එකමත් එක රටෙක ගම රාළ කෙනෙකු විසුවේ ය. දිනක් රා බීමට සිතැත්තේ මදින ලද හොද කිතුලක් දැක ඊට බඩ ගෑවේ ය. කිතුල් රාවලින් සප්පායම් වී බිමට බහින ගමයා දුටු අයිතිකරු ගස මුලට පැමිණ ගමයාගෙන් ඇසුවේ ගහ උඩ කුමක් කරන්නේ ද යන්න ය. හරිහමන් උත්තරයක් ගැට ගසා ගැනීමට අසමත්වූ ගමයා කීවේ තණ කොළ කපන්නට ආ බව ය. ගහේ තණකොළ කොහේදැයි ඇසූ අයිතිකරුට හැරෙන තැපෑලෙන් උත්තර ලැබුනේ ය. තණකොළ නැති නිසා නොවෙන්නම් මේ බසින්නේ කියා ය.
ඇත්තටම මේ කතාව මතක් වුනේ තලංගම පොලීසියට ඊයේ පෙරේදා සිදුවූ අකරතැබ්බයක් නිසා ය. තලංගම පොලීසියේ නිලධාරී කණ්ඩායමකට ඉක්මන් උසස්වීමකට මගක් කල්පනා වුනේ ය. ඒ තමන්ගේ වසමේ ඇති ජවිපෙ කාර්යාලයට ගොස් පොඩි හිරිහැරයක් කර ඒම මගින් ය. ස්වාමියා සතුටු කරනු සදහා එය මනරම් අවස්ථාවක් විය හැකි නිසා කිතුලට නගින උනන්දුවෙන් උන් ජවිපෙ මූලස්ථානයට ගොඩ වූහ.
පරීක්ෂා කිරීම සදහා උසාවියෙන් ලබා ගත් වරෙන්තුව කොයිබදැයි ඇසූ ප්‍රශ්නයෙන් තක්කු මුක්කු වී පල්ලම් බසින කණ්ඩායම අහල පහල ලිපිනයක තොරතුරු ද අසා ගන්නට අමතක නොකළහ.
වැඩේ පත්තු වූ කල පොලිස් මාධ්‍ය ප්‍රකාශක කියා සිටියේ කට්ටිය කිතුලට ගියේ තණකොළ කපන්නට බව ය. ඔහුට අනුව උන් මූලස්ථානයට කඩා වැදී තිබුනේ අල්ලපු ගෙදරක ඇඩ්‍රස් සොයා ගෙන ය.
ඇඩ්‍රස් නැතිව එන ගමන් උන්ට ගමරාළගේ කිතුල් කතාව මතක්වන්නට ඇත. ඒ අනුව ලෝකයේ විනය ගරුකම පොලීසිය ලිපිනයකට යොමුවක් සොයා ජවිපෙ කාර්යාලයට ගොස් තිබිණි.
මියන්මාරය කරා යන අපට මේ ආරංචිය ගෙනාවේ ලංකාවේ පාත්තයෙකි. හංස දඩයම ගැන ඉවක් දැනී ඌ ලංකාවෙන් හැකි ඉක්මණින් පැන ගෙන ඇති අතර වාසය පිණිස දැන් සුදුසු දේශයක් සොයා සංක්‍රමණය කරමින් සිටී.
අහෝ පාත්තය උඹත් මාත් එකම ඉරණමක ගොදුරක්ව ඇති සැටි!
පාත්ත සංදේශය මෙතැනින් නිම ය.
awak
February 23, 2010
තලංගම පැත්තෙ ඉන්නෙම මුද්රණකාරයො. මේ කොස්සන්ට හොර වරෙන්තුවක්වත් හදාගන්න තිබුණනේ.
දුකා
February 23, 2010
ane paw ape police maaamala . . . . . .
hashan
February 23, 2010
බියොන්ඞ්,
මෙහෙම විහිළුවක් වුණ පොලීසියක් තමයි අපිට තියෙන්නේ. ආණ්ඩුව ත්රස්තවාදයට එරෙහිව හමුදාව හා පොලීසිය භාවිතා කරලා එ් ආයතන වලට අනවශ්යය උසස් තත්වයක් ඇති කළා. එ්ක කොයිතරම් දෙයක්ද කියනවනං හමුදාවේ අතපය හතර යස අගේට තියෙන පිරිමියෙක් බස් එකකට නැග්ගම වයසක ආච්චිලා නැගිටලා අසුන දෙන තත්වයක් ඇඞ්ස් හරහා පවා බිහිකළා. එ්නිසා ආරක්ෂක අංශ පූජනීයත්වයක තියපු මේ ආණ්ඩුව යුද්ධෙන් පස්සේ එ් පූජනීයත්වය භාවිතා කළේ තමන්ගේ හොර ගේම්වල සුජාතභාවය ඇති කරගන්න. එ් අනූව පොලීසියෙන් අල්ලපු ආණ්ඩුවට පක්ෂපාතී නොවූ පාතාල සාමාජිකයෝ රැට ආයුධ හොයන්න ගිහිං පෝලිමට මරලා දැම්මා. අපේ රටේ බහුතරය හොඳ වැඬේ යැයි කියමින් සාධාරණිකරනය කළ එම සිදුවීම උසාවියේ අභියෝගයට ලක්කළාම මාංචු දැමීම ගැන අධිකරණය පොලීසියට පාඩමක් කළා. එ්ත් අධිකරණයට පස්ස පෙන්නූ පොලීසිය මීලඟට කළේ මංචු දමා සැකකරුවෙක් වැවකට තල්ලූකර මරා දැමීමකි. වැවක් මැද සඟවා තිබූ ආයුධ සොයන්නට ගොස් වැවට පැන පලා යෑමට උත්සහ ගද්දි මිය ගිය බවක් කිව්වා. මේ තමයි අපේ රටේ නීතිය රකින්නන්ගේ නීතිගරුකත්වයේ තරම.
නමුත් වාස් ගුණවර්ධනගේ සිද්ධිය හා අඟුලානේ සිද්ධිය ආදියේදී ජනතාව නැගී සිටීම නිසා පොලීසියට තව දුරටත් කරගෙන යෑමට නොහැකිවූ මේ සිදුවීම් අද වෙනස් මුහුණුවරකින් ඇවිල්ල කියලයි අඩව්වේ අප සිතන්නේ. අපිට අද කතා කරන්න වෙලා තියෙන්නෙත් මේ පොලීසියම විපක්ෂය මර්ධනයට ලැජ්ජා විරහිතව පෙළඹෙන ආකාරය ගැනය. ජාතික භික්ෂු පෙරමුණේ කාර්යාල වලට කඩා පනින මොවුන් ලංකා ටෲත් හා ඊ නිව්ස් වැනි මාධ්‍ය ආයතන වලටත් අනවසරයෙන් කඩා පනිති. ලංකා පත්තරය සීල් කර ඇණගත් මොවුන්ම චන්දන රැගෙන ගොස් පච වෙයි. එයින්ද නොසැලී ජවිපෙ කාර්යාලයට පවා රිංගන්නට උත්සහ ගන්නා මොවුන් මේ සියල්ලෙන් රෙදිගලවා ගත් තැන විපක්ෂයේ විරෝධතාවයන්ට ගල්ගසන මර්වින්ලාගේ හා නාමල්ලාගේ මැරයන්ට අනුග්රහය දක්වති. සාමකාමී පාගමන් නවත්තන්නයැයි ඉල්ලන මේ පිරිමින් නොවූවන්ට කැළණිය නගරයේ පොලූ තියාගෙන ඉන්න මර්වින්ගේ බෞද්ධ දරුවන් විසුරුවා හරින්නට බැරිය. අළුත්කඬේ විරෝධතාවයට එක්වූවන්ට බැරියර් දමා ගල්ගසන්නන්ට ඉලක්කය ලබා දෙන මොවුන්ට තාප්ප උඩට වී පුක පෙන්නට අපතයන්ට වචනයක්වත් කියන්නට බැරිය.
එනිසා පොලීසියේ පිරිමින් ඇතැයි අප විශ්වාස නොකරන්නෙමු. එ්බව ඔවුන්ද දනිති. එය අපට පෙන්වූයේ ගැහැණුන් අත්අඩංගුවට ගැනීමට කැළණිය විශ්ව විද්යාලයට ආ පොලිස් නඩයයි. කාන්තාවන් ඇදගෙන ගිය කලිසම් ඇඳගත් පිරිමින් තමන්ගේ ගැහැණු කම මනාවට විදහා දැක්වූහ. අදටද උසාවියේ විභාග වන මේ නඩුවේ අවසන් තීන්දුව වන්නේ එම නිලධාරියා කාන්තාවක් බව නම් අප පුදුම වන්නේ නැත. මන්ද පොලීසියේ පිරිමින් නැති නිසාය.
Sam
February 23, 2010
දේශද්රෝහී, බටහිට කඩේ යන අයට පේන්නේ පොලීසියෙ වැරදීම තමයී. ඊයෙ පෙරේදා කොම්පදෝරු උසාවියත් කීවෙ පොලීසිය හරිම විහිලු කාරයෝ සෙට් එකක්යැයි කියලා. අපිට පොලීසි ඕනෙ නැහැ හරිද. මොකද රජකාලෙ පොලීසියක් තිබුනාද.