කුණුහරුප පිළිබඳ ජාතික ප‍්‍රතිපත්තියක් අවශ්‍ය ය

Posted on November 24, 2008



මට මෙසේ සිතුනේ මත තරමටම අපගේ ජාතියට මෙය ඇබ්බැහිවෙමින් තිබෙන නිසා ය. ජාතිය පිළිබඳ ඇල්මෙන් කතාවට බහින බොහෝ දෙනෙකුට අවසානයේ සහයට එන්නේ කුණුහරුප පමණක් වීමෙන් මේ ඇබ්බැහියේ තරම පෙනේ.

මතට තිත තියනවාක් මෙන් කුණුහරුපයට තිත තිබ්බොත් ජාති හිතේෂීන් ලෙස තමන් හඳුන්වා ගන්නා බොහෝ දෙනෙකු ගොලූවිය හැකි බව බ්ලොග් අඩවියට ලැබෙන සමහර ප‍්‍රතිචාරවලින් පෙන්නුම් කෙරේ. ඒ නිසාම තරමක අධ්‍යයනයකින් පසු ඒ සම්බන්ධයෙන් ප‍්‍රතිපත්තියක් සකස්කර ගැනීම හොඳය.

ජාතිය ගොඩනැගීම සඳහාම ආමාත්‍යවරු හත් අට දෙනෙකු ඉන්නා බැවින් ඔවුන්ට ද කිසියම් ප‍්‍රයෝජනවත් කාර්යයක නියැලීමට ඉඩක් ලැබෙන බැවින් ද ඔවුන්ගෙන් සමන්විත කමිටුවකට මේ කාර්යය බාර කළ හැකි ය.

කුණුහරුප බ්ලොග් අඩවියක සටහන් වනවිට සිගරැුට් මත් පැන්වලට මෙන් කොටු දැමිය යුතු ද? කුණුහරුප සියල්ල තහනම් කළ යුතු ද? කුණුහරුප කීමේ අයිතිය සීමිත පිරිසකට ලබා දිය යුතු ද? යන මෙකී නොකී ප‍්‍රශ්න ඔවුනට සාකච්ඡුා කළ හැකි ය. අවශ්‍ය නම් අන් හැම දෙයටම කරණවාක් මෙන් ජනාධිපති උපදේශනයක් ලබා ගත්තාට ද කමක් නැත.

කුණුහරුප පිළිබඳ ජාතික ප‍්‍රතිපත්තියක් සකසන තුරු මේ බ්ලොග් අඩවිය තුළ ඒවා පළ කිරීමෙන් වැළකීමට අකමැත්තෙන් වුව ද තීරණය කිරීමට සිදුවී ඇත. විශේෂයෙන් මේ බ්ලොග් අඩවියට ප‍්‍රවිශ්ඨ වෙන ශිෂ්ඨ මිනිසුන්ගේ කාරුණික ඉල්ලීමට පිළිතුරු වශයෙනි.

කුණුහරුපවලින් තොර සියලූ විවේචන කොතරම් කර්කෂ වුවද පුරුදු පරිදි මේ බ්ලොග් අඩවිය තුළ පළ කිරීමට කටයුතු කරන බවට අප විවේචනය කරන හා නොකරන අපගේ පාඨකයින් වෙත සහතික වෙමු.

Advertisements
Posted in: Uncategorized