බුද්ධිය පමා නොවී පහළ වේවා යයි පතමු

Posted on July 26, 2009



දැන් යුද්ධය තාවකාලිකව හෝ ‘අවසන්’ වී ඇත. ඊළගට කුමක් ද?

යුද්ධය හේතුවෙන් වියදම් වූ මුදල් දැන් වඩා ප‍්‍රයෝජනවත් දෙයක යෙදවිය හැකි ය. එසේ යොදවන ක්ෂේත‍්‍ර නම් මේ යැයි කියා රටට දැන්වත් කියනවා නම් හොඳ ය.

එතකොට ජනතාවට ද ඒ ක්ෂේත‍්‍රයන්හි යම් ඉඩ හසරක් තමන්ටත් ඇතිවෙන්නට පුලුවන් යයි සිතා යමක් සැළසුම් කිරිමට හැකි වනු ඇත.

එහෙත් එහෙම වගක්වත් නැත.

තව තව ඇමතිවරු බඳවා ගන්නවාට අමතරව අපට පෙනෙන්නේ රැකියා සඳහා තම ගෝලබාලයින් බඳවා ගැනීම පමණකි. ඒ මාස දෙක තුනකට වරක් පැවැත්වෙන කුමක් හෝ මැතිවරණයන්ට හා එවන්විටෙක ඒඒ පළාත්වල ජනයා සඳහා දාන ශාලා ඇරීමට  අමතර වශයෙනි.

තමන්ගේ අයට සංග‍්‍රහ කිරීම යහපත් දෙයකි. එහෙත් ජනතාවගේ බදු මුදල් වලින් ජනතාවට දැනෙන යමක් නොකර කරන මෙවන් කටයුතු නම් යහපත් යයි කියන්නට අපේ දිව නොනැමේ.

අවසානයේ නටපු තොවිලෙකුත් නැති බෙරේ පලුවකුත් නැති තත්වයට පත්වන්නේ රට ගැන සැළසුමක් නැතිව මෙසේ තමන්ගේ හා පරපුරේ අනාගතය ගැන පමණක් සංවේදී වීම නිසා කරන අහම්බ වැඩ වලිනි.

යුද්ධය තාවකාලිකව හෝ ‘අවසන්’ කළා මෙන් මෙම දේශද්‍රෝහී වැඩ පිළිවෙලත් ඉක්මණින් අවසන් වනු දැක්ම ජනතාවගේ අපේක්ෂාව ය.

බත් කන ජනතාව වෙනුවෙන් අපි මෙම ප‍්‍රශ්නය රජයෙන් නගමු. දැන්වත් වැඩට බහිමු ද?

හිරකඳවුරු වල ගාල් කර ඇති ජනතාවත් ඉක්මණින් නිදහස් කොට දැන්වත් රටට දැනෙන යමක් කළොත් කළ පව් කොටසක් වත් සෝදා ගත හැකි ය.

ප‍්‍රමාද වුවහොත් වෙන්නේ අවසන් වූ එක් යුද්ධයක් වෙනුවට යුද්ධ දෙකක් උතුරෙත් දකුණෙත් එකවර ඇතිවීම ය.

(අප මෙම ප‍්‍රශ්නය නගන්නේ ජෝර්දානයෙන් ඉරානයෙන් රැසියාවෙන් ලැබුණු ණය වළඳා දැන් ජාත්‍යන්තර මුල්‍ය අරමුදලෙන් තවත් ණයක් ලැබෙන තෙක් බලා සිටිනා ආණ්ඩුවකින් බව අපි දනිමු. එහෙත් උන්ගෙන් නො අසා මේ ප‍්‍රශ්නය වෙන කාගෙන් අහන්න ද?)

Posted in: Uncategorized