සිංහ වෙස්ගත් විමල් ගේ හඩ බ්ලොග් අඩවියක් තුළින් මතුවෙයි

Posted on October 27, 2009



විමල් වීරවංශ මෙච්චර ජනප‍්‍රිය ඇයි  හිසින් යුතුව සිංහ හඩක් නගා තිබුන නිසා අපි දු හේතුව දැනගැනීමට එම හඩට සවන් දුන්නෙමු.

එම බ්ලොග් සටහනින් කියන්නේ මහින්ද රාජපක්ෂ ලගට ජනප‍්‍රිය මෙම පුද්ගලයා බව ය. ඒ කියන්නේ ගොඨාභයටත් වඩා බැසිල්ටත් වඩා සරත් ෆොන්සේකාටත් වඩා ඔහු ජනප‍්‍රිය බව ය.

ඊටත් අමතරව එම සටහනෙන් දැක්වූයේ වඩාත් දැඩිව කොටි හා උන්ගේ ඒජන්තයින්ට පහර ගැසීම නිසා එම චරිතය ජනප‍්‍රිය වී ඇති බව ය.

විමල් වීරවංශ තරමටම මර්වින් සිල්වා ද නිශාන්ත මුතුහෙට්ටිගම ද ජනප‍්‍රිය බව සිංහ හඩට අමතක වී තිබිණි.

ඔය තරම් ජනප‍්‍රිය විමල්ට තමන්ගේ මල්ලීව වත් වෙන කොහෙන්වත් නොව දකුණෙන් (දකුණු පළාත් සභාවට ඉල්ලුවිමල්ගේ ගෝලයෝ කවුරුවත් තේරුණේ නැත) ගොඩ දාගන්නට නොහැකි වූයේ මන්දැයි ඔහු කියා තිබුනේ ද නැත.

විමල්ට ඇත්තේ සිංහ හඩක් වුවද ඇග නරියෙකුගේ බව පමණක් අප සටහන් කර තබන්නට කැමති ය.

ලංකාවට අඩුවක් නැතිවම ඉන්නේ මොළේ නැති ඔවැනි සිංහ හඩවල්ය.

අපේ රට දිනෙන් දින වළපල්ලටම යන්නේ ඔවැනි ආවෙගයින්ට අමතන හිස් මිනිසුන් ඔලුව උඩ තබාගෙන ඉන්නා නිසා ය.

එහෙත් ඔය සිංහ හඩින් කතා කරන්නේ සිංහ වෙස් පොරවා ගත් නරියෙකු බව දැනගත් විට ජනතාව තවදුරටත් ඔය චරිත කර උඩ තියාගෙන ඉන්න එකක් නැත. ගෙවී යන්නේ නරියන්ගේ අවසන් හෝරාව ය.

Posted in: Uncategorized