මේ ප්රශ්නය මගේ ඔලූවට වද දෙන්නට පටන් ගත්තේ අපගේ පාඨකයෙකු විසින් දක්වන්නට යෙදුනු පහත සඳහන් හේතු පාඨය නිසාය.
මේ කාටවත්ම මතක් වෙන්නේ නැද්ද මේ යුද්ධය ට පෙර සාමය තිබූ කාලයේ රජය විසින් සාමයට අත දිගුකර තිබු කාලයේ මේ ත්‍රස්තවාදීන් විසින් කරන ලද ක්‍රියාවන්.
අප මේ උත්තර දෙන්නේ ඒ සමයේ එල් ටී ටී ය කළ ක‍්‍රියාවලට ය. ඒ සමයේ එල් ටී ටී ය උත්තර දුන්නේ අප ඊට කලින් කළ ක‍්‍රියාවලට ය. අප එසේ උත්තර දුන්නේ එල් ටී ටී ය ඊට ඊටත් කලින් කළ ක‍්‍රියාවලට ය. මේ විමර්ශනය අවසානයේ ඉතිරිවන්නේ කුමක් ද? අප මෙසේ වී ඇත්තේ අනෙකා නිසාය. ඒ නිසා ඌට ඉවර වෙනතුරු බැට දිය යුතු ය. අප විතරක් එසේ කල්පනා කරනවා නම් ප්රශ්නය සරල ය. එහෙත් ප්රශ්නය අප මෙන් අනෙකා ද එසේ ම කල්පනා කරන නිසා ය. ඔවුන් කල්පනා කරන්නේ ද අප මෙසේ වී ඇත්තේ අනෙකා නිසා බව ය. වගකිවයුත්තේ කවුදැයි ඉතිහාසයට ගොස් සොයන විට හමුවන්නේ කිකිළිය ද බිත්තරය ද මුලින් පැමිණියේ දැයි තවමත් සොයමින් සිටින පුද්ගලයා පමණකි. වග උත්තරකරු කවුරුද යන ප්රශ්නයට උත්තර සොයා ගත හැකි නම් යහපත් ය. එහෙත් ගැටඵව නම් ඒ වන විට දෙපාර්ශවයම හති වැටී සිටිය හැකි වීම යි. හරියට නයි මුගටි සටන වගේ ය. නයි මුගටි සටන කෙළවර ඉතිරිවන නයෙකුත් මුගටියකුත් නැතිවීම මෙහි ප‍්‍රථිඵලයයි.
අප මෙසේ එකිනෙකාට කෙළවන අතරේ ලෝකය අප පසු කර බොහෝ දුර ගොස් තිබෙන්නට පුඵවන. එය බොහෝ දෙනෙකු නොදකින අතුරු ප්රශ්නය යි.
Beyond Frame 
Sarath Gunatunga
November 20, 2008
මෙය මානව සංහතියටම පොදු ලක්ෂණයකි. කිසිම දෙයක අපි වරද කරුවෝ නොවෙමු, සැමවිටම අනෙක් පාර්ශවයය. පටන්ගත්තෝ ඔවුහුය. කවුරු පටන්ගත්තත් යම් ස්ථානයක සටන නවතා, මදක් ගිමන් හැර මා අතින් වැරැද්දක් සිදුවී ඇත. එය හරිගස්සා ගැනීම මගේ අභිප්‍රායයි කීමට අපි ලජ්ජා සහගතය. මදිපුංචිකමක්ය. ඒ නිසා සටන දුර දිග යනු ඇත. යම් ස්ථානයක සටන කෙලවර විය කියා අපට ගිමන් හැරීමටද නොහැක, ඒ වෙන සටනක් ඇවිලී ඇති නිසාය. සංසාරය කොතනින් පටන් ගත්තේද කියා සොයාගන්න බැරි වගේම ප්රශ්නය කොතනින් පටන් ගත්තේද කියා කීමද අපහසුය.
භූමිය අත්පත් කර ගැනීමෙන් හා LTTE ය යුදමය වශයෙන් පැරදවීමෙන් අපි සාමය බලාපොරොත්තු වෙමු.
නමුත් මිනිසුන් මරාදැමිය හැක. ව්‍යාපාරයක් එසේ මරාදැමිය නොහැක. අපට කල හැකි එකම දෙය බලාපොරොත්තු සහිතව ජීවත් වීමය.
manoj
November 20, 2008
ඉතිහාසය තුල මෙයට(ltteප්රශ්නයට) වගකිවයුත්තා සොයාගන්නට ඒ තරම්ම අමාරුවකුත් නැහැ.
තමන්ට අයිතිනැති දෙයක් වෙනුවෙන් යුද්ධය පටන්ගන්නේ දෙමළ මිනිසාද?
සිංහලයාද?
Dilan de silva
November 20, 2008
මනෝජ්, සිංහලයා යුද්දයක් පටන්ගත්තේ මොන රටේද? මා දන්නා පරිදි ලංකාවේ LTTE නම් ත්‍රස්තවාදි සංවිදානය දෙමල ජනතාව සදහා වෙනම නිජ භුමියක් ඉල්ලා රජයට එරහිව සටන් වදි. රජය යනු සිංහල නොවේ. රජය වනාහි සිංහල, දෙමල ආදි සියලු ජන වර්ගයන්ගේ නියෝජනයයි. එමෙන්ම LTTE යනු දෙමලද නොවේ. මා දන්නා පරිදි ලංකාවේ සිංහල, දෙමල යුද්දයක් නැත. එමන්ම මෙහි වගකිම එක් අයෙකුට පවරා නිදහස්විමට නොහැකියි. මෙම අරගලය වනාහි දේශපාලුවන්(දේශපාලඥයන් නොව), හා ජාතිවාදි සිංහල සුලු පිරිසක් නිසා දෙමල ජනතාවට අතිතයේදි සිදුවු යම් අසාදාරණයන් මුල් කරගෙන දෙමල ජාතිවාදින් සුලු පිරිසක් විසින් ඇතිකරනු ලැබුවකි.
ඒයට විසදුම විය යුත්තේ යුද්දයෙන් LTTE ත්‍රස්තවාදින් පරාදයකර අතිතයේදි සිදුවු අසාදාරණයන් දෙමල ජනතාවට හා අන් සුලු ජාතිනට ඉදිරියේදි සිදු විම වැලක්විමයි.
beyondframe
November 20, 2008
පටන් ගත්තේ කවුද? අයිති නැති දෙයක් ඉල්ලා සිටියේ කවුද? මේ නිරන්තරයෙන් අපට වද දෙන ප්රශ්නය.
තවත් බොහෝ ප්රශ්න ද අපට නැගිය හැකි ය. ඒ අතර බලය බෙදා හරින ලද භූමි ප‍්‍රදේශයක් ඔවුන් අයිති ද නැද්ද යන තීරණය කරන්නේ කවුද? අප ද ඔවුන් ද නැත්නම් තුන්වෙනි පාර්ශවයක් ද? එය අප විසින් නිගමනය කළ යුතු තුන්වෙනි පාර්ශවයක් ද නැත්නම් ඔවුන් විසින් නිගමනය කළ යුතු තුන්වෙනි පාර්ශවයක් ද?
පටන් ගැන්ම යයි අප දකින්නේ කුමන වර්ගයේ අරියාදුවන් ද? කෙනිත්තීම් ද බණ අඩ ගැසීම් ද පන්සිල් නොදත් අයට එරෙහිව ක‍්‍රියාත්මක කළ හිංසනය ද වෙනත් තාඩන පීඩන ද පළමු මිනී මැරීම ද?
එවැනි බොහෝ දේ අරබයා අපට වාද කළ හැකි ය. මේ හැම වාදයක්ම අවසන් විය යුත්තේ අපේ පැත්ත ජය ගැනීමෙනි (නැත්නම් ජය ගත යුත්තේ අනෙකා ද?*. ඒ සියල්ල අවසානයේ අපට ඉතිරි වන්නේ කෙළවරක් නොදැකිය හැකි අර්බුදයක් පමණකි.
මේ සියලූ ප්රශ්න දෙවැනි වන්නේ කිකිළිය ද බිත්තරය ද යන ප්රශ්නයට පමණකි.
අර්බුදයක පාර්ශවකරුවන්ට (ඔවුන් සිංහල වූවයි දෙමළ වූවයි* අර්බුදය දෙස මැදිහත් සිතින් බලන්නට බැරිය. පෙරහැරේ යන අයට මුලූ පෙරහැර නොපෙනෙන්නාක් මෙනි. බුදුන් වහන්සේ සත්‍ය සොයනු පිණිස ඇලීමෙන් නිදහස් වන්නට කීවේද ඇලූණු සිතින් බැලූ විට බොහෝ දේ නොපෙනන බැවිනි.
උත්තර නැති ප‍්‍රශ්නයන්ට උත්තර සොයා තව වසර කීයක් අපි අරගල කරමු ද?
අමල් ඉෂාන්ත
November 20, 2008
සමාවෙන්න නොදන්න කමට අහන්නේ. ඇත්ටම මම දන්න තරමින් ප්‍රශ්නයක් නෑ. තියෙනවනම් කියලා දෙන්න. අනික ශ්‍රී ලංකා රජය විසින් ත්‍රස්තවාදීන් හට විශාල අවස්ථාවන් ප්‍රමාණයක් පිරිනැමුවා සාමය වෙනුවෙන්. නමුත් ඔවුන් මස් රාත්තලම ඉල්ලනවා මිසක සාමයට නම් එකඟත්වයක් නෑ. අපි කියන්නේ මේ රට අප සියළු දෙනාටම අයිතියි. නමුත් එය එකිනෙක ජාතීන්ට අනුව බෙදාගත යුතු නැහැ. එහෙම බෙදා ගෙන ජීවත් වෙන්නත් බෑ. අනික අපි ඉන්නේ යුද්ධයෙන් පමණක් මේ ත්‍රස්තවාදය පරාජය කල හැකියි කියන් මතයේ පමණක් නොවෙයි. යුද්ධය සමග මාතවාදයන්ගෙන්ද මෙම ත්‍රස්තවාදය පරාජය කල යුතු බවයි. නැතුව මිනිස්සු මැරෙනවා කියා ඔවුන් ඉල්ලන ඉල්ලීම් දුනහොත් ඔවුන් හෙට උඩරටද අනිද්දාට කොළඹද ඔවුන්ගේ නිජබිම කියා එයටද යුද්ධ කරනු ඇත. එදාට කුමක් කරමුද? මේ යුද්ධය දෙමළ ජනතාවට විරුද්ධව නොව ත්‍රස්තවාදයට විරුද්ධවයි. අප සැම විටම පවසන්නේ එයයි.
kawshalatec
November 20, 2008
අමල්ගේ කථාව හරි. මෙතැන තියෙන්නේ ත‍්‍රස්තවාදයක් මිසක් වර්ගවාදයක් නොවෙයි. වර්ගවාදයක් තියෙනවනම් අපිට දෙමළ සහෝදර, සහෝදරියන් එක්ක එකට ඉන්න, ආශ‍්‍රය කරන්න බැරි වෙන්න ඕනා……
Sam
November 20, 2008
බ්ලොග් ලියන අපි හුගක් දෙනා අපේ පරම්පරාවට උඩින් යුද්දේ තිබුනු ආකාරය ගැන ලොකු දැනීමක් නැහැ, පොතකින් පතකින් කියවාපු දේ ඇරුනහම. මම මේ ගැන ලියාපු වෙලාවක සරත් මහත්තැන් කීවා එතුමා තරුණ කාලේ අපූරුවට යාපනේ ගොහිල්ලා දෙමල යාලුවන්ගේ ගෙවල් වල බුදියලා කාලා බීලා ආ ආකාරය. නමුත් මම දන්නා විදිහට අපි දකුනට ආපු දෙමල උදවියට ඒ සමානව සැලකුවේ නැහැ. මට නම මතක නැති, එක ප්රසිද්ද දෙමල ජනමාධය වේදියෙක්, තමන් වැඩකොරපු ඉංගිරිසි පත්තරේ රස්සාව දමල ගහල එල්ටීටීයට බැදෙන්න යාපනේට යන්න ඉස්ස්සේල්ල කීවෙ තමන්ට හැංගිලා ඇතිවෙලා, මේ පාර හැංගෙන්නෙ නැතිව මනුස්සයෙක් වගේ මැරෙන්න යනවා කියලායී. උන්දැ වගෙන් වගේ සිංහලයැයි කියාගන්න උදවිය මරන්න එනකොට, ගෙවල් ගිනිතියන කොට, අනිත් සිංහල යාලුවන්ගෙ ගෙවල්ව, ඇදවල් යට, ලිප් බොක්කේ හැන්ගිලා, මර බයෙන් හිටියාලු. ඒ දවස්වල දකුනෙ හිටපු දෙමල පවුල් හැම තිස්සෙම වටිනා බඩු මල්ලක් ලැසිතිකරගෙන උන්නාලු තමන්ගේ ගේ ගිනිතියන්න ඉස්සෙල්ල අල්ලපු ගෙදර සිංහල පවුලට පරිස්සම් කරන්න දෙන්න දීලා, තව කාගේ හරි ගෙදරක ගිහිල්ල හැන්ගෙන්න.
මට තේරෙන විදිහට බල්ලෙකුට උනත් පිට පිට ඔහොම ගැහුවොතින්, ඌ අනිත් පැත්ත හැරිලා හපා කන එක අහන්න දෙයක් නොවෙයී. අපිත් දකුනෙ හිටපු දෙමල උන්දෙලට, සරත් මහත්තැන් යාපනේ ගිය වෙලේ වගේ සැලකුවානම් ඔයීට වඩා තත්වය වෙනස් වෙන්න තිබුනා. එල්ටීටිය ත්රස්ත කිරියා කොරන්න පටන් ගන්න ඉස්සෙල්ලා අපී උන්දෙලාට ත්රස්ත කිරියා කොරා. එහෙම නැහේයි, අපි සාක්ය වන්සයෙන් පැවතෙගෙන එන බොහොම අපූරු උදවියයැයී කියලා කියන්න කොච්චර ආසා උනත්, බොරු කියන්න එපායැයී කීයලා අපේ ආතා කියාපු නිසා මටනම් එහෙම කියන්න බැහැ. මම මේ එල්ටීටියට සුදු හුනු ගානාවා නොවෙයී. සුදු හුනු කෙලකප්පරක් ගැවත් උන්දෙලාග ගති පැවතුම් වහන්න බැහැ. අපි මේ කාරනේ මුල ගැන කතා කොරනා නිසා, මමනම් කියන්නේ නම් ප්රාථමිකව වරද තියෙන්නේ සිංහලයන්ගේ අතේ බවයී. මොකැයී. ගෙවල් ගිනි තියෙන, මිනිස්සු මරන, ගෑනු ලමයී දූශනය කොරන කෙරුවාව හාහා පුරා කියලා පටන්ගත්තේ අපේ උන්දෙලා නිසායී. එහෙම කරාපු වෙලේ, ඒ මගෝඩි රැල අල්ලලා, ඔලුවෙ බාගයක් බූ ගාලා, ඔරුවක පටවලා, පා කොරලා යවන්න අපිට කොන්ද පන තියෙන පොලීසියක් තිබුනානම් දැන් මෙහෙම වෙන්නේ නැහැ.
මම හිතන්නේ, සිංහල අපි, අපි කරාපු පාහර වැඩවලට හොද පාඩමක් මේ වෙන කොට ඉගෙනෙ ගෙනයී ඉන්නේ, දැන් ඉතින් එල්ටීටිය ඒ ගොල්ලන්ගේ පාහර වැඩ නැවත්තුවොතින්, අපි ඔය පරන පාහර වැඩ ආයෙත් කොරන්න යන එකක් නැහැ.
අමල් ඉෂාන්ත
November 20, 2008
එතකොට සෑම් මහත්තයෝ අර හමුදාවේ අය කට්ටියක් මරපු කථාව බොරුද ? මොකද එහෙම මරපු නිසාළු දතුණෙ අය දෙමල අයට පහර දුන්නේ. දකුණෙ අය වැරදියි තමා. බල්ලාට පිට පිට පහර දුන්නා විතරද? හපා කාපු බල්ලට එන්ට කියලා ආදරෙන් කථා කරලා කන්ට බොනටත් දුන්න එක බොරුද? බොරු කියන්න ඕන නැහැනේ, මට නම් මතක තියෙන්නේ 88න් පස්සේ වගේ කාලය විතරයි. රාජ්‍ය ත්‍රස්තවාදයකට ඒ දවස්වල බය වෙලා හිටියා මතකයි.
අනික දෙමළ අය හැංගිලා හිටියේ සිංහල යාළුවන්ගේ ගෙවල් වල වුනාට උතුරේ හිටපු සිංහල අයට වුනේ මොකද්ද?
තාම දකුණේ සදමළ අය සිංහල මුස්ලිම් අය සමග හරි හරියට වැඩ කරමින් සිටිනවා. උතුරේ එහෙමද?
දැනට හොඳට ව්‍යාපාර කටයුතු කරගෙන යන දෙමළ මහතුන් දිහා බලන්න ඔවුන් වැඩි හරියක් යාපනේ දෙමළ.
අපි ඔවුන්ව එලෙව්වද?
අතිතයේ පමණක් ජීවත් නොවී වර්තමනයත් අත්විඳින්න.
@ beyond frame
උත්තර නැති ප‍්‍රශ්නයන්ට උත්තර සොයා තව වසර කීයක් අපි අරගල කරමු ද?
දැන් කරන්නේ අරගලයක් නෙවෙයි ත්‍රස්තවාදයට එරෙහි යුද්ධයක්
ඒක තේරුම් ගන්න… පුළුවන්නම් විතරක්…
Sam
November 20, 2008
අමල්. මසුරන් පුරස්නයක්. ඔය සමහරක් වගෙ, මඩ ප්රහාර එල්ල කොරනේ නැතිව, කෙලින්ම පුරස්නෙ අහන එක බොහොම අගේයී.
මම කියන්න 80 ගනන් වලින් ඉස්සෙල්ලා කාලෙ ගැනයී. ඒ කියන්න බ්ලොග් ලියන බොහෝමයක් අය යමක් කමක් තේරෙන්න පටන් ගත්තු කාලෙට ඉස්සෙල්ලයී. ජූලී කෝලහාලයට ඉස්සෙල්ලත් අපි දෙමල උන්දෙලාට අඩත්තේඩ්ටම් කොරා. ජූලි කෝලහාලය කියනෙ එහෙම කොරාපු පලවෙනි වතාව නොමෙයී, ඒ අන්තිම වතාවයී. අපේ පරම්පරාව යුද්දෙ ගැන හිතන්න පටන් ගන්නේ 80 ගනන්වල ඉදලයී. අපේ පරම්පරාවෙ කවුරුවත් දෙමල අයට ශාරීරික හිරිහැර කොරන්න ගැහිල්ලා නැහැ. අඩුම ගන්නේ එහෙම කරපු කෙනෙක් මම දන්නේ නැහැ. ඒ වුනාට අපේ අප්පච්චිලානම් එහෙම පාදට වැඩ කොරාපු අය නමින් දන්නවා.
ඔය හමුදාවේ කතාව සාදාරන කතාවක් නෙවෙයී. රටක හමුදාවක් තියෙන්නෙ ඒ වගේ අවස්තාවලට මුහුන දෙන්නයී. එහෙම දේවල් සිදුවුනහම කල යුතු දේ සහ නොකල යුතු දේ හමුදාව තුලම තියෙනවා. එහෙම දෙයක් වුනහම කරන්න ඕනේ, ඒ දේ කරාපු හැත්ත අල්ලා, හමුදා උසාවියේ දාල උල තියන එක මිසක්කා, ගෙදර තියන මුවහමට තලන එක නෙවෙයී. අපේ ඇත්තො, අපිත් එක්ක හිටපූ නිරායුද මිනිස්සු මරාපු කාරනය, අවි ඇති උදවිය – අවි ඇති උදවිය එක්කලා කොරාපු සටනකින් සාදාරනීකරනය කොරන්න බැහැ. ඔන් හමුදාව ගිහිල්ල උන්දෙලාට දිගට හරහට එදාම නෙලූවනම් (අද කොරනවා වගේ), ඒකෙ කිසිම අසාදාරනයක් නැනැ.
ඔය එල්ටීටීය කොරන පාදඩ වැඩ වලින්, අපේ පෙර පවි හෝදන්න යන්න හොද නැහැ. එතකොට අපිත් ඒ ගානට වැටෙනවා.
දැන් හැමෝම කියනවා ලංකාවෙ ජාතී වාදී පුරස්නයක් නැහැයී කියලා. ඒ කාරනයට මමත් එකගයී. වගේන් හොරා නැතීව, කෙලීන්ම කියනවානම්, අපි දෙමල උදවියට නෙලන්න ගිහිල්ලා අම්බානකට ඉල්ලාගෙන කාලයී ඉන්නේ. ආයේත් අපි පරන අජපල් වැඩ කොරන්න යන එකක් නැහැ.
සමාව අවසර. මේ සාජ්ජය ඕන් ඉතින් අතීතය ගැනනේ. ඒ හින්දයී ඔය පරන කෙරුවාවල් ගැන කතා කොරේ.. අතීතය ගැන කතා කොරාපු පලියට අපි අතීතයේ ජීවත් වෙන්නේ නැහැ.
Mahasona
November 20, 2008
“ජූලී කෝලහාලයට ඉස්සෙල්ලත් අපි දෙමල උන්දෙලාට අඩත්තේඩ්ටම් කොරා.”
Before (and slightly after) Martin Luthar King, African-Americans were discriminated in USA too. But that doesn’t mean if they want a separate land now the government is going to give it. What ever happened, its in the past now. Now it’s time to move on.
Currently what’s happening is Tamils are discriminating against Sinhalees. Can a Sinhala student go and stay in Jaffna and study at Jaffna Uni? (I’m not talking about threat from LTTE, I’m talking about the discrimination from fellow Tamil students. I have proof for this. I have a friend who gave up going to Jaffna uni because of the discrimination from fellow Tamil students)
But today do sinhaleese discriminate against tamils. NO… They can live freely in colombo and carry on their day to day activities. I’ve had so many tamil friends at the office (even the friend that go with me for evening appa and plain tea is tamil)
But even with this it’s sad to say that some tamil don’t know how to co-exist with others. If there is anyone from Colombo Uni, you know how Tamil students have reserved their territory in the Open Canteen (the set of tables at the opposite end of the canteen from the counter) and if you remember back in time (maybe 4-5 years ago) how they threw out a sinhala student who was sitting at that end (coz the TV was there) and watching TV, which ultimately lead to a very heated situation.
Ajith
November 21, 2008
1980 දශකයේදී මේ රට සිංහල දෙමළ වශයෙන් කොටස් දෙකකට බෙදිනි. මේ දෙකොටස අධ්‍යාපනය ලැබුවේ වෙන් වෙන්වය. ඔවුනට උගන්වනු ලැබූයේ ඉතිහාස දෙකකි. මේ නිසා 1983 ට පසු උපන් පරම්පරාව ඉතා අන්තවාදී හා ජාතිවාදී බවට පත්ව ඇත. ඔවුන් දෙමළ ජනතාව දකින්නේ තමන්ගේ රට උදුරා ගැනීමට ආ කොල්ලකරුවන් පිරිසක් හැටියටය. දෙමළ ජනතාවටද මෙ රටේ සාධාරන අයිතියක් ඇති බව පිළිගන්නට මේ පරම්පරාව සූදානම් නැත. සිංහල බ්ලොග් අඩවි වල දිගින් දිගටම වැමෑරෙන්නේ මේ පටු අදහසයි.
@Beyond Frame,
ඔබ ලියන දෙයින් ඔබ වයසින් මුහුකුරා ගිය වැඩිහිටියකැයි සිතමි. යුද්ධයෙන් සියළු ප්රශ්න විසඳිය නොහකි බව මේ බාලයන්ට කියා දෙන්න. ස්තූතියි.
අමල් ඉෂාන්ත
November 21, 2008
@ අජිත්
දෙමළ ජනාතාවට සාධාරණ අයිතියක් ඇත කියන්නේ රටෙන් කෑල්ලක් ඉල්ලන එක නෙවෙයිනේ. ඔයා දෙමළ අයගේ බ්ලොග් එකක් කියවලා බලන්න. තෙරෙයි කොහොමද කියලා. අපි කියන්නේ මේ ත්‍රස්තවාදය තුරන් කර දැමිය යුතුයි කියලා. එහෙම නැතුව දෙමළුන් අතුගා දමන්නය කියා නෙවෙයි. සිංහල හා දෙමළ ජනයා උනුන්ගෙන් සිදුවු වැරදි හදාගෙන ජීවත් වෙන්න පටන් අරන් සෑහෙන කාලයක්. සමාජය තුල ජීවත් වෙලා බලන්න.යුද්ධයෙන් සියළු ප්රශ්න විසඳිය හැකියයි කෙසේවත් නොකියමි.