ගැලවූ ප්ලග් එක නැවත ගැසීමට කාලය පැමිණ තිබේ

Posted on March 7, 2009



විදේශ විනිමය මෙන්ම මුදල් ද පහුගිය දවස්වල අතිශයින් උද්දාමයෙන් යුතුව අපි පුච්චා දැමුවෙමු නාස්ති කළෙමු ඒ කවර දේ වෙනුවෙන් දැයි නැවත නැවතත් කීමේ තේරුමක් නැත

ආණ්ඩුවට ප‍්‍රමාණවත් විදේශ විනිමය සංචිතයක් දැන් නැත ඒ සියල්ලේ අවසන් ප‍්‍රථිපල යයි

ලෝකබැංකුව වෙත හිගමනේ යන්නට සිදුවෙතැයි කියන විට ආණ්ඩුව එවන් අවශ්‍යතාවයක් නැතැයි කියා සිටියේ ය තමන්ට ලෝක බැංකු මුදල් අවශ්‍ය නැතැයි ආණ්ඩුව පහුගිය කාලයේ පාරම්බෑවේ ය ඊට ප‍්‍රබල හේතුවක් තිබිණි ඒ දේශපේ‍්‍රමිත්වය හරහා සංචිත පුරවා ගත හැකි ය යන අපේක්ෂාව ය

ආණ්ඩුව කළේ පිටරට සිටින දේශපේ‍්‍රමීන්ට රටට තමන් ඉපයූ මුදල් එවන ලෙස ආරාධනා කිරීමය සියයට විස්සක ප‍්‍රසාද දීමනාවක් ලබා දෙන පොරොන්දු මැද්දේ ද උන් පිහිටට ආවේ නැත

වැඩි පොලියට වෙළඳ ණය ගැනීමද ණය පියවීමේ හැකියාව පිළිබඳව ශ‍්‍රී ලංකාවට මෑතක දී ඇති ඍණාත්මක රේට්ටු නිසා වඩාත් දුෂ්කරව තිබේ පහුගිය කාලයේ ආණ්ඩුව අඩු පොලියට දෙන අරමුදල් පතා ලෝක බැංකුව වෙත යනු වෙනුවට කොන්දේසි විරහිත ණය ගැනීම සඳහා සාමාන්‍ය වෙළඳපොලේ වැඩි පොලියට ණය දෙන්නන් සොයා ගිය මුත් දැන් එය කරන්නට ද අපහසු ය

ඒ සියලූ අපේක්ෂා සුන්වූ පසු දැන් ලෝක බැංකුව වෙත දණ ගාමින් යන්නට ආණ්ඩුවට සිදු වී තිබේ

In what amounts to a vigorous change of heart – or a sudden acknowledgement of ground reality, the Central Bank of Sri Lanka yesterday announced  that  the government of Sri Lanka  is indeed negotiating with  International Monetary Fund(IMF) to seek US$1.9 billion ( ie Rs 219 billion) in the range  of  300%  of country’s current IMF quota.

– Daily Mirror Breaking News

ශ‍්‍රීලංකාව ඉල්ලා ඇත්තේ මුල්‍ය අරමුදල අප රට වෙනුවෙන් වෙන්කර ඇති මුදල මෙන් තුන් ගුණයකි එයින්ම අර්බුදයේ තරම පෙනේ

දේශපේ‍්‍රමය පුම්බා තිබෙන බැලූමකි එය ඇතුළතින් හිස් ය ආර්ථිකය බිඳවැටෙන කල දේශපේ‍්‍රමයේද හුලං බැස යයි

ආණ්ඩුව මේ මුහුණ දෙමින් සිටින්නේ ඒ යථාර්ථයට ය හෙට අනිද්දා ජනතාව ද ඒ යථාර්ථයට මුහුණ දීමට නියමිත ය

දැන් ඉතින් ජාත්‍යන්තර මූල්‍ය අරමුදල ඉදිරිපත් කරන කොන්දේසිවලට යටත්ව ණය ගැනීමට අපට සිදුවේ බොරු ගණන් දමා සංවර්ධන දර්ශකයින් පුම්බා ඇති නිසා අපට සහන පදනමක් යටතේ ණය ගැනීමට ද ඉඩක් නැත පොහොසත් රාජ්‍යයන්ට අරමුදල ණය දෙන්නේ වැඩි පොලියට බැවිනි දැන් තියෙන්නේ පිම්බූ දේ අමාරුවෙන් ගිලීමේ කාර්යයයි

ඔල්වරසන් හඩ මිලින වෙමින් තිබේ ඒ මහත දෙයක් ගිලින විට කෑගැසීම අමාරු නිසා ය

උතුරේ යුද්ධය මිලිනව යන්නේ දකුණේ යුද්ධයක් උත්පාදනය කරමින් ද 71, 88-89 නැවත කරලියට පැමිණෙයි ද?දැනටමත් ජවිපෙ වෘත්තීය සමිති ලංවිම ප‍්‍රතිසංවිධානය පිටුපස පුද්ගලීකරණයේ සැළසුම් ඇතැයි කියමින් යුද ප‍්‍රකාශ කර තිබේ!

විමල් වීරවංශ සහෝදරයා ප්ල්ග් එක හයි කිරීමට දේශපේ‍්‍රමයේ නාමයෙන් බකප් එකක් දෙයි ද? සහෝදරයා ඇරඹීමට නියමිත දකුණේ යුද්ධයේදී සිටිනු ඇත්තේ මොන පැත්තේද?

මේ ඇගවෙන්නේ හෙට අනිද්දා වනවිට දේශපේ‍්‍රමයේ මායිම් බොඳවී යනු ඇති බව ද

Posted in: Uncategorized