිවල උගන්නන්නේ නිකම් ද උසස් අධ්යාපනයේ පමණක් නොව ද්විතීයක අධ්යාපනයේදී පවා මේ මුදල් ඇති අයට වැඩිපුර වාසියක් හිමිවීම වැළැක්විය නොහැකි ය
අවශ්ය නම් අපට ටියුෂන් තහනම් කර හැකි ය එහෙත් මුදල් ඇති කෙනෙකුට ගුරුවරයෙකු ගෙදරට ගෙන්වා ඉගැන්වීම නතර කළ හැකි ද
ලංකාවේ පුද්ගලික විශ්ව විද්යාල බිහිවන එක අපට කල් දා ගත හැකිය එහෙත් මුදල් තියෙන අය තමන්ගේ දරුවන් පිටරට විශ්ව විද්යාල වලට යන එක නතර කළ හැකි ද
පුද්ගලික විශ්ව විද්යාලවලට විරුද්ධ බලවේගය තුළ වඩාත් අසරණ වන්නේ මධ්යම පන්තිකයින් ය තමන්ගේ දරුවන්ට රට යවන්නට තරම් මුදල් නැති අය ය එහෙත් පුද්ගලික විශ්ව විද්යාල ක්රියාත්මක වන්නේ නම් දක්ෂ දුප්පත් දරුවන්ට ද ඒ නිසා අවස්ථාවන් උදාවිය හැකි ය ශිෂ්යත්ව හා වෙනත් අරමුදල් ආශ්රයෙන් ද ආයතනික සමාජ මෙහෙවරක් කි්රයාත්මක කරන්නට කැමති අයගේ දායකත්වයෙන් ද මේ ශිෂ්යත්ව ප්රධානයන් සිදුවෙනු ඇත
ජාත්යන්තර පාසල් පවා මෑතක සිට දක්ෂ දරුවන් තමන්ගේ පාසල් වලට ආක්රෂණය කර ගැනීම සඳහා ශිෂ්යත්ව පිරිනෑමීමේ කාර්යයට අත ගසා ඇත
තරගකාරිත්වය ඉහළ යනවිට මෙවැනි ව්යායාමයන් සඳහා ඔවුන් වැඩියෙන් පෙළඹවීමට පුලූවන විශේෂයෙන් පර්යේෂණ කටයුතු මත යැපෙන විශ්වවිද්යාලවලට දක්ෂයින් ඇද ගැනීම සඳහා බොහෝ දේ කරන්නට සිදුවේ
ඒ නිසා මා නැවත නැවතත් කියන්නේ අද පවතිනවා යයි කියන නිදහස් අධ්යාපනය ආණ්ඩුව විසින් ද මහත් කැමැත්තෙන් පුනරුච්චාරණය කරන මන්තරයක් මිස සැබෑවක් නොවන බවත් තවතවත් පුද්ගලික විශ්ව විද්යාල ආගමනයෙන් දුප්පත් සිසුන්ට පහර වදිනවා වෙනුවට වඩා ඉඩ කඩක් විවෘත විය හැකි බවත් ඒ තුළින් මා කලින් ද පැහැදිලි කළආකාරයට තරගයක් බිහිකරනු ඇති බවත් ඒ තරගයේදී වඩාත් හොඳින් තම සේවාවන් සැපයීමට රජයේ විශ්වවිද්යාලවලට ද බල කෙරෙනු ඇති බවත් විශ්ව විද්යාල අධ්යාපනය මීට වඩා නිදහස් හා තෘප්තිමත් එකක් විය හැකි බවත් වෙළඳ පොල ඉල්ලූමට සංවේදී පාඨමාලා වැඩි වැඩියෙන් ඇති වෙනු ඇති බවත් ය
මේ ඇතිකරන ආයතන තුළ රැුකියා අවස්ථාවන් බිහිවනු ඇත. දක්ෂ විදිහට තරගයට අවතීර්ණ විය හැකි නම් විදේශ සිසුන් ද ආකර්ෂණය කර ගත හැකි ය. විදේශ විනිමය ඉතිරිකර ගැනීමට අමතරව උපයා ගැනීමට ද හැකි ය. පිටරට විශ්ව විද්යාල වල සේවය කරන අපේ අයට ලංකාවට එන්නට ඒ අනුව අවස්ථාවක් පවා උදා විය හැකි ය.
රැුකියාවක් කර හෝ ව්යාපාරයක් කර මුදල් උපයා ගත් කෙනෙකුට වුව අද මෙන් වයස සීමාවන් නොසළකා මෙවැනි ආයතනයකට ඇතුළුව පසු කලෙක වුව තම උසස් අධ්යාපන කටයුතු කරගෙන යා හැකි ය
දිස්ත්රික් සීමා නිසා අසරණ වන කොළඹ හා වරප්රසාද ලත් දිස්ත්රික්ක වල දුප්පත් දරුවන්ට ද ණය පදනමකින් හෝ උසස් අධ්යාපනය ලැබීමේ වරම උදාවෙනු ඇත
මෙයින් වාසිගෙන අධ්යාපන කඩ බිහිවීම නොවැළැක්විය හැකි ය එහෙත් ඒවා ඉක්මණින් අභාවයට යනු ඇත
මැටිපාන් චන්දරේ
March 22, 2009
චෑහ් චෑහ් චෑහ් මේ චමිල කියන උගුඩුවා අපේ UCSC එකත් නැති කරනවනේ. අපි හිතාගෙන හිට්යේ එක හාර්වඩ් විශ්වවිද්යාලේ වගේ තැනක් කියලා. එහෙමනේ අපට කියලා තියෙන්නේ මොකද ඔය රුවන් වීරසිංහ සර් හරි අර කන්නඩි දාන හර්ෂ සර් හරි ගහන ගැහිලි ගැන අපි දන්නේ නැහැනේ. අනේ අනේ මෙහෙම ගියොත් මටයි අම්බලං කොන්ඩයාටයි බ්ලොග් ලිවිල්ල නතර කරන්ඩ තමා වෙන්නේ කට්ටිය අපේ UCSC ස්ළු පිළි ගලවලා.
මං ලියන බ්ලොග් හින්දා ඩයලොග් එකත් සරෙන්ඩර් වෙලා මට CEO පෝස්ට් එකට ඉන්වයිට් කරන්න ඔන්න මෙන්න තිබුනේ. මේ උගුඩුවා ඒක කෑවනේ. දැන් බනිස් එකක් කාල බේරෙ පැනලා මැරෙනවා. නෑ නෑ ඕනැ නෑ. Add-on දාගත්තාම හරි. මේවා පේන්නේ නෑ. කොහොමද මගෙ ටිකිරි මොළේ?
මැටිපාන් චන්දරේ හෙවත් හරක්චන්ද්ර
බබානිස් ගුරා
March 22, 2009
well said BF, well said!
ජ'පුර පාදයාත්රික ඉන්දරේ
March 22, 2009
අනේද කියන්නේ මැටිපාන්. අපි ජ’පුර ටීශර්ට් ඇඳන් පාරෙ ගිහිල්ලත් ඉවරයි. සල්ලි අරන් උපාදිය විකුනනවා කියලා ප්රයිවෙට් කැම්පස් වලට බැන්නට දැන් බලපන් ලලිත් කොතලාවලගෙන් සල්ලි අරන් ඌට සම්මාන ආචාර්ය උපාදියක් විකුණලා තියෙන්න අපේ ජ’පුර අයියලාමනේ බං. ඇඬෙනවා.
ජ’පුර පාදයාත්රික ඉන්දරේ
beyondframe
March 22, 2009
@ Everyone
This is an extract of the election menifesto of the Political Party A
දිස්ත්රික් පදනම නිසා සරසවි වරම් අහිමි වන සියලු දරුවන්ට පුද්ගලික විශ්ව විද්යාලයකට ඇතුළුවීමේ ඉඩකඩ සළසනු වස් රජය විසින් වහාම ක්රියාත්මක වන පරිදි අරමුදලක් ඇති කරනු ලැබේ
ඒ සඳහා නිදහස් අධ්යාපනයෙන් යම් සහනයක් ලබා ගත් සැමට දායක වන ලෙස රජය ඇරයුම් කරයි මහජනයා දායක වන සෑම රුපියලකටම රුපියල් පහක් පිරිනැමීමට රජය විසින් කටයුතු කරනු ඇත
ශිෂ්යයින්ගේ සේවා ගාස්තුවලින් සියයට 75 ක් රජය ණය මුදලක් හැටියට ශිෂ්යයින්ට ලබා දෙන අතර ශිෂ්යත්ව ක්රමයක් මගින් ඉතිරිය පරිපූර්ණය කරන ලෙස පුද්ගලික විශ්ව විද්යාලවලින් ඉල්ලා සිටිනු ලැබේ
මේ අනාගතයේ දේශපාලන පක්ෂයක මැතිවරණ ප්රකාශණයක අඩංගු විය හැකි පොරොන්දුවක් වන්නේ නම් අප දිනුම් ය
Vasana Pathirana
March 22, 2009
ඔය රජයේ විශ්ව විද්යාල යැයි කියාගන්නා ඒවාගේ ඇති නිදහස් අධ්යාපනයක් නැහැ. නිදහස කියන දේ දන්න අය ඇත්තටම ඕවායේ ඉන්නවද මංද. මගේ නංගී වෛද්ය ශිෂ්යාවක් ලෙස පේරාදෙණිය සරසවියට ඇතිලත් වී එක් සතියක් ගත වීමට පෙර රැග් එක නිසා වූ ආබාධයක් නිසා සති දෙකක් රෝහල් ගත වී සිටින්නට වුනා. දැන් ඇය විදේශගතව වෛද්ය උපාධිය සඳහා අධ්යාපනය ලබනවා.
හැමෝම එකම මට්ටමකට ගන්න ඕනෑ යැයි හිතාගත් අය අන් අයගේ නිදහස්ව සිතීමේ හැකියාව මර්ධනය කිරීමක් විදිහටයි මම ඒ සිද්ධිය දකින්නේ. මේ හේතුව නිසා රාජ්ය විශ්ව විද්යාල වල සිටින අයට නිදහස් චින්තනයක් සහ අන් අය අගය කිරීමේ හැකියාවක් නැහැ.
Optimist
March 22, 2009
ලෝකයේ ඕනෑම අළුත් ආරම්භයකදී විරෝධයක් දක්වන පිරිස් සිටීම ස්වභාවිකය. ඒ සර්ව අශුභවාදීහුය.
1. තොරතුරු ලියා තැබීම පටන් ගැනීමේදී ඇරිස්ටෝටල් කීවේ ඒ නිසා යම් දවසක මිනිසුන් (එතෙක් භාවිතා වූ) වනපොත් කිරීමේ ක්රමය නැතිවී මහා විනාශයක් විය හැකි බවය.
2. රයිට් සහෝදරයන් පළමු අහස්යානය තනා ගුවන් ගතවීමට තැත් කරන කාලයේ සමහරුන් කීවේ දෙවියන්ට අභියෝග කිරීමෙන් මිනිසා මහා විනාශයක් කර ගන්නා බවය. (“පියාඹන්න ඕනැ නම් දෙවියන් මිනිසාට අත්තටු දෙනවනේ.”)
3. පරිගණක භාවිතය ආරම්භ වූ සමයේ බොහෝ දෙනාගේ අදහස වූයේ ඒ නිසා මිනිසුන්ට රැකියා අවස්ථා අහිමි වී මහා විනාශයකට මුළ පිරෙන බවයි.
4. ලංකාවට ටෙස්ට් ක්රිකට් තත්ත්වය ලැබෙන විට සමහරුන්ගේ අදහස වූයේ ඒ නිසා එල්ලේ, වොලිබෝල් වැනි ජාතික ක්රීඩා වලට හිමි තැන නැති වී මහා විනාශයක් වන බවය.
5. මහින්ද රාජපක්ෂ කොටින් සමඟ සකච්ඡා කිරීම ප්රතික්ශේප කොට යුද්ධයට බට අවස්ථාවේ බොහෝ දෙනකු කීවේ එය අසාර්ථක වන බවත් කවදාවත් කිලිනොච්චි අල්ලා ගත නොහැකි බවත්ය.
මේ හැම අවස්ථාවේදීම ‘මහා විනාශ’ ගැන කතා කළ සර්ව අශුභවාදීන් නිහඬ කළේ ප්රතිතර්කය නොව ක්රියාවයි.
අපට දැන් අවශ්ය කෙස් පැළෙන තර්ක නොව ක්රියාවෙන් රජයට මෙතෙක් කරන්නට බැරිවූ දෙය පුද්ගලික අංශයට කරන්නට ඉඩ දීම මඟින් රටේ අධ්යාපන, ආර්ථික ප්රශ්න විසඳිය හැකි රජයකි; නායකයෙකි.
අම්බලං කොන්ඩයා
March 22, 2009
අනේද කියන්නෙ මැටිපාන් චන්දරේ, අපි හිතුවෙ අපිට විතරයි මේ සිංහලෙන් බ්ලොග් ලියන්න අයිතිය තියෙන්නෙ කියලනෙ.මොනව කරන්න ද බන්?මම හිතුවෙ UCSC කියන්නෙ ඔක්ස්ෆර්ඩ් university එක කියල.අපේ අති සුන්දර, ප්රේමනීය, සහෝදරත්වයෙන් පිරි රැග් එකේදිත් අපේ ජූනියර් මල්ලිලා, නංගිලාට කියල දුන්නෙ එහෙමනෙ.අපිටත් ඔය බනේ මනෙ අපේ අයියල, අක්කල කියල දුන්නෙ.දැන් ඉතින් අපිට වෙලා තියෙන්නෙ තුන් මුල්ලෙ ඉස්කෝලෙට වෙකා මැරිච්ච VKSව සිහි කරමින් සුරතේ පහස අන්තිම පාරටත් විදල බේරෙ වැවේ පැනල මැරෙන්න.මදෑ අපේ රාජකීය උගුඩුවා නිසා අපිට වෙච්ච වින්නැහිය.අපේ පූස් පැටිය වගේ අපි කට්ටියත් මැරෙමු අනේ.
මැටිපාන් චන්දරේ
March 22, 2009
අම්බලන් කොන්ඩයෝ, ඒ තරමට අසුබ වාදීව හිතන්ඩ ඕනෑ නෑ. මොකද අපි ආතල් එකට ඉල්ලගෙන රැග් කාපු අයියලනේ. මොකද අපි නැතුව වෙන කවුරුත් ඒ වගේ ග්රේට් වැඩ කරනවද? ඕකට එකම විසඳුම තමා add-on දා ගැනීම. මොකද එතකොට පේන්නේ තමන්ගේ බ්ලොග් එක විතරයි. කවුරු මොනවා කිව්වත් ෂේප්. කොච්චර ආතල්ද? කොච්චර සිම්ප්ල් ප්ලෑන් එකක්ද? ඒ වුනාට මේ add-on ඩයලොග් එකට හෙම දෙන්න හොඳ නෑ එතකොට උන් මගේ බ්ලොග් එක නොබලා ඉඳීවිනේ. හයියෝ එහෙම උනොත් ඔක්කොම ප්ලෑන් කචල්.
මැටිපාන් චන්දරේ හෙවත් හරක්චන්ද්ර
Galbanis Sadhachara
March 22, 2009
ඕකනේ මම අයියලාට මුලින්ම යෝජනා කළේ අපිට ගහන, අපෙන් අනන් මනන් ප්රශ්න අහන බ්ලොග් සදාචාර ප්රශ්නය උඩ සින්ඩියෙන් ගලවමු කියලා. ඒකට කැමති උනානම් මේ ප්රශ්න මොකුත් නෑනේ. දැන් මේ ලපයි සිපයි බ්ලොග් ලියන්න අරගෙන වැදගත් අපට වත් බ්ලොග් එකක් ලියන්න බැහැනෙ. අර ලුණු ඇඹුල් ඇතුව ලියන මගේ කුළුඳුල් ආදර කතාව වගේ දේවල් තමා බ්ලොග් වල ලියන්න ඕනෑ. තාම ට්රයි කරනවා විතරයි. තව ටික දවසකින් ලියන්නන්කෝ අතින් අල්ලපු හැටි, කිස් කරපු හැටි, හී හී හී ඉතුරු ටික කියන්න ලැජ්ජයි….කරපුවාම ලියන්නන්කෝ. ඒ අතරේ ඔය අනන් මනන් බ්ලොග් ටිකක් සින්ඩියෙන් ගලවලා සිංහල බ්ලොගවකාශය ටිකක් පිරිසිදු කරන්න බලමු. හෑං?
අහ්. ලයිට් ඕෆ් වුනා. හතරවටෙන් වයලින් සද්ද වුනා…හුටා! මොනවා කියනවාද මංදා… හිතට ආපුවා ඔක්කොම කියන්න මට බ්ලොග් දහයක් පහළොවක් අරින්න වෙයි මයික්රෝ බ්ලොග් පහ හයකුත් එක්ක.
Amila
March 22, 2009
Some one has mentioned about university rag. Her sis has to leave the uni due to that.
@BF please write a blog about university rag.Your opinion,? South Asian countries suffer most from university rags
http://www.noragging.com/
අම්බලං කොන්ඩයා
March 22, 2009
මැටිපාන් චන්දරේ, අපි පූස් පැටියගෙ තුන් මාසෙ දානෙත් දීලම මැරෙන එක සලකල බලමු.මේ රාජකීය උගුඩුව තමා අපේ මේ ස්ටේටස් කාල දැම්මෙ.ඌට ඉතින් පුද්ගලික ජීවිතේකුත් නැති නිසා පුද්ගලික විශ්ව විද්යාලවලටත් කැමති වෙයි ද?ඌ ඉතින් ප්රසිද්ධියනෙ හැම දේම කරන්නෙ.
ගල්බනිස් සදාචාර මල්ලි, උබේ ලව් එක දිගටම ලියපන්.කිස් කරන හැටි, අනිත් ඒවත් ලියල දාපන්.උබ වගේද අපි.අපි ආතල් ගත්තෙ අලුතින් එන නංගිලගෙන්නෙ.අර රාජකීය උගුඩුව නම් කොල්ලන්ගෙනුත් ටිකක් ආතල් ගන්නව.ඌ ඉතින් වැඩ කරන්නෙම අපේ ඔක්ස්ෆර්ඩ් එකට කෙල වෙන්නමනෙ.
චමිල
March 22, 2009
ආහ්… දැන් නාටකත් පටන් අරන්… හොඳයි… ඉන්ටර්වල් එකටත් එක්ක
අම්බලං කොන්ඩයා
March 22, 2009
ඔව් උගුඩුවො, උබ නිසා අපේ UCSC සලුපිලි ගැලවිල ගියා.දැන් ඉතින් හෙට අපි ඔක්ස්ෆර්ඩ් එන්නෙ කොහොමද?
මැටිපාන් චන්දරේ, උබ හිතුවද කවදාවත් අපිට විරුද්ධව මෙච්චර බ්ලොග් ලියන එවුන් ඉන්නව කියල.මම නම් හිතුවෙ සිංහල බ්ලොග් කියවනයෙ තියෙන හොදම බ්ලොග් එක මගේ කියල.බලල් කුනටත් හොදට කමෙන්ට් වැටුනනෙ.දැන් ඉතින් අර උගුඩුව නිසා ඒකත් නැටි වෙලා යයි.
Galbanis Sadhachara
March 22, 2009
අපේ රාජකීය චමිල උගුඩුවට විතරක් බනින්න එපා.පවුනෙ එයා.
මාත් මේ දවස්වල සුර සැප සොයා යනව.ඒවයෙ විස්තර ඔයගොල්ලන්ට ඕනෙ නැද්ද?මම කෙල්ලව බලල චමිල උගුඩුව කියනව වගේ සුරතේ පහස හොද හැටි විද ගන්නව.ඔයගොල්ලොත් ඒකට ආස නම් මගේ බ්ලොග් එක හැම දාම කියවන්න.
රුවන් වීරසිංහ
March 23, 2009
මේ ළමයි, පුද්ගලික විශ්වවිද්යාල ගැන කතා කරනවනම් ඒ ගැන කතා කරමු. ඔය අපේ UCSC එකේ ප්රයිවෙට් පාඨමාලා තියෙනවද, VKS ගහපු ගැහිලි, මම ගහන ගැහිලි වගේ දේවල් මෙතෙන්ට අදාළ නැති ප්රශ්නනේ. අපේ සුපිරිසිදු බ්ලොගවකාශයේ කතා කරන්ඩ ඕනෑ සුපිරිසිදු දේවල්. අපි කරන දේවල් මෙතෙන්ට ඕනෑ නැහැනේ.
කතා කරන්ඩ වෙන දෙයක් ඇත්තෙම නැත්නම් අර ගල්බනිස් ළමයා වගේ තමන්ගේ ආදර කතාව ලියන්ඩකෝ අපට වද නොදී.
beyondframe
March 23, 2009
ප්රතිචාර දක්වන්නන්ගෙන් ඉල්ලන්නට කැමතියි මේ සංවාදය කිසියම් ආකාරයක ආචාර ධර්මයන්ට යටත්ව පවත්වන මෙන්
I don’t think it is a good idea to make use of the forum to criticize one’s opponents unless it has some value to the country in general.
පුද්ගලයින් විවේචනය කිරීමෙන් රටට වැඩක් ගන්නට දෙයක් ඉතිරිවන්නේ නැත්නම් තමන්ගේ විරුද්ධවාදීන්ට පහර එල්ල කරන තැනක් ලෙස මේ වේදිකාව භාවිතා නොකරන මෙන් ඉල්ලා සිටින්නට කැමතියි