යුද්ධය අවසන් වීමේ (සාමයේ) උන්ගේ ඛේදවාචකය හා අපගේ භාග්‍යය

Posted on November 20, 2009



යුද ජයග‍්‍රහණයක් රටට ලබා දුන් සරත්ෆොන්සේකා එයින් නොනැවතී දැන් ජනතාවට සහන මලු පිටින් ලබා දීමට පටන් ගෙන ඇත.

මුලින්ම ලද්දේ මිල අඩුකරන ලද අත්‍යවශ්‍ය ආහාර ද‍්‍රව්‍ය මල්ලකි.

මෙ වන විට විශ‍්‍රාමකයින්ගේ දීමනාව පමණක් නොව රජයේ සේවකයින්ගේ ජිවන වියදම් දීමනාව ද අරන් දීමට එතුමා සමත් වී ඇත. එපමණක්‍ නොවේ. අනියම් කම්කරුවන් ස්තිර කිරීමට ද වැඩපිළිවෙලක් ක්‍රියාත්මක වෙයි.

තව පටන් ගත්තා විතරය. එතුමාගේ පිනෙන් තව බොහෝ දේ ලැබීමට නියමිත ය.

සරත් ආණ්ඩුවේ මැතිවරණ ගහ හොල්ලා ඇත. ඇත්තටම එය ඔසවා ගෙන සිටින උන්ගේ දණිස් හෙලවෙන නිසා දැන් ගහ ද හෙල්ලෙයි. දැනට ඇත්තේ වැටෙන ඒවා අහුලා ගැනීම ය.

සමහරවිට ජනපතිවරණය හෝ මහමැතිවරණය වෙනුවට ප‍්‍රාදේශීය සභා මැතිවරණයක් ලැබෙන්නට ද ඒ අනුව ඉඩ තිබේ.

සාමය දිග හැරෙන විට එල්ටීටීය කැඩුනේ හරි මැදිනි. එය කරුණාගේ වෙන්ව යෑමෙන් සනිටුහන් විය. එල්ටීටීයේ අවපාතය ඇරඹෙන්නේ එයිනි.

යුද්ධය ඉවර වෙන විට මෙහේද දෙකට කැඩීමක් වූයේ ය. දකුණේ දිග ඇරෙන අනාගතය දිහා ද අපි බලාපොරොත්තු දල්වා ගෙන බලා සිටිමු.

යුද්ධයේ පාර්ශවකරුවන් එකම ඉරණමක ගොදුරු බවට පත්වීම අප සැළකිය යුත්තේ ස්වභාව ධර්මයා විසින් දෙනු ලබන පොදු දඩුවමක් ලෙස ද? සාමයේ ආශිර්වාදයක් ලෙස ද?

Posted in: Uncategorized