බුදුන් අභියස නැටීම හා ගල් ගැසීම

Posted on March 24, 2010



සිරසට ගල් ගසා ඇත්තේ ඇකොන් නිසා ය. ඔහු ගායකයෙකි. ඔහුගේ ගීයක පසුබිමට ඔහුගෙන ඇත්තේ බුදු පිළිමයකි. ඒ අභියස ඔහුගේ ගී තාලයට නළගනන් කීප දෙනෙක් රගති.

එහෙව් එකෙක් ලංකාවට ගෙන්වීමට මාධ්‍ය අනුග‍්‍රහය සපයන්නේ සිරස ය. සිරසට ගල් ගසන්නේ ඒ නිසා ය.

ඇත්තටම රාවය කර්තෘ වික්ටර් අයිවන්ට අනුව වැඩෙ හරි ය. මාධ්‍ය මීට වඩා වගකීමකින් යුතු ව හැසිරිය යුතුව තිබිණි.

ඒත් පුංචි පරහක් ඇත්තේ මෙ සංගීත ප‍්‍රසංගය සංවිධානය කර ඇත්තේ රජයේම අමාත්‍යංශයකින් වීම ය. දිවයින පුවත්පතට අනුව සංවිධානය සංචාරක අමාත්‍යංශයෙනි. එහි ඇමැත්තා පංචායුදයේ ගෝලයා ය. අයත් වන්නේ ජාතික නිදහස් පෙරමුණට ය.

එවැනි තත්වයක් යටතේ සංචාරක අමාත්‍යාංශය බෙරා සිරසට ගැහීම විමසිය යුතු කාරණයකි.

ජාතික නිදහස් පෙරමුණට ගල් ගසන්නට බැරි ය. මූණට කෙළ ගසා ගත නොහැකි නිසා ය. ඒ නිසා කැකිල්ලේ ක‍්‍රමයක් කල්පනා විය. ඒ සංවිධායකයා අමතක කොට මාධ්‍ය අනුග‍්‍රාහකයාට නෙලීම ය.

ඒ වැඩෙත් නරක නැත.

බුදුපිළිමක් පෙර දැරි කරගෙන නටන එක නරක ය. පිරිත් සජ්ජායනා මැද්දේ ගල් ගසන එක හොඳ ය.

නටන එකට වඩා ගල් ගසන එක බෞද්ධ වූයේ කෙසේ ද?

ඇත්තටම ප‍්‍රශ්නය තියෙන්නේ මෙවා විමසන්නට උත්සහ කරන BF වැනි උන්මත්තකයින් තුළ ය. ඒ නිසා මෙ ප‍්‍රශ්න නැති කළ හැක්කේ උන් පළවා හැරීමෙනි.

ඒ සදහා වරමක් අප්‍රෙල් 8 දාට අවශ්‍ය ය.

ලෝකයට පුප්පන්නට හැක්කේ එවැනි බලයක් තිබුනොත් ය. ලෝකයා ඉදිරියේ ලංකාවම හෑල්ලු කළ හැක්කේ එවැනි බලයක් තිබුනොත් ය.

තවත් හෑල්ලු කරන්නට එකක් ඉතිරිව තිබෙ ද යන්න අප්‍රෙල් 8 දාටම බලමු.

Advertisements
Posted in: Uncategorized