ලංකාව අප්‍රිකාවක් කරන්නට සැරසෙන “අපේ අයියලා”ගේ වැඩ කිඩ

Posted on June 22, 2009



පහත දැක්වෙන්නේ මේ දිනවල මහත් පරිශ්‍රමයෙන් ගොඩ නගන්න හදන රටේ ස්වභාවය, මතු කෙසේ විය හැකි දැයි යන්න දැන ගත හැකි දත්ත සමූහයකි.

පිළිවෙල        රට     ‍ජනගහණ වර්ධනවේගය       ඇස්තමේන්තු වසර

1 Niger
7.75
2009 est.
2 Mali
7.29
2009 est.
3 Uganda
6.77
2009 est.
4 Afghanistan
6.53
2009 est.
5 Somalia
6.52
2009 est.
6 Burundi
6.33
2009 est.
7 Yemen
6.32
2009 est.
8 Burkina Faso
6.28
2009 est.
9 Congo, Democratic Republic of the
6.20
2009 est.
10 Angola
6.12
2009 est.
11 Ethiopia
6.12
2009 est.
12 Sierra Leone
5.88
2009 est.
13 Congo, Republic of the
5.84
2009 est.
14 Liberia
5.79
2009 est.
15 Western Sahara
5.61
2009 est.
16 Malawi
5.59
2009 est.

සිංහල ජනගහනය සීඝ්‍රයෙන් අඩුවෙමින් පවතින බැවින් එය ඉහල නැංවීම අරමුණු කරගෙන රයිගම් කෝරලයේ රයිගම් රාල කෙනෙක් විසින් ප්‍රචාරය කරන්නට යෙදුන වැඩ පිළිවෙලක් සම්බන්ධයෙන් මේ තොරතුරු සපයා තිබුනේ ඔහු විසින් ම ය. ඉහත දක්වා ඇත්තේ ජනගහණ වර්ධන වේගය අතින් කප් ගසා තිබූ මුල් රටවල් දහසය යි.

ඔහුට අනුව ලෝකයේ සෙසු රටවල් සන්සන්දනයේදී ශ්‍රී ලංකාවේ ජනගහන වේගය (1.99) ඉතා අඩු ය. එය තරමක් හෝ කිට්ටු වන්නේ ඇමරිකාව (2.05) කැනඩාව (1.58) සිංගප්පූරුව (1.09) හා යුරෝපාකරයේ ඇති ඒ සමාන වෙනත් ‘දුගී’ රටවලට ය.

(ඇත්තටම මේවා අපට ඔරොප්පු වූ රටවල් ය. අප සිට ගත යුත්තේ අපට ඔරොප්පු වූ රටවල් සමග එකට නොව අප සමග එකට සිටගත් අප්‍රිකා ආසියා රටවල් සමග ය.)

ඒ නිසා මේ තත්වයේ වෙනසක් පතන්නට ඔහු කැමති ය. ඔහු ඒ සදහා ඉදිරිපත් වී ඇති සංවිධානයක් ගැන ද ඔහු සදහන් කරයි. ඒ හෙල උදාව ජාතික ව්‍යාපාරයයි. ඉතින් මේ ව්‍යාපාරය හා එක්ව උන්දෑ‍ගේ කල්පනාව අප රටත් අප්‍රිකාවේ ආසි‍යාවේ ඉතාම නොදියුණු රටවල කිහිපය අතරට පත් කිරීමට ය. ඒ දහස් ගණනින් නොව ලක්ෂ ගණනින් වදන්නට පෙළඹවීමෙනි.

ඕන දෙයකට හොට දමා සවුත්තුවීමට ලක ලෑස්ති සිටින, එනමුදු දරුවන් වැදීම සම්බන්ධයෙන් නීත්‍යානුකූලව කිසිවක් කළ නොහැකි, හාමුදුරු කණ්ඩායමක් ද වයසට ගිය නිසා දරුවන් හැදීමේ කාර්යයට කෙළින්ම භෞතික දායකත්වයක් දිය නොහැකි ඊනියා විද්වතුන් කණ්ඩායමක් ද මේ සංවිධානය වෙනුවෙන් මේ පුණ්‍ය කාර්යයට අත ගසා ඇත.

එය වත්මන රට යන දිසාවටම යන බැවින් බොහෝ දෙනෙක් විසින් නිවැරදි යයි පිළිගන්නට ඉඩ ඇති බැවින් ද ඒ ගැන විමසිය යුතු ය.

මේ අයගේ උත්සහය අප්‍රිකාවේ ගෝත්‍රික යුද්ධවලින්, සාගතයෙන් හා ආර්ථික දරිද්‍රතාවයෙන් පෙලෙන රටවල් ගොල්ලට අපවත් තල්ලු කර දැමීමට ය. උපත් වර්ධන වේගයෙන් කප් ගසා ඇති රටවල් ‍දහසයම පාහේ වැලේ වැල් නැති එවැනි රටවල් ය. අනුන්ගෙන් අත පා ජීවත්වන රටවල් ය.

මුන් හෙලයට උදාකරන්නට හදන අනාගතයට දැන් පිඹුරු පත් සකසා අවසාන ය.

එහෙත් අනිත් සියල්ල සාර්ථක වුව ද අපේ රටේ අම්මලා නම් මේ ගොන්කමට සහභාගි කරවා ගැනීමට උන්ට පහසු වන එකක් නැත. අඩ අඩා හිටියාට අපේ රටේ ඉන්නා වාහේලාට වඩා උන්ට ප්‍රායෝගික නුවණ ඇති නිසා ය.

ඒ උන් ගෑනුන් නිසා ය. උපත් පාලනය නිසා විදි නිදහස පිළිබද අත්දැකීම් ඇති ගෑණු නිසා ය.

(ගෑණු ඕනෑවට වඩා නිදහස ලැබුයේ මේ උපත්පාලනය නිසා ය. උන් දරුවන් සමග ගෙදරට ගාල් කර තැබිය හැකි නම් පිරිමින්ට ඊට වඩා සහනයක් තවත් නැත. මේ උපත්පාලනයට විරුද්ධ පෙළ ගැසීම තුළ සැබෑවට ඇත්තේ ඒ වුවමනාව ද?)

Posted in: Uncategorized