ජාත්‍යන්තර අරමුදලට උම්මා එකක් – අනේ අම්මප උඹ ගැන එක එකා කියූ කතා! අපි නම් ඕවා විශ්වාස කළේ නැත

Posted on July 25, 2009



ජාත්‍යන්තර මුල්‍ය අරමුදලට උම්මා එකක් දෙන්නට මට සිතුනේ අප රට විසින් ඉල්ලා ඇති ණය අනුමත කර ඇති බවට ආරංචිය කණ වැකීමත් සමග ය.

ඇමරිකාව ඇතුළු සුද්දන් සිතා සිටියේ ජාත්‍යන්තර අරමුදල ලවා අපට කෙළ වන්නට ය. ඇත්තටම සුද්දාට දෙකක් කතා කළ අපේ ජනාධිපති තුමාගේ කටට බයවී උන් ණය අනුමත කරන්නට ඇතැයි ජනතාව දත යුතු ය.

ගැලවූ ප්ල්ග් එක මෙසේ අපි ඉල්ලා ගසා ගත්තෙමු (කොහේදැයි අසා අපට කොචොක් කරන නරුමයන්ගෙන් අපට අඩුවක් නැත. අපට උන්ට කීමට ඇත්තේ අපි කොහේ ගහගත්තත් උඹලාට මොකද කියා ය).

එදා ප්ල්ග් එක දිගේ ආවේ කොන්දේසි ය. ඇත්තටම අපේ ජනාධිපති තුමාගේ කතාවට සුද්දා කොපමණ බය වී ද යත් මෙදා කොන්දේසි නැතිව එක දිගට එය දිගේ ගලා එ‍න්නේ අරමුදල් ය.

දෙන දෙවියෝ ගෙදරටම ගෙනැවිත් දෙනවා යයි කියන්නේ මේවාට ය‍. මේ අනුග්‍රහය ගැන ඉරිසියාවෙන් කතා කරන්නට ඉදිරිපත් වෙන විපක්ෂ කාක්කන්ට අපට කීමට ඇත්තේ දැන් තවත් මාස කීපයක් අපට ආවිස ලැබී ඇති බව ය. තොපේ අපේක්ෂාවන් ඉටු වීම මේ නිසා තවත් කල් යන බව ය. ඒ නිසා අපේ නායකතුමාගේ ඉතිරි හරියත් ශක්තිමත් කරන්නට අපේ පැත්තට දැන්වත් එන ලෙස ය.

මො‍්ඩ හරකුනේ, අපෙත් තොපෙත් වෙනසක් නැති බව පෙන්වා තිබියදීත් ඔය පැත්තටම වී නව නිග්‍රහ විදින්නේ ඇයි ද යන ප්‍රශ්නය තොපේ ඔලුවලට වැටෙන්නේ නැත් ද?

මේ අල ගෙඩිය කවදා වැටෙන්නේ දැයි සිතමින් උඹලා මෙතෙක් කල් බලා සිටියාහු ය. ඒ පස්සෙන් පෙරහැරේ ගියාහු ය.

එදාවේල ටුවර්ස් වුනාට මේ කරත්තයත් බර බරේ ඉදිරියට යන බවත් ගොනාට තව මයිල ගණනක් යෑමට පිදුරු ටිකක් ලැබී ඇති බවත් දැන ගනුව! ගොඩ වෙව!

කරත්තය කඩා වැටුනු දාකට අපිත් ‍ඉක්මණට මින් පැන ගැනීමට බලා ගෙන සිටිමු. එහෙත් මෙය බර බරේ හෝ ඉදිරියට යන කම් පයින් ගාටන්නට තොපට මෙන් අපට අමාරුවක් නැත.

අඩු ගණනේ ඉදිරි පළාත් සභා මැතිවරණ ප්‍රථිඵල වලින් පසුවවත් උඹලාට අහවල් එක පහළ වනු ඇතැයි අපි උදක්ම පතමු.

Posted in: Uncategorized