පාසල් එන අම්මලාට සාරි අන්දන්නට දත කවන අපේ විදුහල්පතිවරු

තමන් වෙතට එන ලමයින්ට ගෙම්බර් දැමීමෙන් සෑහිමකට පත් නොවූ විදුහල්පති වරු පිරිසක් දැන් තම ආධිපත්‍ය පාසලට එන අම්මලා වෙත ද පැතිරවීමට පටන්ගෙන තිබේ.

ඒ සාරි ඇරෙන්නට වෙනත් කිසිම ඇඳුමක් පාසලට ඇඳගෙන ඒම තහනම් කිරීමෙනි.

මා දන්නා තරමින් එහෙම චක‍්‍රලේඛන උපදෙස් ඉතාමත් පසුගාමී චින්තනයක් සහිත මේ ආණ්ඩුවේ අධ්‍යාපන කන්තෝරුවලින් වත් නිකුත් කර නැත.

එසේ නම් මේ බලය ලැබෙන්නේ කොහෙන්ද ? රට තුළ පවතින ජාතික චින්තන මළ ඉලව්වෙනි. තාත්තලාට නැති කොන්දේසි අම්මලාට පැටවෙන්නේ ඒ ඉලව්වට පින්සිදු වන්නට ය.

සාරි අඳින්නේ නැති විශාල කාන්තාවන් පිරිසක් රටේ වෙසෙති. ඔවුන් සාරියක් අඳින්නේ මගුල් ගෙදරකට පමණක් විය හැකි ය. එක් පැත්තකින් මෙය ආර්ථික වින්නැහියක් ඇති වෙලාවේ අම්මලා වෙත පටවන අමතර බරකි.

මේ තහංචියට හේතු හැටියට දක්වන්නේ එවැනි විච්චූරණ ඇඳුම් පාසල ඇඳීමෙන් ඉහළ පන්තිවල ඉගෙන ගන්නා දරුවන්ගේ ලිංගික ආසාවන් කුළු ගැන්වී ඉගෙනීමට බාධා පැමිණවීමට සිදුවීමත් පාසල තුළ නොසන්සුන්තාවයන් ඇතිවිය හැකි වීමත් ය.

මා දන්නා තරමින් සාරිය තරම් කෙනෙකුගේ ලිංගික ආසාවන් කුළු ගැන්විය හැකි වෙනත් ඇඳමක් කාන්තාවන් සතුව නැත.

මේ බව වඩාත් හොඳින් විස්තර කළේ ලංකාවට පැමිණි ලතින් ඇමරිකානු රටක මිත‍්‍රයෙකි. ඔබ වඩාත් කැමති දේ කුමක් දැයි ඇසූවිට ඔහු කීවේ සාරිය කියා ය. වැඩිදුර විස්තර ඇසුවිට ඔහු හේතු ද පැවසුවේ ය. ඒක තමයි මා දැක තිබෙන ලිංගික අසාවන් වඩාත් කුළු ගන්වන ඇඳුම. එක පැත්තකින් බුරිය පේන්න අඳින්න පුලූවන් කම. අනිත් පැත්තෙන් පිටේ විශාල ප‍්‍රදේශයක් නිරාවරණය වි තිබීම. අනිත් අතට ලලනාවක සතු සියලූ සුන්දර රේඛා ලස්සනට සගවා ඉදිරිපත් කිරීම. වටොර උකුල මේ සියල්ල වඩාත් තීව‍්‍රව මතුවෙන ආකාරයටත් වඩාත් සියුම්ව මවා ගත හැකි ආකාරයටත් දක්වා තිබීම.

ඇත්තටම හේතුව කුමක් දැයි දැන් අපට හිතා ගත හැකි ය. එහෙත් විදුහල්පතිවරුන්ගේ ලිංගික ආසාවන් සපුරාලනු වස් අම්මලා සාරි ඇඳිය යුතු ද?

පාසල තහංචි පනවන මධ්‍යස්ථානයක සිට වඩා නිර්මාණාත්මක මතවාදයන් සකසන නව දැනුම සකසන මධ්‍යස්ථානයක් බවට පෙරලෙන්නේ කවදා ද?

Advertisements

Posted in: Uncategorized