අලි පටලැවිල්ල

Posted on July 31, 2009



මල්වතු අස්ගිරි උභය පාර්ශවය නියෝජනය කරන මහනාහිමි වරුන්ට පවා නැති ළතෙත් ගතියක් අපේ ජනාධිපති තුමන්හට ඇතැයි එතුමා පැහැදිලිව රටටම පෙන්වා දී ඇත.

ඒ අලි පටලැවිල්ලට තමාම මැදිහත්වීමෙනි.

මෙම අලි පටලැවිල්ල නිසා මෙවැනි තවත් බොහෝ අපූරු දේ උගන්නට අපට හැකිවිය. ඒ අතර පහත දැක්වෙන දේ ප‍්‍රධාන ය.

  1. දියවඩන නිලමෙ තුමා වනජීවි දෙපාර්තමේන්තුවට වඩා බලවත් බව ය.
  2. කොටි අතුගා දැමීමත් සමග මිනිසුන්ගේ ප‍්‍රශ්න විසදී ඇති නිසා දැන් අපි වන ජීවින්ගේ ප‍්‍රශ්න දෙස බැලිය යුතු බව ය.
  3. දරුවෙකු මවකගෙන් වෙන් කරන්නේ පුන්‍ය කටයුත්තකට නම් එහි බරපතල පවක් නැති බව ය.
  4. අත දරුවන්ට කිට්ටු වයසේ දරුවන් පවා සාසනයට පුදන රටක අලි පැටියෙකු පිදුවාට  ගණන් ගත යුත්තක් නැති බව ය.
  5. අපේ ජනතාව උතුරේ අවතැන් ජනතාවට දක්වන අනුකම්පාවට වඩා වැඩි අනුකම්පාවක් අලින් සම්බන්ධයෙන් දක්ව න බව ය.
  6. ලංකාවේ මාධ්‍යවලට ජනතාවගේ හදවතට දැනෙන යමක් කතා කිරීම සදහා අලුත් මාතෘකා සොයා ගන්නට තිබෙන බව ය.
  7. එන්ජීඔ් කාරයෝ බෞද්ධයින් පෙරහැර කරනවාට අකමැති බව ය.
  8. ජනාධිපති තුමා මේ වතාවේ නම් එන්ජීඔ් උගුලට අසුවී ඇති බව ය.

ප‍්‍රශ්නය කෙතරම් ව්‍යාකූල ද යත් ජනතාවට පැත්තක් ගත නොහැකිව අතරමංව තිබේ. අලි පැටියාගේ පැත්ත ගත්තොත් පන්සල අසරණ වෙන්නේ ය. පන්සලේ පැත්ත ගත්තොත් ජනපති වැරදි කාරයෙක් වෙන්නේ ය. මග හිටියොත් තමනුත් ගෙදර ගියොත් අඹුත් නසින්නේ ය.

හත්වලාමේ, දැන් ඉතින් මොකද කරන්නෙ?

Posted in: Uncategorized