ලෝක සෞඛ්ය සේවයට ගුල්ලෝ ගහලා ය. අර්බුදයට පිළියමක් සෙවීමට සභාපති තුමා සොයා යන අයට දැක ගන්නට ලැබුනේ එතුමා මැතිවරණ වේදිකාවල පිනුම් ගහන බව ය.
ගුල්ලන් ගහන්නට හේතුව ගෝලයන් බෙහෙත් ආනයනයෙන් පිල්ලි ගැහීම බව මේ අතර තතු දත් අය කියා සිටියහ.
ඒ බෙහෙත් බී සමහර රෝගීන් වලපල්ලට කරණම් ගැසූ අතර බියවූ රෝගීන්ගේ ඥාතීහු බෙහෙත් හොයා ෆාමසි කරා දුවමින් සිටිය හ.
විටෙක සේලයින් අහිමිවූ සෞඛ්ය සේවය විටෙක කල් ඉකුත්ව ගිය එන්නත් වලින් ලෙඩ විය. බෙහෙත් නැති කමෙන් පීඩා වින්ද වකවානුද මේ අතර වූ අතර සේවකයින් ලෙඩ වීම නිසා අසාධ්ය වූ අවස්ථා ද ඇතිවිය.
සමහරු රෝහල්වලට ඇතුළුවීමට පෙර තමන්ගේ කේන්දර බලවා ගත් අතර දුර දක්නා නුවණ ඇති අය අන්තිම කැමති පත්රය ලියා තබන්නට වෛද්යවරයාට පළමුව නීතිඥයින් හමුවූහ.
පිනුම් ගසා අවසන් වූ පසු සභාපති තුමා කළේ ජනතාවගේ පෝෂණ තත්වය සොයමින් ගෙවල් ගානේ යාම ය. එහිදී එතුමා සොයාගත්තේ සමහර දෙනෙක් බත් කෑවද තවත් සමහරු පිදුරු කන බව ය. බත් කන ජනයා වැඩියෙන් සිටීම පෝෂණ ගැන වගකිව යුතු ඇමතිවරයා හැටියට තමන් සතුටට පත්වන බව ඇමතිවරයා කියා සිටියේ ය.
ජනතාව නම් කිව්වේ මෙහෙම ගියොත් හැමෝටම කන්න වෙන්නේ පිදුරු බව ය.
ඒ ඉතින් ජීවත්වෙල හිටියොත්නෙ, සෞඛ්ය බලධාරීහු උත්තර බැන්දා හ.
සකල සිරින් පිරි සිරි ලංකාවේ ලෝක සෞඛ්ය නාටකය එයින් සමාප්තියට පත් විය.
LazyOwl
September 2, 2009
මරේ මරු.
Recent Posts එක උඩට ගන්න.එක හොයන්න වරුවක් scroll කරන්න වෙනවා. අපි ඉතිං සහජයෙන්ම කම්මෑලි ජාතියක්නෙ.
indika
September 3, 2009
සෞඛ්ය සේවකයෙක් විදියට මමත් ඔය කරුණු පිළිගන්නව. මේක බිස්නස් එකක් කොරගත්තු එවුවො එලෝලා දානකල් ගොඩ ඒමක් නෑ. කෑගහන වඩි පිරිස කෑ ගහන්නෙ බොරුවට.!
හරමානිස්
September 3, 2009
Beyond Frame මහත්තැන්, ඇහෙන හැම දෙයක්ම විස්වාස කරන්නෙ නැතුව පොඩ්ඩක් හොයලා බලලා ලියනවනම් තමා හොඳ. අපෙ මාද්දියවේදියො වගේ මෝඩ කතා නොකිය.
නිමල් සිරිපාල ඇමතිතුමා හොරෙක් තමා. ඒත් හැම එකටම හොයා නොබලා උන්නැහේටම බනින එක යුතු නෑ. මේ ගුල්ලගෙ සිද්දිය එක උදාහරණයක්.
නිමල් සිරිපාල ද සිල්වා මහත්තැනුයි දොස්තර මහත්තේලැයි අතර ආරෝවක් තියෙනව කියලා අපි කවුරුත් දන්නව නෙවැ. ඔන්න කළුබෝවිල ඉස්පිරිතාලෙ ලෙඩෙක් මැරුනා. නිමල් සිරිපාල තුමා ඒක යොදාගත්තා දොස්තර මහත්තේලට දෝස් මුරයක් දාන්ඩ. දොස්තර මහැත්තැනුත් ඇරියෙ නෑ, ඊළඟ දවසෙම දුන්න රිටර්න් එක, එන්නතක ගුල්ලෙක් හිටියය කියල.
ලස්සන වැඩේ කියන්නෙ Beyond Frame මහත්තයෝ, ඔය ගුල්ලා හිටියය කියන්නෙ මූඩිය ඇරපු එන්නත් බෝතලේක. මූඩිය ඇරපු බෝතලේක ගුල්ලො එකෙක් නෙවෙයි සීයක් උන්නය කියලා කාට කියන්ඩ බැරිද? අපේ ගොන් මාද්දියවේදීන්ටත් මේ තරම් සරල ප්රශ්නයක් වත් අහන්ඩ මොළයක් නෑ. එක්කො ඕනැකම නෑ. මොකද නිමල් සිරිපාල තුමාට බනිනකොටනෙ නිවස් වැලිව් එක තියෙන්නේ. උන්ට අනුව දොස්තරලා කියන හැම දෙයක්ම හරි. අපිනෙ දන්නේ මේ වෙද්දුන්ගෙ හැටි. උනුත් නිමල් සිරිපාල තුමාගේ මල්ලිලා වගේ තමා. කට ඇරියොත් කියන්නෙ බොරු.
ඒ හින්ද හරි හැටි කරුණු නොදැන උන්ටවත් මුන්ටවත් අපි ඇමියුනිෂන් දෙන්ඩ ඕනැ නැහැ. හොයා නොබලා උන් කියන දේවත් මුන් කියන දේවත් පිළිගන්ඩ ඕනැත් නෑ.
beyondframe
September 3, 2009
හරමානිසෝ උඹ ඔය ප්රතිචාරෙ දැක්වුවෙ මිගාර දොස්තර මහත්තයාගෙ කියුම් බහට නේද
මිගාර
September 3, 2009
මේ කතාවෙදී නම් මම බී. එෆ්. සමග එකඟයි. ඔය පිටි මුට්ටෙට ගුල්ලෝ ගහපු දාට තමා සෞඛ්ය සේවය හරි යන්නේ.
දම්මිකා
September 3, 2009
ඔය පිටි මුට්ටෙට ගුල්ලො ගහපු දවසට තමයි ලංකාවෙ සෞඛ්යය යහපත් වෙන්නෙ
දම්මිකා
September 3, 2009
හරමානිස් ද සිල්වා
Ali G
September 3, 2009
Agree with හරමානිස්,
How many vaccine we have without ගුල්ලො.No Body talks about it .Everyone want to blame on Hon.Minister for one vaccine with ගුල්ලො.
One the other hand how one minister Can check all bottles for ගුල්ලො.We should have few more ministers for Health like we have in Nation Building ,Agriculture,Culture ect,
මිගාර
September 3, 2009
//ලස්සන වැඩේ කියන්නෙ Beyond Frame මහත්තයෝ, ඔය ගුල්ලා හිටියය කියන්නෙ මූඩිය ඇරපු එන්නත් බෝතලේක
ලස්සන වැඩේ කියන්නේ අවුරුදු 6ක් වෛද්යවරයෙක් විදියට වැඩ කරන මට පළවෙනි වතාවටයි omeprazole කියන බෙහෙත් කුප්පි කඩල කිහිප දෙනෙකුට දෙනවා කියලා අහන්න ලැබුනෙ. යකෝ අපට භිෂක්වේදය (pharmacology) උගන්නපු ක්රිශාන්ත වීරසූරිය මහැදුරුතුම කියල තියෙන්නේ බොරුනේ? මිනිහා අපට ඔහොම කතාවක් කිවූවේ නැහැනේ?. (එතුමා ලෝක සෞඛ්ය සංගමයේ ඖෂධ ප්රතිපත්ති පිළිබඳ විශේෂ උපදේශක වරයෙක්)
intravenous omeprazole එන්නේ මිලිග්රෑම් 20 එන්නත් කුප්පියක. එක ලෙඩෙකුට කුප්පියේ ඇති සියලුම බෙහෙත් පාවිච්චි කරනවා. ඒ හින්ද ඔය කඩපු කුප්පියේ කතාව අමු බයිලයක්. ඛෙම නැත්නම් වීරසුරිය මහැදුරු තුම අපට උගන්නලා තියෙන්නේ බොරු.
lazyowl
September 3, 2009
අම්මප බොලේ මේඅපේ හරමනියා කියන කතාවත්, ඈත්ත නොවෑ. එකක් නං ටක්කෙටම කිව්වෑහෑකි, සමහර දොස්තර ගොයියලා, මස්කඩ මුදලාලිලාට එහා.
හරමානිස්
September 3, 2009
එක එන්නත කී දෙනෙකුට දෙනවද කියල මම දන්නෙ නෑ. (මම කිසිම තැනක කියල නෑ මේ බෙහෙත් කීදෙනකුට දෙනවද කියල. ඒත් සමහර උගත් මෝඩයින්ට සිංහල තේරෙන්නෙ නැහැනේ.) ඒත් ඒ බෝතලේ රූපවාහිනියෙන් පෙන්නපු දොස්තර මහත්තැන් කෙනෙක් මයි කිව්වේ කැඩුවයින් පස්සෙ තමයි අපි ගුල්ල දැක්කෙ කියලා. පාන්වල ගුල්ලො ඉන්න එක මට තේරුම් ගන්න පුළුවන්. ඒ පිටි උන්ගේ ආහාරය නිසා. ඒත් එන්නත්වලට ගුල්ලො ගහන්නෙ මොකද? අපි නොදන්න චෙස්.
නිමල් සිරිපාල කියන්නෙ හොරෙක් තමා. ඒකෙ දෙකක් නැහැ. ඒත් ඒ කියල මේ වෙද්දු කියන්නෙ හොරු නෙවෙයි කියලා කියන්ඩ නම් එපා. මුන් කරන මගෝඩි වැඩ අපි දන්නවනෙ. අත්සන් කරන්නෙ නෑ කවදාවත්, බොරුවට වැඩිපුරත් එක්ක OT දාගන්ඩ. කලින් ඉස්පිරිතාලෙන් පැනල දුවනව චැනල් කරන්ඩ.
හරමානිස්
September 3, 2009
තව එකක්. නිමල් සිරිපාල නෙවෙයි ඉස්පිරිතාල වලට බෙහෙත් ගන්නෙ. ඔය ටෙන්ඩර් කමිටුවල ඉන්නෙත් දොස්තර මහත්තැන් තමයි. මොකද වෛද්ය විද්යාව නොදන්නා කෙනෙකුට මිළදී ගන්නා බෙහෙත්වල ගුණාත්මක භාවය තීරණය කරන්ඩ බෑ. ජාතික රෝහලේ අධ්යක්ෂක හෙක්ටර් වීරසිංහත් දොස්තර මහත්තේක්නෙ. ගුල්ලො ගහපු එන්නත් ගන්නකල් එයා මොකද කළේ?
රෝහලකට මිළදී ගන්න එන්නත් වලට ඇමති විතරක් වග කිව යුතුයි ටෙන්ඩර් කමිටුවල ඉන්න දොස්තරලා වග කිව යුතු නෑ කියන්නෙ මොන මෝඩයද?
මිගාර
September 3, 2009
හරමානිස්ට ටෙන්ඩර් පටිපාටිය ගැන අලුක්කාලක දැනුමක් නැහැ.
එන්නත් වල ගුණත්මක භාවය පාලනයට “ජාතික ඖෂධ අධිකාරිය” තියෙනවා. එතනින් තම ටෙන්ඩර් කරන්න කලින් බෙහෙත් වල අහඹු නියැදියක් තත්ව පරීක්ෂා කරන්නේ. එතෙන්ට එන්නේ අර ගන්න යන තොගයෙන් නියැදියක්මද කියල දන්නේ ඉතින් සිරිපාල උතුමාම විතරයි. එතනින් බෙහෙතේ තත්වය හොඳද නැත්ද කියල නිර්දේශ කලාට පස්සේ තමා අනුමැතිය ලැබෙන්නේ.
රෝහල් වල අධ්යක්ෂවරු කරන්නේ අවශ්ය බෙහෙත් ප්රමණය ඇස්තමේන්තු කරලා ඒ ප්රමණය ඉල්ලීම විතරයි. ඒ බෙහෙත් ලෙඩුන්ට නියම කලහම මොකක් හැරි ප්රශ්නයක් ආවොත් ඒ ගැන වෛද්යවරුන්ට පමිණිල්ලක් කරන්න පුළුවන්. එහෙම වුනාම නැවත ඒ බෙහෙතෙන් අහඹු නියැදියක් අරගෙන් පරික්ෂා කරනවා. ආයෙත් ඒ යන නියැදිය ගන්නේ අර කිවුව තොගයෙන්මද කියල දන්නෙත් සිරිපාල උතුමාම විතරයි.
හරමානිස් මේ සිද්ධිය ගැන මොකුත් නොදැන තමයි කතා කරනව වගේ පේන්නේ.
හරමානිස්
September 3, 2009
අනේ බලන කොට මේ තොත්ත බබෙක් නෙවැ. හරි හරි නිමල් සිරිපාල තමා හොරා. දොස්තරලා හරීම හොඳයි. හරියට අර පොලීසියෙ මහත්තුරු වගෙ.
මිගාර
September 3, 2009
අපේ රටේ මාධ්ය මහත්තුරු හැසිරෙන්නෙත් ඔහොම තමයි. කිසිම දෙයක් දන්නේ නැතුව බොරුවට කෑ ගහනවා. ටෙන්ඩර් පටිපාටියේදී අපි වගෙ කට්ටියට ඒකට කිසිම බලපෑමක් කරන්න බැහැ, වෘත්තීය සමිතිය හරහා ඇරෙන්න. මේ තීරණ ගන්නේ ඇමැති සහ, අමාත්යංශයේ සිටින නිල්ධාරි පිරිස. ඉන් කොටසක් වෛද්යවරු තමා. නමුත් ඔවුන් කවදාවත් ඉස්පිරිතාලෙකට ඇවිල්ලා වාට්ටුවේ ඉඳන් බෙහෙත් දෙන අය නෙවෙයි. ඔවුන් පරිපාලකයන් පමණයි. අනික් අතට වෛද්ය ලේකම්, අධ්යක්ෂ ජනරාල් සහ ඉහල පෙළේ අධ්යක්ෂවරුන් පත් කරන්නේ ඇමති බලතල යටතේ. ලැයිස්තුගත ප්රමුඛතා පදනමක් මත ක්රියාතමක වෙන්නේ මාරුවීම් පමණයි. මේ ගැන නොදැන හරමානිස් බොරුවට සද්ද දාන බව තමයි පේන්න තියෙන්නේ.
හරමානිස්
September 3, 2009
//ඒ හින්ද ඔය කඩපු කුප්පියේ කතාව අමු බයිලයක්. //
ඒ කියන්නෙ රූපවාහිනියෙන් කතාකරපු ජීඑමෝ එකේ ලේකම් දොස්තර අමු බයිල කාරයෙක් කියන එකද? මට මිනිහගේ නම මතක නෑනේ කරුමෙට.
මිගාර
September 3, 2009
හරමානිස්ට වැඩේ තේරුණේ නැහ වගේ මට හිතෙන්නේ. මම හිතන්නෙත් ගුල්ලෙක් හිටියා කියල තමයි. ඒ ගුල්ලා කුප්පිය කැඩුවට පස්සේ කවුරු හරි දැම්මය කියල කියන්න හදන කතාව අමු බයිලයක්. මොකද ඔය බෙහෙතෙන් එක කුප්පියක් පාවිච්චි කරන්නේ එක ලෙඩෙකුට විතරයි.
හරමානිස්
September 3, 2009
කඩපු කුප්පියකට ගුල්ලා ආවේ කඩන්න කලින්ද පස්සෙද කියලා හරියටම තීරණය කරන වෛද්ය සෑත්තරෙත් කිව්ව නම් තමා හොඳ.
මිගාර
September 3, 2009
ඔය දීල තියෙන්නෙ උත්තරයක්.
just-a-doc
September 3, 2009
කඩපු එන්නත් බෝතලයක් කිව්වහම ඒක වරදවා වටහාගෙන තමයි කෂ්ටිය කථා කරන්නෙ.
එන්නත් කුප්පියක් සීල් කරල ඒකෙ ඇලුමිනියම් විල්ලට උඩින් ප්ලාස්ටික් පතුරක් සවිකරල තියෙනවා. එන්නත හදාගන්න ඔය ප්ලාස්ටික් පතුර ගලවලා සිරින්ජයකට ගත්තු ජීවානුහෘත ජලය කටුව මඟින් කුප්පිය තුලට විදිනවා. මෙහෙම එන්නත හදාගන්න මොන වේලාවකවත් කුප්පියේ මුඩිය ගලවන්නේ නෑ. මොකද විෂබීජ යන්න පුලුවන් නිසා.
සිරින්ජයක කටුව හරහා ගුල්ලෙක් කුප්පිය තුලට යනවා කියල හිතන්න අමාරුයි.
මෙකෙ ප්රධාන ප්රශ්නයක් තමයි ඉන්දියාවේ ගෘහ කර්මාන්තයක් විදිහට බෙහෙත්, කුප්පිවලට පිරවීම සිදුකිරීම. ලොකු කොම්පැණි ගෙවල්වලට බෙහෙතුයි කුප්පියි බෙදල දෙනවා. ගෙවල් වලින් බෙහෙත් පිරවු කුප්පි එකතුකරගෙන ගිහිල්ලා ජීවානුහරනය කරල විකුනනවා. විෂබීජ නම් විනාශ වෙනව, නමුත් ඒකට අහම්බයෙන් එකතුවෙන වෙනත් දේවල්, කෙස් කොට, ගුල්ලො…
හරමානිස්
September 3, 2009
අන්න අහු උනා හොරේ. එන්නතක් විදින්න මූඩිය ගලවන්න ඕනැ නැත්නම් මොන හේතුවක් නිසාද මේ එන්නත් බෝතලේ මූඩිය ගැලෙව්වෙ? මොකද රුපවාහිනියේ (සිරසේ මතක හැටියට) පෙන්නුවේ මූඩිය විවෘත වෙච්චි බෝතලයක්.
මිගාර
September 3, 2009
අපි නම් එහෙම දැක්කෙ නෑ (අපි බැලුවෙ ස්වර්ණවාහිනී). යූ ටියුබ් ක්ලිප් පොජ්ජක් අපට පෙන්නුව නම්?
හරමානිස්
September 3, 2009
ඊළඟ සැරේ ඇහැ ඇරගෙන බලන්න. ඇහැ වහගෙන නැතුව.
මිගාර
September 3, 2009
හරමානිස් කියන්නේ ඇත්තද කියල අපි දැන ගන්න ආසයි. දාමුකෝ යූ ටියුබ් සෙල්ලමක්.
අපිත් මාර කැමතියි ඉස්පිරිතාලෙකට ඕන බෙහෙත් මොනවද කියල තීරණය කරන්න්න සහභාගි වෙන්න. ඒ වුනාට හරමානිසෝ ඒවා අයිති ඔලුව වටේ රැස් වළල්ලක් තියෙන අමාත්යංශෙ මහත්තැන්ල කීප දෙනෙක්ටනෙ. හරමානිසාට එක්කො තෙරුම් ගන්න බැහැ. එක්කො තෙරුම් ගන්න ඕන නැහැ.
හරමානිස්
September 3, 2009
එහෙනං. අපි දන්නවනෙ ඔය මහත්තැන් කරන්නෙ එහෙම රැස් වළලු තියෙන ඇත්තන්ට පාන අල්ලගෙන පස්සෙන් යන එක කියලා. ඔව්ව කරන්ඩ එහෙම දාසයන්ට බාරදෙයිද කවුරු උනත්.
just-a-doc
September 3, 2009
මමත් Newsවල දැක්කෙ ඇලුමිනියම් විල්ල නොගැලවු කුප්පියක් පෙන්නනවනම් තමයි…
හරමානිස්
September 4, 2009
දී කිරට බළල්ලුත් සාක්කි කිව්වලු. අනේ ඔය මිගාර මහත්තැන්ට බැරිද ඔය ඇනෝනිමස් දාන කැත පුරුද්ද නැති කර ගන්න? අනෙක් අතට තමන් දොස්තරය කියලා ඔලුව උදුම්මවගෙන අනුන්ට ගරහන එක කැත නැද්ද? මිනිහෙකුට හරියට කතා කරන්නවත් දන්නෙ නෑ.කොහෙන්ද ඔය කාලකණ්ණි පුරුදු ඉගෙන ගත්තේ?
හරමානිස්
September 3, 2009
මේකෙන් ඉතාම පැහැදිළියි එන්නත් බෝතලයේ මූඩිය විවෘත කරන්න වෛද්යමය හේතුවක් හැර වෙනත් හේතුවක් තිබුනාය කියන එක. අනික ඉතින් මිගාර මහත්තැන්ම අනුන්ගේ නම් වලින් ඇවිල්ල කමෙන්ට් දාන්න ඕනැ නෑ. තමන්ගේ අඩවියෙ කරනවා වගේ.
Taboo Subjects
September 3, 2009
මගේ බ්ලොග් අඩවියේ බුද්ධික පතිරණ සම්බන්ධ වාදයේදී මම මෙසේ කීමි. එය නැවත මෙහි පුනරුච්චාරණය කරමි.
Even one additional good doctor can do something more than ten politicians combined. The improved health conditions we boast so much about, is the achievement of the doctors not politicians. This country needs professionals, NOT politicians.
සෞඛ්ය ක්ෂේත්රයේ ඉහළ මට්ටටමේ ප්රතිපත්තිමය තීන්දු (policy decisions) ගත යුත්තේ දේශපාලකයන්ය. (උදා: ගාස්තු නැතිව වෛද්ය සේවය රෝගීන්ට ලබා දිය යුතුද නැත්ද යන්න) එසේම ඒ ප්රතිපත්තිමය තීරණ ක්රියාත්මක කිරීමට අවශ්ය ප්රතිපාදන සපයා දිය යුත්තේද ඔවුන්ය. එතනින් එපිට සියළු මෙහෙයුම් තීරණ (operational decisions) ගත යුත්තේ වෘත්තිකයන් විසිනි. (වෘත්තිකයන් කීමේදී එය වෛද්යවරුන්ට සීමාවිය යුතු නොවේ.) අද සිදුව ඇත්තේ මුග්ධ දේශපාලකයින් ප්රතිපත්තිමය තීරණවලට අමතරව අනෙකාගේ වපසරියටද ඇතුළු වෙමින් මෙහෙයුම් තීරණ වලටද මැදිහත් වීමයි. මෙය හෙළා දැකිය යුතුය.
උදාහරණයක් හැටියට අද කුඩා දරුවන්ට ජැපනීස් එන්කෙෆලයිටිස් එන්නත ලබා දෙන්නේ උතුරු මැද පළාතේ පමණකි. මෙය හුදෙක් මුදල් ඉතිරි කර ගැනීමට ගෙන ඇති මුග්ධ දේශපාලන තීන්දුවකි. යම් එන්නතක් කාට ලබා දිය යුතුද නීර්ණය කළ යුතු වන්නේ වෘත්තිකයන්ය. මුදල් නැතිනම් දේශපාලකයින් හට කළ හැකි එකම දෙය ඒ බව හෙළිකොට පුද්ගලිකව එන්නත ලබාගන්නා ලෙස දැනුම්දීම මිස එය වසං කිරීම නොවේ.
රෝහලක සැපයුම් පිළිබඳව වෛද්යවරුන් වගකිව යුතු යැයි මම නොසිතමි. ‘නිදහස් සෞඛ්ය සේවයක්’ ගෙන යන්නේය කියමින් එහි ගෞරවය ගන්නා පාලකයින් වැඩ වැරදුණු පසුව එහි වගකීමද බාර ගත යුතුය.
හරමානිස්
September 3, 2009
ඔන්න ඉතින් මහත්තයත් පීලි පනින්ඩ පටන් ගත්තනෙ. කොන්ඩෙ බැඳපු චීනුන්ට නම් හොඳයි ඔය කතා. ඔහොම දොස්තරලා ඉන්නෙ ඒරොප්පෙ. මෙහෙ නෙවෙයි.
lazyowl
September 3, 2009
අම්මපා මෙහෙ නම් ඉන්නව, කටපුරා මහත්තයා කියන්න පුලුවන් දොස්තර මහත්තුරු, අපේ කශ්ටිය නම් ඉතිං හූදී ජනයාගෙ හිත සුව පිණිස සම්ප්රාප්ත වෙච්ච දෙවිවරු නොවෑ.
මිගාර
September 3, 2009
//එහෙනං. අපි දන්නවනෙ ඔය මහත්තැන් කරන්නෙ එහෙම රැස් වළලු තියෙන ඇත්තන්ට පාන අල්ලගෙන පස්සෙන් යන එක කියලා. ඔව්ව කරන්ඩ එහෙම දාසයන්ට බාරදෙයිද කවුරු උනත්.
හරමානිසෝ උන් ඔතෙන්ට නිලධාරින් වෙලා ගියේ උඹට වඩා උන්ට මොකක් හරි මොළයක් තියෙන නිසානේ. උන් කැමති වෙයිද හම්බ වෙන දේවල් තව බෙදෙනවට? උඹත් ඔතෙන්ට ගියොත් බදාගෙන කනවා මිසක් බෙදා ගෙන කයිද?
හරමානිස්
September 3, 2009
බෙදා ගන්න පුළුවන් උනත් පස්සෙන් පාන අල්ලගෙන යන දාසයන්ට නම් කොහොමත් දෙන්නෙ නෑ.
Taboo Subjects
September 3, 2009
@හරමානිස්,
හැම වෘත්තියකම තම වෘත්තිය වැරදි ලෙස භාවිතා කිරීමේ ඉඩක් පවතී. එය නැතිකළ හැක්කේ Checks and Balance ක්රමයක් මඟින් පමණකි. හැම කෙනෙකුටම කළ හැකි දේද කළ නොහැකි දේද නියම කළ යුතුය. දේශපාලකයාට දොස්තරගේ කාර්යය සේම දොස්තරට දේශපාලකයාගේ කාර්යයද තහනම් කළ යුතුය.
නැතුව මාරුවෙන් මාරුවට දේශපාලකයන්ට හා දොස්තරුන්ට බැණ වැදීමෙන් ප්රශ්නය විසඳෙන්නේ නැත.
මෙය කළ හැකි වෙන ක්රමයක් ඔබ සිතන්නේ නම් කියන්න.
හරමානිස්
September 4, 2009
මහත්තයෝ, දේශපාලකයො වැරදි කළාම අපිට උන්ට බනින්න පුළුවන් නෙවැ. අඩුම වසයෙන් ඊළඟ චන්දෙදි අපිට පුළුවන් නෙවැ උන් ගෙදර යවන්න කැමති නැත්නම්. ඔය දොස්තර හොරු වැරදි කළාම අපි මොනවද කරන්නෙ? පොදු ජනතාව වසයෙන් අපට මොකද්ද ලැබිල තියෙන ක්රමය එහෙම වැරදි නතර කරන්න? ඔය දොස්තර හොරු ඔයතරම් ඔළුව උදුම්මවා ගන්නෙ උන්ව දේශපාලකයො වගේ ජනතා අධිකරණය ඉදිරියට ගේන්න බැරි නිසා නෙවෙයිද? කියමු බලන්ඩ.
W3Lanka
September 7, 2009
ලංකාවේ වඩාත්ම ගතානුගතික ආකල්ප සහිත වෘත්තික සංවිධානයක් වන රජයේ වෛද්ය නිලධාරීන්ගේ සංගමය හැම ගහකටම කොට කොටා පණුවන් කකා යන ගමනේ ආමි ගහටත් කොටා ඇත.
කොතලාවල ආරක්ෂක විද්යායතනය රුහුණු විශ්වවිද්යාලය සමග එක්ව ආරම්භ කිරීමට යන MBBS වෛද්ය උපාධිය සඳහා බඳවාගැනීම කළ යුතු ආකාරය තීරණය කිරීමේ බලය යුදහමුදාවට හිමි වීම රජයේ වෛද්ය නිලධාරීන්ගේ සංගමයේ අමනාපයට හේතු වී තිබේ. යුද හමුදාවට බඳවා ගනු ලබන වෛද්යවරුන්ට තිබිය යුත්තේ උසස් පෙළ ලකුණු පමණක් නොවේ. කොතලාවල ආරක්ෂක විද්යා පීඨය විසින් ලබා දෙන සෙසු උපාධි සඳහා සිසුන් බඳවා ගනු ලබන්නේද යුද හමුදාවේ නිර්ණායක පරිදි මිස වෘත්තීය සමිති කියන ආකාරයට නොවේ.
වෙනත් රජයේ සේවකයන් අතර සුපිරි වරප්රසාද භුක්ති විඳින ගමන් අඩුවෙන් වැඩ කර මහජන මුදලින් වැඩියෙන්ම පඩි ගැනීමට යත්න දරන රජයේ වෛද්ය නිලධාරි සංගමයේ අනුගාමික දොස්තරුන්ට වෙනත් රජයේ සේවකයන්ට මෙන් වැඩට එන යන වේලාව අත්සන් කිරීමට පොතක්වත් නැත. ඒ නිසා බොහෝ දොස්තරු ගජරාමෙට ප්රයිවට් ප්රැක්ටිස් කරමින් මහජනයා සූරාකති. රජයේ වෛද්ය නිලධාරීන්ගේ සංගමය පසුගාමී ආකල්ප සහිත දොස්තරලා අල්ලාගෙන කරන්නේ අධ්යාපනය වානිජකරණය වූ නවීන සමාජ තත්වයන් තුළ පවා තම වෘත්තියට පිරිස් ඇතුළුවීම සීමා කර තබාගෙන වෛද්ය ශ්රම හිඟයක් මවා පා වරප්රසාදිත තත්වයක් භුක්ති විඳිමින් පීඩිතයන් සූරාකෑමටයි.