පොල්තෙල් මෙන් තාල වර්ගයේ ගසකින් නොගත්තත් එය ද තෙල් වර්ගයකි.
පාවිච්චි කරන්නේ පුංචි පහේ මිනිසුන් නොව ලොකු සල්ලි කාරයින් ය.
මෙයින් දුවන රථ ඇත්තේ සියයට හතරක් වුවද මෙය රු 22 කින් අඩු කළ විට යුද්ධය නතර වී සහනාධාර දීමට නොහැකිවී රට ම අසරණ වෙයි.
රට පාලනය කරන බොහෝ දෙනෙකු ගණිතය විශය සමත්ව නැති බව මේ තුළින් හෙලිවීම නිසා ගණිතය ප්රශ්නයෙන් බැටකමින් සිටින අපොස සාපෙ ශිෂ්යයින්ගේ සිත් වල සහනයක් ඇති කිරීමට එය සමත්ව තිබේ.
අධිකරණය කොතරම් දේශද්රෝහී ද යන්න ජනතාවට අවබෝධ කරවීමට මෙය මෑතක දී සමත් වීම නිසා රාවය කර්තෘ තුමාට සතුටක් අත්කර දී තිබේ.
දේශද්රෝහීන් කවුද දේශපේ්රමීන් කවුද යන්න තීරණය කිරීමේ නොවරදින නිර්මාපකයක් එය විසින් ජනතාවට ලබා දී තිබිම නිසා දේශද්රෝහීන්ට විරුද්ධ යුද්ධයට පහසුවක් එය විසින් මහසෝන් බලකායට ලබා දී තිබේ.
කන්න ඕනෑ වූ විට කබරගොයා තලගොයා කරගැනීමට දක්ෂ කවුරුන්දැයි හෙලි කිරීමට එය සමත් ව තිබේ. ආණ්ඩුවට ගහන්නට තර්ක කරුණු කාරණා තිබියදීත් හරිහැටි ගහන්නට නොදැන ලතවෙන විරුද්ධ පාක්ෂිකයින් කවුරුන් දැයි ද එය හෙලි කර තිබේ.
රට පාලනය කරන්නේ කවුරුන්දැයි ජනතාවට නැවත සිතන්නට එය විසින් පොළඹවා තිබේ.
එය විසින් දේශපාලඥයින් බබා ලා කර තිබේ.
ලිපියක් කොළඹ එක් ස්ථානයකින් තව ස්ථානයකට යාමට කොතරම් කාලයක් ගතවේද යන්න පිළිබඳ තොරතුරු එය විසින් හෙලිදරව් කර තිබේ.
අධිකරණය කොතෙක් ශ්රේෂ්ඨ වුවද එය විසින් දෙන තීන්දු ඒ ආකාරයටම පිළිපැදිය යුතු නැති බවත් පෙට්රල් විසින් ජනතාවට කියා දී තිබේ.
මේ සම්බන්ධයෙන් ගත යුතු කි්රයාමාර්ගය අධ්යයනය කර වාර්ථා කරන ලෙස කැබිනට් ඇමතිවරුන්ට උපදෙස් දී ඇති නිසා ඔවුන් ගණිතය ප්රශ්නපත්රයට දෙවැනි වතාවටත් මුහුණ දීමට ඇති සිසුන්ට ද වඩා අමාරුවක වැටි තිබේ.
ආර්ථික විද්යා ටියුෂන් ගුරුවරුන් හා උපදේශකයින්ට පමණක් නොව නක්ෂත්රකරුවන්ට පවා තෙල් ප්රශ්නය සම්බන්ධයෙන් කුමක් කළ යුතු දැයි අසමින් තමන් සොයා එන කැබිනට් ඇමතිවරුන්ට මුහුණ දීමට සිදුව තිබේ. බන්දුල ගුණවර්ධන මහතා සැගවී ඇතැයි වාර්ථාවෙන අතර නිව්රාඞ් කබ්රාල් මහතා සොයා දෙන්නෙකුට තුටු පඩුරු පිරිනැමීමට පවා ඇමති වරු ඉදිරිපත් ව සිටිති.
මුදල් අමාත්යංශයේ නව ලේකම් තුමා කේන්දරේ බලවා ගැනීමට සුදුස්සෙකු සොයා රට පෙරලන බවට ද ආරංචි පැතිර යයි. මෙයට හේතුව ඇත්තේ කේන්දරේට අනුව හිරේ විලංගුවේ වැටීමට ඉඩක් ඇතැයි කියමින් යන්ත්රරාජයෙක් පැළඳවීමට රු කෝටියක් නක්ෂත්රකරුවෙකු විසින් දැනටමත් ඉල්ලා තිබීම ය.
ෂෙඞ් කාරයින් සතුව ඇති බලය කුමක් ද යන්න එයින් ඔප්පු කර තිබේ. එසේ වුවද අයි ඕ සී යනු ඉතා බියගුලූ ආයතනයක් බව ද ඉන්දියානු ව්යාප්තවාදය ඔය විමල්ලා කියන තරම් ශක්තිමත් බිල්ලකු නොවන බවද පෙට්රල් අපට කියා දී ඇත.
මේ රටේ මහ ජනතාව කොතරම් ලනු කෑමට දක්ෂ ද යන වග හා කොතරම් කීකරු අහිංසක පුරවැසියන් කොටසක් ද යන වග මුලූ ලොවටම හා විශේෂයෙන් රටේ පාලකයින්ට කියා දී තිබේ. තවත් ගොඩක් බදු ගැසීමට ආණ්ඩුවට පුලූවන් බව ඒ මගින් මුදල් අමාත්යංශයට පෙන්වා දී තිබේ.
රනිල්ට හා කොටින්ට දිගින් දිගටම පහර දීමෙන් විඩාපත්ව සිටි රජයේ මාධ්යයන්ට බැට දීමට අලූන් මුවහමක් ලැබී තිබේ. ඔවුහු නව උද්යෝගයකින් මේ දිනවල පහර දීමේ යෙදී සිටිති.
මීට අමතරව වඩා ශක්තිමත් අධිකරණය ද විධායකය ද යන්න අපට පෙන්වා දීමට ද හෙට අනිද්දා එයට හැකිවනු ඇත.
පොල් ගස වෙනුවට පෙට්රල් ගැන රචනාවක් ලියන්නට අවසර දෙන්නේ නම් තාලවර්ගයට අයත් නොවූව ද ඇට්ටි හැලෙන්නට දෙන්න පුලූවන් යයි කොල්ලන් පමණක් නොව කෙල්ලන් පවා කියන්නට පටන් ගෙන ඇත.
![Logic%20of%20life[1]](http://farm4.static.flickr.com/3468/3367281600_2e4ff36af1_t.jpg "Logic%20of%20life[1]")
