ඔය බ්ලොග් එක උඹ අකුල ගන්නව ද නැත් ද?

Posted on March 27, 2009



“මේක හරිම අසාධාරණයි. උන්ට රිංගන්න හොඳයි. අපේ උන් රිංගුවහම නරකයි.” ලෝක බැංකුව ගැන බ්ලොග් සටහන කියවූ නිමල් මා වෙත කඩා පැන්නේ ය.

“නෑ නෑ එහෙම නෙවෙයි. රිංගන එක ගැන අනිත් උන්ට බැනල, දැන් රිංගන එක නොවැ ප‍්‍රශ්නෙ?” මම කීවෙමි.

“යකෝ හරි වැඩක් නෙ. අපි ඉල්ලූවෙ මේ රට වැටිල තියෙන ආර්ථික ආගාධයෙන් ගොඩ ගන්න නේ.” නිමල් නැවතත් කඩා පැනපි. “ඔව්! උඹලට ඕන රට ආගාධයට යනව දකින්නනෙ” නිමලෙ තවත් එකතු කරනව. “ඔව්, ඔව්, කරල බලපල්ල! කොටින්ට කඬේ යන වේ.. පු.. ලා” නිමලෙට දැන් හොඳටම නැගලා ය.

“ලෝක බැංකුවට ප්ල්ග් ගැහැව්වහම ආර්ථිකය බිංදුවට යනවයි කිව්ව උඹල එහෙනම් දැන් ප්ල්ග් එක නැතුව වෙන එකක් ගහල ද නග්ගන්න හදන්නෙ?” මටත් නිකම් ඉන්නට බැරි හැටි. වැටහුනේ කිව්වාට පසු ය.

“ඔය ප්ල්ග් කතාව කිව්වෙ විමල් වීරවංශ. අපි නෙවෙයි.”

“ඒවා කිව්වෙ උඹලගේ වේදිකාවෙ ඉඳන් නෙවෙයි ද එහෙම කිව්ව විමල් දැන් ඉන්නෙ උඹලත් එක්ක නෙවෙයි ද?”

“ඒ කිවිව කාලේ ඌ හිටියේ ජේවීපී එකේ.”

“ජේවීපී එක එතකොට කොහෙද හිටියෙ”

“යකෝ ඔය අතීතෙන් වැඩක් දැන් නෑ. දැන් මේ වෙලාවෙ රට ගොඩ ගන්න කල්පනා කරනව මිසක්. අපි කරල තියෙන හරිය මදි, තොපිලට!”

“එතකොට වෙන අයව විවේචනය කරන කොට අතීතය හොඳයි. උඹල විවේචනය කරන කොට තමයි ඒක අදාළ නැත්තෙ.”

“මං මේ අවසාන වතාවට කියන්නෙ, ඔය බ්ලොග් එක උඹ අකුල ගන්නව ද නැත් ද?”

Posted in: Uncategorized