මෙහෙව් රටකට ඉරකුත් පායනවා ද?

Posted on July 13, 2009



කැළණිය ප්‍රාදේශීය සභාවේ සභාපති තුමාගේ නිවසට පහර එල්ල කොට ඔහුගේ බිරිද හා දියණියට තුවාල සිදු කර ඇත්තේ හදුනා නොගත් කණ්ඩායමක් විසිනි.

කැළණියේ මොනවා වුනත් අහුවන්නේ අපට සිටින දේශප්‍රේමීන් අතර ඉහළින්ම සිටින මර්වින් සිල්වා ආචාර්ය තුමන් ය. ඒ නිසා බොහෝ දෙනෙක් නොකියා කියන්නේ මේ පිටුපස එතුමන් සිටින බව කි.

සිරස මහාරාජාට විරුද්ධවත් ප්‍රභාකරන්ගේ සහචරයන්ට විරුද්ධව දකුණුලක පුරාත් ඉනුත් නොනැවතී ඉතාලියේත් මහ සටන් කොට ජයගත් අපේ දේශප්‍රේමී සෙනෙවියෙකුව මෙසේ අනීවාරතේ සැක කිරීම වැරදි ය.

මා හිතන්නේ ජනාධිපතිතුමන්ගේ විජයග්‍රහණයේදී දුමින්ද සිල්වා තරමටම හරි හරියට කටඅවුට් ගැසුවේ මර්වින් සිල්වා බව ය.

එහෙම වීර‍වරයෙකුට චෝදනාවක් එල්ල කිරීමට කිඹුහුමක් යනකම් බලා හිටින ජාතී ද්‍රෝහීන්ගෙන් ලංකාවට අඩුවක් නැත.

ජනාධිපති තුමා මැදිහත්වී මේ කුමන්ත්‍රණය පරාජය කළ යුතු බව අපි උදක්ම කියමු.

කැළණිය ප්‍රාදේශීය සභාවේ සභාපති තුමා අපේ දුටුගැමුණු පරපුරෙන් පැවත එන ශ්‍රීමතාණන් ගැන ඉරිසියාවෙන් මේ කටයුත්ත තමන්ම කර ගත්තා වන්නට බැරි ද? එහෙමට කියන්නට තරම් පරපුරක් තමන්ට නැති එකේ වාඩුව ගැනීම සදහා මෙවැනි මෙහෙයුමක් කිරීම ගැන අප උරණ විය යුත්තේ සභාපති වරයා සමග ය.

සිරසට ගැහුවේ සිරස ම බව අපි හොදාකාරව දනිමු. උපාලි තෙන්නකෝන් සල්ලි දී තමන්ටම ගසා ගත් බව ද අපි දනිමු. එවන් රටක මේ සභාපතියා අපේ විරුවාණන්ගේ ඇගේ මඩ ගෑමට තමන්ම තමන්ට ගසා ගත්තා වන්නට බැරි ද?

මෙහෙව් රටකට ඉරකුත් පායනවා ද?

Posted in: Uncategorized