ඕක මෙහෙමයි වෙන්නෙ. අපි හිතමුකො මල්ලිට ප‍්‍රශ්නයක් තියෙනව; පුතා ඉස්කොලෙ දාගන්න, එහෙම නැත්නම් නෝනට මාරුවක් හදල දෙන්න, අයියව පොලිස් කූඩුවෙන් එලියට ගන්න, ලොකු කෙලීට රස්සාවක් අරන් දෙන්න, මැණික් ගරන්න හරි කැලෑ කපන්න හරි ලයිසමක් ගන්න, ඔය කොයික වුනත්, මල්ලි කල්පනා කර කර ඉන්න ඕන නෑ, කෙලින්ම ගියා එතුමා ලගට, කාරණේ කිව්ව.
ඔන්න එතුමා මල්ලි වෙනුවෙන් හිතන්න ගන්නව.
අනිත් අතට එතුමාට කරදරයක් තියෙනව; විරුද්ධපක්ෂයෙන් හරි කුමන්ත‍්‍රණකාරයෙක්ගෙන් හරි. එතුමා රටේ ජනතාවට කියනව, මල්ලිටත් කියනව.
ජනතාව දොස්මුරේ දානව, මල්ලි උන්ට අල්ලල නෙලනව.
ඔන්න ඔහොමයි වෙන්නෙ.
සමහරු නම් කියන්නෙ ඕක වෙන්නේ නිව්ටන්ගෙ ද කාගෙ ද තුන්වැනි නියමයට අනුව කියල
හැබැයි මට ඕක කිව්වෙ නිව්ටන් නම් නෙමෙයි සයිම. සයිම කියන්නෙ, අපි වෙනුවෙන් උන්; උන් වෙනුවෙන් අපි; කියලා. මම තමයි ඔය දෙක එකතු කළේ. අපි වෙනුවෙන් අපි කියලා. මං අහන්නෙ හොඳට ගැලපෙනව නෙ, මල්ලි.
randika
February 15, 2009
අයියා හරි අයියේ…දැන් තියෙන්නෙ ආකිමිඩිස්ගෙ ඉපිලුම් නියමයට අනුව යුරේකා යුරේකා කියලා කෑ ගහගෙන අයියා නිර්වස්ත්රයෙන් රෙදි නැතුව දුවන ගමන් අනිත් අයගේ රෙදි ගලවා ගලවා නිර්වස්ත්රකිරීම…
beyondframe
February 15, 2009
සිරසට ගහපු අය බැනියම ගැලෙව්වා. බීබීසියට පොලූ දාපු අය හිස් වැස්ම ගැලෙව්වා. කීත් නයියර්ට ගහපු අය සෙරෙප්පු ගැලෙව්වා. ලසන්ත මරපු අය සරම ගැලෙව්වා. උපාලි තෙන්නකෝන්ට පිහියෙන් ඇනපු අය අමුඩෙත් ගැලෙව්වා.
දැන් ඉතින් හෙලූවෙන් තමයි දුවන්න වෙන්නෙ.
කමක් නැහැ මිනිස් සු තාම හිතන් ඉන්නෙ සීතාම්බර පට සලූ ඇඳගෙනයි රජා දුවන්නෙ කියල.
උන් දැන් රන්දික මල්ලි වගේම දුවනව. නැවතෙනකම් ම හෙලූව පේන එකක් නැහැ. ආකිමිඩිස් ඕන වෙන්නෙ එතකොට. දැනට ඔහේ දුවමු.
පැන්ඩා
February 15, 2009
මේක මහ ලොකු සොයා ගැනීමක් නෙවෙයි. ඉතිහාසයේ අවුරුදු මිලියන ගණනාවකට කලිනුත් මේ දේ මෙහෙමම සිද්ද වුනා. රැහේ ඉන්න චණ්ඩියා (alpha male) අනෙක් වානර මානවයන්ට ආරක්ෂාව ලබා දුන්නා. ඒකට හිලව් ලෙස දඩමසින් කොටසක්, වඩා ආකර්ෂණීය ලිංගික සහකාරියන් වගේ දෙවල් ලැබුනා.
අපට ආණ්ඩුවක් අවශ්ය වන්නේ මේ ක්රමයට වඩා කාර්යක්ෂ්ම (efficient) ඵලදායී (productive) ක්රමයක් සඳහා. තේරුමක් නෑනෙ අපි අවුරුදු මිලියන ගණනක් පරණ ක්රමයක් භාවිතා කරන එකේ. නමුත් ජානගත පුරුදු නිසාද කොහේද අපි ආයෙත් යන්නේ එතෙන්ටමයි. අපි ටික දෙනෙක් කෑගහුවය කියලා මේ ක්රමය වෙනස් වෙන්නෙ නැහැ. ඊළඟ චන්දෙදිත් මිනිස්සු ‘අපේ මහත්තයට’ චන්දෙ දායි. සුවිශාල ආර්ථික සමාජයමය වෙනසකට වඩා ඔවුන්ට අවශ්ය තමන්ගේ එදිනෙදා සුළු වැඩ කටයුතුවලදි පොඩි හයියක් වෙන කෙනෙක්.