ගංගනාත් රට හැර යයි

Posted on March 29, 2009



මහාචාර්ය තුමා රට යෑමට මොහොතකට පෙර අප වෙනුවෙන් විශේෂ ප‍්‍රවෘත්ති සාකච්ඡුාවක් පැවැත්වූයේ ය.

“මේ කැමැත්තකින් යනවා නෙවෙයි ඇත්තටම තදින් කළකිරීම නිසා යන ගමනක්.”

“අහන්නත් දෙයක් ද? සුදුවෑන් එකකිනුත් උස්සගෙන ගියා ට පස්සෙ.” අපිත් එතුමා සමග කළකිරීම බෙදා ගැනීමට වෑයම් කළෙමු.

“සෑහෙන්න බයක් එහෙමත් දැනෙන්න ඇති නෙ”

“ඕනම කෙනෙක් බය වෙනව. ඒ වෙච්ච දේට. හැබැයි මගේ හිතේ අමාරුව වැඩියෙන්ම තියෙන්නෙ ආණ්ඩුව ගැන”

“මොකද්ද ඔබ තුමා කිව්වෙ”

“නෑ, මං කියන්නෙ නායකයෙක් ගැන වත් එකග වෙන්න බැරි දුර්වල පක්ෂයක් තමන්ගෙ විරුද්ධ වාදීන් සුදුවෑන් දාල උස්සද්දි, ඒ ගැන සාක්ෂි දෙන්නත් මිනිස්සු ඉන්දෙද්දි, පොලීසිය පහුවෙනිද වෙනකොට ම මේක යූඇන්පියේ වැඩක් කියල එලිපිට කියන්න තරමට හෝඩුවාවන් හොයා ගනිද්දි, ආණ්ඩුව මුකුත් කර ගන්න බැරි අසරණ තත්වයකට වැටිල නෙ ඉන්නෙ”

මහාචාර්ය තුමාට කණගාටු ආණ්ඩුව ගැනය. අපි තුෂ්නිම්භූතව අසා සිටියෙමු.

“දැන් බලන්න ආණ්ඩුව අපහසුතාවයට පත් කරන්න වැඩ කීයක් නම් මේ දුර්වල විරුදධ පක්ෂය විසින් දියත් කරා ද කෝ එකක් වත් අල්ල ගත්තෙ නැහැනෙ”

“ඉතින් ඔබතුමා හිතන්නෙ ඔබතුමා උස්සපු කතන්දරේවත් පොලිසිය හොයාගන්න එකක් නැත් ද?”

“පිස්සු ද? පොලිසියෙ ලොක්කගෙ ඉඳල පහලට ඉන්නෙ යූ ඇන් පී කාරයො. ඉතින් යූ ඇන් පී ය කරන මේ ජරා වැඩ උන් අල්ලයි කියල ඇත්තටම ඔයාට හිතෙනව ද?”

බලා ගෙන ගියාම වෙන්න බැරි කමක් නැත.  ඕකත් අධිරාජ්‍ය වාදී එන්ජී ඕ කොටි අක්ෂයේ කුමන්ත‍්‍රණයක් විය හැකි ය. එහෙත් මෙච්චර බලගතු ආණ්ඩුවක් තමන්ගේ පොලීසිය හිලෑ කරගන්නට බැරිව ඉන්නවා යයි හිතන්නට ටිකක් අමාරුය.

“පොලීසියේ යූ ඇන් පී කාරයො ඉන්නවට වඩා කිසි දෙයක් කර ගන්න බැරිවුන් ඉන්නවයි කියල කිව්වොත්”

“කොච්චර විලි ලජ්ජා නැතිවැඩක් ද? ඒ රටම නෝන්ජල් වෙන කතාවක් නෙ. මේ වෙලාවෙ එහෙම කියන්නෙ කොටින්ට කඬේ යන අය. වීරෝදාර රණ විරුවන්ට එහෙම අපහාස කරන්න එපා” ගංගනාත් ට මළ පැනලා වගේ නිසා කෝකටත් ටිකක් පිටිපස්සට ගියෙමු.

ඇත්තටම පොලිසියට බැරි යයි කියනවාට වඩා මේක අධිරාජ්‍ය වාදී කුමන්ත‍්‍රණයක ප‍්‍රථිපලයයි කීම ලස්සණ ය. ඇත්තටම මාධ්‍ය වේදීන්ගෙන් මේ ආධුනික බ්ලොග්කරුවන් වූ අපට කොච්චර ඉගෙන ගන්නට තියෙනවා දැයි සිතමින් අපි එතුමාගෙන් සමුගත්තෙමු.

Advertisements
Posted in: Uncategorized