මැතිවරණ කොමසාරිස් තුමනි, දැන්ම ඉල්ලුවොත් ඔබතුමාත් ගොඩ ය!

Posted on November 17, 2009



දැනට වසර හතරකට පෙර නව ජනපති පදවිප‍්‍රාප්ත උළෙලේ දී අඩා වැටුනු මැතිවරණ කොමසාරිස් දයානන්ද දිසානායක මහතා බැගෑපත් ඉල්ලීමක් කළේ ය. ඒ ඉල්ලිමෙන් එතුමන් කියා සිටියේ ඒ වනවිටත් තමන් විශ‍්‍රාම යන වයස පසුකර ඇති හෙයින් තමන්ට විශ‍්‍රාම යාමට ඉඩකඩ සළසා දෙන ලෙසයි.

වසර හතරක් ගත වීත් ඒ අවස්ථාව සළසා දීමට ජනපති අපොහොසත් විය. එසේ වුවද එවැනිම වසර හතරක් විශ‍්‍රාම වයස ඉක්මවා සිටි සරත් ෆොන්සේකා මහතා ඉල්ලූ සැණින් (ඉල්ලූ දින තෙක් ද ඉන්නේ නැතිව වහාම ක‍්‍රියාත්මක වන පරිදි) එතුමාට විශ‍්‍රාම යෑමට අවස්ථාව ලබා දීමට තරම් ජනපති කාරුණික විය.

සමහර විට දයානන්ද දිසානායක මහතා මතක් නොකළ නිසා ජනපතිටත් අමතක වූවා වන්නට බැරි නැත.

දැන් අවස්ථාව දයානන්ද දිසානායක මහතාට ය. ඇත්තටම විශ‍්‍රාම යන්නට හිතක් තවමත් තිබෙයි නම් ඒ ගැන ඉල්ලීමක් කරන්නට මෙම මොහොත තරම් මොහොතක් තවත් නැත. එයි ද කියා ද සැක සහිත ය.

ඒ නිසා පය ඉක්මන් කර ඉල්ලීමක් කරන්න යැයි එතුමාට මතක් කර දීම අපගේ යුතුකම ය.

රට වෙනුවෙන් සේවය කරන උතුමන්ලාට අප කොහොමත් ආදරෙ ය.  ඉතින් මැතිතුමනි  ලද අවස්ථාව ඉක්මයන්නට මත්තෙන් ප‍්‍රයෝජන ලබා ගන්නට ඔබ නොබා ඉදිරිපත් වනු ඇතැයි අපි සිතමු.

පුංචි පරහකට ඇත්තේ වැඩක් නැති ආක්ෂක මාණ්ඩලික තනතුර මෙන් නොව ඔබ දරණ තනතුරට ඉදිරියේ වැදගත් වැඩ දෙකක්ම පැවරි තිබීම ය. වෙන කොහේ හෝ වැඩ කරන කෙනෙකුට වැඩ බලන්නට කියා ඇද ගෙන යා හැකි ආරක්ෂ ක මාණ්ඩලික නිලධාරී තනතුර වගේ මැතිවරණ කොමසාරිස් පදවිය බොල් එකක් නොවන නිසා අනුප‍්‍රාප්තිකයෙකු හොයන එක ගැටලුවකි. ඊට අමතරව ඔබෙන් පසු ඔය තනතුර බාර දීම සදහා පුද්ගලයෙක් නොව ස්වාධීන මැතිවරණ කොමිසමක් පත් කළ යුතු යැයි සමහරු කියති.

එහෙම නම් වැඩෙ හබක් ය.

ඒ වුනත් ඉල්ලීමක් කිරීමෙන් පාඩුවක් නොවන නිසා කර බලන්න (nothing like trying) ය. ජනපති තුමාට හදිසියේම හිතක් පහල වී ඔන එකක් කියා ඔබෙ විශ‍්‍රාමයටත් අවසර දෙන්න බැරි නැත.

Advertisements
Posted in: Uncategorized