මගේ දරුවා සමාජ විරෝධියෙකු නම් එසේත් නැතිනම් වෙනත් දුර්ගුණයෙන් පෙළෙන්නෙක් නම් ඊට වගකිව යුත්තේ මා සහ මගේ බිරිද ද නැත්නම් අපෙන් පිටස්තර වෙනයම් සාධකයක් ද? එය පාසල ට ඔහුගේ මිතුරු මිතුරියන් ට හෝ පළල් සමාජය ට බැර කර මට හා මගේ බිරින්දෑට අත පිස දා ගත හැකි ද?
ඒ සදහා කවුරු උපස්ථම්භක වුව ද ඒ පිළිබදව අපට ඇති වගකීමෙන් මට හෝ මගේ බිරින්දෑට නිදහස් විය හැකි ද?
බාහිර මිනිසුනට පහසුවෙන් වෙනස් කළ හැකි සේ දරුවන් හැදුනේ නම් අප අපගේ වගකීම ඉටුකර ඇතැයි, අප කොතෙක් දරුවන් වෙනුවෙන් කටයුතු කළේ වුව ද, මට හෝ බිරින්දෑට සතුටු විය හැකි ද? කොහේ හෝ අප අතින් අඩුවක් වී නැත් ද? බාහිර කෙනෙකුට අපට වඩා අපගේ දරුවෙකුගේ ජීවිතයට බලපෑම් කළ හැකි වූයේ කෙසේ ද?
මා මේ ප්රශ්නය නගන්නේ තරුණයින්ගේ කැරලි තුනකට වරින්වර මුහුණ දුන් රටක පුරවැසියෙකු හැටියට ය.
ඒ කැරලි ගැසීම සම්බන්ධයෙන් වගකීම විජේවීරට හෝ ප්රභාකරන්ට පවරා අපට ඇග බේරා ගත හැකි ද?
ඒ ගැන බටහිර යුදෙව් ක්රිස්තියානි අධිරාජ්යවාදී කුමන්ත්රණකාරී රටවලට හා උන්ගේ එන්ජීඔ ඒජන්තයන්ට දොස් පවරමින් අත පිසදා ගැනීමට අපට හැකි ද?
විවෘත ආර්ථිකයට හෝ ගෝලීය ධනවාදයට හා උන්ගේ ඒජන්තලාට පවරා අපට නිදහස් විය හැකි ද?
උතුරෙත් දකුණේත් මියගියේ අපේ දරුවෝ ය. උන් විසින් මරා දමනු ලැබුවෙ අපේම මිනිසුන් ගැහැණුන් හා දරුවන් ය.
මෙ මරණයන් සම්බන්ධයෙන් රට පාලනය කළ උන්ට ද උන් පත් කළ අපට ද ගැලවිල්ලක් ඇත් ද?
තවත් කැරැල්ලක් සමහරුන්ට අනුව ඉතාමත් රුදුරු ලෙස ද තවත් සමහරුන්ට අනුව ඉතාමත් දක්ෂ ලෙස ද මැඩ පවත්වා ඉහලින් සමරුවක් පවත්වන්නට ලෑස්ති වන මෙම වටපිටාවෙ හිතන්නට කැමති අයට හිතන්නට යමක් මෙයින් ඇතිවෙද?
```Outsider```
May 21, 2010
ඉහළින් සමරමු අපේ පරිහාණිය අපිම.
wimansa
May 21, 2010
අපට තවමත් දුර හිතා සැලසුම් සකස් කර ක්රියාත්මක කරන්න පුළුවන් නායකයෙක් ලැබිලා නැහැ. අඩු ගණනේ පරණ වැරදි වලින් පාඩම් ඉගෙන ගන්නවත් පුළුවන් කෙනෙක් ලැබිලා නැහැ. ඒ අය හිතන්නේ, බලය රැක ගැනීම මිසක් රට ගැන නොවේ.
අපේ අධ්යාපන ක්රමය සකස් වෙලා තිබෙන්නේ යහපත් ජීවිතයකට හෝ රටට වැදගත් නොවන දේ කටපාඩම් කර විභාගයේදී වමෑරීම මත පමණයි. පාරට බැස්සාම තමන්ටත් වඩා බර පොත් බෑග් අරගෙන පාසල් යන රෑ වෙනකම් ටියුෂන් පස්සේ යන දරුවන්. සමහරුන් ශිෂ්යත්වයට ටියුෂන් යන්න පටන් ගන්නේ පළමු ශේණියේ ඉදලා!
මිනිස්සු ඔහේ අරමුණක් නැතිව ගහගෙන යනවා. රටත් අරමුණක් නැතිව ගහගෙන යනවා.
අපට අවශ්ය රටේ හැම අංශයක්ම- අධ්යාපනය, නිෂ්පාදන, පාලනය, සංස්කෘතිය ගැන අධ්යයන කරලා එක් දිර්ග කාලීන ප්රතිපත්තියක්. මේක හදන්න මොලයක් හෝ ඕනකමක් බලයේ ඉන්න දේශපාලුවන්ටවත්, නිලධාරීන්ටවත් නැහැ.
ඔහේ ගහගෙන යාමේ අතුරු ප්රතිපලයක් තමයි වසර විස්සකට සැරයක් රටේ ඇතිවුන අසහනය, නැගිටීම, සහ මර්ධනය. 2028 දී නැවතත් එය නොවෙන්නට නම් මේ යන මාවතෙන් ඉවත් විය යුතුයි.
දුක තියෙන්නේ, දැන් රජ වෙලා ඉන්නා හොරුන්ට ඔවුන්ගේ මඩි තර කරගැනීම ඇරෙන්න රට දියුණු කිරීම ගැන ඕන කමක් නැති එක ගැන.
මාතලන්
May 21, 2010
මගේ රටට දළදා හිමි සරණයි….!!!
මගේ දැයට දළදා හිමි සරණයි…..!!!
සැපතින් සපිරුණු නිවහල් දෙරණයි….!!!
උපතින් මා හට මේ සැම උරුමයි….!!!
මේක ලියල තියෙන්නෙ විප්ලවවාදියෙක්ද….?
මහමෙව්නා භාවනා අසපු සංචිතය
May 21, 2010
එදා…
මාතෘ දිව්ය රාජයාණන් උදෙසා
දම්දෙසා සුවපත් කිරීමට
අප මහා භාග්යවතාණෝ තව්තිසාවට වැඩම කළා සේ…
මෙදා…
බුදු සමිඳුන්ගේ ළයින් උපන් සොඳුරු බුදු පුතු
ගයනු වස් මව්ගුණ
දෙසනු වස් සම්බුදු සදහම්
වඩිනා වගයි උපන් ගම බලා
අවධි කරමින්
ඒ සුමිහිරි සදහම් ස්වරය….
පූජනීය කිරිබත්ගොඩ ඤාණානන්ද ස්වාමීන් වහන්සේගේ මෑණියන් වන
පින්වත් චාලට් පෙරේරා උපාසිකා මාතාව සිහිකරමින්
සිදු කෙරෙන ධර්ම දේශනාමය පුණ්ය කර්මය
මැයි මස 21 වැනි දින සිකුරාදා සවස 6.00 සිට
කඩවත, පුවක්වැටිය ශ්රී සුනේත්රාරාම මූල මහා විහාරයේ දී පැවැත්වේ.
මෙහෙයවීම
පූජනීය කිරිබත්ගොඩ ඤාණානන්ද ස්වාමීන් වහන්සේ
පින්වත් ඔබ සැම වෙත මෙත් සිතින් කෙරෙන ආරාධනාව යි..!
වැඩි විස්තර සඳහා බලන්න:http://mahamevnawa.blogspot.com/2010/05/blog-post_19.html
ඈට මැස්සා
May 21, 2010
බුදු සමිඳුන්ගේ ළයින් උපන් සොඳුරු බුදු පුතු
ගයනු වස් මව්ගුණ
දෙසනු වස් සම්බුදු සදහම්
වඩිනා වගයි උපන් ගම බලා
අවධි කරමින්
ඒ සුමිහිරි සදහම් ස්වරය….
ඔන්න මං මොකුත්ම ලිව්වෙ නැහැ. ( අර ගහන්න ගහන්න වඳින එකාගෙයි වඳින්න වඳින්න ගහන එකාගෙයි ගොඩට වැටිල තේරුමක් නැති නිසා).
සියදෝරිස් සීයා
May 22, 2010
අර ඥානානන්දගේ ගල් කොල්ලො දෙන්නට මොකද උනේ? ඇයි උං සද්දයක් නැත්තෙ?
peramunerala
May 22, 2010
BF ගේ ගල් කොල්ලද මේ පැනල දෙන්නනේ?
ලෝකයා
May 21, 2010
ඕකට නම් ඉතින් වගකියන්න ඕන රනිල්. අවුරුදු දෙකක් රට පාලනය කරලත් ඕකට බැරිවුනානෙ කැරැල්ලට විසදුමක් දෙන්න. ඕක නොහිටින්න මේක සුරපුරයක් නෙව.
ඈට මැස්සා
May 21, 2010
BF,
ඉතාමත්ම වටිනා සටහනක් මිත්රයා. මෙතනින් පටන්ගන්න පුළුවන් නම් හැමෝටම, අඩු තරමින් ඊලඟ විනාශය හරි නවත්තගන්න පුළුවන් වේවි. ඒත් අනෙකෙක්ව තනාගෙන, ඌව ගොරබිරම් රකුසෙක් කරගෙන, තමන්ගෙ සියළු පරිහානීන්ට හේතුව ඒ අනෙකාය කියන්න, ඌට විරුද්ධව අවි අමෝරාගෙන සටනට යන්න, එහෙම ගිහින් තමන්ගෙ සියළු අතපසුවීම් වසාගන්න පුරුදුවුන ජාතියකට මේක තේරුම් ගන්න තව මොනතරම් ව්යසන ඕන වේවිද දන්නේ නැහැ.
ගුස්ති ලාල්
May 25, 2010
කොහේද විස්ස විජ්ජාලෙක පරීක්සනයක් කොරල හොයන් තියෙනව කියන්නෙ කොල්ලන්ගෙන් බාගයක් රට පනින්න හදනව කියල. එතකොට ඉතිරි බාගෙ කැරලි ගහනව. අනේ මන්ද සෑර් අපි වගේ සූස්තියක් ගහල ගුස්තියක් ඇදගෙන හොඳට ආඩම්බරෙන් ඉන්න පුලුවන් එකේ මුන්ට මොනා වෙලා ද කියල.