අප වෙත නිරන්තරයෙන් එල්ල කරන චෝදනාවක් ඇත. ඒ අප ඍණාත්මක බව ය. ධනාත්මක නොවන බව ය. අඩුපාඩු පමණක් දකින බව ය. වැරදි පමණක් පෙනෙන බව ය.
පළමුව කිව යුත්තේ මේ බ්ලොග් අඩවියේ අරමුණම අපට අප ගැන සිනහසීමට අවස්ථාවක් දීම බව ය. ඒ නිසාම අප විසින් අපේ මුග්ධ ක්රියා හෙලිදරව් කළ යුතුව තිබෙන බව ය.
එය කෙනෙකුට ඍණාත්මක යයි අර්ථ දැක්විය හැකි ය.
එහෙත් සැබෑ ලෙස ඍණාත්මක යයි කිව හැක්කේ අප මේ තත්වයෙන් මන්දෝත්සාහී වී සියල්ල අත්හැර දමන්නේ නම් ය.
අපට අපේක්ෂාවක් තිබේ. අපට බලාපොරොත්තුවක් තිබේ. ඒ ඉක්මණින් අප රට අපේ ජාතිය ගොඩ නැගිය හැකි බව ය. අප රටේ ජාතියේ සිදුවන දේ ගැන කණගාටුව පළ කරන්නේත් සිනහවන්නේත් ඒ සඳහා ය. ඒ තාක් දුරට අප ධනාත්මක ය.
අළුත් යමක් නිර්මාණය කළ හැක්කේ පැරණි දේ කඩා ඉවත් කිරීමෙන් ඇතිවන ඉඩ හසර තුළ ය.
පැරණි දේ ගැන අන්ධ භක්තියෙන් ඉන්නා තාක් එය කඩා ඉවත් කළ නොහැකි ය.
යම් විවේචනයක් කරන්නේ නම් එය අප කරන්නේ ඒ වෙනුවෙනි.
අලූත්දේ ඉගෙන ගත හැක්කේ පැරණි ඉගෙනුම් අයින් කර ඉඩ හසර ලබා ගන්නට හැකි අයට ය.
ඒ නිසා විවේචනය හා විචාරය නිර්මාණයේ නිවුන් සොහොයුරන් ලෙස අපි සළකමු.
අපගේ විවේචනයන් වඩාත්ම එල්ල වන්නේ බහුතරයක් විවේචනය නොකරන දේ සම්බන්ධයෙනි. බහුතරයක් නිවැරදි යයි හඳුනාගනු ලබන වැරදි දේ සම්බන්ධයෙනි.
ලංකාවේ බොහෝ හොඳ දේ සිදුවන බවත් ඒවා අප විසින් අගය කළ යුතු බවත් ඇත්ත ය. එහෙත් ඒවා දකින අය බොහෝ ය. ඒවා අගය කරන අය බොහෝ ය. අප අන් අය විසින් කරන කාර්යය නැවත කළ යුතු නොවන නිසා අප ද ඒවාට සම්මාදම් වීමේ තේරුමක් නැත.
කාගේ හෝ අවධානයට ලක් නොවන හොඳ වැඩක් තිබේ නම් අප ඒ දේ උලූල්පා පෙන්වන්නට පසුබට නොමෙමු.
මිගාරගේ කවි ගැනත් ඉන්දිගේ දායකත්වය ගැනත් අප ලීවේ එබැවිනි. කරුමයකට ඇත්තේ දිනපතා සිදුවන අමන වැඩ නිසා හොඳ දේ ගැන ලියන්නට ඉඩක් කාලයක් නොමැති වීම ය.
![Logic%20of%20life[1]](http://farm4.static.flickr.com/3468/3367281600_2e4ff36af1_t.jpg "Logic%20of%20life[1]")
SC Said:
on July 3, 2009 at 4:40 am
Even though I do not totally agree with your thoughts, I really appreciate your efforts and I really consider them as “totally positive” thoughts.
With your this blog, I thought whether you can enhance your efforts further, by “ADDING MORE USERS” in your site, keeping All Administrative Rigts with you. (I found some possibilities here):
http://support.wordpress.com/adding-users/
In this way, in my view, we may be able to read a contrast of ideas in your exercise, of course keeping all the controls with you, as the Administrater.
Wish you a Long Life BF!
(P.S.: It is very strange to see no comments to this blog until passing 6 days)