Nuwan’s Lane හරහා ස්වර්ගයට

Posted on March 31, 2009



දේශය රන් විමනක් වේ
ආගම මිණි පහණක් වේ
මේ දෙක විකුණුවොත් පුතේ
ජිවත් වන්නට දියතේ
වෙන මගුලක්  ඕන නැතේ

රාමවික‍්‍රමගේ සමන් ලා
නුවන් ලා දිසාලා සමග එක්වෙලා
සීරුවෙන් මාරුවෙන් විකුණුවා
ඒ දෙකම

මේ දෙක විකූණන්න
වෙන අයට දෙන්න බෑ
මේ අපේ උරුමය

එහෙම කොහොම ද
අපිටත් පුලූවන්
සිරස ද ඩයලොග් ද
පෝලිමට එක්වුණා

දැන් හැමෝම එක්වෙලා
විකූණනව අගේ ට
රන් විමනයි මිණි පහණයි
දිගට හා හරහට

ඇවිත් ගන්න
හරිම අගෙයි
දැනෙන්නෙ නෑ
සාගින්දර
පෙනෙන්නෙ නෑ
දුක් ගින්දර
ගෙනයනවා ස්වර්ගයටම
එකෙක් පරයමින් කෑගසයි අනෙකා

ඇත්තටම සුපර් ය
ඒ බඩු දෙකම

විකූණන්න ඇති අයිතිය තමන්ට පමණක් ඉල්ලා
හෙට අනිද්දා නඩු යනවා
මේ ගොල්ලා ඔක්කොම
ඒ තරමට සරුයි
මේ දෙකට ඉල්ලූම
සෙල්ලම් ද කොල්ලො
රන් හා මැණික් කිව්වහම

Posted in: Uncategorized