ගැලවුම්කරුවා ගොනෙකු කළ අපේ යුගයේ කතාව

Posted on July 12, 2009



“රජය අවතැන් කඳවුරුගත වූ ජනයා රැක බලා ගන්නා බව කීවද, ඒ වෙනුවට ඔවුන් සතුන් ලෙස සිර කර ඇති බවද, ඔවුන් නිදහස් කරනු ලබන දිනයක් නිශ්චිත නොමැති බවද, මේ ඔස්සේ අනාගතයේ තවත් අර්බුදයක් කැඳවමින් තිබෙන බවද දෙමළ එක්සත් විමුක්ති පෙරමුණේ නායක ආනන්ද සංගරී නිව්යෝක් ටයිම්ස් පුවත්පතට පවසයි. …..

…..එහෙත් මෙම කඳවුරු දිගු කලක් තිස්සේ සඟවා තබා ගන්නා විට කෑම, ඉඳුම්-හිටුම් හා ආදී දේ සඳහා අවශ්‍ය ඩොලර් මිලියන් ගණන් සඳහා විදේශ සහාය දිගටම ලබාගැනීමට ලංකාවේ රජය අසමත් වනු ඇති බව පුවත්පත පවසයි. “අප දිගටම උදව් කළහොත් අප මෙම මිනිසුන්ගේ ‍ජේලර්වරුන් වනු ඇත,”යි එක් තානාපතිවරයකු කී බව වාර්තාවේ සඳහන් වේ”.

ඉහත උපුටා ගැනීම w3lanka බ්ලොග් අඩවියෙනි

ඒ සටහනට උත්තර බදින මිගාර මහත්තයා මෙසේ කියයි

“ආනන්දසංගරී ගොනෙක් වගේ ප්‍රකාශ නිකුත් කර කර ඉන්නවට වඩා මේ මිනිස්සුන්ට උදවු කරන්න කියලා ජාත්‍යන්තරයෙන් ඉල්ලුවා නම් නේද් ඇත්තටම අගය තියෙන්නේ?”

ආනන්ද සංගරී කොටින්ට විරුද්ධව කතා කරන කාලයේ ඔහු දෙමළ ජනයාගේ හද ගැහෙනා රාවය පළ කළ පුද්ගලයා විය. දැන් කොටි නැති කල ඔහුගේ හඩ ද දෙමළ අන්තවාදී හඩක් වී තිබේ.

ඇත්තටම තමන්ගේ ජනතාව වෙනුවෙන් කතා කරන්නට අද දෙමළ නායකයින්ට වරම් නැත. කරන්නට හැකි එකම දේ ඉෂ්ඨ දේවතාවා කරන්නක් ඉවසා වැදෑරීම පමණකි.

මංගල සමරවීරගෙන් හා ශ්‍රීපති ගෙන් ප්‍රයෝජන ගෙන අත් හැරි විදිහටම ජවිපෙන් ප්‍රයෝජන ගෙන අත්හැරි විදිහටම ආනන්ද සංගරීගෙනුත් ප්‍රයෝජන ගෙන අත්හැරීමේ යුගය දැන් එළඹ ඇත්තේ ය.

ජනාධිපතිවරණය අවසානයේ ජනතා‍වගෙන් ද ප්‍රයෝජන ගෙන ඉවර නිසා ඔවුන් අතැරීමට ද නියමිත ය.

එදාට ඉහළ යන බඩුමිල නිසා ද අර්බුදයට යන ආර්ථිකය නිසා ද අවුලට පත් වෙන පරිපාලනය නිසා ද බැට කන ජනතාවට සිදුවන්නේ ද ඉහත අයට වූවා සේ හූල්ලන්නට පමණ ය.

ආනන්ද සංගරීට එසේ වූවාට අපේ රජ්ජුරුවෝ අපට එසේ නොකරතැයි සිතන ජනතාව ගැන අපට ඇත්තේ අනුකම්පාවකි.

Advertisements
Posted in: Uncategorized