මේ දවස්වල වැස්ස ය. වැස්ස කරදරයක් වුව ද වැහි බිංදුවක් දෙකක් වැටුනාට අප ගණන් ගන්නේ නැත. පොද වැස්සක් වුව ඉවසන්නට සමහරුන්ට පුලූවන. ඒත් වැස්ස තද වනවිට අපට ආවරණයක් වුවමනා ය. ගෙදර ආවිට වහලය හිල්ව ගෙතුළ ද තෙමෙයි නම් එවිට දෙවියන් සිහිවීම වැළැක්විය නොහැකි ය. එවන් විටෙක අප බොහෝ සෙයින් අසරණ වන්නෙමු. කළකිරෙමු. නොතෙමෙන වහලක් තනන්නට අපි අදිටන් කරගන්නෙමු. වැස්ස තුරල් කල වෙලේ සිට ඒ ගැන වෙහෙසෙමු.
මට මේ සියල්ල මතක් වූයේ අපගේ බ්ලොග් අඩවියට ආ ප්රතිචාර (විශේෂයෙන් බොරුවට නිදාගන්නවුන් ඇහැරවීම යන සටහනට* පිළිබඳ සිත් යොමු කරමින් සිටින අතරතුරේ කඩා වැටුණු මහ වැස්සකින් ගේ තෙමෙන්නට වීමෙනි.
බල පුලූවන්කාරයා දුර්වලයා පෙලීම හැම තැනකම සිදුවන බවත් දෙමළා පෙළෙන්නේ ද ඒ පොදු සත්තාවයට අනුව බවත් එය හිරිහැර ලබන්නා දෙමළ වීම නිසා නොව හිරිහැරකරන්නාගේ එනම් බලපුලූවන්කාරයින්ගේ පටු මානසිකත්වය නිසා සිදුවන බවත් දෙමලූන් එය එසේ තේරුම්ගත යුතුබවත් ඒ ප්රතිචාරවල දක්වා තිබිණි.
සින්නතම්බීට හා පියසීලිට වූ දේ ඔවුහුද එසේ සැළකුවා විය හැකි ය. ඒ ගම ද ඇතුළත් කඳුකරය උතුර මෙන් තවමත් ගිනිගත්තේ නැත්තේ එබැවින් විය යුතු ය. සින්නතම්බිලාට පියසීලීලාට ඒවා වතුර බිංදු ය.
එහෙත් ඒ බ්ලොග් සටහනේ සඳහන් කර තිබුණු මුරලිදරන්ට වූ හදිය සම්බන්ධයෙනුත් අපට එසේ සිතිය හැකි ද? මුරලි ජාතික වස්තුවකි. අයියලාගෙන් ටොකු කනු ලැබීමට නියමිතව සිටි පුංචි මල්ලියෙකු නොවේ. එහෙත් හරියට අකුරු කීපයක්වත් ගොනු කර ගැනීමට අසමත් මාධ්යවේදී අයියලා මුරලි ෆුට්බෝල් පන්දුවකට ගත්තෝ ය.
අප රටේ බොහෝ මාධ්යවේදීන් හය හතර නොදන්නවා වුව ද පොදුවේ මාධ්යවේදීන්ට සමාජ බලයක් ඇත. බොහෝ රටවල ඔවුන් සැළකෙන්නනේ ව්යවස්ථාදායකය විධාකය අධිකරණය ලගට සිටින හතරවෙනි ආණ්ඩුව හැටියට ය. ඔවුන් මුරලිට කළ අවමානය ලඝු කොට සැළකිය නොහැක්කේ ඒ නිසා ය. දෙමලූන් දෙමලූන් වීම නිසා විඳින්නට වී ඇති අවමානය ඈත කුඩා ගමක නොව ජාතික මට්ටමේ දීම ක්රියාත්මක වන බව එය අපට කියා දෙයි.
ඒවා තවමත් පොදවැස්සක මට්ටමේන් එහාට ගියේ නැත. මුරලිගේ මුදල් හා සමාජබලය නැමැති කුඩය උස්සා මුරලි ඒ පොදවැස්සෙන් ආරක්ෂා වන්නට ඇත. කමිසය මත රැුඳුනු වැහි බිංදු කීපය මුරලි ගසා දමන්නට ඇත.
එත් යාපනයේ පොලිසිය ඉදිරියෙන් යනවිට බයිසිකලයෙන් බැසයන්නට වීම සමාන කළ හැක්කේ හිල් වූ වහලය සහිත තම ගෙයින් මතු වූ අසරණ භාවයට ය. එය වැහි බිංදුවලින් හෝ පොදවැස්සෙන් බැට කෑමට වඩා දරුණු ය. එලියේ වැටෙන අනෝරා වැස්සට ද වඩා දරුණු ය. එලියේ වැස්සෙන් තෙමීම දරාගත හැකි වුවද ගේ ඇතුළත දී වැස්සෙන් තෙමීම දරා ගත හැක්කක් නොවේ. යාපනය සිද්ධිය කියන්නේ ජාතික මට්ටමේ සිදුවන දේට ද වඩා දරුණු සංසිද්ධීන්වලට තමන් උපන් භූමියේදී තමන්ගේ ගෙදරදී තමන්ට මුහුණ දීමට සිදුව ඇති බව ය. මගේ බ්ලොග් අඩවියට ආ ප්රතිචාරය සින්නතම්බි ලගින් නතර විය. වැහි බිංදුවලින් එහාට ඒවා ගියේ නැත. අඩුවශයෙන් ඒවා මුරලි ලගටවත් පැමිණියේ නැත.
බයිසිකලය තල්ලූකරගෙන යෑමට සිදුවීමත් මහ කජ්ජක් දැයි කෙනෙකුට ප්රශ්න කළ හැකි ය. පළමුවෙන් කිව යුත්තේ දකුණේ තරුණයෙකුට සිදුනොවන දෙයක් උතුරේ තරුණයෙකුට සිදුවන විට එය කජ්ජක් වන බව ය. මේ කජ්ජ තවත් බොහෝ කජ්ජවල් ඇති වුන බවට ඉගියක් සපයන බව ය. මරාගෙන මැරෙන්නට මිනිසුන් නිකම්ම පොළඹවන්නට බැරි ය. එය පරම්පරා ගණනාවක් තිස්සේ විඳි දුක් ගැහැට එක් වර උතුරා යාමකි. හරියට කේතලයක වතුර නටනවාක් මෙනි.
කූඹියනේ උඹලාටත් රජෙක් ඇත්තේ
අපට රජෙක් නැත්තේ
ඒ නිසා අපි එක එකාගෙන් පීචං වෙමින් සිටිමු
අපි උපන් දේශය තුළම ආක්රමණිකයාගෙන් අවමන් ලබන්නෙමු
රජෙක් ලැබුණු දාට
අපි මගුල් කන්නම්
පෙරහැර කරන්නම්
සතොසින් නිදහසින් දිවි ගෙවන්නම්
වැහි දිය බේරෙන වහලෙන් ගේ තෙත බරියන් වී ඇත. වැස්ස තුරල් වනතුරු සිටින්නේ කුමක් හෝ කළ හැකි දැයි බැලීම ටය. වහළය හදාගතහොත් මම ද හෙට මගුල් කන්නෙමි.
වහළය හදාගත හැකි රජෙක් සොයනු පිණිස මම පාරට බැස්සෙමි. රජ කුමාරවරු මැදපෙරදිගට ද කැනඩාවට ද ඕස්ටේ්රලියාවට ද ඇමරිකාවට ද යුරෝපයට ද සංක්රමණය වී ඇත. ඒ නිසා රජ කෙනෙකු ලෙස කවරෙකු හෝ ඔටුනු පළඳා කැන්දාගෙන ආ යුතු ය. හැමදාම වසින වැස්සෙන් මගේ ගේ ඇතුළේම නාගන්නට මට බැරිය.
ප්රභාකරන් උතුරේ ජනතාවට හමුවන්නේ එසේ රජෙකු සොයමින් සිටින අතරතුරේ විය යුතු ය.
නිලන්ත
November 25, 2008
ඇත්තටම උන්නැහේ, ඔබතුමා මොකක්ද කියන්න හදන්නේ. දෙමළ මිනිස්සු ප්රභාකරන්ට එකතු වීම සාධාරණයි කියලද? කඳුකරයේ කට්ටිය තවම හරියට ප්රභාට සහය දක්වන්නේ නැත්තේ ඇයි කියලාද? බලය තියෙන කවුරු හෝ බලය නැති කවුරුන්ට හෝ පහර දෙනවා නම් ඒක වැරදිය. එසේ පහර වැදුනයි කියා තවත් අසරණ දුබල අයෙකුට පහර දේ නම් එය සාධාරණද? කොටින්ම බස් වල බෝම්බ පුපුරවන එක හරිද? ඔබතුමා කියන විදිහට එයත් සාධාරණයි. යමෙකුගේ සාධාරණ කේන්තිය ප්රභාකරන් තිරස්චීන ලෙස මෙහයවන බව කීමට උත්සහ දැරීම හොඳයි. ඒත් ඒ තිරස්චීන බව සාධාරණය කරන්න ඔබ වෙහෙසෙන හැටි නම් හරිම දුර්වලයි. ඔබ දෙමළ මිනිසුන් දුක් විදින හැටි හරියට දැකලා නැහැ. ඔබ බැරිවෙලාවත් එයත් දැක්කා නම් මොනවා ලියයිද දන්නේ නැහැ.
හොඳයි අපි කියමු. මෝඩ මිනිසුන් කිහිප දෙනෙක් (ඔවුන් සිංහල හෝ වේවා, මුස්ලිම් හෝ වේවා දෙමළ හෝ වේවා) පොලිසීය ඉදිරියෙන් යනවිට බයිසකලයෙන් බැස යන්න කී බැවින්, දෙමළ අය තමන්ට රජෙකු සෙවීමට ප්රභාකරන් හා එක් වූයේ යැයි කියා. දැන් මේ රැළ, ගම් පිටින් මිනිස්සු මරණ කල, බෝම්බ පුපුරවා නිරායුධ මිනිසුන් මරණ කල, ඔබ කියන්නේ කුමක් කළ යුතුයි කියාද? සාකච්ඡා කළ යුතුද? නායක මිනීමරුවා එයට ඉඩ දේවිද?
දැන් මොනවද මේ මුරලිදරන් ගැන කියන්නේ. සිවිල් බලය, ජනප්රිය බව මුරලිට ලැබෙන්නේ ක්රීඩාව තුලින්. (ඔබ මුරලි සහ ජනමාධ්යවේදීන් ගැන කීමට උත්සහ කරන සිදුවීම මම නොදනිමි). මුරලිට ලැබෙන එම බලය පාවිච්චි කොට ඔහුට කිව හැකිද, ප්රහාකරන් කරන දේ හරි, දෙමළුන්ට වෙනම දේසයක් ඕනේ කියා.
අද පත්තරේ තිබුනා සම්බන්ධන් මන්ත්රීතුමා විසින් “self determination rights” ගැන කියපු කතාවක්. මේ මොන බලයක් උඩද කියන්නේ. ඔබ කියන්නේ මෙසේ ඔවුන්ට අවැසි ඕනෑම වෙලාවක අපේ රට කැබැලි වලට කැඩිය යුතුයි කියා ප්රකාශ නිකුත් කිරීමේ බලයක් තිබේ යැයි කියාද? එය ඔබ කියන සර්ව සම්පූර්ණ නිදහස ඇති අනෙක් රටවල තිබේද?
කොටින්ම මෙම නිවට ත්රස්තවාදය සදහා ඔබගේ විසදුම කියන්න.
Sarath Gunatunga
November 25, 2008
තරහ වෙන්න එපා, මම ඔය දේශපාලන සාකච්ඡා වලට සහභාගි වෙන්නෙ නම් නැහැ. හැබැයි ගහපු මඩ පාරක් මගේ ඇඟටත් විසි වුනා. මම උපන් ගමරට දාල එන්න සිද්ද වුනේ නම් මට ඕන නිසා නෙවෙයි. මම නුවර ඉස්පිරිතාලෙ වැඩ කරන කොට එක්තරා මන්ත්රී තුමෙක් ( 1971 ) බලාපොරොත්තු වුනා එයා ලෙඩා බලන්න යන පෙරහැරට මටත් එක්තුවෙන්න. එතකොට මගේ ලොකු දොස්තර මහත්මය ඇවිත් ගියා විතරයි, මට හෝ ගාල වැඩ. මම බෑ කිව්ව කියල මගේ ඇට පොඩිකරනව කිව්ව මන්ත්රී තුමාගෙ ගජයො ටික. කිව්ව වගේම කීප තැනකදි මාව කොටු කරගන්නත් බැලුව. මම ඉතින් පැදුරටවත් කියන්නෙ නැතුව පැනල ආව. එච්චරයි.
beyondframe
November 25, 2008
බොහෝ දෙනෙක් මෙන්ම නිලන්ත ද කරන්නේ හේතුව ඉවත් කරනු වෙනුවට ඵලයට වෙදකම් කිරීම ය. ත්රස්තවාදය යනු ඵලයයි. හේතුව ඉවත් කළ සඳ ඵලය ද ඉවත් වෙයි. මගේ ”ඵලය වෙනුවට හේතුව පිටතට වෙනුවට ඇතුළතට” යන බ්ලොග් සටහන බලන්න. දෙමළ ජනතාවට තමන්ගේ භූමිය තුළ තමන්ගේ පාලනයක් ගෙන යාමට ඉඩ දෙන්න. එවිට ත්රස්තවාදයේ ප්රධාන මූලය අවසන් වේ. එය ලංකාවේ ආරක්ෂක වුවමනාවන් ද සැළකිල්ලට ගනිමින් කළ හැකි කාර්යයකි. මෙසේ ස්වයං පාලනයක් ලෝකයේ ආරම්භ කරන මුල් රට ශි්ර ලංකාව නොවේ. ඒ රටවලින් අපට ආදර්ශයන් ගත හැකි ය.
නිලන්ත
November 25, 2008
ඔය එන්නේ නයා එළියට. තමන් ගේ පෙදෙස් තමන්ගේ පාලනයට. එතකොට මුසල්මානුවන්ට නැගෙනහිර කොටසයි. දෙමළ කට්ටියකට උතුරු කොටසයි. මහියන්ගනේ වැද්දන්ට කොටසයි, කඳුකරේ ඉන්දියානු දෙමළුන්ට කොටසයි. අනේ සකි, ඔබතුමා ලෝකපුරවැසියෙක් වෙන්න ඉංගිරිසි දැනගත්තොත් කොහොමද කියලා අපෙන් අහලා ජාති, ආගම්, කුල අනුව දේස සීමා සලකුණු කරන්න කියන කෙනෙක්. ඔබ ගේ වැකියක් ඔබටම අදාලයි. එනම් බොරුවට නිදාගෙන සිටින කෙනෙකු ඇහැරිය නොහැකියි. ඔබගේ බෙදා වෙන් කිරීම් වල අවසානයක් නැති බවද දැනගන්න.
නිලන්ත
November 25, 2008
මගේ අදහස් පලකිරීමෙන් ඔබට යම් සිත් තැවුලක් ඇති වුනි නම් සමා වෙන්න. යමෙකුට හානියක් නොවන තාක් කල් ඔබට ඕනෑම මතයක් දැරීමේ අයිතියක් ඇත. මම ඔබ ගේ මත දැරීමේ අයිතියට ගරු කරමි. එසේම අවසන් වශයෙන් සිංහලයන්ට ජාතියක් ලෙස අවමන් කිරීමෙන් වලකින ලෙස ආයාචනය කරමි. යමෙක් වැරැද්දක් කළේ නම් ඔහුව පුද්ගලිකව නම් කර වැරද්ද පෙන්වා දෙන්න. සිංහළයෝ, දෙමල්ලු සහ මුසල්මානුවන් කිසි විටකත් සමූහක් ලෙස කිසිම වැරැද්දකට හසු නොවේ.
beyondframe
November 25, 2008
නිලන්ත මගේ ජීවිතයේ මා ආදර්ශයට ගන්නා පාඨයක් ඇත. එය ඔබ සමග බෙදා ගැනීම සුදුසු යයි හගිමි. ශ්රේෂ්ඨ තැනැත්තේ තමන්ට දැඩි වෙයි. ක්ෂුද්ර තැනැත්තේ අනුන්ට දැඩි වෙයි. මම මටත් අපටත් අපගේ ජාතියටත් දැඩි වෙමි. මා කැමති මගේ අය අභිමානයෙන් ජීවත් වනු දැකීමට ය. මම මගේ ජාතියට මගේ හිතේෂිත්වය ප්රදානය කරන්නේ ඊට දැඩි වීමෙනි. අවශ්ය වන්නේ ජාතියක් හැටියට අප නිවැරදි වීම යි. අනුන්ගේ දොස් උන්ට ය. උන් එවායින් තැවෙනු ඇත. විඳිනු ඇත. මා විඳවන්නේ මගේ දොස් නිසා ය. මා ඒ නිසා නිදොස් විය යුතු ය. මා සම්බන්ධයෙන් මා දරණ ස්ථාවරය මම මගේ ජාතියට ද දරමි. මේ බ්ලොග් අඩවියෙන් මා කරන්නට හැ¥ දෑ බොහෝ දෙනෙකුට නොතේරුන බව මම දනිමි. මම ඒ ගැන සැබවින්ම කණගාටු වෙමි. තවදුරටත් බැණුම් අසමින්ම තේරුම් කර දීමට උත්සහ කරමි. ඒ මගේ ජාතියට මා සැබැවින්ම ආදරය කරන නිසා ය. මට එයට හිත ඇතුළතින්ම ගරු කළ හැකි දවසක් පිළිබඳව මම සිහින දකිමි. ඔබේ ප්රතිචාරවලට අනේක වාරයක් ස්තුතියි.
චතුරංග රූපසිංහ
November 25, 2008
මාසයක් පමණ මල්ලක් පැත්තක තිබෙනු මම දිටිමි
සැරයක් දෙසරයක් ක්ගව් හඩක් ඇසිණි
නමුත් අද බලලා මල්ාලන් එලියට පැන ඇත
කමල් නිශාන්ත
November 25, 2008
බළලා නෙවෙයි මල්ලි කොටියා. 😀 බළලගෙ ලොකු අයියා………
Mahasona
November 25, 2008
“හේතුව ඉවත් කරනු වෙනුවට ඵලයට වෙදකම් කිරීම ය. ත්රස්තවාදය යනු ඵලයයි. හේතුව ඉවත් කළ සඳ ඵලය ද ඉවත් වෙයි.”
දැන් හේතුව ඉවත්කර අවසන්. Tamil can freely come to other parts of the country and work, study, live … But can a sinhala person go to Jaffna and do the same?
ඵලය ඉවත්කිරීමට වේලාව පැමින ඇත.
චතුරංග රූපසිංහ
November 25, 2008
කුණු බ්ලොග් ඇත
රට ගඳ ගසන
එපා බලන්න බුද්ධිය කියයි
පොඩ්ඩක් බලන්නම් – මේ පාර විතරයි
අකීකරු සිත
චතුරංග රූපසිංහ
November 25, 2008
අකීකරු සිත
කුණු බ්ලොග් ඇත
රට ගඳ ගසන
එපා බලන්න බුද්ධිය කියයි
පොඩ්ඩක් බලන්නම් – මේ පාර විතරයි
අකීකරු සිත…
AddThis Social Bookmark Button
Posted by චන්දිම at 1:47 PM
Sam
November 25, 2008
ජේගුවේර කාරයෝ දකුන ගියතියාපු වෙලේ මම කොලුගැටයෙක්. වලස්මුල්ල ඉස්කෝලෙට එහාපැත්තෙන් තමයී එස්ටීෆ් කෑම්ප් එකක් හයී කෙරේ. ප්රාතමිකෙ පිට්ටනියෙ තමයි හෙලිකොප්පර බෑවෙ. බස් ඩිපෝව ගිනිතියලා ඇදිරිනීතිය දාලා තියෙන නිසා, අපි හැමෝම පයීන් නැත්තම් සයීකලෙන් තමයී උඩට පහලියට ගියේ. ඒ දවස්වල අපිටත් කෑම්ප් එක හරි පොලීසිය හරි ඉස්සරහින් යනකොට සයීකලෙන් බැහල යන්න කියලා තමයී අවවාද දීලා තිබුනේ. ඕන් ගොයීයෝ, බාල මහලු කියල නැහැ, මමත් ඕන් සයීකලේ තල්ලු කොරගෙන තමයී ගියේ.
දෙමල උන්දෙලාට පමනක් ආවේනික පුරස්නය මොකැක්දැයී ඇසීම වැරදි තර්කයකී. එම තර්කයට අදාලව, දෙමල අයට ආවේනික පුරස්න ඇත්නම්, රටේන් කෑල්ලක් ඉල්ලීමෙ අයීතියක් ඇතැයී යන තර්කය ගොඩ නැගේ. අවේනික නොවෙන පුරස්න ගැන කතා කීරීමෙ අයිතියක් දෙමල උන්දෙලාට නැතෙයී යන තර්කයද ගොඩනැගෙයී. ඔය කාරනා දෙකම වැරදිය.
දෙමල උන්දෙලාට ආවේනික ප්රශණ තිබූ පලියට දෙමල උන්දෙලාට වෙනම රටක් ලබා ගැනීමේ අයීතියක් ලැබෙන්නේ නැත. පුරස්න දෙමල උන්දෙලාට ආවේනික නොවූ පලියට ඒම ප්රස්න විසදා ගැනීමෙ අයීතිය උන්දෙලාට නැතිව යන්නේත් නැත. දෙමල උන්දෙලාට තිබෙන පුරස්න බොහෝමයක් දෙමල නොවෙන උන්දෙලාටත් තිබේ. එසේ වීම එම පුරස්න නොවිසිදිය යුතු හෝ, සාදාරන පුරස්න බවට පත්නොවේ. මගේ පස්සා පැත්ත කඩි කනවානම්, අනිකාගේ පස්සා පැත්ත කඩි කනවාද නැද්ද යන කාරනය අදාල නොවේ. දෙමල උන්දෙලාට පුරස්න තිබෙනා බව පිලි ගැනීම, එල්ටීටියෙ කඩාකප්පල්කාරි වැඩ සාදාරනයැයී පිලිගැනීමකුත් නොවේ. තම්ගේ පුරස්න විසදෑගැනීමට රට පෙරලීමේ අයිතියක එල්ටීටියටත් නැත, ජේගුවේරකාරයන්ටත් නැත. ඔය දෙක පටලවා ගත යුතු නැත.
දෙමල උන්දෙලාට වෙනමම රටක් දීමේ BeyondFrame ගේ අදහස මට එකග විය හැකී කාරනයක් නොවේ. පලමුව ප්රජාත්ත්රවාදී රටක, ජාතිය ගැන වෙනමම තැකිය යුතුදැයී යන ප්රශ්නය මතුවේ. තමාගේ ප්රශ්න විසාදාගැනීමේ හැකියාව ප්රජාතත්රවාදය තුල යහමින් තිබේ. ලංකාවේ ප්රජාත්රවාදය අඩපන බව වෙනමම කාරනයකී. එයට විසදුම, එය වැඩිදියිනු කරනා එක මිස, රාජාන්ඩුවක් කරා යාම නොවෙයී. දෙවනුව, එල්ටීටිය දෙමල ජනතාවගේ නියෝජනයෙකු නොවෙයී. එල්ටීටියට දෙමල ජනතාව බාරදීම හරියට තලෙයීබාන්ට පකිස්තානු ජනතාව බාර දීම වැනි කාරනයකී. ඔය කාරනයේන් දෙමල උන්දෙලාටවත්, ලංකිකයන්ටවත් වෙන සෙතක් නැත. වාසියක් වෙනවානම් වෙන්නේ, එල්ටීටී ලොක්කන්ට විතරයී. එල්ටීටිය සිංහලයන්ට කරනා හානියට වඩා, කෙලකප්පරක් හානි දෙමල උන්දෙලාට කොර ඇත. තෙවනුව එල්ටීටීයට රටක් දුනු පලියට දෙමල උන්දෙලාට තියන පුරස්න විසදෙන්නේ නැත. හැබැයී, එහෙම උන දාට කොලබ ඉන්න සිංහලයැයී කියාගන්නා අයට රජ මගුල් කන්න ඇහැක. නොමිලේ දෙමල උන්දෙලාගේ ඉඩම් කඩම් අඩලා ගත හැක.
රටක් ගොඩනැගීම ලෙහෙසි නැත. නමුත් රටක් විනාස කිරීම බොහොම පහසුය.
දෙමල උන්දෙලාට පලුවක් දීලා අත හෝදා ගැනීමෙන් ලංකාවේ තියෙනා පුරස්න විසදෙන්නේ නැත. මමනම් හිතන්නේ මේ පුරස්නයට මුල, ලංකාවේ හරිහමන් ප්රජාතන්ත්රවාදයක් හෝ හරි හමන් ව්යවස්තාවක් නැති කමය. ඉහ වහා ගිය දූශනයය. ආගම්පාලුවන් හැමතනමය. හරි හමන් පොලීසියක් නැති කමය. දෙමල උන්දෙලාට අවි ගන්න සිදුවුනේත්, ජේගුවේර කාරයන්ට අවිගන්න සිදුවුනේත්, මහා කලබැගැනියක් කොරන්නේ නැතව ලංකාවේ කිසි කෙනෙකුට තමන්ගේ පුරස්න විසදා ගැනීම්වේ හැකියාවක් නැති නිසාය. නීති ගරුක සමාජයක් ගොඩනගන්නේ නැතිව, හැමෝටම පුද්ගල නිදහස ලබා දෙන්නේ නැතිව, ඔය ප්රශනයේ මුල විසදෙන්නේ නැත. ඊලග මුරෙ, දෙමල නැත්තම්, තව කවුරු හරි තමුන්ගේ අයීතීන් වෙනුවෙන් කඩු පොලු අතට ගනී. සමහර විට ඒ සමලිංගිකයන් විය හැක.
සිරිපාල
November 25, 2008
@ චතුරංග
ඔයාට මාර කවි සිතුවිලිනෙ පහල වෙන්නේ. ඔයා ඔච්චර දක්ෂයි කියල අපි දැනං හිටියෙ නෑනෙ.
Ajith
November 26, 2008
සිංහල බ්ලොග් ලියන්නන් විශාල පිරිසක් මේ තරමටම අන්තවාදි ජාතිවාදී ඇත්තේ ඇයි?
තමන්ට සේම මේ රටේ දෙමළ ජනතාවටද බරපතළ ප්රශ්න ඇති බවත් ඒවාට රාජපස්ස ගොය්යාගේ ත්වක්කු කටෙන් විසඳුම් සෙවිව නොහැකි බවත් තුවක්කුවෙන් ප්රශ්න විසඳීමට යාම රට තවත් බරපතල ආගාධයකට ඇද දැමීමක් බවත් මේ ඒක පාක්ශික අන්තවාදිනට නොවැටහෙන්නේ හුදෙක් ඔවුන්ගේ දේශපාලන අඳ බාලත්වය නිසාද?
මේ අපේ ඒක භාෂික අධ්යාපන ක්රමයේ වරදක්ද?
Beyond Frame, ඔබෙන් පිළිතුරක් බලපොරොත්තු වෙමි.
කසුන්
November 26, 2008
දෙමල ජනතාවට හෝ වෙනත් ඕනෑම ජනකොටසකට හෝ යම් පාලන ප්රදේශයක් වෙන් කොට දීම අනුමත කල හැකි දෙයක් නොවෙයි. අපි සටන් කල යුත්තේ මේ ජාතින්,සංස්කෘතින් අතර ඇති අනවබෝධය දුරු කිරීමටත්, ඒ නිසාම මතුව ඇති අර්බුධයන්ට විසඳුම් සෙවීමටත් මිස තව තවත් අර්බුධයන් බිහි කර ගැනීමට නොවේ. Sam කිව්වා වගේම දෙමල ජනතාවට වෙනම රටක් හෝ පාලන ප්රදේශයක් දීමෙන් ගැටළුව තව තවත් උග්ර වෙනු මිස විසඳුමක් ලැබෙන්නේ නැත. අවසානයේ රට තවතවත් ලේ වගුරේ ගිලෙනු ඇත. විසඳුම ඇත්තේ එක් රටක් තුල සියලු ජනයාට සහෝදරත්වයෙන් හා සාමයෙන් ජීවත්විය හැකි ක්රමයක් නිර්මාණය කිරීමෙනි. ඒ තුල එක් ජාතියකට විශේෂ වරප්රසාදයන් නොදිය යුතු සේම තවකකට වෙනස්කම්ද නොකල යුතුය. ඒ හැරෙන්නට ජාතීන් වශයෙන් වෙන් කිරීමෙන් තව තවත් ජාතිවාදය ඇවිස්සීටම ඉඩදිය යුතුද?
Sagara
November 26, 2008
කසුන්, ඇත්ත. මේ වෙන් වීමේ කාලය නොව එක්වීමේ කාලයයි. (උදා. නැපෝලියන්ට හෝ හිට්ලර්ට වත් එක් කළ නොහැකි වූ යුරෝපය දැන් එක්ව සිටී.)නමුත් අපට අපෙ රටේ දෙමළ ජාතිය සමඟ වත් එකතු වන්න්ට බැරිනම් අනෙක් එකතු වීම් ගැන කියුම කවරේද?
කසුන්
November 26, 2008
@sagara:
ඊට විසඳුම වෙන්ව යාම නොවේ. මේ ආකාරයට ජාතීන්,සංස්කෘතීන් වශයෙන් වෙන් කරන සකලවිද මිත්යාවන්ට විරුද්ධව සටන් කිරීමයි. අපට කවදා හෝ මිනිසුන් වශයෙන් අභිමානයෙන් මිය යා හැක්කේත්, කෙදිනක හෝ යහපත් ලෝකයක් ගොඩනැගෙනු ඇත්තේත් එවිටයි.
අමල් ඉෂාන්ත
November 27, 2008
දෙමළ ජනතාවට තමන්ගේ භූමිය තුළ තමන්ගේ පාලනයක් ගෙන යාමට ඉඩ දෙන්න.
හා එතකොට ශෝක්. එතකොට කොයි ටිකද දෙමල ජනයාගේ කොටස ? උතුරු නැගෙනහිර, නුවර එළිය , වැල්ල වත්ත මේ ඔක්කෝම දෙමළ ජනයාට ඔවුන්ගේ පාලනයක් සදහා දෙනවද? අනිත් තැන් වල එතකොට තනි කර සිංහල පාලනය. ආ සමා වෙන්න මුස්ලිම් අයට කොටස පබදා දෙන්නේ කොහොමද?
Beyond frame ඔයාගේ ඉන්ට තිබ්බේ මෙහෙ නෙවෙයි.
Sagara
November 27, 2008
නොදන්න දේ ගැන කතා නොකර හිටියොත් නේද හොඳ? මෝඩ කම ප්රදර්ශනය නොකර. ඔයා දන්න දේශපාලනයක් නෑ. නිකම් බහුබූත කතාකරනවා විතරයි.
දැනටත් පළාත් සභා මට්ටමින් යම් ආකාරයක බලය බෙදීමක් සිදුවෙනවා. ඊට පසු ප්රාදේශීය සභා මට්ටමින්. කළ යුත්තේ මේ මධ්යම රජය අත එය විසින් හැර අනෙකෙකු විසින් කළ නොහැකි ආකාරයේ බලතල තියාගෙන (ආරක්ෂාව හා දුම් රිය ආදිය ) ඉතිරි සියල්ල ප්රාදේශීය මට්ටමට විමධ්යගත කිරීමයි. එවිට ප්රශ්නය ඉබේම විසඳේවි. ජාතින් වශයෙන් පරිපාලනය බෙදීමක් අලුතින් අවශ්ය නෑ. දැන් SLFP, UNP, JVP වගෙ බලය බෙදා ගන්නා ආකාරයටම ජාතීන් බලය බෙදා ගනීවි.
අවාසනාවකට ජාතිවාදය කියන්නෙ උන්මාදයක්. මේ සරල විසඳුම් ජාතිවාදීන්ට පේන්නේ නෑ.
shan
November 30, 2008
සමහරු මා හදුනාගෙන ඇත්තේ කමල් නිශාන්ත නමිනි. ඒ විතරක්ද? දැන් ඒ නමට බ්ලොග් සටහන් වලට ප්රතිචාර දමා මගේ බ්ලොග් අඩවියට ලින්ක් කිරීමද ආරම්භ කර ඇත. මෙහි කමල් නිශාන්ත ලෙස දක්වා ඇති ප්රතිචාරයේ ලින්ක් කර ඇත්තේ ද මගේ බ්ලොග් අඩවියයි. ඊට මගේ සම්බන්ධයක් නැති බව කාරුණිකව සලකන්න.
චාරයක් නැති 78 දරුවන් ගැන මා නිතර කතා කරමි. මේ ද එවැනි අවිචාර වැඩකි. සහෝදරවරුනි, අනුකම්පා කරන්න.
78 දරුවන්ට සංස්කෘතියක් නැත. මවක් නැත. පියෙක් නැත. ඩ්පපාතිකය.
http://www.shaninfor.blogspot.com
ශාන්.
ආගන්තුකයා...
December 1, 2008
ජාතිවදියො.. ත්රස්තවාදියො…
දෙමල පැත්තට වචනයක් කතා කලොත් ත්රස්තවාදියා…
රට බෙදීමට මාත් විරුද්ධයි….
අමල් කියපු කතාව හරි…
ටිකක් කල්පනා කලොත් යුද්දෙ ඉවරවුනාම ඔක්කම ප්රශ්න විසඳෙනවද.. යාපනේ මිනිස්සු හිතන් ඉන්නේ සිංහල මිනිස්සු දෙමල ජනතාව මරන් කන්න උපන් ජාතියක් විදිහට… විශ්ව විද්යාලෙට එන දෙමල ලමයින්ගේ හිතේ තියෙන ඔය අදහස ඉවත් වෙන්න මසයක් එක දිගට තෙලක් ගහනවා.. මෙකේ වැරැද්ද කාගෙද.. කොටින්ගෙද අපෙ මිනිස්සුන්ගෙද… යාපනේ අය අපෙ විශ්වවිද්යාල වලට එනවා දකුණේ රස්සා කරනවා… ඒත් අපිට යපනේ ගිහින් එහෙම හැසිරෙන්න පුලුවන්ද ඕක තමා අපිට තේරෙන්නෙ නැති යථාර්තය… යුද්දේ ඉවරවුනාම ප්රශ්ණේ විසඳෙන්නේ නෑ…
ආගන්තුකයා...
December 1, 2008
ජාතිවදියො.. ත්රස්තවාදියො…
දෙමල පැත්තට වචනයක් කතා කලොත් ත්රස්තවාදියා…
රට බෙදීමට මාත් විරුද්ධයි….
අමල් කියපු කතාව හරි…
ටිකක් කල්පනා කලොත් යුද්දෙ ඉවරවුනාම ඔක්කම ප්රශ්න විසඳෙනවද.. යාපනේ මිනිස්සු හිතන් ඉන්නේ සිංහල මිනිස්සු දෙමල ජනතාව මරන් කන්න උපන් ජාතියක් විදිහට… විශ්ව විද්යාලෙට එන දෙමල ලමයින්ගේ හිතේ තියෙන ඔය අදහස ඉවත් වෙන්න මසයක් එක දිගට තෙලක් ගහනවා.. මෙකේ වැරැද්ද කාගෙද.. කොටින්ගෙද අපෙ මිනිස්සුන්ගෙද… යාපනේ අය අපෙ විශ්වවිද්යාල වලට එනවා දකුණේ රස්සා කරනවා… ඒත් අපිට යපනේ ගිහින් එහෙම හැසිරෙන්න පුලුවන්ද ඕක තමා අපිට තේරෙන්නෙ නැති යථාර්තය… යුද්දේ ඉවරවුනාම ප්රශ්ණේ විසඳෙන්නේ නෑ…