රට අස්ථාවර කිරීමේ බටහිර අධිරාජ්‍යවාදීන්ගේ ප්ලෑන වැඩ කරයි! අප ඉන්නේ අර්බුදයක මුව විට ය.

Posted on December 12, 2009



බටහිර අධිරාජ්‍යවාදීන් විසින් ශ‍්‍රී ලංකාව අස්ථාවර කිරීම සඳහා දියත් කළ කුමන්ත‍්‍රණයක සුලමුල හෙලි කිරීමට අද අපට හැකි ය.

ඇත්තටම ඔවුන් මුලින්ම කර තිබෙන්නේ රජයේ ඉහළ තැන්වලට සරත් ෆොන්සේකා ගැන කේලම් කීම ය. එයින් කිපුනු සමහරු සරත් ෆොන්සේකාට යන තැනට වැඩ සැළැස්වූ විට කුමන්ත‍්‍රණයේ පළමු අධියර සාර්ථක විය.

දෙවැනි අදියර වී තිබුනේ තව අවුරු දු දෙකකින් පවත්වන ජනපතිවරණය කඩිමුඩියේ පවත්වන ලෙස ආණ්ඩුවට ලණුවක් දීමේ කටයුත්ත ය. කේන්දර කාරයින්ට අල්ලස් දී ඒ කටයුත්ත ද සාර්ථකව නිම කිරීම කුමන්ත‍්‍රණයේ දෙවැනි පියවර වූයේ ය. එයද කිරිගහට ඇන්නැහේ සාර්ථක විය.

තෙවැනි පියවර වූයේ ඒ වනවිටත් රජය සමග විරසක වූ ජනතා විමුක්ති පෙරමුණ රජය සමග නැවත නොපෑහෙන ලෙස තරහ කරවීම ය. ඒ සඳහා ඔවුන් අවස්ථාව ලබා ගත්තේ පැවැත්වූ පළාත් සභා මැතිවරණ ය. ආණ්ඩුවේ මැරයන් පොළඹවා ජවිපෙට අමතක නොවන ප‍්‍රහාරයක් දීමෙන් තෙවැනි පියවර ද සාර්ථකව නිම කර ගැනීමට ඔවුන්ට හැකි විය.

අවසාන පියවර වී තිබුනේඑජාපයේ නායකයාට තරග නොකරන්නට බලපෑම් කිරීමට ය. ඒ සඳහා ඔවුන් යොදාගත්තේ රාජ්‍ය මාධ්‍යයන් ය. චන්දයක් තියා රුපියල් සීයයක් ණයට ඉල්ලා ගැනීමටවත් නොහැකි වන ප‍්‍රතිරූපයක් රනිල් සම්බන්ධයෙන් ඇතිකරන්නට ඒඅය සමත්වූ නිසා රනිල් ඈත තියාම තරගයෙන් කැමැත්තෙන්ම ඉල්ලා අස්විය. හතරවෙනි පියවර ද මෙසේ වැඩි කරදරයක් නැතිවම උන් සාර්ථක කර ගත්තෝය.

මෙසේ දියත් කරන ලද කුමන්ත‍්‍රණය මේ වන විට මසතක්ප‍්‍රාප්තියට පත්ව තිබේ.

දැන් ඉතින් දේශපේ‍්‍රමී කඳවුර බිඳ දමා ඉවර ය. සරත් එක පැත්තක ය. ජවිපෙ තව පැත්තක ය. ආණ්ඩුවට එදිරිව උන් දෙපොල එක් පැත්තක ය. ජනපතිවරණයෙන් කුමක් වුවත් අධිරාජ්‍ය වාදීන්ගේ කුමන්ත‍්‍රණය ජයග‍්‍රහණය කර තිබේ.

රට දැන් ඉන්නේද අස්ථාවර මට්ටමක ය.

කොහොම ද උන්ගෙ ප්ලෑන? කොච්චර ලස්සනට ඒක දියත් කෙරුවා ද?

අපේ මැට්ටන්ට මේ ටික තේරුම් ගන්නට බැරිව ඇත්තේ අපේ කරුමයට ය. ඇත්තටම අප විසින් කළ යුතුව ඇත්තේ මේ කුමන්ත්‍රණය උඩ ගෙඩි දුන්නාවූ සියලු දේශද්‍රෝහීන් අල්ලා උල තිබීම ය.

ඇත්තටම මට නම් උන් ගැන කන්න කේන්ති ය.

Advertisements
Posted in: Uncategorized