අවතැන්වූවන්ට දෙන දෙයින් පංගුවක් මංකොල්ල කෑමට ආණ්ඩුව සැරසෙයි

Posted on April 30, 2009



අවතැන්වූවන්ට විදේශවලින් ලැබෙන ද්‍රව්‍යමය ආධාර සඳහා තීරු බදු අය කිරීමේ තීරණය වෙනස් කිරීමට රජය සූදානම් නැතැයි ඊයේ නෙත් එෆ් එම් ගුවන්විදුලිය වාර්ථා කළේ ය.

මෙසේ එවන ද්‍රව්‍යමය ආධාර ලංකාවෙන් මිලදී ගත හැකි බිස්කට්, කිරිවර්ග හා පානීය ද්‍රව්‍ය නිසා මෙසේ තීරු බදු අය කිරීමෙන් දේශිය කර්මාන්තයට විය හැකි තර්ජනය වැළැක්වීම ආණ්ඩුවේ අරමුණ බව ද කියවිනි.

ඉතින් විදේශිය මහත්වරුනි, උඹලා ආධාර දුන්නාට කමක් නැත. එහෙත් ආණ්ඩුව නැමැති මංකොල්ල කරුවාට බදු ගෙවීමට ද ලෑස්ති වී ආධාර දිය යුතු ය.

අවතැන් වූවන්ට වියලි ආහාර ද්‍රව්‍ය හා පානයන් මිසක මේ වෙලාවේ දිය හැකි වෙන යමක් ඇත්නම් ඒ බෙහෙත් හේත් ය. විදේශවල සිටින අයට ඒවා මෙහෙන් මිලදී ගැනීමට ද බැරි ය. උන්ට ළයෙහි තෙතක් තිබෙනවා කළ යුත්තේ ආණ්ඩුවේ මංකොල්ලයට යටත් වීම ය.

මේ වෙලාවේ කොහෙන් ආවත් කමක් නැති විදේශ විනිමය අපට වුවමනා වී තිබේ. ඒ නිසා අවතැන්වූවන් ගැන පමණක් නොව අපගේ අමන ආණ්ඩුව ගැන ද අනුකම්පාවෙන් බදු ගෙවා හෝ අවතැන් වූවන්ට සළකන මෙන් දේශ හිතෛශීයව එන්ජී ඕ කාරයින්ට බලකිරීමට අපි කැමැත්තෙමු.

සමහර හිගන්නෝත් මෙසේ තමන්ට සිගමන් දෙන අයට ගෙම්බර් දමන්නට පුරුදුව සිටිති. මේ නාඩගම රග දැක්වෙන්නේත් ඒ භූමියේම ය.

Advertisements
Posted in: Uncategorized