පුක්කුසාතී අපේ බ්ලොග් අඩවියට නිතර ගොඩ වෙයි. එතුමා පහුගිය දොහක ගොඩ වැදුණු වෙලේ අප සතුව ඇතැයි ඔහු විසින් සැක කෙරෙන රෝගයක් ද ගවේෂණය කර අපට දැන්වීමට තරම් කාරුණික වූ හ. එතුමාගේ ඒ කුසලතාවය මගින් පෙන්නුම් කරන්නේ එතුමා වෛද්ය පසුබිමකින් එන කෙනෙකු බව ය. එය අපට අදාළ නොවෙතත් අප සම්බන්ධයෙන් දැක්වූ කාරුණික අනුග්රහයය වඩාත් ඔප් නංවා පෙන්වාලීමට අප අනුමාන කරන ඒ තොරතුරු ද වැදගත් නිසා මෙසේ පලකරම්හ.
එතුමා කියන ආකාරයට අප පෙළෙන්නේ ප්රී මැචුඅර් ඉජැකියුලේෂන් නම් රෝගයකිනි. එතුමාගේ ඥාන දර්ශනයම උපයෝගී කරගෙන රට දෙස බැලූ විට අපට පෙනුනේ තවත් බොහෝ දෙනෙකුට ඒ රෝගය ඇති බව ය.
තමන්ට එරෙහිව කුමන්ත්රණය කෙරෙමින් පවතින්නේ යයි සිතමින් මූණ සෝදන බේසමේ ද කිඹුලන් දකින්නේ ඒ රෝගයෙන් පෙළෙන අය ය. එහෙම බැලුවම සියලුම දේශප්රේමී දේශපාලනඥයින් පමණක් නොව සිංහල බෞද්ධ ජාතික ව්යාපාරයේ නියමුවන් ද පෙළෙන්නේ ඒ රෝගයෙනි.
යුද්ධය ජය ගෙන ජනතාව ඇමතූ ජනාධිපති තුමන් මින් මත්තට සුළු ජාතිකයින් මේ රටේ නැතැයි කියන විට ද වූයේ සිතූ වහාම යාමකි. එනම් ප්රීමැචුඅර් ඉජැකියුලේෂන් එකකි.
එතුමාගේ බෑයා බීබීසියට සරත් ෆොන්සේකා එහෙම කළොත් එල්ලනවාය කිව්වහමත් වුනේ ඒ වාගේ වැඩකි.
එතැනින් ගියහම එක්සත් ජාතීන් පරීක්ෂා කරන්නට යනවා යයි කිව්වහම විමල් වීරවංශට කට ඇරුනේත් එහෙම නවත්වා ගන්නට බැරි වූ යාමකිනි.
උතුරේ වසන්තයත් නැගෙනහිර නවෝදයත් ඒ වගේම යෑම් දෙකකි. ඒ දෙපැත්තේ ජනතාවගේ සහභාගිත්වය නැතිව ඒ දෙරට නවෝදයත් වසන්තයත් උදාකරන්නට එසේ ගියේ බැසිල්ට ය.
තාම ඇට පොත්තෙන් එන්නත් කලින් රටපුරා කටවුට් ගහගෙන තැන නොතැන නොබලා වඩිමින් ප්රාදූර්භූත වන නාමල්ට ඇත්තේ ද ප්රීමැචුඅර් ඉජැකියුලේෂන් එකකි.
බලාගෙන ගියහම රටේ නායකයින්ට කාටත් තියෙන ලෙඩක් අපටත් තිබීමෙන් පෙනී යන්නේ අප ද ඒ පැලැන්තියට අයත් බව ය.
මට ප්රෙෂර් තියෙනවා යයි ආඩම්බරයෙන් කියන ලෙඩකු මෙන් මටත් ප්රීමැචුඅර් ඉජැකියුලේෂන් යන අපේ ලොක්කන් හැමෝටම තියෙනා ලෙඩේ තියෙනවා යයි දැන් පපුව ඉස්සරහට දමා කිව හැකි ය.
ඒ පුක්කුසාතී වෛද්ය තුමාට පින්සිදු වන්නට ය. සසර කෙටිකර ගෙන නිවන් දකින්නට ඔබතුමාට මේ කළ පිනම ඇති ය.
දුකා
June 28, 2010
hiks
vibuthi
June 28, 2010
lol
😛
bala
June 28, 2010
ele ele 🙂
Danfun
June 28, 2010
විශිෂ්ට සොයා ගැනීමක් නෙවැ . චැක්, ඒලියන්ත උන්නැහැ වගේ, පුක්කුසාතී වෙදැදුරුතුමත් අපේ මහ රජතුමාණන්ට සැට් වෙලා ඉන්න තුබුණේ .
Pukkusathi
June 29, 2010
පුක්කුසාති නිකං ගහපු පාර වැදිල තියෙන්නෙ නිලේකටම වගේ. කළබල වෙච්ච පාර කමෙන්ට් දාල පුක්කුසාතිව හීලෑ කරගන්න බලන්නෙ නැතුව ඒ වෙනුවෙන් තනිකර පෝස්ට් එකක්ම දාල!!!
පුක්කුසාති වෙදැදුරෙක් තියා ගොඩ වෙදෙක්වත් කට්ටඬියෙක්වත් නෙමේ. හැබැයි පුක්කුසාති දන්න අත්වෙදකමේ හැටියට ඔහොම පොඩි දේවලට කළබල වෙන්නෙ අර ප්රීමැචුවර් ඉජැකියුලේශන් කියන තත්ත්වෙ නරක් උනහම (හරි බෙහෙත වැටුන්නැති කොට ඔහොම වෙනව). ඕකට බටහිර වෙදකමේ නම් කියන්නෙ යුරිනරි ඉන්කන්ටිනන්ස් කියල. ඕකට ගමේ ගොඩේ නම් කියන්නෙ ජංගියෙ හුජ්ජයන එක කියල. ඕක බහුලව තියෙන්නෙ ළදරුවො අතර. සමහර වෙලාවට මානසිකව ළදරුවියේ පසුවන වැඩිහිටියන් අතරෙත් ඔය තත්ත්වෙ මේ වගේ තියෙන්න පුළුවං. නොදන්න කමට බ්ලොග් ලිය ලිය කාලෙ නාස්ති නොකර හරි වෙදකමක් කර ගන්නවනම් තමයි හොඳ.
පව්..අසරණය!!!
– පුක්කුසාතී.
beyondframe
June 29, 2010
මගේ සෞඛ්ය තත්වය ගැන ඔබතුමා දරණ සැළකිල්ල ගැන ඔබට මගේ ස්තුතිය හිමි විය යුතු ය. මිනිසුන් කාරුණික වන විට ඔවුන් ඒවෙනුවෙන් යන දුර කොපමණද යන්න දැන ගැනීමට පුක්කුසාතී ගේ මෙ උනන්දුව විමසීම වුව සෑහේ.
Pukkusathi
June 29, 2010
“මිනිසුන් කාරුණික වන විට ඔවුන් ඒවෙනුවෙන් යන දුර කොපමණද යන්න දැන ගැනීමට පුක්කුසාතී ගේ මෙ උනන්දුව විමසීම වුව සෑහේ.”
පුක්කුසතී තැබූ සන්නයකින් අනවශ්ය ලෙස කුලප්පු වී ඔහුව මට්ටුකිරීමට පෝස්ටයක්ම වෙන් කල BFය. එසේ කිරීමෙන් ඔහු ගිය දුර උවමනාවටත් වැඩිය. ඒ ගැන ඔහුට එලවූ විවේචනයෙන් ගැලවීමට ඔහුගේ මේ බොළඳ උත්සාහය පුක්කුසාතීද ඔහු වෙනුවෙන් යම් දුරක් ගිය බව පෙන්වීමටයි.
ගිය නුවණ ඇතුන් ලවාවත් අද්දවගන්න බැහැ කියන්නෙ මේවාටය. එසේ ගිය නුවණක් රිවර්ස් සයිකොලොජි උපක්රමේකින් ගොඩ දාගන්න හැදීමෙන් පෙනෙනුයේ BFගේ ඇති නොගැඹුරයි.
ගුස්ති ලාල්
June 29, 2010
දැන් ඔය ජංගිය නැතිවම ඉන්නෙ පුක්කුසාතී මහත්තයටත් තියෙන්නෙ ඔය ලෙඩෙම නිසා වෙන්නැති.
වෙදැදුරෙක් නොවී ලෙඩක් ගැන දැනගන්නට නම් හරි හමන් ලෙඩෙක්ම වෙන්න ඔනෑයි කියල කතාවක් මාත් අහල තියෙනව.
අපි වගේ නෙවෙයි මහත්තැන්ලා වැඩි දෙනෙක් මෙ දවස්වල ඇඳුන් නැතිවම ඉන්නෙ එකත් එකටම දැන් ඔක වසංගතයක් වගේ පැතිරෙන නිසා ද දන්නෙ නැහැ
Taboo Subjects
June 29, 2010
මං ඔය ගැන කළිංම අනතුරු ඇඟෙව්ව. මගෙ බ්ලොග් එකෙත් උන් පිස්සු නටන්න ආව. නමුත් මං උන්ට ඕන ඕන දේ කරන්න දුන්නෙ නැහැ. සාර්ථක බ්ලොග්කරුවෙක් වෙන්න නම් වැටෙන කමෙන්ටු ගණනට ලෝභ නොවී කෙළින් තීරණ ගන්න කොඳ පණ තියෙන්න ඕනෙ. විචාරශීලීව ලියන්න පුරුදු වෙන්න. එතකොට කොහොමටත් කමෙන්ට් වැටෙයි.
– Taboo
Thisara
June 29, 2010
මටනම් හිතෙන්නේ පුක්කුසාති මහත්තයාට එයා නොදන්න ලෙඩක් තියෙනවා වගේ. අනුන්ගේ ලෙඩ ගැන හොයන්නේ ඒකනේ. අනික ඉදිරියට “රාමුවට ඔබ්බෙන්” ලියන්නන් කරදරයක් වන නිසා ඔවුන් ලෙඩුක් කර අකර්මණ්ය කිරීමටයි මේ දොස්තර මහත්තයා ලෑස්ති වෙන්නේ. අපේ අම්මා කියනවා ගොඩ වෙදුන්ගෙන් ප්රවේශම් වෙන්න කියලා.
තරහ වෙන්න එපා ඇහුවට, “ජංගියේ හුජ්ජ යන එක” නැතිවුනාට “ක්ෂණික මෝචනය” වගේ එකක් නෑ නේද?
Pukkusathi
June 29, 2010
මහ එකා හිට ගෙන කරන දේ පොඩි උන් දුව දුව කිරීම ස්වාභාවිකය. එහෙත් අවුලකට ඇත්තේ මහ එකත් ගෝලයනුත් අහවල් දේ ජංගියේ කර ගැනීමය. ක්ෂනික මෝචනය ඉවසිය හැක. එහෙත් ජංගි තෙමා ගැනීමෙන් නැගෙන දුඟඳ එලෙස ලෙහෙසියෙන් ඉවසිය නොහැක. එබැවින් පුක්කුසාතීට එරෙහිව පොඩිවුන් විසින් තබා ඇති සෑම සන්නයකටම පුද්ගලිකව පිළිතුරු දීමට තරම් පිරියක් ඔහුට නැත.
එහෙත් ඉන් ඔහුගේ විවේචකයන් අධෛර්යමත් විය යුතු නැත. මේ පුක්කුසාතීට පහරදීමේ වසන්තයයි!!!. BF ඒ වෙනුවෙන් බ්ලොග් පෝස්ටයක්ම වෙන් කොට ඇත්තේ ඔහුට රිදුණ නිසාම පමණක් නොව ඔහුගේ ගෝල බාලයන්ටත් කලර්ස් පෙන්නීමට අවස්ථාවක් ලබා දීමටය. එබැවින් ඔහුගේ ගෝල බාලයන් මේ අවස්ථාවෙන් උපරිම ප්රයෝජන ගනු ඇතැයි පුක්කුසාතී බලාපොරොත්තුවෙයි.
ලෝකයා
June 29, 2010
හැබැයි පුක්කුසාති ළමයො මෙ කරල තියෙන අපහාසය ලොක්කට අහුවුනොත් මෙච්චර කාලයක් කඩෙ කියා ගියා කියල නෑ අතුරුදහන් වෙන්නම දෙයි.
කෝකටත් ලසන්තව සිහිකරගෙන ඉන්න එක හොදයි. ඇත්තටම ඇයි අපේ රජතුමාට හිටිහැටියෙ කොචොක් එකක් දාන්න උඹැහෙට හිතුනෙ. BF ගෙ වගෙ උඹෙ කාලෙත් ඉවරවෙගන වත් එනවද?
ආවෘත
June 29, 2010
පුක්කුසාතියෙක් ඇදල ගත්තාට මෙ බ්ලොග් පොස්ට් එකෙන් විවෙචනය කරල තියෙන පවතින ආණ්ඩුවෙ ලොකු ලොක්කන්ගෙ කැරැට්ටුව.
මෙක තමන් ගැන කරපු සැළකීමක් කියල පුක්කුසාතී හිතාගෙන හිටියට පුක්කුසාතීව පාවිච්චි කළා විතරයි කියලයි මට නම් හිතෙන්නෙ.
හැබැයි පුක්කුසාතී නම් මෙකෙන් ලොකුවට ඇඳල ඉවරයි!
bayagulla
June 29, 2010
පුක්කුසාති ගේ අවසාන කොමෙන්ටුවේ බෝල්ඩ් අකුරෙන් දමා ඇති වාක්ය දෙකෙන් ඔහු ගේ අනික් ‘රෝගය’ එළිදරවු වෙයි. ලංකාණ්ඩුවේ බල අපරාද ගනයට යත් වෙයි.
නොදන්නවා නම් පොලිස් රාළහාමි කෙනෙක් ගෙන් අහන්න.